Read in తెలుగు / ಕನ್ನಡ / தமிழ் / देवनागरी / English (IAST)
ಕಾಮೇಶ್ವರೀ –
ದೇವೀಂ ಧ್ಯಾಯೇಜ್ಜಗದ್ಧಾತ್ರೀಂ ಜಪಾಕುಸುಮಸನ್ನಿಭಾಂ
ಬಾಲಭಾನುಪ್ರತೀಕಾಶಾಂ ಶಾತಕುಂಭಸಮಪ್ರಭಾಮ್ |
ರಕ್ತವಸ್ತ್ರಪರೀಧಾನಾಂ ಸಂಪದ್ವಿದ್ಯಾವಶಂಕರೀಂ
ನಮಾಮಿ ವರದಾಂ ದೇವೀಂ ಕಾಮೇಶೀಮಭಯಪ್ರದಾಮ್ || ೧ ||
ಭಗಮಾಲಿನೀ –
ಭಗರೂಪಾಂ ಭಗಮಯಾಂ ದುಕೂಲವಸನಾಂ ಶಿವಾಂ
ಸರ್ವಾಲಂಕಾರಸಂಯುಕ್ತಾಂ ಸರ್ವಲೋಕವಶಂಕರೀಮ್ |
ಭಗೋದರೀಂ ಮಹಾದೇವೀಂ ರಕ್ತೋತ್ಪಲಸಮಪ್ರಭಾಂ
ಕಾಮೇಶ್ವರಾಂಕನಿಲಯಾಂ ವಂದೇ ಶ್ರೀಭಗಮಾಲಿನೀಮ್ || ೨ ||
ನಿತ್ಯಕ್ಲಿನ್ನಾ –
ಪದ್ಮರಾಗಮಣಿಪ್ರಖ್ಯಾಂ ಹೇಮತಾಟಂಕಭೂಷಿತಾಂ
ರಕ್ತವಸ್ತ್ರಧರಾಂ ದೇವೀಂ ರಕ್ತಮಾಲ್ಯಾನುಲೇಪನಾಮ್ |
ಅಂಜನಾಂಚಿತನೇತ್ರಾಂತಾಂ ಪದ್ಮಪತ್ರನಿಭೇಕ್ಷಣಾಂ
ನಿತ್ಯಕ್ಲಿನ್ನಾಂ ನಮಸ್ಯಾಮಿ ಚತುರ್ಭುಜವಿರಾಜಿತಾಮ್ || ೩ ||
ಭೇರುಂಡಾ –
ಶುದ್ಧಸ್ಫಟಿಕಸಂಕಾಶಾಂ ಪದ್ಮಪತ್ರಸಮಪ್ರಭಾಂ
ಮಧ್ಯಾಹ್ನಾದಿತ್ಯಸಂಕಾಶಾಂ ಶುಭ್ರವಸ್ತ್ರಸಮನ್ವಿತಾಮ್ |
ಶ್ವೇತಚಂದನಲಿಪ್ತಾಂಗೀಂ ಶುಭ್ರಮಾಲ್ಯವಿಭೂಷಿತಾಂ
ಬಿಭ್ರತೀಂ ಚಿನ್ಮಯೀಂ ಮುದ್ರಾಮಕ್ಷಮಾಲಾಂ ಚ ಪುಸ್ತಕಮ್ |
ಸಹಸ್ರಪತ್ರಕಮಲೇ ಸಮಾಸೀನಾಂ ಶುಚಿಸ್ಮಿತಾಂ
ಸರ್ವವಿದ್ಯಾಪ್ರದಾಂ ದೇವೀಂ ಭೇರುಂಡಾಂ ಪ್ರಣಮಾಮ್ಯಹಮ್ || ೪ ||
ವಹ್ನಿವಾಸಿನಿ –
ವಹ್ನಿಕೋಟಿಪ್ರತೀಕಾಶಾಂ ಸೂರ್ಯಕೋಟಿಸಮಪ್ರಭಾಂ
ಅಗ್ನಿಜ್ವಾಲಾಸಮಾಕೀರ್ಣಾಂ ಸರ್ವರೋಗೋಪಹಾರಿಣೀಮ್ |
ಕಾಲಮೃತ್ಯುಪ್ರಶಮನೀಮಪಮೃತ್ಯುನಿವಾರಿಣೀಂ
ಪರಮಾಯುಷ್ಯದಾಂ ವಂದೇ ನಿತ್ಯಾಂ ಶ್ರೀವಹ್ನಿವಾಸಿನೀಮ್ || ೫ ||
ಮಹಾವಜ್ರೇಶ್ವರಿ –
ತಪ್ತಕಾಂಚನಸಂಕಾಶಾಂ ಕನಕಾಭರಣಾನ್ವಿತಂ
ಹೇಮತಾಟಂಕಸಂಯುಕ್ತಾಂ ಕಸ್ತೂರೀತಿಲಕಾನ್ವಿತಾಮ್ |
ಹೇಮಚಿಂತಾಕಸಂಯುಕ್ತಾಂ ಪೂರ್ಣಚಂದ್ರಮುಖಾಂಬುಜಾಂ
ಪೀತಾಂಬರಸಮೋಪೇತಾಂ ಪುಷ್ಪಮಾಲ್ಯವಿಭೂಷಿತಾಮ್ |
ಮುಕ್ತಾಹಾರಸಮೋಪೇತಾಂ ಮುಕುಟೇನ ವಿರಾಜಿತಾಂ
ಮಹಾವಜ್ರೇಶ್ವರೀಂ ವಂದೇ ಸರ್ವೈಶ್ವರ್ಯಫಲಪ್ರದಾಮ್ || ೬ ||
ಶಿವದೂತೀ –
ಬಾಲಸೂರ್ಯಪ್ರತೀಕಾಶಾಂ ಬಂಧೂಕಪ್ರಸವಾರುಣಾಂ
ವಿಧಿವಿಷ್ಣುಶಿವಸ್ತುತ್ಯಾಂ ದೇವಗಂಧರ್ವಸೇವಿತಾಮ್ |
ರಕ್ತಾರವಿಂದಸಂಕಾಶಾಂ ಸರ್ವಾಭರಣಭೂಷಿತಾಂ
ಶಿವದೂತೀಂ ನಮಸ್ಯಾಮಿ ರತ್ನಸಿಂಹಾಸನಸ್ಥಿತಾಮ್ || ೭ ||
ತ್ವರಿತಾ –
ರಕ್ತಾರವಿಂದಸಂಕಾಶಾಮುದ್ಯತ್ಸೂರ್ಯಸಮಪ್ರಭಾಂ
ದಧತೀಮಂಕುಶಂ ಪಾಶಂ ಬಾಣಂ ಚಾಪಂ ಮನೋಹರಮ್ |
ಚತುರ್ಭುಜಾಂ ಮಹಾದೇವೀಮಪ್ಸರೋಗಣಸಂಕುಲಾಂ
ನಮಾಮಿ ತ್ವರಿತಾಂ ನಿತ್ಯಾಂ ಭಕ್ತಾನಾಮಭಯಪ್ರದಮ್ || ೮ ||
ಕುಲಸುಂದರೀ –
ಅರುಣಕಿರಣಜಾಲೈರಂಜಿತಾಶಾವಕಾಶಾ
ವಿಧೃತಜಪವಟೀಕಾ ಪುಸ್ತಕಾಭೀತಿಹಸ್ತಾ |
ಇತರಕರವರಾಢ್ಯಾ ಫುಲ್ಲಕಹ್ಲಾರಸಂಸ್ಥಾ
ನಿವಸತು ಹೃದಿ ಬಾಲಾ ನಿತ್ಯಕಲ್ಯಾಣಶೀಲಾ || ೯ ||
ನಿತ್ಯಾ –
ಉದ್ಯತ್ಪ್ರದ್ಯೋತನನಿಭಾಂ ಜಪಾಕುಸುಮಸನ್ನಿಭಾಂ
ಹರಿಚಂದನಲಿಪ್ತಾಂಗೀಂ ರಕ್ತಮಾಲ್ಯವಿಭೂಷಿತಾಮ್ |
ರತ್ನಾಭರಣಭೂಷಾಂಗೀಂ ರಕ್ತವಸ್ತ್ರಸುಶೋಭಿತಾಂ
ಜಗದಂಬಾಂ ನಮಸ್ಯಾಮಿ ನಿತ್ಯಾಂ ಶ್ರೀಪರಮೇಶ್ವರೀಮ್ || ೧೦ ||
ನೀಲಪತಾಕಾ –
ಪಂಚವಕ್ತ್ರಾಂ ತ್ರಿನಯನಾಮರುಣಾಂಶುಕಧಾರಿಣೀಂ
ದಶಹಸ್ತಾಂ ಲಸನ್ಮುಕ್ತಾಪ್ರಾಯಾಭರಣಮಂಡಿತಾಮ್ |
ನೀಲಮೇಘಸಮಪ್ರಖ್ಯಾಂ ಧೂಮ್ರಾರ್ಚಿಸದೃಶಪ್ರಭಾಂ
ನೀಲಪುಷ್ಪಸ್ರಜೋಪೇತಾಂ ಧ್ಯಾಯೇನ್ನೀಲಪತಾಕಿನೀಮ್ || ೧೧ ||
ವಿಜಯಾ –
ಉದ್ಯದರ್ಕಸಮಪ್ರಭಾಂ ದಾಡಿಮೀಪುಷ್ಪಸನ್ನಿಭಾಂ
ರತ್ನಕಂಕಣಕೇಯೂರಕಿರೀಟಾಂಗದಸಂಯುತಾಮ್ |
ದೇವಗಂಧರ್ವಯೋಗೀಶಮುನಿಸಿದ್ಧನಿಷೇವಿತಾಂ
ನಮಾಮಿ ವಿಜಯಾಂ ನಿತ್ಯಾಂ ಸಿಂಹೋಪರಿಕೃತಾಸನಾಮ್ || ೧೨ ||
ಸರ್ವಮಂಗಳಾ –
ರಕ್ತೋತ್ಪಲಸಮಪ್ರಖ್ಯಾಂ ಪದ್ಮಪತ್ರನಿಭೇಕ್ಷಣಾಂ
ಇಕ್ಷುಕಾರ್ಮುಕಪುಷ್ಪೌಘಪಾಶಾಂಕುಶಸಮನ್ವಿತಾಮ್ |
ಸುಪ್ರಸನ್ನಾಂ ಶಶಿಮುಖೀಂ ನಾನಾರತ್ನವಿಭೂಷಿತಾಂ
ಶುಭ್ರಪದ್ಮಾಸನಸ್ಥಾಂ ತಾಂ ಭಜಾಮಿ ಸರ್ವಮಂಗಳಾಮ್ || ೧೩ ||
ಜ್ವಾಲಾಮಾಲಿನೀ –
ಅಗ್ನಿಜ್ವಾಲಾ ಸಮಾಭಾಕ್ಷೀಂ ನೀಲವಕ್ತ್ರಾಂ ಚತುರ್ಭುಜಾಂ
ನೀಲನೀರದಸಂಕಾಶಾಂ ನೀಲಕೇಶೀಂ ತನೂದರೀಮ್ |
ಖಡ್ಗಂ ತ್ರಿಶೂಲಂ ಬಿಭ್ರಾಣಾಂ ವರಾಂಸಾಭಯಮೇವ ಚ
ಸಿಂಹಪೃಷ್ಠಸಮಾರೂಢಾಂ ಧ್ಯಾಯೇಜ್ಜ್ವಾಲಾದ್ಯಮಾಲಿನೀಮ್ || ೧೪ ||
ಚಿತ್ರಾ –
ಶುದ್ಧಸ್ಫಟಿಕಸಂಕಾಶಾಂ ಪಲಾಶಕುಸುಮಪ್ರಭಾಂ
ನೀಲಮೇಘಪ್ರತೀಕಾಶಾಂ ಚತುರ್ಹಸ್ತಾಂ ತ್ರಿಲೋಚನಾಮ್ |
ಸರ್ವಾಲಂಕಾರಸಂಯುಕ್ತಾಂ ಪುಷ್ಪಬಾಣೇಕ್ಷುಚಾಪಿನೀಂ
ಪಾಶಾಂಕುಶಸಮೋಪೇತಾಂ ಧ್ಯಾಯೇಚ್ಚಿತ್ರಾಂ ಮಹೇಶ್ವರೀಮ್ || ೧೫ ||
ಲಲಿತಾ –
ಆರಕ್ತಾಭಾಂ ತ್ರಿನೇತ್ರಾಮರುಣಿಮವಸನಾಂ ರತ್ನತಾಟಂಕರಮ್ಯಾಂ
ಹಸ್ತಾಂಭೋಜೈಃ ಸಪಾಶಾಂಕುಶಮದನಧನುಃ ಸಾಯಕೈರ್ವಿಸ್ಫುರಂತೀಮ್ |
ಆಪೀನೋತ್ತುಂಗವಕ್ಷೋರುಹಕಲಶಲುಠತ್ತಾರಹಾರೋಜ್ಜ್ವಲಾಂಗೀಂ
ಧ್ಯಾಯೇದಂಭೋರುಹಸ್ಥಾಮರುಣಿಮವಸನಾಮೀಶ್ವರೀಮೀಶ್ವರಾಣಾಮ್ || ೧೬ ||
ಇನ್ನಷ್ಟು ಶ್ರೀ ಲಲಿತಾ ಸ್ತೋತ್ರಗಳು ನೋಡಿ.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
