Read in తెలుగు / ಕನ್ನಡ / தமிழ் / देवनागरी / English (IAST)
|| daśarathaurdhvadaihikam ||
tamēvaṁ śōkasantaptaṁ bharataṁ kēkayī sutam |
uvāca vadatāṁ śrēṣṭhō vasiṣṭhaḥ śrēṣṭha vāgr̥ṣiḥ || 1 ||
alaṁ śōkēna bhadraṁ tē rājaputra mahāyaśaḥ |
prāptakālaṁ narapatēḥ kuru samyānamuttamam || 2 ||
vasiṣṭhasya vacaḥ śr̥tvā bharatardhāraṇāṁ gataḥ |
prētakāryāṇi sarvāṇi kārayāmāsa dharmavit || 3 ||
uddhr̥taṁ tailasaṁrōdāt sa tu bhūmau nivēśitam |
āpītavarṇavadanaṁ prasuptamiva bhūpatim || 4 ||
saṁvēśya śayanē cāgryē nānāratnapariṣkr̥tē |
tatardaśarathaṁ putraḥ vilalāpa suduḥkhitaḥ || 5 ||
kiṁ tē vyavasitaṁ rājan prōṣitē mayyanāgatē |
vivāsya rāmaṁ dharmajñaṁ lakṣmaṇaṁ ca mahābalam || 6 ||
kva yāsyasi mahārāja hitvēmaṁ duḥkhitaṁ janam |
hīnaṁ puruṣasiṁhēna rāmēṇākliṣṭa karmaṇā || 7 ||
yōgakṣēmaṁ tu tē rājan kō:’smin kalpayitā purē |
tvayi prayātē svastāta rāmē ca vanamāśritē || 8 ||
vidhavā pr̥thivī rājan tvayā hīnā na rājatē |
hīnacandrēva rajanī nagarī pratibhāti mām || 9 ||
ēvaṁ vilapamānaṁ taṁ bharataṁ dīnamānasam |
abravīdvacanaṁ bhūyō vasiṣṭhastu mahāmuniḥ || 10 ||
prēta kāryāṇi yānyasya kartavyāni viśāmpatēḥ |
tānyavyagraṁ mahābāhō kriyantāmavicāritam || 11 ||
tathēti bharataḥ vākyaṁ vasiṣṭhasyābhipūjya tat |
r̥tvik purōhitācāryān tvarayāmāsa sarvaśaḥ || 12 ||
yē tvagnayō narēndrasya cāgnyagārādbahiṣkr̥tāḥ |
r̥tvigbhiryājakaiścaiva tē hriyantē yathāvidhi || 13 || [āhriyanta]
śibikāyāmathārōpya rājānaṁ gatacētanam |
bāṣpakaṇṭhā vimanasaḥ tamūhuḥ paricārakāḥ || 14 ||
hiraṇyaṁ ca suvarṇaṁ ca vāsāṁsi vividhāni ca |
prakirantaḥ janā mārgaṁ nr̥patēragrataḥ yayuḥ || 15 ||
candanāguruniryāsān saralaṁ padmakaṁ tathā |
dēvadārūṇi cāhr̥tya kṣēpayanti tathāparē || 16 ||
gandhānuccāvacāṁścānyān tatra gattvā:’tha bhūmipam |
tataḥ saṁvēśayāmāsuścitā madhyē tamr̥tvijaḥ || 17 ||
tathā hutāśanaṁ datvā jēpustasya tadr̥tvijaḥ |
jaguśca tē yathāśāstraṁ tatra sāmāni sāmagāḥ || 18 ||
śibikābhiśca yānaiśca yathā:’rhaṁ tasya yōṣitaḥ |
nagarānniryayustatra vr̥ddhaiḥ parivr̥tāstadā || 19 ||
prasavyaṁ cāpi taṁ cakrurr̥tvijō:’gnicitaṁ nr̥pam |
striyaśca śōkasantaptāḥ kausalyā pramukhāstadā || 20 ||
krauñcīnāmiva nārīṇāṁ ninādastatra śuśruvē |
ārtānāṁ karuṇaṁ kālē krōśantīnāṁ sahasraśaḥ || 21 ||
tataḥ rudantyō vivaśāḥ vilapya ca punaḥ punaḥ |
yānēbhyaḥ sarayūtīram avatērurvarāṅganāḥ || 22 ||
kr̥tōdakaṁ tē bharatēna sārdham
nr̥pāṅganā mantripurōhitāśca |
puraṁ praviśyāśruparītanētrāḥ
bhūmau daśāhaṁ vyanayanta duḥkham || 23 ||
ityārṣē śrīmadrāmāyaṇē vālmīkīyē ādikāvyē ayōdhyākāṇḍē ṣaṭsaptatitamaḥ sargaḥ || 76 ||
ayōdhyākāṇḍa saptasaptatitamaḥ sargaḥ (77) >>
See more śrī rāma stōtrāṇi for chanting.
See more vālmīki rāmāyaṇam for chanting.
See vālmīki rāmāyaṇē ayōdhyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
