Read in తెలుగు / ಕನ್ನಡ / தமிழ் / देवनागरी / English (IAST)
ಪೂರ್ವಾಙ್ಗಂ ಪಶ್ಯತು ॥
ಹರಿದ್ರಾ ಗಣಪತಿ ಪೂಜಾ ಪಶ್ಯತು ॥
ಪುನಃ ಸಙ್ಕಲ್ಪಮ್ –
ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭ ತಿಥೌ ಶ್ರೀ ವೇಙ್ಕಟೇಶ್ವರ ಸ್ವಾಮಿನಃ ಅನುಗ್ರಹಪ್ರಸಾದ ಸಿದ್ಧ್ಯರ್ಥಂ ಶ್ರೀ ವೇಙ್ಕಟೇಶ್ವರ ಸ್ವಾಮಿನಃ ಪ್ರೀತ್ಯರ್ಥಂ ಪುರುಷ ಸೂಕ್ತ ವಿಧಾನೇನ ಧ್ಯಾನ ಆವಾಹನಾದಿ ಷೋಡಶೋಪಚಾರ ಪೂಜಾಂ ಕರಿಷ್ಯೇ ॥
ಪ್ರಾಣಪ್ರತಿಷ್ಠಾ –
ಓಂ ಅಸು॑ನೀತೇ॒ ಪುನ॑ರ॒ಸ್ಮಾಸು॒ ಚಕ್ಷು॒:
ಪುನ॑: ಪ್ರಾ॒ಣಮಿ॒ಹ ನೋ᳚ ಧೇಹಿ॒ ಭೋಗ᳚ಮ್ ।
ಜ್ಯೋಕ್ಪ॑ಶ್ಯೇಮ॒ ಸೂರ್ಯ॑ಮು॒ಚ್ಚರ᳚ನ್ತ॒
ಮನು॑ಮತೇ ಮೃ॒ಡಯಾ᳚ ನಃ ಸ್ವ॒ಸ್ತಿ ॥
ಅ॒ಮೃತಂ॒ ವೈ ಪ್ರಾ॒ಣಾ ಅ॒ಮೃತ॒ಮಾಪ॑:
ಪ್ರಾ॒ಣಾನೇ॒ವ ಯ॑ಥಾಸ್ಥಾ॒ನಮುಪ॑ಹ್ವಯತೇ ॥
ಶ್ರೀ ವೇಙ್ಕಟೇಶ್ವರ ಸ್ವಾಮಿನೇ ನಮಃ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।
ಸ್ಥಿರೋಭವ ವರದೋಭವ ಸುಪ್ರಸನ್ನೋ ಭವ ಸ್ಥಿರಾಸನಂ ಕುರು ಪ್ರಸೀದ ಪ್ರಸೀದ ।
ಧ್ಯಾನಮ್ –
ಶಾನ್ತಾಕಾರಂ ಭುಜಗಶಯನಂ ಪದ್ಮನಾಭಂ ಸುರೇಶಂ
ವಿಶ್ವಾಕಾರಂ ಗಗನಸದೃಶಂ ಮೇಘವರ್ಣಂ ಶುಭಾಙ್ಗಮ್ ।
ಲಕ್ಷ್ಮೀಕಾನ್ತಂ ಕಮಲನಯನಂ ಯೋಗಿಹೃದ್ಧ್ಯಾನಗಮ್ಯಂ
ವನ್ದೇ ವಿಷ್ಣುಂ ಭವಭಯಹರಂ ಸರ್ವಲೋಕೈಕನಾಥಮ್ ॥
ಹೈಮೋರ್ಧ್ವಪುಣ್ಡ್ರ ಮಜಹನ್ಮಕುಟಂ ಸುನಾಸಂ
ಮನ್ದಸ್ಮಿತಂ ಮಕರಕುಣ್ಡಲ ಚಾರುಗಣ್ಡಮ್ ।
ಬಿಮ್ಬಾಧರಂ ಬಹುಲ ದೀರ್ಘ ಕೃಪಾಕಟಾಕ್ಷಂ
ಶ್ರೀವೇಙ್ಕಟೇಶ ಮುಖಮಾತ್ಮನಿ ಸನ್ನಿಧತ್ತಾಮ್ ॥
ಶ್ರೀವೇಙ್ಕಟಾಚಲಾಧೀಶಂ ಶ್ರಿಯಾಧ್ಯಾಸಿತ ವಕ್ಷಸಮ್ ।
ಶ್ರಿತಚೇತನಮನ್ದಾರಂ ಶ್ರೀನಿವಾಸಮಹಂ ಭಜೇ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಧ್ಯಾಯಾಮಿ ॥
ಆವಾಹನಮ್ –
ಸ॒ಹಸ್ರ॑ಶೀರ್ಷಾ॒ ಪುರು॑ಷಃ ।
ಸ॒ಹ॒ಸ್ರಾ॒ಕ್ಷಃ ಸ॒ಹಸ್ರ॑ಪಾತ್ ।
ಸ ಭೂಮಿಂ॑ ವಿ॒ಶ್ವತೋ॑ ವೃ॒ತ್ವಾ ।
ಅತ್ಯ॑ತಿಷ್ಠದ್ದಶಾಙ್ಗು॒ಲಮ್ ।
ಆವಾಹಯಾಮಿ ಸರ್ವೇಶ ಶ್ರೀನಿವಾಸ ರಮಾಪತೇ ।
ಕೃಪಯಾ ದೇಹಿ ಸಾನ್ನಿಧ್ಯಂ ಶರಣಗತವತ್ಸಲ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಆವಾಹಯಾಮಿ ॥
ಆಸನಮ್ –
ಪುರು॑ಷ ಏ॒ವೇದಗ್ಂ ಸರ್ವಮ್᳚ ।
ಯದ್ಭೂ॒ತಂ ಯಚ್ಚ॒ ಭವ್ಯಮ್᳚ ।
ಉ॒ತಾಮೃ॑ತ॒ತ್ವಸ್ಯೇಶಾ॑ನಃ ।
ಯ॒ದನ್ನೇ॑ನಾತಿ॒ರೋಹ॑ತಿ ।
ದೇವ ದೇವ ಜಗನ್ನಾಥ ಪ್ರಣತಕ್ಲೇಶನಾಶಕ ।
ರತ್ನಸಿಂಹಾಸನಂ ದಿವ್ಯಂ ಗೃಹಾಣ ಮಧುಸೂದನ ॥
ಓಂ ಶ್ರೀ ಪದ್ಮಾವತೀ ಸಮೇತ ಶ್ರೀ ವೇಙ್ಕಟೇಶ್ವರ ಸ್ವಾಮಿನೇ ನಮಃ ಆಸನಂ ಸಮರ್ಪಯಾಮಿ ॥
ಪಾದ್ಯಮ್ –
ಏ॒ತಾವಾ॑ನಸ್ಯ ಮಹಿ॒ಮಾ ।
ಅತೋ॒ ಜ್ಯಾಯಾಗ್॑ಶ್ಚ॒ ಪೂರು॑ಷಃ ।
ಪಾದೋ᳚ಽಸ್ಯ॒ ವಿಶ್ವಾ॑ ಭೂ॒ತಾನಿ॑ ।
ತ್ರಿ॒ಪಾದ॑ಸ್ಯಾ॒ಮೃತಂ॑ ದಿ॒ವಿ ।
ವಾಞ್ಛಿತಂ ಕುರು ಮೇ ದೇವ ದುಷ್ಕೃತಂ ಚ ವಿನಾಶಯ ।
ಪಾದ್ಯಂ ಗೃಹಾಣ ಭಗವಾನ್ ಮಾತುರುತ್ಸಙ್ಗ ಸಂಸ್ಥಿತ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಪಾದಯೋಃ ಪಾದ್ಯಂ ಸಮರ್ಪಯಾಮಿ ।
ಅರ್ಘ್ಯಮ್ –
ತ್ರಿ॒ಪಾದೂ॒ರ್ಧ್ವ ಉದೈ॒ತ್ಪುರು॑ಷಃ ।
ಪಾದೋ᳚ಽಸ್ಯೇ॒ಹಾಽಽಭ॑ವಾ॒ತ್ಪುನ॑: ।
ತತೋ॒ ವಿಷ್ವ॒ಙ್ವ್ಯ॑ಕ್ರಾಮತ್ ।
ಸಾ॒ಶ॒ನಾ॒ನ॒ಶ॒ನೇ ಅ॒ಭಿ ।
ಕುರುಷ್ವ ಮೇ ದಯಾಂ ದೇವ ಸಂಸಾರಾರ್ತಿಭಯಾಪಹ ।
ಕುಸುಮಾಕ್ಷತ ಸಮ್ಯುಕ್ತಂ ಗೃಹಾಣಾರ್ಘ್ಯಂ ನಮೋಽಸ್ತು ತೇ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ ॥
ಆಚಮನೀಯಮ್ –
ತಸ್ಮಾ᳚ದ್ವಿ॒ರಾಡ॑ಜಾಯತ ।
ವಿ॒ರಾಜೋ॒ ಅಧಿ॒ ಪೂರು॑ಷಃ ।
ಸ ಜಾ॒ತೋ ಅತ್ಯ॑ರಿಚ್ಯತ ।
ಪ॒ಶ್ಚಾದ್ಭೂಮಿ॒ಮಥೋ॑ ಪು॒ರಃ ।
ನಮಃ ಸತ್ಯಾಯ ಶುದ್ಧಾಯ ನಿತ್ಯಾಯ ಜ್ಞಾನರೂಪಿಣೇ ।
ಗೃಹಾಣಾಚಮನಂ ದೇವ ಸರ್ವಲೋಕೈಕನಾಯಕ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಮುಖೇ ಆಚಮನೀಯಂ ಸಮರ್ಪಯಾಮಿ ॥
ಪಞ್ಚಾಮೃತಸ್ನಾನಮ್ –
ದಧಿ ಕ್ಷೀರಾಜ್ಯ ಮಧುಭಿಃ ಶರ್ಕರಾ ಫಲಮಿಶ್ರಿತಮ್ ।
ಪಞ್ಚಾಮೃತಸ್ನಾನಮಿದಂ ಗೃಹಾಣ ಪುರುಷೋತ್ತಮ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಪಞ್ಚಾಮೃತ ಸ್ನಾನಂ ಸಮರ್ಪಯಾಮಿ ॥
ಶುದ್ಧೋದಕಸ್ನಾನಮ್ –
ಯತ್ಪುರು॑ಷೇಣ ಹ॒ವಿಷಾ᳚ ।
ದೇ॒ವಾ ಯ॒ಜ್ಞಮತ॑ನ್ವತ ।
ವ॒ಸ॒ನ್ತೋ ಅ॑ಸ್ಯಾಸೀ॒ದಾಜ್ಯಮ್᳚ ।
ಗ್ರೀ॒ಷ್ಮ ಇ॒ಧ್ಮಶ್ಶ॒ರದ್ಧ॒ವಿಃ ।
ಗಙ್ಗಾದಿ ಸರ್ವತೀರ್ಥೇಭ್ಯಃ ಸಮಾಹೃತಮಿದಂ ಜಲಮ್ ।
ಸ್ನಾನಂ ಸ್ವೀಕುರು ದೇವೇಶ ಭಕ್ತಚಿತ್ತಸ್ಥಿರಾಸನ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಶುದ್ಧೋದಕ ಸ್ನಾನಂ ಸಮರ್ಪಯಾಮಿ ॥
ವಸ್ತ್ರಮ್ –
ಸ॒ಪ್ತಾಸ್ಯಾ॑ಸನ್ಪರಿ॒ಧಯ॑: ।
ತ್ರಿಃ ಸ॒ಪ್ತ ಸ॒ಮಿಧ॑: ಕೃ॒ತಾಃ ।
ದೇ॒ವಾ ಯದ್ಯ॒ಜ್ಞಂ ತ॑ನ್ವಾ॒ನಾಃ ।
ಅಬ॑ಧ್ನ॒ನ್ಪುರು॑ಷಂ ಪ॒ಶುಮ್ ।
ತಪ್ತಕಾಞ್ಚನ ಸಙ್ಕಾಶಂ ಪೀತಾಮ್ಬರಮಿದಂ ಹರೇ ।
ಗೃಹಾಣ ಶ್ರೀಜಗನ್ನಾಥ ಶ್ರೀನಿವಾಸ ನಮೋಽಸ್ತು ತೇ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ವಸ್ತ್ರಯುಗ್ಮಂ ಸಮರ್ಪಯಾಮಿ ॥
ಯಜ್ಞೋಪವೀತಮ್ –
ತಂ ಯ॒ಜ್ಞಂ ಬ॒ರ್ಹಿಷಿ॒ ಪ್ರೌಕ್ಷನ್॑ ।
ಪುರು॑ಷಂ ಜಾ॒ತಮ॑ಗ್ರ॒ತಃ ।
ತೇನ॑ ದೇ॒ವಾ ಅಯ॑ಜನ್ತ ।
ಸಾ॒ಧ್ಯಾ ಋಷ॑ಯಶ್ಚ॒ ಯೇ ।
ವೇಙ್ಕಟೇಶ ಮಹಾದೇವ ಶ್ರಿಯಃ ಕಾನ್ತ ಜಗದ್ವಿಭೋ ।
ಬ್ರಹ್ಮಸೂತ್ರೋತ್ತರೀಯೇ ತು ಗೃಹಾಣ ಕರುಣಾಪರ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಯಜ್ಞೋಪವೀತಂ ಸಮರ್ಪಯಾಮಿ ॥
ಗನ್ಧಮ್ –
ತಸ್ಮಾ᳚ದ್ಯ॒ಜ್ಞಾತ್ಸ॑ರ್ವ॒ಹುತ॑: ।
ಸಮ್ಭೃ॑ತಂ ಪೃಷದಾ॒ಜ್ಯಮ್ ।
ಪ॒ಶೂಗ್ಸ್ತಾಗ್ಶ್ಚ॑ಕ್ರೇ ವಾಯ॒ವ್ಯಾನ್॑ ।
ಆ॒ರ॒ಣ್ಯಾನ್ಗ್ರಾ॒ಮ್ಯಾಶ್ಚ॒ ಯೇ ।
ಚನ್ದನಾಗರು ಕಸ್ತೂರೀ ಘನಸಾರಸಮನ್ವಿತಮ್ ।
ಗನ್ಧಂ ಗೃಹಾಣ ಗೋವಿನ್ದ ಪರಮಾಮೋದಪೂರಿತಮ್ ॥
ಓಂ ಶ್ರೀ ಪದ್ಮಾವತೀ ಸಮೇತ ಶ್ರೀ ವೇಙ್ಕಟೇಶ್ವರ ಸ್ವಾಮಿನೇ ನಮಃ ದಿವ್ಯ ಪರಿಮಲ ಗನ್ಧಾನ್ ಸಮರ್ಪಯಾಮಿ ॥
ಆಭರಣಮ್ –
ತಸ್ಮಾ᳚ದ್ಯ॒ಜ್ಞಾತ್ಸ॑ರ್ವ॒ಹುತ॑: ।
ಋಚ॒: ಸಾಮಾ॑ನಿ ಜಜ್ಞಿರೇ ।
ಛನ್ದಾಗ್ಂ॑ಸಿ ಜಜ್ಞಿರೇ॒ ತಸ್ಮಾ᳚ತ್ ।
ಯಜು॒ಸ್ತಸ್ಮಾ॑ದಜಾಯತ ।
ಕೇಯೂರ ಕಟಕೇ ಚೈವ ಹಸ್ತೇ ಚಿತ್ರಾಙ್ಗುಲೀಯಕಂ
ಮಾಣಿಕ್ಯೋಲ್ಲಾಸಿ ಮಕುಟಂ ಕುಣ್ಡಲೇ ಹಾರಶೋಭಿತಮ್ ।
ನಾಭೌ ನಾಯಕ ರತ್ನಂ ಚ ನೂಪುರೇ ಹಾರಪದ್ಮಯೋಃ
ಅಙ್ಗುಲೀ ಮುದ್ರಿಕಾಶ್ಚೈವ ಗೃಹ್ಯತಾಂ ಅಸ್ಮದರ್ಪಿತಾಃ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಆಭರಣಾನಿ ಸಮರ್ಪಯಾಮಿ ॥
ಅಕ್ಷತಾನ್ –
ಗೋವಿನ್ದ ಪರಮಾನನ್ದ ಹರಿದ್ರಾ ಸಹಿತಾಕ್ಷತಾನ್ ।
ವಿಶ್ವೇಶ್ವರ ವಿಶಾಲಾಕ್ಷ ಗೃಹಾಣ ಪರಮೇಶ್ವರ ॥
ಓಂ ಶ್ರೀ ಪದ್ಮಾವತೀ ಸಮೇತ ಶ್ರೀ ವೇಙ್ಕಟೇಶ್ವರ ಸ್ವಾಮಿನೇ ನಮಃ ಅಕ್ಷತಾನ್ ಸಮರ್ಪಯಾಮಿ ॥
ಪುಷ್ಪಮ್ –
ತಸ್ಮಾ॒ದಶ್ವಾ॑ ಅಜಾಯನ್ತ ।
ಯೇ ಕೇ ಚೋ॑ಭ॒ಯಾದ॑ತಃ ।
ಗಾವೋ॑ ಹ ಜಜ್ಞಿರೇ॒ ತಸ್ಮಾ᳚ತ್ ।
ತಸ್ಮಾ᳚ಜ್ಜಾ॒ತಾ ಅ॑ಜಾ॒ವಯ॑: ।
ಸುಗನ್ಧೀನಿ ಸುಪುಷ್ಪಾಣಿ ಜಾಜೀಕುನ್ದಮುಖಾನಿ ಚ ।
ಮಾಲತೀ ವಕುಲಾದೀನಿ ಪೂಜಾರ್ಥಂ ಪ್ರತಿಗೃಹ್ಯತಾಮ್ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಪುಷ್ಪಂ ಸಮರ್ಪಯಾಮಿ ॥
ಅಥಾಙ್ಗ ಪೂಜಾ –
ಓಂ ಶ್ರೀವೇಙ್ಕಟೇಶ್ವರಾಯ ನಮಃ – ಪಾದೌ ಪೂಜಯಾಮಿ ।
ಓಂ ಶ್ರೀವೇಙ್ಕಟಾಚಲಾಧೀಶಾಯ ನಮಃ – ಗುಲ್ಫೌ ಪೂಜಯಾಮಿ ।
ಓಂ ಶ್ರೀಪ್ರದಾಯಕಾಯ ನಮಃ – ಜಙ್ಘೇ ಪೂಜಯಾಮಿ ।
ಓಂ ಪದ್ಮಾವತೀಪತಯೇ ನಮಃ – ಜಾನುನೀ ಪೂಜಯಾಮಿ ।
ಓಂ ಜ್ಞಾನಪ್ರದಾಯ ನಮಃ – ಊರುಂ ಪೂಜಯಾಮಿ ।
ಓಂ ಶ್ರೀನಿವಾಸಾಯ ನಮಃ – ಕಟಿಂ ಪೂಜಯಾಮಿ ।
ಓಂ ಮಹಾಭಾಗಾಯ ನಮಃ – ನಾಭಿಂ ಪೂಜಯಾಮಿ ।
ಓಂ ನಿರ್ಮಲಾಯ ನಮಃ – ಉದರಂ ಪೂಜಯಾಮಿ ।
ಓಂ ವಿಶಾಲಹೃದಯಾಯ ನಮಃ – ಹೃದಯಂ ಪೂಜಯಾಮಿ ।
ಓಂ ಪರಿಶುದ್ಧಾತ್ಮನೇ ನಮಃ – ಸ್ತನೌ ಪೂಜಯಾಮಿ ।
ಓಂ ಪುರುಷೋತ್ತಮಾಯ ನಮಃ – ಭುಜೌ ಪೂಜಯಾಮಿ ।
ಓಂ ಸ್ವರ್ಣಹಸ್ತಾಯ ನಮಃ – ಹಸ್ತೌ ಪೂಜಯಾಮಿ ।
ಓಂ ವರಪ್ರದಾಯ ನಮಃ – ಕಣ್ಠಂ ಪೂಜಯಾಮಿ ।
ಓಂ ಲೋಕನಾಥಾಯ ನಮಃ – ಸ್ಕನ್ಧೌ ಪೂಜಯಾಮಿ ।
ಓಂ ಸರ್ವೇಶ್ವರಾಯ ನಮಃ – ಮುಖಂ ಪೂಜಯಾಮಿ ।
ಓಂ ರಸಜ್ಞಾಯ ನಮಃ – ನಾಸಿಕಾಂ ಪೂಜಯಾಮಿ ।
ಓಂ ಪುಣ್ಯಶ್ರವಣಕೀರ್ತನಾಯ ನಮಃ – ಶ್ರೋತ್ರೇ ಪೂಜಯಾಮಿ ।
ಓಂ ಫುಲ್ಲಾಮ್ಬುಜವಿಲೋಚನಾಯ ನಮಃ – ನೇತ್ರೇ ಪೂಜಯಾಮಿ ।
ಓಂ ವರ್ಚಸ್ವಿನೇ ನಮಃ – ಲಲಾಟಂ ಪೂಜಯಾಮಿ ।
ಓಂ ಸಹಸ್ರಶೀರ್ಷಾಯ ನಮಃ – ಶಿರಃ ಪೂಜಯಾಮಿ ।
ಓಂ ರಮ್ಯ ವಿಗ್ರಹಾಯ ನಮಃ – ಸರ್ವಾಣ್ಯಙ್ಗಾನಿ ಪೂಜಯಾಮಿ ।
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ದಿವ್ಯಸುನ್ದರ ವಿಗ್ರಹಂ ಪೂಜಯಾಮಿ ॥
ಅಥ ಅಷ್ಟೋತ್ತರಶತನಾಮ ಪೂಜಾ –
ಶ್ರೀ ವೇಙ್ಕಟೇಶ್ವರ ಅಷ್ಟೋತ್ತರಶತನಾಮಾವಲೀ ಪಶ್ಯತು ॥
ಶ್ರೀ ಪದ್ಮಾವತೀ ಅಷ್ಟೋತ್ತರಶತನಾಮಾವಲಿ ಪಶ್ಯತು ॥
ಧೂಪಮ್ –
ಯತ್ಪುರು॑ಷಂ॒ ವ್ಯ॑ದಧುಃ ।
ಕ॒ತಿ॒ಧಾ ವ್ಯ॑ಕಲ್ಪಯನ್ ।
ಮುಖಂ॒ ಕಿಮ॑ಸ್ಯ॒ ಕೌ ಬಾ॒ಹೂ ।
ಕಾವೂ॒ರೂ ಪಾದಾ॑ವುಚ್ಯೇತೇ ।
ದಶಾಙ್ಗಂ ಗುಗ್ಗುಲೋಪೇತಂ ಗೋಘೃತೇನ ಸಮನ್ವಿತಮ್ ।
ಧೂಪಂ ಗೃಹಾಣ ದೇವೇಶ ಸರ್ವಲೋಕನಮಸ್ಕೃತ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಧೂಪಂ ಆಘ್ರಾಪಯಾಮಿ ॥
ದೀಪಮ್ –
ಬ್ರಾ॒ಹ್ಮ॒ಣೋ᳚ಽಸ್ಯ॒ ಮುಖ॑ಮಾಸೀತ್ ।
ಬಾ॒ಹೂ ರಾ॑ಜ॒ನ್ಯ॑: ಕೃ॒ತಃ ।
ಊ॒ರೂ ತದ॑ಸ್ಯ॒ ಯದ್ವೈಶ್ಯ॑: ।
ಪ॒ದ್ಭ್ಯಾಗ್ಂ ಶೂ॒ದ್ರೋ ಅ॑ಜಾಯತ ।
ತ್ರಿಲೋಕೇಶ ಮಹಾದೇವ ಸರ್ವಜ್ಞಾನಪ್ರದಾಯಕ ।
ದೀಪಂ ದಾಸ್ಯಾಮಿ ದೇವೇಶ ರಕ್ಷ ಮಾಂ ಭಕ್ತವತ್ಸಲ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ದೀಪಂ ದರ್ಶಯಾಮಿ ॥
ಧೂಪದೀಪಾನನ್ತರಂ ಶುದ್ಧಾಚಮನೀಯಂ ಸಮರ್ಪಯಾಮಿ ।
ನೈವೇದ್ಯಮ್ –
ಚ॒ನ್ದ್ರಮಾ॒ ಮನ॑ಸೋ ಜಾ॒ತಃ ।
ಚಕ್ಷೋ॒: ಸೂರ್ಯೋ॑ ಅಜಾಯತ ।
ಮುಖಾ॒ದಿನ್ದ್ರ॑ಶ್ಚಾ॒ಗ್ನಿಶ್ಚ॑ ।
ಪ್ರಾ॒ಣಾದ್ವಾ॒ಯುರ॑ಜಾಯತ ।
ಸರ್ವಭಕ್ಷೈಶ್ಚ ಭೋಜ್ಯೈಶ್ಚ ರಸೈಃ ಷಡ್ಭಿಃ ಸಮನ್ವಿತಮ್ ।
ನೈವೇದ್ಯಂ ತು ಮಯಾನೀತಂ ಗೃಹಾಣ ಪುರುಷೋತ್ತಮ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ನೈವೇದ್ಯಂ ಸಮರ್ಪಯಾಮಿ ॥
ಓಂ ಭೂರ್ಭುವ॒ಸ್ಸುವ॑: । ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ ।
ಧಿಯೋ॒ ಯೋ ನ॑: ಪ್ರಚೋ॒ದಯಾ᳚ತ್ ॥
ಸತ್ಯಂ ತ್ವಾ ಋತೇನ ಪರಿಷಿಞ್ಚಾಮಿ ।
(ಸಾಯಙ್ಕಾಲೇ – ಋತಂ ತ್ವಾ ಸತ್ಯೇನ ಪರಿಷಿಞ್ಚಾಮಿ)
ಅಮೃತಮಸ್ತು । ಅ॒ಮೃ॒ತೋ॒ಪ॒ಸ್ತರ॑ಣಮಸಿ ।
ಓಂ ಪ್ರಾ॒ಣಾಯ॒ ಸ್ವಾಹಾ᳚ । ಓಂ ಅ॒ಪಾ॒ನಾಯ॒ ಸ್ವಾಹಾ᳚ ।
ಓಂ ವ್ಯಾ॒ನಾಯ॒ ಸ್ವಾಹಾ᳚ । ಓಂ ಉ॒ದಾ॒ನಾಯ॒ ಸ್ವಾಹಾ᳚ ।
ಓಂ ಸ॒ಮಾ॒ನಾಯ॒ ಸ್ವಾಹಾ᳚ ।
ಮಧ್ಯೇ ಮಧ್ಯೇ ಪಾನೀಯಂ ಸಮರ್ಪಯಾಮಿ ।
ಅ॒ಮೃ॒ತಾ॒ಪಿ॒ಧಾ॒ನಮ॑ಸಿ । ಉತ್ತರಾಪೋಶನಂ ಸಮರ್ಪಯಾಮಿ ।
ಹಸ್ತೌ ಪ್ರಕ್ಷಾಲಯಾಮಿ । ಪಾದೌ ಪ್ರಕ್ಷಾಲಯಾಮಿ ।
ಶುದ್ಧಾಚಮನೀಯಂ ಸಮರ್ಪಯಾಮಿ ।
ತಾಮ್ಬೂಲಮ್ –
ನಾಭ್ಯಾ॑ ಆಸೀದ॒ನ್ತರಿ॑ಕ್ಷಮ್ ।
ಶೀ॒ರ್ಷ್ಣೋ ದ್ಯೌಃ ಸಮ॑ವರ್ತತ ।
ಪ॒ದ್ಭ್ಯಾಂ ಭೂಮಿ॒ರ್ದಿಶ॒: ಶ್ರೋತ್ರಾ᳚ತ್ ।
ತಥಾ॑ ಲೋ॒ಕಾಗ್ಂ ಅ॑ಕಲ್ಪಯನ್ ।
ಪೂಗೀಫಲೈಃ ಸಕರ್ಪೂರೈರ್ನಾಗವಲ್ಲೀ ದಲೈರ್ಯುತಮ್ ।
ಮುಕ್ತಾಚೂರ್ಣ ಸಮಾಯುಕ್ತಂ ತಾಮ್ಬೂಲಂ ಪ್ರತಿಗೃಹ್ಯತಾಮ್ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ತಾಮ್ಬೂಲಂ ಸಮರ್ಪಯಾಮಿ ॥
ನೀರಾಜನಮ್ –
ವೇದಾ॒ಹಮೇ॒ತಂ ಪುರು॑ಷಂ ಮ॒ಹಾನ್ತಮ್᳚ ।
ಆ॒ದಿ॒ತ್ಯವ॑ರ್ಣಂ॒ ತಮ॑ಸ॒ಸ್ತು ಪಾ॒ರೇ ।
ಸರ್ವಾ॑ಣಿ ರೂ॒ಪಾಣಿ॑ ವಿ॒ಚಿತ್ಯ॒ ಧೀರ॑: ।
ನಾಮಾ॑ನಿ ಕೃ॒ತ್ವಾಽಭಿ॒ವದ॒ನ್॒ ಯದಾಸ್ತೇ᳚ ।
ಶ್ರಿಯಃ ಕಾನ್ತಾಯ ಕಲ್ಯಾಣ ನಿಧಯೇ ನಿಧಯೇರ್ಥಿನಾಮ್ ।
ಶ್ರೀವೇಙ್ಕಟನಿವಾಸಾಯ ಶ್ರೀನಿವಾಸಾಯ ಮಙ್ಗಲಮ್ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ನೀರಾಜನಂ ದರ್ಶಯಾಮಿ ॥
ನೀರಾಜನಾನನ್ತರಂ ಶುದ್ಧಾಚಮನೀಯಂ ಸಮರ್ಪಯಾಮಿ ।
ಮನ್ತ್ರಪುಷ್ಪಮ್ –
(ವಿಶೇಷ ಮನ್ತ್ರಪುಷ್ಪಂ ಪಶ್ಯತು ॥ )
ಧಾ॒ತಾ ಪು॒ರಸ್ತಾ॒ದ್ಯಮು॑ದಾಜ॒ಹಾರ॑ ।
ಶ॒ಕ್ರಃ ಪ್ರವಿ॒ದ್ವಾನ್ಪ್ರ॒ದಿಶ॒ಶ್ಚತ॑ಸ್ರಃ ।
ತಮೇ॒ವಂ ವಿ॒ದ್ವಾನ॒ಮೃತ॑ ಇ॒ಹ ಭ॑ವತಿ ।
ನಾನ್ಯಃ ಪನ್ಥಾ॒ ಅಯ॑ನಾಯ ವಿದ್ಯತೇ ।
ನಾನಾಸುಗನ್ಧಪುಷ್ಪಾಣಿ ಯಥಾ ಕಾಲೋದ್ಭವಾನಿ ಚ ।
ಪುಷ್ಪಾಞ್ಜಲಿಂ ಮಯಾ ದತ್ತಂ ಗೃಹಾಣ ವೇಙ್ಕಟೇಶ್ವರ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಸುವರ್ಣ ದಿವ್ಯ ಮನ್ತ್ರಪುಷ್ಪಂ ಸಮರ್ಪಯಾಮಿ ॥
ಪ್ರದಕ್ಷಿಣ ನಮಸ್ಕಾರಾಃ –
ಯಾನಿ ಕಾನಿ ಚ ಪಾಪಾನಿ ಜನ್ಮಾನ್ತರಕೃತಾನಿ ಚ ।
ತಾನಿ ತಾನಿ ಪ್ರಣಶ್ಯನ್ತಿ ಪ್ರದಕ್ಷಿಣ ಪದೇ ಪದೇ ॥
ಪಾಪೋಽಹಂ ಪಾಪಕರ್ಮಾಽಹಂ ಪಾಪಾತ್ಮಾ ಪಾಪಸಮ್ಭವಃ ।
ತ್ರಾಹಿ ಮಾಂ ಕೃಪಯಾ ದೇವ ಶರಣಾಗತವತ್ಸಲ ॥
ಅನ್ಯಥಾ ಶರಣಂ ನಾಸ್ತಿ ತ್ವಮೇವ ಶರಣಂ ಮಮ ।
ತಸ್ಮಾತ್ಕಾರುಣ್ಯ ಭಾವೇನ ರಕ್ಷ ರಕ್ಷ ಜನಾರ್ದನ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಆತ್ಮಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ॥
ಉಪಚಾರ ಪೂಜಾ –
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ।
ಛತ್ರಮಾಚ್ಛಾದಯಾಮಿ । ಚಾಮರೈರ್ವೀಜಯಾಮಿ ।
ನೃತ್ಯಂ ದರ್ಶಯಾಮಿ । ಗೀತಂ ಶ್ರಾವಯಾಮಿ ।
ವಾದ್ಯಂ ಘೋಷಯಾಮಿ । ಆನ್ದೋಲಿಕಾನಾರೋಹಯಾಮಿ ।
ಅಶ್ವಾನಾರೋಹಯಾಮಿ । ಗಜಾನಾರೋಹಯಾಮಿ ।
ಸಮಸ್ತ ರಾಜೋಪಚಾರ ದೇವೋಪಚಾರ ಭಕ್ತ್ಯುಪಚಾರ ಶಕ್ತ್ಯುಪಚಾರ ಮನ್ತ್ರೋಪಚಾರ ಪೂಜಾಃ ಸಮರ್ಪಯಾಮಿ ॥
ಪ್ರಾರ್ಥನಾ –
ಓಂ ನಮೋ ದೇವದೇವಾಯ ಪೂರ್ವದೇವಾಯ ಖಡ್ಗಿನೇ ।
ಶ್ರೀವತ್ಸಾಙ್ಕಾಯ ಚ ನಮಃ ಪರಸ್ಮೈ ಪರಮಾತ್ಮನೇ ॥
ನಮಃ ಪರಸ್ಮೈ ವ್ಯೂಹೋಪವ್ಯೂಹಾನ್ತರ ವಿಭೂತಯೇ ।
ವಿಭವಾಯ ನಮಸ್ತಸ್ಮೈ ವಿಶ್ವಾನ್ತರ್ಯಾಮಿಣೇಽಣವೇ ॥
ಅರ್ಚಾವತಾರಾಯ ನಮೋಽಜನ್ಮನೇ ಜನ್ಮಭಾಜಿನೇ ।
ಮಾಯಾವಿನೇ ಜಗತ್ ಸ್ರಷ್ಟ್ರೇ ಲಕ್ಷ್ಮೀನಾರಾಯಣಾತ್ಮನೇ ॥
ಕ್ಷಮಾ ಪ್ರಾರ್ಥನಾ –
ಯಸ್ಯ ಸ್ಮೃತ್ಯಾ ಚ ನಾಮೋಕ್ತ್ಯಾ ತಪಃ ಪೂಜಾ ಕ್ರಿಯಾದಿಷು ।
ನ್ಯೂನಂ ಸಮ್ಪೂರ್ಣತಾಂ ಯಾತಿ ಸದ್ಯೋ ವನ್ದೇ ತಮಚ್ಯುತಮ್ ॥
ಮನ್ತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ಜನಾರ್ದನ ।
ಯತ್ಪೂಜಿತಂ ಮಯಾ ದೇವ ಪರಿಪೂರ್ಣಂ ತದಸ್ತು ತೇ ॥
ಅನಯಾ ಧ್ಯಾನ ಆವಾಹನಾದಿ ಷೋಡಶೋಪಚಾರ ಪೂಜಯಾ ಭಗವಾನ್ ಸರ್ವಾತ್ಮಕಃ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿ ಸುಪ್ರೀತೋ ಸುಪ್ರಸನ್ನೋ ವರದೋ ಭವನ್ತು ॥
ತೀರ್ಥಮ್ –
ಅಕಾಲಮೃತ್ಯುಹರಣಂ ಸರ್ವವ್ಯಾಧಿನಿವಾರಣಮ್ ।
ಸಮಸ್ತಪಾಪಕ್ಷಯಕರಂ ಶ್ರೀಶ್ರೀನಿವಾಸ ಪಾದೋದಕಂ ಪಾವನಂ ಶುಭಮ್ ॥
ಶ್ರೀವೇಙ್ಕಟೇಶ್ವರ ಸ್ವಾಮಿ ಪ್ರಸಾದಂ ಶಿರಸಾ ಗೃಹ್ಣಾಮಿ ॥
ಉದ್ವಾಸನಮ್ –
ಯಜ್ಞೇನ ಯಜ್ಞಮಯಜನ್ತ ದೇವಾಃ
ತಾನಿ ಧರ್ಮಾಣಿ ಪ್ರಥಮಾ ನ್ಯಾಸನ್ ।
ತೇಹನಾಕಂ ಮಹಿಮಾನಸ್ಸಚನ್ತೇ
ಯತ್ರ ಪೂರ್ವೇ ಸಾಧ್ಯಾಸ್ಸನ್ತಿ ದೇವಾಃ ॥
ಓಂ ಶ್ರೀಪದ್ಮಾವತೀ ಸಮೇತ ಶ್ರೀವೇಙ್ಕಟೇಶ್ವರ ಸ್ವಾಮಿನೇ ನಮಃ ಯಥಾಸ್ಥಾನಂ ಉದ್ವಾಸಯಾಮಿ ॥
ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ॥
ಇನ್ನಷ್ಟು ಶ್ರೀ ವೇಂಕಟೇಶ್ವರ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
