Ayodhya Kanda Sarga 76 – அயோத்⁴யாகாண்ட³ ஷட்ஸப்ததிதம꞉ ஸர்க³꞉ (76)


॥ த³ஶரதௌ²ர்த்⁴வதை³ஹிகம் ॥

தமேவம் ஶோகஸந்தப்தம் ப⁴ரதம் கேகயீ ஸுதம் ।
உவாச வத³தாம் ஶ்ரேஷ்டோ² வஸிஷ்ட²꞉ ஶ்ரேஷ்ட² வாக்³ருஷி꞉ ॥ 1 ॥

அலம் ஶோகேந ப⁴த்³ரம் தே ராஜபுத்ர மஹாயஶ꞉ ।
ப்ராப்தகாலம் நரபதே꞉ குரு ஸம்யாநமுத்தமம் ॥ 2 ॥

வஸிஷ்ட²ஸ்ய வச꞉ ஶ்ருத்வா ப⁴ரதர்தா⁴ரணாம் க³த꞉ ।
ப்ரேதகார்யாணி ஸர்வாணி காரயாமாஸ த⁴ர்மவித் ॥ 3 ॥

உத்³த்⁴ருதம் தைலஸம்ரோதா³த் ஸ து பூ⁴மௌ நிவேஶிதம் ।
ஆபீதவர்ணவத³நம் ப்ரஸுப்தமிவ பூ⁴பதிம் ॥ 4 ॥

ஸம்வேஶ்ய ஶயநே சாக்³ர்யே நாநாரத்நபரிஷ்க்ருதே ।
ததர்த³ஶரத²ம் புத்ர꞉ விளலாப ஸுது³꞉கி²த꞉ ॥ 5 ॥

கிம் தே வ்யவஸிதம் ராஜந் ப்ரோஷிதே மய்யநாக³தே ।
விவாஸ்ய ராமம் த⁴ர்மஜ்ஞம் லக்ஷ்மணம் ச மஹாப³லம் ॥ 6 ॥

க்வ யாஸ்யஸி மஹாராஜ ஹித்வேமம் து³꞉கி²தம் ஜநம் ।
ஹீநம் புருஷஸிம்ஹேந ராமேணாக்லிஷ்ட கர்மணா ॥ 7 ॥

யோக³க்ஷேமம் து தே ராஜந் கோ(அ)ஸ்மிந் கல்பயிதா புரே ।
த்வயி ப்ரயாதே ஸ்வஸ்தாத ராமே ச வநமாஶ்ரிதே ॥ 8 ॥

வித⁴வா ப்ருதி²வீ ராஜந் த்வயா ஹீநா ந ராஜதே ।
ஹீநசந்த்³ரேவ ரஜநீ நக³ரீ ப்ரதிபா⁴தி மாம் ॥ 9 ॥

ஏவம் விளபமாநம் தம் ப⁴ரதம் தீ³நமாநஸம் ।
அப்³ரவீத்³வசநம் பூ⁴யோ வஸிஷ்ட²ஸ்து மஹாமுநி꞉ ॥ 10 ॥

ப்ரேத கார்யாணி யாந்யஸ்ய கர்தவ்யாநி விஶாம்பதே꞉ ।
தாந்யவ்யக்³ரம் மஹாபா³ஹோ க்ரியந்தாமவிசாரிதம் ॥ 11 ॥

ததே²தி ப⁴ரத꞉ வாக்யம் வஸிஷ்ட²ஸ்யாபி⁴பூஜ்ய தத் ।
ருத்விக் புரோஹிதாசார்யாந் த்வரயாமாஸ ஸர்வஶ꞉ ॥ 12 ॥

யே த்வக்³நயோ நரேந்த்³ரஸ்ய சாக்³ந்யகா³ராத்³ப³ஹிஷ்க்ருதா꞉ ।
ருத்விக்³பி⁴ர்யாஜகைஶ்சைவ தே ஹ்ரியந்தே யதா²விதி⁴ ॥ 13 ॥ [ஆஹ்ரியந்த]

ஶிபி³காயாமதா²ரோப்ய ராஜாநம் க³தசேதநம் ।
பா³ஷ்பகண்டா² விமநஸ꞉ தமூஹு꞉ பரிசாரகா꞉ ॥ 14 ॥

ஹிரண்யம் ச ஸுவர்ணம் ச வாஸாம்ஸி விவிதா⁴நி ச ।
ப்ரகிரந்த꞉ ஜநா மார்க³ம் ந்ருபதேரக்³ரத꞉ யயு꞉ ॥ 15 ॥

சந்த³நாகு³ருநிர்யாஸாந் ஸரளம் பத்³மகம் ததா² ।
தே³வதா³ரூணி சாஹ்ருத்ய க்ஷேபயந்தி ததா²பரே ॥ 16 ॥

க³ந்தா⁴நுச்சாவசாம்ஶ்சாந்யாந் தத்ர க³த்த்வா(அ)த² பூ⁴மிபம் ।
தத꞉ ஸம்வேஶயாமாஸுஶ்சிதா மத்⁴யே தம்ருத்விஜ꞉ ॥ 17 ॥

ததா² ஹுதாஶநம் த³த்வா ஜேபுஸ்தஸ்ய தத்³ருத்விஜ꞉ ।
ஜகு³ஶ்ச தே யதா²ஶாஸ்த்ரம் தத்ர ஸாமாநி ஸாமகா³꞉ ॥ 18 ॥

ஶிபி³காபி⁴ஶ்ச யாநைஶ்ச யதா²(அ)ர்ஹம் தஸ்ய யோஷித꞉ ।
நக³ராந்நிர்யயுஸ்தத்ர வ்ருத்³தை⁴꞉ பரிவ்ருதாஸ்ததா³ ॥ 19 ॥

ப்ரஸவ்யம் சாபி தம் சக்ருர்ருத்விஜோ(அ)க்³நிசிதம் ந்ருபம் ।
ஸ்த்ரியஶ்ச ஶோகஸந்தப்தா꞉ கௌஸல்யா ப்ரமுகா²ஸ்ததா³ ॥ 20 ॥

க்ரௌஞ்சீநாமிவ நாரீணாம் நிநாத³ஸ்தத்ர ஶுஶ்ருவே ।
ஆர்தாநாம் கருணம் காலே க்ரோஶந்தீநாம் ஸஹஸ்ரஶ꞉ ॥ 21 ॥

தத꞉ ருத³ந்த்யோ விவஶா꞉ விளப்ய ச புந꞉ புந꞉ ।
யாநேப்⁴ய꞉ ஸரயூதீரம் அவதேருர்வராங்க³நா꞉ ॥ 22 ॥

க்ருதோத³கம் தே ப⁴ரதேந ஸார்த⁴ம்
ந்ருபாங்க³நா மந்த்ரிபுரோஹிதாஶ்ச ।
புரம் ப்ரவிஶ்யாஶ்ருபரீதநேத்ரா꞉
பூ⁴மௌ த³ஶாஹம் வ்யநயந்த து³꞉க²ம் ॥ 23 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ ஷட்ஸப்ததிதம꞉ ஸர்க³꞉ ॥ 76 ॥

அயோத்⁴யாகாண்ட³ ஸப்தஸப்ததிதம꞉ ஸர்க³꞉ (77) >>


ஸம்பூர்ண வால்மீகி ராமாயணே அயோத்⁴யகாண்ட³ பார்க்க.


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed