Read in తెలుగు / ಕನ್ನಡ / தமிழ் / देवनागरी / English (IAST)
|| ದಶರಥೌರ್ಧ್ವದೈಹಿಕಮ್ ||
ತಮೇವಂ ಶೋಕಸಂತಪ್ತಂ ಭರತಂ ಕೇಕಯೀ ಸುತಮ್ |
ಉವಾಚ ವದತಾಂ ಶ್ರೇಷ್ಠೋ ವಸಿಷ್ಠಃ ಶ್ರೇಷ್ಠ ವಾಗೃಷಿಃ || ೧ ||
ಅಲಂ ಶೋಕೇನ ಭದ್ರಂ ತೇ ರಾಜಪುತ್ರ ಮಹಾಯಶಃ |
ಪ್ರಾಪ್ತಕಾಲಂ ನರಪತೇಃ ಕುರು ಸಂಯಾನಮುತ್ತಮಮ್ || ೨ ||
ವಸಿಷ್ಠಸ್ಯ ವಚಃ ಶೃತ್ವಾ ಭರತರ್ಧಾರಣಾಂ ಗತಃ |
ಪ್ರೇತಕಾರ್ಯಾಣಿ ಸರ್ವಾಣಿ ಕಾರಯಾಮಾಸ ಧರ್ಮವಿತ್ || ೩ ||
ಉದ್ಧೃತಂ ತೈಲಸಂರೋದಾತ್ ಸ ತು ಭೂಮೌ ನಿವೇಶಿತಮ್ |
ಆಪೀತವರ್ಣವದನಂ ಪ್ರಸುಪ್ತಮಿವ ಭೂಪತಿಮ್ || ೪ ||
ಸಂವೇಶ್ಯ ಶಯನೇ ಚಾಗ್ರ್ಯೇ ನಾನಾರತ್ನಪರಿಷ್ಕೃತೇ |
ತತರ್ದಶರಥಂ ಪುತ್ರಃ ವಿಲಲಾಪ ಸುದುಃಖಿತಃ || ೫ ||
ಕಿಂ ತೇ ವ್ಯವಸಿತಂ ರಾಜನ್ ಪ್ರೋಷಿತೇ ಮಯ್ಯನಾಗತೇ |
ವಿವಾಸ್ಯ ರಾಮಂ ಧರ್ಮಜ್ಞಂ ಲಕ್ಷ್ಮಣಂ ಚ ಮಹಾಬಲಮ್ || ೬ ||
ಕ್ವ ಯಾಸ್ಯಸಿ ಮಹಾರಾಜ ಹಿತ್ವೇಮಂ ದುಃಖಿತಂ ಜನಮ್ |
ಹೀನಂ ಪುರುಷಸಿಂಹೇನ ರಾಮೇಣಾಕ್ಲಿಷ್ಟ ಕರ್ಮಣಾ || ೭ ||
ಯೋಗಕ್ಷೇಮಂ ತು ತೇ ರಾಜನ್ ಕೋಽಸ್ಮಿನ್ ಕಲ್ಪಯಿತಾ ಪುರೇ |
ತ್ವಯಿ ಪ್ರಯಾತೇ ಸ್ವಸ್ತಾತ ರಾಮೇ ಚ ವನಮಾಶ್ರಿತೇ || ೮ ||
ವಿಧವಾ ಪೃಥಿವೀ ರಾಜನ್ ತ್ವಯಾ ಹೀನಾ ನ ರಾಜತೇ |
ಹೀನಚಂದ್ರೇವ ರಜನೀ ನಗರೀ ಪ್ರತಿಭಾತಿ ಮಾಮ್ || ೯ ||
ಏವಂ ವಿಲಪಮಾನಂ ತಂ ಭರತಂ ದೀನಮಾನಸಮ್ |
ಅಬ್ರವೀದ್ವಚನಂ ಭೂಯೋ ವಸಿಷ್ಠಸ್ತು ಮಹಾಮುನಿಃ || ೧೦ ||
ಪ್ರೇತ ಕಾರ್ಯಾಣಿ ಯಾನ್ಯಸ್ಯ ಕರ್ತವ್ಯಾನಿ ವಿಶಾಂಪತೇಃ |
ತಾನ್ಯವ್ಯಗ್ರಂ ಮಹಾಬಾಹೋ ಕ್ರಿಯಂತಾಮವಿಚಾರಿತಮ್ || ೧೧ ||
ತಥೇತಿ ಭರತಃ ವಾಕ್ಯಂ ವಸಿಷ್ಠಸ್ಯಾಭಿಪೂಜ್ಯ ತತ್ |
ಋತ್ವಿಕ್ ಪುರೋಹಿತಾಚಾರ್ಯಾನ್ ತ್ವರಯಾಮಾಸ ಸರ್ವಶಃ || ೧೨ ||
ಯೇ ತ್ವಗ್ನಯೋ ನರೇಂದ್ರಸ್ಯ ಚಾಗ್ನ್ಯಗಾರಾದ್ಬಹಿಷ್ಕೃತಾಃ |
ಋತ್ವಿಗ್ಭಿರ್ಯಾಜಕೈಶ್ಚೈವ ತೇ ಹ್ರಿಯಂತೇ ಯಥಾವಿಧಿ || ೧೩ || [ಆಹ್ರಿಯಂತ]
ಶಿಬಿಕಾಯಾಮಥಾರೋಪ್ಯ ರಾಜಾನಂ ಗತಚೇತನಮ್ |
ಬಾಷ್ಪಕಂಠಾ ವಿಮನಸಃ ತಮೂಹುಃ ಪರಿಚಾರಕಾಃ || ೧೪ ||
ಹಿರಣ್ಯಂ ಚ ಸುವರ್ಣಂ ಚ ವಾಸಾಂಸಿ ವಿವಿಧಾನಿ ಚ |
ಪ್ರಕಿರಂತಃ ಜನಾ ಮಾರ್ಗಂ ನೃಪತೇರಗ್ರತಃ ಯಯುಃ || ೧೫ ||
ಚಂದನಾಗುರುನಿರ್ಯಾಸಾನ್ ಸರಲಂ ಪದ್ಮಕಂ ತಥಾ |
ದೇವದಾರೂಣಿ ಚಾಹೃತ್ಯ ಕ್ಷೇಪಯಂತಿ ತಥಾಪರೇ || ೧೬ ||
ಗಂಧಾನುಚ್ಚಾವಚಾಂಶ್ಚಾನ್ಯಾನ್ ತತ್ರ ಗತ್ತ್ವಾಽಥ ಭೂಮಿಪಮ್ |
ತತಃ ಸಂವೇಶಯಾಮಾಸುಶ್ಚಿತಾ ಮಧ್ಯೇ ತಮೃತ್ವಿಜಃ || ೧೭ ||
ತಥಾ ಹುತಾಶನಂ ದತ್ವಾ ಜೇಪುಸ್ತಸ್ಯ ತದೃತ್ವಿಜಃ |
ಜಗುಶ್ಚ ತೇ ಯಥಾಶಾಸ್ತ್ರಂ ತತ್ರ ಸಾಮಾನಿ ಸಾಮಗಾಃ || ೧೮ ||
ಶಿಬಿಕಾಭಿಶ್ಚ ಯಾನೈಶ್ಚ ಯಥಾಽರ್ಹಂ ತಸ್ಯ ಯೋಷಿತಃ |
ನಗರಾನ್ನಿರ್ಯಯುಸ್ತತ್ರ ವೃದ್ಧೈಃ ಪರಿವೃತಾಸ್ತದಾ || ೧೯ ||
ಪ್ರಸವ್ಯಂ ಚಾಪಿ ತಂ ಚಕ್ರುರೃತ್ವಿಜೋಽಗ್ನಿಚಿತಂ ನೃಪಮ್ |
ಸ್ತ್ರಿಯಶ್ಚ ಶೋಕಸಂತಪ್ತಾಃ ಕೌಸಲ್ಯಾ ಪ್ರಮುಖಾಸ್ತದಾ || ೨೦ ||
ಕ್ರೌಂಚೀನಾಮಿವ ನಾರೀಣಾಂ ನಿನಾದಸ್ತತ್ರ ಶುಶ್ರುವೇ |
ಆರ್ತಾನಾಂ ಕರುಣಂ ಕಾಲೇ ಕ್ರೋಶಂತೀನಾಂ ಸಹಸ್ರಶಃ || ೨೧ ||
ತತಃ ರುದಂತ್ಯೋ ವಿವಶಾಃ ವಿಲಪ್ಯ ಚ ಪುನಃ ಪುನಃ |
ಯಾನೇಭ್ಯಃ ಸರಯೂತೀರಮ್ ಅವತೇರುರ್ವರಾಂಗನಾಃ || ೨೨ ||
ಕೃತೋದಕಂ ತೇ ಭರತೇನ ಸಾರ್ಧಮ್
ನೃಪಾಂಗನಾ ಮಂತ್ರಿಪುರೋಹಿತಾಶ್ಚ |
ಪುರಂ ಪ್ರವಿಶ್ಯಾಶ್ರುಪರೀತನೇತ್ರಾಃ
ಭೂಮೌ ದಶಾಹಂ ವ್ಯನಯಂತ ದುಃಖಮ್ || ೨೩ ||
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯೇ ಆದಿಕಾವ್ಯೇ ಅಯೋಧ್ಯಾಕಾಂಡೇ ಷಟ್ಸಪ್ತತಿತಮಃ ಸರ್ಗಃ || ೭೬ ||
ಅಯೋಧ್ಯಾಕಾಂಡ ಸಪ್ತಸಪ್ತತಿತಮಃ ಸರ್ಗಃ (೭೭) >>
ಸಂಪೂರ್ಣ ವಾಲ್ಮೀಕಿ ರಾಮಾಯಣೇ ಅಯೋಧ್ಯಕಾಂಡ ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
