Read in తెలుగు / ಕನ್ನಡ / தமிழ் / देवनागरी / English (IAST)
ಮುಕ್ತಾಮಯಾಲಂಕೃತಮುದ್ರವೇಣೀ
ಭಕ್ತಾಭಯತ್ರಾಣಸುಬದ್ಧವೇಣೀ |
ಮತ್ತಾಲಿಗುಂಜನ್ಮಕರಂದವೇಣೀ
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ || ೧ ||
ಲೋಕತ್ರಯೈಶ್ವರ್ಯನಿದಾನವೇಣೀ
ತಾಪತ್ರಯೋಚ್ಚಾಟನಬದ್ಧವೇಣೀ |
ಧರ್ಮಾರ್ಥಕಾಮಾಕಲನೈಕವೇಣೀ
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ || ೨ ||
ಮುಕ್ತಾಂಗನಾಮೋಹನಸಿದ್ಧವೇಣೀ
ಭಕ್ತಾಂತರಾನಂದಸುಬೋಧವೇಣೀ |
ವೃತ್ತ್ಯಂತರೋದ್ವೇಗವಿವೇಕವೇಣೀ
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ || ೩ ||
ದುಗ್ಧೋದಧಿಸ್ಫೂರ್ಜಸುಭದ್ರವೇಣೀ
ನೀಲಾಭ್ರಶೋಭಾಲಲಿತಾ ಚ ವೇಣೀ |
ಸ್ವರ್ಣಪ್ರಭಾಭಾಸುರಮಧ್ಯವೇಣೀ
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ || ೪ ||
ವಿಶ್ವೇಶ್ವರೋತ್ತುಂಗಕಪರ್ದಿವೇಣೀ
ವಿರಿಂಚಿವಿಷ್ಣುಪ್ರಣತೈಕವೇಣೀ |
ತ್ರಯೀಪುರಾಣಾ ಸುರಸಾರ್ಧವೇಣೀ
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ || ೫ ||
ಮಾಂಗಳ್ಯಸಂಪತ್ತಿಸಮೃದ್ಧವೇಣೀ
ಮಾತ್ರಾಂತರನ್ಯಸ್ತನಿದಾನವೇಣೀ |
ಪರಂಪರಾಪಾತಕಹಾರಿವೇಣೀ
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ || ೬ ||
ನಿಮಜ್ಜದುನ್ಮಜ್ಜಮನುಷ್ಯವೇಣೀ
ತ್ರಯೋದಯೋಭಾಗ್ಯವಿವೇಕವೇಣೀ |
ವಿಮುಕ್ತಜನ್ಮಾವಿಭವೈಕವೇಣೀ
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ || ೭ ||
ಸೌಂದರ್ಯವೇಣೀ ಸುರಸಾರ್ಧವೇಣೀ
ಮಾಧುರ್ಯವೇಣೀ ಮಹನೀಯವೇಣೀ |
ರತ್ನೈಕವೇಣೀ ರಮಣೀಯವೇಣೀ
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ || ೮ ||
ಸಾರಸ್ವತಾಕಾರವಿಘಾತವೇಣೀ
ಕಾಲಿಂದಕನ್ಯಾಮಯಲಕ್ಷ್ಯವೇಣೀ |
ಭಾಗೀರಥೀರೂಪಮಹೇಶವೇಣೀ
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ || ೯ ||
ಶ್ರೀಮದ್ಭವಾನೀಭವನೈಕವೇಣೀ
ಲಕ್ಷ್ಮೀಸರಸ್ವತ್ಯಭಿಮಾನವೇಣೀ |
ಮಾತಾ ತ್ರಿವೇಣೀ ತ್ರಯೀರತ್ನವೇಣೀ
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ || ೧೦ ||
ತ್ರಿವೇಣೀದಶಕಂ ಸ್ತೋತ್ರಂ ಪ್ರಾತರ್ನಿತ್ಯಂ ಪಠೇನ್ನರಃ |
ತಸ್ಯ ವೇಣೀ ಪ್ರಸನ್ನಾ ಸ್ಯಾದ್ವಿಷ್ಣುಲೋಕಂ ಸ ಗಚ್ಛತಿ || ೧೧ ||
ಇತಿ ಶ್ರೀಮಚ್ಛಂಕರಾಚಾರ್ಯವಿರಚಿತಂ ತ್ರಿವೇಣೀಸ್ತೋತ್ರಮ್ |
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
