Read in తెలుగు / ಕನ್ನಡ / தமிழ் / देवनागरी / English (IAST)
ಧ್ಯಾನಮ್ |
ಶತಮಖಮಣಿ ನೀಲಾ ಚಾರುಕಲ್ಹಾರಹಸ್ತಾ
ಸ್ತನಭರನಮಿತಾಂಗೀ ಸಾಂದ್ರವಾತ್ಸಲ್ಯಸಿಂಧುಃ |
ಅಲಕವಿನಿಹಿತಾಭಿಃ ಸ್ರಗ್ಭಿರಾಕೃಷ್ಟನಾಥಾ
ವಿಲಸತು ಹೃದಿ ಗೋದಾ ವಿಷ್ಣುಚಿತ್ತಾತ್ಮಜಾ ನಃ ||
ಅಥ ಸ್ತೋತ್ರಮ್ |
ಶ್ರೀರಂಗನಾಯಕೀ ಗೋದಾ ವಿಷ್ಣುಚಿತ್ತಾತ್ಮಜಾ ಸತೀ |
ಗೋಪೀವೇಷಧರಾ ದೇವೀ ಭೂಸುತಾ ಭೋಗಶಾಲಿನೀ || ೧ ||
ತುಲಸೀಕಾನನೋದ್ಭೂತಾ ಶ್ರೀಧನ್ವಿಪುರವಾಸಿನೀ |
ಭಟ್ಟನಾಥಪ್ರಿಯಕರೀ ಶ್ರೀಕೃಷ್ಣಹಿತಭೋಗಿನೀ || ೨ ||
ಆಮುಕ್ತಮಾಲ್ಯದಾ ಬಾಲಾ ರಂಗನಾಥಪ್ರಿಯಾ ಪರಾ |
ವಿಶ್ವಂಭರಾ ಕಲಾಲಾಪಾ ಯತಿರಾಜಸಹೋದರೀ || ೩ ||
ಕೃಷ್ಣಾನುರಕ್ತಾ ಸುಭಗಾ ಸುಲಭಶ್ರೀಃ ಸುಲಕ್ಷಣಾ |
ಲಕ್ಷ್ಮೀಪ್ರಿಯಸಖೀ ಶ್ಯಾಮಾ ದಯಾಂಚಿತದೃಗಂಚಲಾ || ೪ ||
ಫಲ್ಗುನ್ಯಾವಿರ್ಭವಾ ರಮ್ಯಾ ಧನುರ್ಮಾಸಕೃತವ್ರತಾ |
ಚಂಪಕಾಶೋಕಪುನ್ನಾಗಮಾಲತೀವಿಲಸತ್ಕಚಾ || ೫ ||
ಆಕಾರತ್ರಯಸಂಪನ್ನಾ ನಾರಾಯಣಪದಾಶ್ರಿತಾ |
ಶ್ರೀಮದಷ್ಟಾಕ್ಷರೀಮಂತ್ರರಾಜಸ್ಥಿತಮನೋರಥಾ || ೬ ||
ಮೋಕ್ಷಪ್ರದಾನನಿಪುಣಾ ಮನುರತ್ನಾಧಿದೇವತಾ |
ಬ್ರಹ್ಮಣ್ಯಾ ಲೋಕಜನನೀ ಲೀಲಾಮಾನುಷರೂಪಿಣೀ || ೭ ||
ಬ್ರಹ್ಮಜ್ಞಾನಪ್ರದಾ ಮಾಯಾ ಸಚ್ಚಿದಾನಂದವಿಗ್ರಹಾ |
ಮಹಾಪತಿವ್ರತಾ ವಿಷ್ಣುಗುಣಕೀರ್ತನಲೋಲುಪಾ || ೮ ||
ಪ್ರಪನ್ನಾರ್ತಿಹರಾ ನಿತ್ಯಾ ವೇದಸೌಧವಿಹಾರಿಣೀ |
ಶ್ರೀರಂಗನಾಥಮಾಣಿಕ್ಯಮಂಜರೀ ಮಂಜುಭಾಷಿಣೀ || ೯ ||
ಪದ್ಮಪ್ರಿಯಾ ಪದ್ಮಹಸ್ತಾ ವೇದಾಂತದ್ವಯಬೋಧಿನೀ |
ಸುಪ್ರಸನ್ನಾ ಭಗವತೀ ಶ್ರೀಜನಾರ್ದನದೀಪಿಕಾ || ೧೦ ||
ಸುಗಂಧಾವಯವಾ ಚಾರುರಂಗಮಂಗಲದೀಪಿಕಾ |
ಧ್ವಜವಜ್ರಾಂಕುಶಾಬ್ಜಾಂಕಮೃದುಪಾದಲತಾಂಚಿತಾ || ೧೧ ||
ತಾರಕಾಕಾರನಖರಾ ಪ್ರವಾಲಮೃದುಲಾಂಗುಳೀ |
ಕೂರ್ಮೋಪಮೇಯಪಾದೋರ್ಧ್ವಭಾಗಾ ಶೋಭನಪಾರ್ಷ್ಣಿಕಾ || ೧೨ ||
ವೇದಾರ್ಥಭಾವತತ್ತ್ವಜ್ಞಾ ಲೋಕಾರಾಧ್ಯಾಂಘ್ರಿಪಂಕಜಾ |
ಆನಂದಬುದ್ಬುದಾಕಾರಸುಗುಲ್ಫಾ ಪರಮಾಣುಕಾ || ೧೩ ||
ತೇಜಃಶ್ರಿಯೋಜ್ಜ್ವಲಧೃತಪಾದಾಂಗುಳಿಸುಭೂಷಿತಾ |
ಮೀನಕೇತನತೂಣೀರಚಾರುಜಂಘಾವಿರಾಜಿತಾ || ೧೪ ||
ಕಕುದ್ವಜ್ಜಾನುಯುಗ್ಮಾಢ್ಯಾ ಸ್ವರ್ಣರಂಭಾಭಸಕ್ಥಿಕಾ |
ವಿಶಾಲಜಘನಾ ಪೀನಸುಶ್ರೋಣೀ ಮಣಿಮೇಖಲಾ || ೧೫ ||
ಆನಂದಸಾಗರಾವರ್ತಗಂಭೀರಾಂಭೋಜನಾಭಿಕಾ |
ಭಾಸ್ವದ್ವಲಿತ್ರಿಕಾ ಚಾರುಜಗತ್ಪೂರ್ಣಮಹೋದರೀ || ೧೬ ||
ನವವಲ್ಲೀರೋಮರಾಜೀ ಸುಧಾಕುಂಭಾಯಿತಸ್ತನೀ |
ಕಲ್ಪಮಾಲಾನಿಭಭುಜಾ ಚಂದ್ರಖಂಡನಖಾಂಚಿತಾ || ೧೭ ||
ಸುಪ್ರವಾಶಾಂಗುಳೀನ್ಯಸ್ತಮಹಾರತ್ನಾಂಗುಲೀಯಕಾ |
ನವಾರುಣಪ್ರವಾಲಾಭಪಾಣಿದೇಶಸಮಂಚಿತಾ || ೧೮ ||
ಕಂಬುಕಂಠೀ ಸುಚುಬುಕಾ ಬಿಂಬೋಷ್ಠೀ ಕುಂದದಂತಯುಕ್ |
ಕಾರುಣ್ಯರಸನಿಷ್ಯಂದನೇತ್ರದ್ವಯಸುಶೋಭಿತಾ || ೧೯ ||
ಮುಕ್ತಾಶುಚಿಸ್ಮಿತಾ ಚಾರುಚಾಂಪೇಯನಿಭನಾಸಿಕಾ |
ದರ್ಪಣಾಕಾರವಿಪುಲಕಪೋಲದ್ವಿತಯಾಂಚಿತಾ || ೨೦ ||
ಅನಂತಾರ್ಕಪ್ರಕಾಶೋದ್ಯನ್ಮಣಿತಾಟಂಕಶೋಭಿತಾ |
ಕೋಟಿಸೂರ್ಯಾಗ್ನಿಸಂಕಾಶನಾನಾಭೂಷಣಭೂಷಿತಾ || ೨೧ ||
ಸುಗಂಧವದನಾ ಸುಭ್ರೂ ಅರ್ಧಚಂದ್ರಲಲಾಟಿಕಾ |
ಪೂರ್ಣಚಂದ್ರಾನನಾ ನೀಲಕುಟಿಲಾಲಕಶೋಭಿತಾ || ೨೨ ||
ಸೌಂದರ್ಯಸೀಮಾ ವಿಲಸತ್ಕಸ್ತೂರೀತಿಲಕೋಜ್ಜ್ವಲಾ |
ಧಗದ್ಧಗಾಯಮಾನೋದ್ಯನ್ಮಣಿಸೀಮಂತಭೂಷಣಾ || ೨೩ ||
ಜಾಜ್ವಲ್ಯಮಾನಸದ್ರತ್ನದಿವ್ಯಚೂಡಾವತಂಸಕಾ |
ಸೂರ್ಯಾರ್ಧಚಂದ್ರವಿಲಸತ್ ಭೂಷಣಾಂಚಿತವೇಣಿಕಾ || ೨೪ ||
ಅತ್ಯರ್ಕಾನಲತೇಜೋಧಿಮಣಿಕಂಚುಕಧಾರಿಣೀ |
ಸದ್ರತ್ನಾಂಚಿತವಿದ್ಯೋತವಿದ್ಯುತ್ಕುಂಜಾಭಶಾಟಿಕಾ || ೨೫ ||
ನಾನಾಮಣಿಗಣಾಕೀರ್ಣಹೇಮಾಂಗದಸುಭೂಷಿತಾ |
ಕುಂಕುಮಾಗರುಕಸ್ತೂರೀದಿವ್ಯಚಂದನಚರ್ಚಿತಾ || ೨೬ ||
ಸ್ವೋಚಿತೌಜ್ಜ್ವಲ್ಯವಿವಿಧವಿಚಿತ್ರಮಣಿಹಾರಿಣೀ |
ಅಸಂಖ್ಯೇಯಸುಖಸ್ಪರ್ಶಸರ್ವಾತಿಶಯಭೂಷಣಾ || ೨೭ ||
ಮಲ್ಲಿಕಾಪಾರಿಜಾತಾದಿದಿವ್ಯಪುಷ್ಪಸ್ರಗಂಚಿತಾ |
ಶ್ರೀರಂಗನಿಲಯಾ ಪೂಜ್ಯಾ ದಿವ್ಯದೇಶಸುಶೋಭಿತಾ || ೨೮ ||
ಇತಿ ಶ್ರೀಗೋದಾಷ್ಟೋತ್ತರಶತನಾಮಸ್ತೋತ್ರಮ್ ||
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
