Read in తెలుగు / ಕನ್ನಡ / தமிழ் / देवनागरी / English (IAST)
ಪುನಃ ಸಙ್ಕಲ್ಪಮ್ –
ಪೂರ್ವೋಕ್ತ ಏವಂ ಗುಣವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಶ್ರೀಮಹಗಣಪತಿಮುದ್ದಿಶ್ಯ ಶ್ರೀಮಹಾಗಣಪತಿಪ್ರೀತ್ಯರ್ಥಂ ಶ್ರೀಮನ್ಮುದ್ಗಲಪುರಾಣೇ ಶ್ರೀಗೃತ್ಸಮದ ಪ್ರೋಕ್ತ ಶ್ಲೋಕವಿಧಾನೇನ ಯಾವಚ್ಛಕ್ತಿ ಧ್ಯಾನಾವಹನಾದಿ ಷೋಡಶೋಪಚಾರ ಪೂಜಾಂ ಕರಿಷ್ಯೇ ॥
ಪ್ರಾಣಪ್ರತಿಷ್ಠ –
ಓಂ ಅಸು॑ನೀತೇ॒ ಪುನ॑ರ॒ಸ್ಮಾಸು॒ ಚಕ್ಷು॒:
ಪುನ॑: ಪ್ರಾ॒ಣಮಿ॒ಹ ನೋ᳚ ಧೇಹಿ॒ ಭೋಗ᳚ಮ್ ।
ಜ್ಯೋಕ್ಪ॑ಶ್ಯೇಮ॒ ಸೂರ್ಯ॑ಮು॒ಚ್ಚರ᳚ನ್ತ॒
ಮನು॑ಮತೇ ಮೃ॒ಡಯಾ᳚ ನಃ ಸ್ವ॒ಸ್ತಿ ॥
ಅ॒ಮೃತಂ॒ ವೈ ಪ್ರಾ॒ಣಾ ಅ॒ಮೃತ॒ಮಾಪ॑:
ಪ್ರಾ॒ಣಾನೇ॒ವ ಯ॑ಥಾಸ್ಥಾ॒ನಮುಪ॑ಹ್ವಯತೇ ॥
ಆವಾಹಿತೋ ಭವ ಸ್ಥಾಪಿತೋ ಭವ ।
ಸುಪ್ರಸನ್ನೋ ಭವ ವರದೋ ಭವ ।
ಅಸ್ಮಿನ್ ಬಿಮ್ಬೇ ಸಪರಿವಾರ ಸಮೇತ ಶ್ರೀಮಹಾಗಣಪತಿ ಸ್ವಾಮಿನಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥
ಧ್ಯಾನಮ್ –
ಓಂ ಗ॒ಣಾನಾಂ᳚ ತ್ವಾ ಗ॒ಣಪ॑ತಿಗ್ಂ ಹವಾಮಹೇ
ಕ॒ವಿಂ ಕ॑ವೀ॒ನಾಮು॑ಪ॒ಮಶ್ರ॑ವಸ್ತಮಮ್ ।
ಜ್ಯೇ॒ಷ್ಠ॒ರಾಜಂ॒ ಬ್ರಹ್ಮ॑ಣಾಂ ಬ್ರಹ್ಮಣಸ್ಪತ॒
ಆ ನ॑: ಶೃ॒ಣ್ವನ್ನೂ॒ತಿಭಿ॑: ಸೀದ॒ ಸಾದ॑ನಮ್ ॥
ಚತುರ್ಬಾಹುಂ ತ್ರಿನೇತ್ರಂ ಚ ಗಜಾಸ್ಯಂ ರಕ್ತವರ್ಣಕಮ್ ।
ಪಾಶಾಙ್ಕುಶಾದಿಸಮ್ಯುಕ್ತಂ ಮಾಯಾಯುಕ್ತಂ ಪ್ರಚಿನ್ತಯೇತ್ ॥
ಓಂ ಶ್ರೀಮಹಾಗಣಪತಯೇ ನಮಃ ಧ್ಯಾಯಾಮಿ ।
ಆವಾಹನಮ್ –
ಆಗಚ್ಛ ಬ್ರಹ್ಮಣಾಂ ನಾಥ ಸುರಾಽಸುರವರಾರ್ಚಿತ ।
ಸಿದ್ಧಿಬುದ್ಧ್ಯಾದಿಸಮ್ಯುಕ್ತ ಭಕ್ತಿಗ್ರಹಣಲಾಲಸ ॥
ಓಂ ಶ್ರೀಮಹಾಗಣಪತಯೇ ನಮಃ ಆವಹಯಾಮಿ ।
ಆಸನಮ್ –
ರತ್ನಸಿಂಹಾಸನಂ ಸ್ವಾಮಿನ್ ಗೃಹಾಣ ಗಣನಾಯಕ ।
ತತ್ರೋಪವಿಶ್ಯ ವಿಘ್ನೇಶ ರಕ್ಷ ಭಕ್ತಾನ್ವಿಶೇಷತಃ ॥
ಓಂ ಶ್ರೀಮಹಾಗಣಪತಯೇ ನಮಃ ಆಸನಂ ಸಮರ್ಪಯಾಮಿ ।
ಪಾದ್ಯಮ್ –
ಸುವಾಸಿತಾಭಿರದ್ಭಿಶ್ಚ ಪಾದಪ್ರಕ್ಷಾಲನಂ ಪ್ರಭೋ ।
ಶೀತೋಷ್ಣಾಮ್ಭಃ ಕರೋಮಿ ತೇ ಗೃಹಾಣ ಪಾದ್ಯಮುತ್ತಮಮ್ ॥
ಓಂ ಶ್ರೀಮಹಾಗಣಪತಯೇ ನಮಃ ಪಾದ್ಯಂ ಸಮರ್ಪಯಾಮಿ ।
ಅರ್ಘ್ಯಮ್ –
ರತ್ನಪ್ರವಾಲಮುಕ್ತಾದ್ಯೈರನರ್ಘ್ಯೈಃ ಸಂಸ್ಕೃತಂ ಪ್ರಭೋ ।
ಅರ್ಘ್ಯಂ ಗೃಹಾಣ ಹೇರಮ್ಬ ದ್ವಿರದಾನನ ತೋಷಕಮ್ ॥
ಓಂ ಶ್ರೀಮಹಾಗಣಪತಯೇ ನಮಃ ಅರ್ಘ್ಯಂ ಸಮರ್ಪಯಾಮಿ ।
ಆಚಮನೀಯಮ್ –
ಸರ್ವತೀರ್ಥಾಹೃತಂ ತೋಯಂ ಸುವಾಸಿತಂ ಸುವಸ್ತುಭಿಃ ।
ಆಚಮನಂ ಚ ತೇನೈವ ಕುರುಷ್ವ ಗಣನಾಯಕ ॥
ಓಂ ಶ್ರೀಮಹಾಗಣಪತಯೇ ನಮಃ ಆಚಮನೀಯಂ ಸಮರ್ಪಯಾಮಿ ।
ಮಧುಪರ್ಕಮ್ –
ದಧಿಮಧುಘೃತೈರ್ಯುಕ್ತಂ ಮಧುಪರ್ಕಂ ಗಜಾನನ ।
ಗೃಹಾಣ ಭಾವಸಮ್ಯುಕ್ತಂ ಮಯಾ ದತ್ತಂ ನಮೋಽಸ್ತು ತೇ ॥
ಓಂ ಶ್ರೀಮಹಾಗಣಪತಯೇ ನಮಃ ಮಧುಪರ್ಕಂ ಸಮರ್ಪಯಾಮಿ ।
ಪಞ್ಚಾಮೃತ ಸ್ನಾನಮ್ –
ನಾನಾತೀರ್ಥಜಲೈರ್ಢುಣ್ಢೇ ಸುಖೋಷ್ಣಭಾವರೂಪಕೈಃ ।
ಕಮಣ್ಡಲೂದ್ಭವೈಃ ಸ್ನಾನಂ ಮಯಾ ಕುರು ಸಮರ್ಪಿತೈಃ ॥
ಓಂ ಶ್ರೀಮಹಾಗಣಪತಯೇ ನಮಃ ಪಞ್ಚಾಮೃತಸ್ನಾನಂ ಸಮರ್ಪಯಾಮಿ ।
ಸ್ನಾನಮ್ –
ಗಙ್ಗಾದಿ ಸರ್ವತೀರ್ಥೇಭ್ಯಃ ಆಹೃತೈರಮಲೈರ್ಜಲೈಃ ।
ಸ್ನಾನಂ ಕುರುಷ್ವ ಭಗವಾನುಮಾಪುತ್ರ ನಮೋಽಸ್ತುತೇ ॥
ಓಂ ಶ್ರೀಮಹಾಗಣಪತಯೇ ನಮಃ ಶುದ್ಧೋದಕ ಸ್ನಾನಂ ಸಮರ್ಪಯಾಮಿ ।
( ಶ್ರೀಗಣಪತ್ಯಥರ್ವಶೀರ್ಷೋಪನಿಷತ್ ಪಶ್ಯತು ॥ )
ವಸ್ತ್ರಮ್ –
ವಸ್ತ್ರಯುಗ್ಮಂ ಗೃಹಾಣ ತ್ವಮನರ್ಘಂ ರಕ್ತವರ್ಣಕಮ್ ।
ಲೋಕಲಜ್ಜಾಹರಂ ಚೈವ ವಿಘ್ನನಾಥ ನಮೋಽಸ್ತು ತೇ ॥
ಓಂ ಶ್ರೀಮಹಾಗಣಪತಯೇ ನಮಃ ವಸ್ತ್ರಯುಗ್ಮಂ ಸಮರ್ಪಯಾಮಿ ।
ಯಜ್ಞೋಪವೀತಮ್ –
ಉಪವೀತಂ ಗಣಾಧ್ಯಕ್ಷ ಗೃಹಾಣ ಚ ತತಃ ಪರಮ್ ।
ತ್ರೈಗುಣ್ಯಮಯರೂಪಂ ತು ಪ್ರಣವಗ್ರನ್ಥಿಬನ್ಧನಮ್ ॥
ಓಂ ಶ್ರೀಮಹಾಗಣಪತಯೇ ನಮಃ ಉಪವೀತಂ ಸಮರ್ಪಯಾಮಿ ।
ಆಭರಣಮ್ –
ನಾನಾಭೂಷಣಕಾನಿ ತ್ವಮಙ್ಗೇಷು ವಿವಿಧೇಷು ಚ ।
ಭಾಸುರಸ್ವರ್ಣರತ್ನೈಶ್ಚ ನಿರ್ಮಿತಾನಿ ಗೃಹಾಣ ಭೋ ॥
ಓಂ ಶ್ರೀಮಹಾಗಣಪತಯೇ ನಮಃ ಆಭರಣಾನಿ ಸಮರ್ಪಯಾಮಿ ।
ಗನ್ಧಮ್ –
ಅಷ್ಟಗನ್ಧಸಮಾಯುಕ್ತಂ ಗನ್ಧಂ ರಕ್ತಂ ಗಜಾನನ ।
ದ್ವಾದಶಾಙ್ಗೇಷು ತೇ ಢುಣ್ಢೇ ಲೇಪಯಾಮಿ ಸುಚಿತ್ರವತ್ ॥
ಓಂ ಶ್ರೀಮಹಾಗಣಪತಯೇ ನಮಃ ಗನ್ಧಾನ್ ಸಮರ್ಪಯಾಮಿ ।
ಅಕ್ಷತಾನ್ –
ರಕ್ತಚನ್ದನಸಮ್ಯುಕ್ತಾನಥವಾ ಕುಙ್ಕುಮೈರ್ಯುತಾನ್ ।
ಅಕ್ಷತಾನ್ವಿಘ್ನರಾಜ ತ್ವಂ ಗೃಹಾಣ ಫಾಲಮಣ್ಡಲೇ ॥
ಓಂ ಶ್ರೀಮಹಾಗಣಪತಯೇ ನಮಃ ಅಕ್ಷತಾನ್ ಸಮರ್ಪಯಾಮಿ ।
ಪುಷ್ಪಮ್ –
ಚಮ್ಪಕಾದಿಸುವೃಕ್ಷೇಭ್ಯಃ ಸಮ್ಭೂತಾನಿ ಗಜಾನನ ।
ಪುಷ್ಪಾಣಿ ಶಮೀಮನ್ದಾರದೂರ್ವಾದೀನಿ ಗೃಹಾಣ ಚ ॥
ಓಂ ಶ್ರೀಮಹಾಗಣಪತಯೇ ನಮಃ ನಾನಾವಿಧ ಪರಿಮಲ ಪುಷ್ಪಾಣಿ ಸಮರ್ಪಯಾಮಿ ।
ಷೋಡಶನಾಮ ಪೂಜಾ –
ಓಂ ಸುಮುಖಾಯ ನಮಃ । ಓಂ ಏಕದನ್ತಾಯ ನಮಃ ।
ಓಂ ಕಪಿಲಾಯನಮಃ । ಓಂ ಗಜಕರ್ಣಿಕಾಯ ನಮಃ ।
ಓಂ ಲಮ್ಬೋದರಾಯನಮಃ । ಓಂ ವಿಕಟಾಯ ನಮಃ ।
ಓಂ ವಿಘ್ನರಾಜಾಯ ನಮಃ । ಓಂ ಗಣಾಧಿಪಾಯನಮಃ ।
ಓಂ ಧೂಮಕೇತವೇ ನಮಃ । ಓಂ ಗಣಾಧ್ಯಕ್ಷಾಯ ನಮಃ ।
ಓಂ ಫಾಲಚನ್ದ್ರಾಯ ನಮಃ । ಓಂ ಗಜಾನನಾಯ ನಮಃ ।
ಓಂ ವಕ್ರತುಣ್ಡಾಯ ನಮಃ । ಓಂ ಶೂರ್ಪಕರ್ಣಾಯ ನಮಃ ।
ಓಂ ಹೇರಮ್ಬಾಯ ನಮಃ । ಓಂ ಸ್ಕನ್ದಪೂರ್ವಜಾಯ ನಮಃ ।
ಓಂ ಸರ್ವಸಿದ್ಧಿಪ್ರದಾಯ ನಮಃ ।
ಅಷ್ಟೋತ್ತರಶತನಾಮಾವಲೀ –
ಶ್ರೀ ಗಣೇಶ ಅಷ್ಟೋತ್ತರಶತನಾಮಾವಲೀ ಪಶ್ಯತು ।
ಧೂಪಮ್ –
ದಶಾಙ್ಗಂ ಗುಗ್ಗುಲುಂ ಧೂಪಂ ಸರ್ವಸೌರಭಕಾರಕಮ್ ।
ಗೃಹಾಣ ತ್ವಂ ಮಯಾ ದತ್ತಂ ವಿನಾಯಕ ಮಹೋದರ ॥
ಓಂ ಶ್ರೀಮಹಾಗಣಪತಯೇ ನಮಃ ಧೂಪಮಾಘ್ರಾಪಯಾಮಿ ।
ದೀಪಮ್ –
ನಾನಾಜಾತಿಭವಂ ದೀಪಂ ಗೃಹಾಣ ಗಣನಾಯಕ ।
ಅಜ್ಞಾನಮಲಜಂ ದೀಪಂ ಹರನ್ತಂ ಜ್ಯೋತಿರೂಪಕಮ್ ॥
ಓಂ ಶ್ರೀಮಹಾಗಣಪತಯೇ ನಮಃ ದೀಪಂ ದರ್ಶಯಾಮಿ ।
ನೈವೇದ್ಯಮ್ –
ಚತುರ್ವಿಧಾನ್ನಸಮ್ಪನ್ನಂ ಮಧುರಂ ಲಡ್ಡುಕಾದಿಕಮ್ ।
ನೈವೇದ್ಯಂ ತೇ ಮಯಾ ದತ್ತಂ ಭೋಜನಂ ಕುರು ವಿಘ್ನಪ ॥
ಓಂ ಶ್ರೀಮಹಾಗಣಪತಯೇ ನಮಃ ನೈವೇದ್ಯಂ ಸಮರ್ಪಯಾಮಿ ।
ಓಂ ಭೂರ್ಭುವ॒ಸ್ಸುವ॑: । ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ ।
ಧಿಯೋ॒ ಯೋ ನ॑: ಪ್ರಚೋ॒ದಯಾ᳚ತ್ ॥
ಸತ್ಯಂ ತ್ವಾ ಋತೇನ ಪರಿಷಿಞ್ಚಾಮಿ ।
(ಸಾಯಙ್ಕಾಲೇ – ಋತಂ ತ್ವಾ ಸತ್ಯೇನ ಪರಿಷಿಞ್ಚಾಮಿ)
ಅಮೃತಮಸ್ತು । ಅ॒ಮೃ॒ತೋ॒ಪ॒ಸ್ತರ॑ಣಮಸಿ ।
ಓಂ ಪ್ರಾ॒ಣಾಯ॒ ಸ್ವಾಹಾ᳚ । ಓಂ ಅ॒ಪಾ॒ನಾಯ॒ ಸ್ವಾಹಾ᳚ ।
ಓಂ ವ್ಯಾ॒ನಾಯ॒ ಸ್ವಾಹಾ᳚ । ಓಂ ಉ॒ದಾ॒ನಾಯ॒ ಸ್ವಾಹಾ᳚ ।
ಓಂ ಸ॒ಮಾ॒ನಾಯ॒ ಸ್ವಾಹಾ᳚ ।
ಮಧ್ಯೇ ಮಧ್ಯೇ ಪಾನೀಯಂ ಸಮರ್ಪಯಾಮಿ ।
ಅ॒ಮೃ॒ತಾ॒ಪಿ॒ಧಾ॒ನಮ॑ಸಿ । ಉತ್ತರಾಪೋಶನಂ ಸಮರ್ಪಯಾಮಿ ।
ಹಸ್ತೌ ಪ್ರಕ್ಷಾಲಯಾಮಿ । ಪಾದೌ ಪ್ರಕ್ಷಾಲಯಾಮಿ ।
ಶುದ್ಧಾಚಮನೀಯಂ ಸಮರ್ಪಯಾಮಿ ।
ತಾಮ್ಬೂಲಮ್ –
ಅಷ್ಟಾಙ್ಗಂ ದೇವ ತಾಮ್ಬೂಲಂ ಗೃಹಾಣ ಮುಖವಾಸನಮ್ ।
ಅಸಕೃದ್ವಿಘ್ನರಾಜ ತ್ವಂ ಮಯಾ ದತ್ತಂ ವಿಶೇಷತಃ ॥
ಓಂ ಶ್ರೀಮಹಾಗಣಪತಯೇ ನಮಃ ತಾಮ್ಬೂಲಂ ಸಮರ್ಪಯಾಮಿ ।
ನೀರಾಜನಮ್ –
ನಾನಾದೀಪಸಮಾಯುಕ್ತಂ ನೀರಾಜನಂ ಗಜಾನನ ।
ಗೃಹಾಣ ಭಾವಸಮ್ಯುಕ್ತಂ ಸರ್ವಾಜ್ಞಾನವಿನಾಶನ ॥
ಓಂ ಶ್ರೀಮಹಾಗಣಪತಯೇ ನಮಃ ನೀರಾಜನಂ ಸಮರ್ಪಯಾಮಿ ।
ಮನ್ತ್ರಪುಷ್ಪಮ್ –
ಓಂ ಗ॒ಣಾನಾಂ᳚ ತ್ವಾ ಗ॒ಣಪ॑ತಿಂ ಹವಾಮಹೇ
ಕ॒ವಿಂ ಕ॑ವೀ॒ನಾಮು॑ಪ॒ಮಶ್ರ॑ವಸ್ತಮಮ್ ।
ಜ್ಯೇ॒ಷ್ಠ॒ರಾಜಂ॒ ಬ್ರಹ್ಮ॑ಣಾಂ ಬ್ರಹ್ಮಣಸ್ಪತ॒
ಆ ನ॑: ಶೃ॒ಣ್ವನ್ನೂ॒ತಿಭಿ॑ಸ್ಸೀದ॒ ಸಾದ॑ನಮ್ ॥
ಚತುರ್ವೇದಭವೈರ್ಮನ್ತ್ರೈರ್ಗಾಣಪತ್ಯೈರ್ಗಜಾನನ ।
ಮನ್ತ್ರಿತಾನಿ ಗೃಹಾಣ ತ್ವಂ ಪುಷ್ಪಪತ್ರಾಣಿ ವಿಘ್ನಪ ॥
ಓಂ ಶ್ರೀಮಹಾಗಣಪತಯೇ ನಮಃ ಮನ್ತ್ರಪುಷ್ಪಂ ಸಮರ್ಪಯಾಮಿ ।
ಪ್ರದಕ್ಷಿಣಮ್ –
ಏಕವಿಂಶತಿಸಙ್ಖ್ಯಂ ವಾ ತ್ರಿಸಙ್ಖ್ಯಂ ವಾ ಗಜಾನನ ।
ಪ್ರಾದಕ್ಷಿಣ್ಯಂ ಗೃಹಾಣ ತ್ವಂ ಬ್ರಹ್ಮನ್ ಬ್ರಹ್ಮೇಶಭಾವನ ॥
ಓಂ ಶ್ರೀಮಹಾಗಣಪತಯೇ ನಮಃ ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ।
ಸಾಷ್ಟಾಙ್ಗನಮಸ್ಕಾರಃ –
ಸಾಷ್ಟಾಙ್ಗಾಂ ಪ್ರಣತಿಂ ನಾಥ ಏಕವಿಂಶತಿಸಮ್ಮಿತಾಮ್ ।
ಹೇರಮ್ಬ ಸರ್ವಪೂಜ್ಯ ತ್ವಂ ಗೃಹಾಣ ತು ಮಯಾ ಕೃತಮ್ ॥
ಓಂ ಶ್ರೀಮಹಾಗಣಪತಯೇ ನಮಃ ಸಾಷ್ಟಾಙ್ಗ ನಮಸ್ಕಾರಾನ್ ಸಮರ್ಪಯಾಮಿ ।
ನಮಸ್ಕಾರಮ್ –
ವಿಘ್ನೇಶ್ವರಾಯ ವರದಾಯ ಗಣೇಶ್ವರಾಯ ।
ಸರ್ವೇಶ್ವರಾಯ ಶುಭದಾಯ ಸುರೇಶ್ವರಾಯ ॥
ವಿದ್ಯಾಧರಾಯ ವಿಕಟಾಯ ಚ ವಾಮನಾಯ ।
ಭಕ್ತಿಪ್ರಸನ್ನ ವರದಾಯ ನಮೋ ನಮೋಽಸ್ತು ॥
ಕ್ಷಮಾಪ್ರಾರ್ಥನ –
ಅಪರಾಧಾನಸಙ್ಖ್ಯಾತಾನ್ ಕ್ಷಮಸ್ವ ಗಣನಾಯಕ ।
ಭಕ್ತಂ ಕುರು ಚ ಮಾಂ ಢುಣ್ಢೇ ತವ ಪಾದಪ್ರಿಯಂ ಸದಾ ॥
ಸಮರ್ಪಣಮ್ –
ಜಾಗ್ರತ್ಸ್ವಪ್ನಸುಷುಪ್ತಿಭಿರ್ದೇಹವಾಙ್ಮನಸೈಃ ಕೃತಮ್ ।
ಸಾಂಸರ್ಗಿಕೇಣ ಯತ್ಕರ್ಮ ಗಣೇಶಾಯ ಸಮರ್ಪಯೇ ॥
ಅನಯಾ ಧ್ಯಾನ ಆವಾಹನಾದಿ ಷೋಡಶೋಪಚಾರ ಪೂಜಯಾ ಭಗವಾನ್ ಸರ್ವಾತ್ಮಿಕಃ ಶ್ರೀ ಮಹಾಗಣಾಧಿಪತಿ
ಸುಪ್ರೀತೋ ಸುಪ್ರಸನ್ನೋ ವರದೋ ಭವನ್ತು ॥
ತೀರ್ಥಸ್ವೀಕರಣ –
ಬಾಹ್ಯಂ ನಾನಾವಿಧಂ ಪಾಪಂ ಮಹೋಗ್ರಂ ತಲ್ಲಯಂ ವ್ರಜೇತ್ ।
ಗಣೇಶಪಾದತೀರ್ಥಸ್ಯ ಮಸ್ತಕೇ ಧಾರಣಾತ್ಕಿಲ ॥
ಶ್ರೀ ಮಹಾಗಣಾಧಿಪತಿ ಪಾದೋದಕ ತೀರ್ಥಂ ಗೃಹ್ಣಾಮಿ ।
ಪ್ರಸಾದಸ್ವೀಕರಣ –
ತತೋಚ್ಛಿಷ್ಟಂ ತು ನೈವೇದ್ಯಂ ಗಣೇಶಸ್ಯ ಭುನಜ್ಮ್ಯಹಮ್ ।
ಭುಕ್ತಿಮುಕ್ತಿಪ್ರದಂ ಪೂರ್ಣಂ ನಾನಾಪಾಪನಿಕೃನ್ತನಮ್ ॥
ಶ್ರೀ ಮಹಾಗಣಾಧಿಪತಿ ಪ್ರಸಾದಂ ಶಿರಸಾ ಗೃಹ್ಣಾಮಿ ।
ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ॥
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
