Read in తెలుగు / ಕನ್ನಡ / தமிழ் / देवनागरी / English (IAST)
ನೀಲೋತ್ಪಲದಳಶ್ಯಾಮಾ ಷಡ್ವಕ್ತ್ರಾ ಷಟ್ಪ್ರಕಾಶಕಾ |
ಚಿಚ್ಛಕ್ತಿರಷ್ಟಾದಶಾಖ್ಯಾ ಬಾಹುದ್ವಾದಶಸಂಯುತಾ || ೧ ||
ಸಿಂಹಾಸನಸುಖಾಸೀನಾ ಪ್ರೇತಪದ್ಮೋಪರಿಸ್ಥಿತಾ |
ಕುಲಕೋಟಿಸಹಸ್ರಾಖ್ಯಾ ಕರ್ಕೋಟೋ ಮೇಖಲಾಸ್ಥಿತಃ || ೨ ||
ತಕ್ಷಕೇಣೋಪರಿಷ್ಟಾಚ್ಚ ಗಲೇ ಹಾರಶ್ಚ ವಾಸುಕಿಃ |
ಕುಲಿಕಃ ಕರ್ಣಯೋರ್ಯಸ್ಯಾಃ ಕೂರ್ಮಃ ಕುಂಡಲಮಂಡಲಃ || ೩ ||
ಭ್ರುವೋಃ ಪದ್ಮೋ ಮಹಾಪದ್ಮೋ ವಾಮೇ ನಾಗಃ ಕಪಾಲಕಃ |
ಅಕ್ಷಸೂತ್ರಂ ಚ ಖಟ್ವಾಂಗಂ ಶಂಖಂ ಪುಸ್ತಂ ಚ ದಕ್ಷಿಣೇ || ೪ ||
ತ್ರಿಶೂಲಂ ದರ್ಪಣಂ ಖಡ್ಗಂ ರತ್ನಮಾಲಾಂಕುಶಂ ಧನುಃ |
ಶ್ವೇತಮೂರ್ಧಂ ಮುಖಂ ದೇವ್ಯಾ ಊರ್ಧ್ವಶ್ವೇತಂ ತಥಾಽಪರಮ್ || ೫ ||
ಪೂರ್ವಾಸ್ಯಂ ಪಾಂಡುರಂ ಕ್ರೋಧಿ ದಕ್ಷಿಣಂ ಕೃಷ್ಣವರ್ಣಕಮ್ |
ಹಿಮಕುಂದೇಂದುಭಂ ಸೌಮ್ಯಂ ಬ್ರಹ್ಮಾ ಪಾದತಲೇ ಸ್ಥಿತಃ || ೬ ||
ವಿಷ್ಣುಸ್ತು ಜಘನೇ ರುದ್ರೋ ಹೃದಿ ಕಂಠೇ ತಥೇಶ್ವರಃ |
ಸದಾಶಿವೋ ಲಲಾಟೇ ಸ್ಯಾಚ್ಛಿವಸ್ತಸ್ಯೋರ್ಧ್ವತಃ ಸ್ಥಿತಃ |
ಆಘೂರ್ಣಿತಾ ಕುಬ್ಜಿಕೈವಂ ಧ್ಯೇಯಾ ಪೂಜಾದಿಕರ್ಮಸು || ೭ ||
ಇತ್ಯಾಗ್ನೇಯೇ ಮಹಾಪುರಾಣೇ ಕುಬ್ಜಿಕಾಪೂಜಾಕಥನಂ ನಾಮ ಚತುಶ್ಚತ್ವಾರಿಂಶದಧಿಕಶತತಮೋಽಧ್ಯಾಯೇ ಕುಬ್ಜಿಕಾ ವರ್ಣನ ಸ್ತೋತ್ರಮ್ |
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ದುರ್ಗಾ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
