Read in తెలుగు / ಕನ್ನಡ / தமிழ் / देवनागरी / English (IAST)
ಮಾರ್ಕಂಡೇಯ ಉವಾಚ |
ನರಂ ನೃಸಿಂಹಂ ನರನಾಥಮಚ್ಯುತಂ
ಪ್ರಲಂಬಬಾಹುಂ ಕಮಲಾಯತೇಕ್ಷಣಮ್ |
ಕ್ಷಿತೀಶ್ವರೈರರ್ಚಿತಪಾದಪಂಕಜಂ
ನಮಾಮಿ ವಿಷ್ಣುಂ ಪುರುಷಂ ಪುರಾತನಮ್ || ೧ ||
ಜಗತ್ಪತಿಂ ಕ್ಷೀರಸಮುದ್ರಮಂದಿರಂ
ತಂ ಶಾರ್ಙ್ಗಪಾಣಿಂ ಮುನಿವೃಂದವಂದಿತಮ್ |
ಶ್ರಿಯಃ ಪತಿಂ ಶ್ರೀಧರಮೀಶಮೀಶ್ವರಂ
ನಮಾಮಿ ಗೋವಿಂದಮನಂತವರ್ಚಸಮ್ || ೨ ||
ಅಜಂ ವರೇಣ್ಯಂ ಜನದುಃಖನಾಶನಂ
ಗುರುಂ ಪುರಾಣಂ ಪುರುಷೋತ್ತಮಂ ಪ್ರಭುಮ್ |
ಸಹಸ್ರಸೂರ್ಯದ್ಯುತಿಮಂತಮಚ್ಯುತಂ
ನಮಾಮಿ ಭಕ್ತ್ಯಾ ಹರಿಮಾದ್ಯಮಾಧವಮ್ || ೩ ||
ಪುರಸ್ಕೃತಂ ಪುಣ್ಯವತಾಂ ಪರಾಂ ಗತಿಂ
ಕ್ಷಿತೀಶ್ವರಂ ಲೋಕಪತಿಂ ಪ್ರಜಾಪತಿಮ್ |
ಪರಂ ಪರಾಣಾಮಪಿ ಕಾರಣಂ ಹರಿಂ
ನಮಾಮಿ ಲೋಕತ್ರಯಕರ್ಮಸಾಕ್ಷಿಣಮ್ || ೪ ||
ಭೋಗೇ ತ್ವನಂತಸ್ಯ ಪಯೋದಧೌ ಸುರಃ
ಪುರಾ ಹಿ ಶೇತೇ ಭಗವಾನನಾದಿಕೃತ್ |
ಕ್ಷೀರೋದವೀಚೀಕಣಿಕಾಂಬುನೋಕ್ಷಿತಂ
ತಂ ಶ್ರೀನಿವಾಸಂ ಪ್ರಣತೋಽಸ್ಮಿ ಕೇಶವಮ್ || ೫ ||
ಯೋ ನಾರಸಿಂಹಂ ವಪುರಾಸ್ಥಿತೋ ಮಹಾನ್
ಸುರೋ ಮುರಾರಿರ್ಮಧುಕೈಟಭಾಂತಕೃತ್ |
ಸಮಸ್ತಲೋಕಾರ್ತಿಹರಂ ಹಿರಣ್ಯಕಂ
ನಮಾಮಿ ವಿಷ್ಣುಂ ಸತತಂ ನಮಾಮಿ ತಮ್ || ೬ ||
ಅನಂತಮವ್ಯಕ್ತಮತೀಂದ್ರಿಯಂ ವಿಭುಂ
ಸ್ವೇ ಸ್ವೇ ಹಿ ರೂಪೇ ಸ್ವಯಮೇವ ಸಂಸ್ಥಿತಮ್ |
ಯೋಗೇಶ್ವರೈರೇವ ಸದಾ ನಮಸ್ಕೃತಂ
ನಮಾಮಿ ಭಕ್ತ್ಯಾ ಸತತಂ ಜನಾರ್ದನಮ್ || ೭ ||
ಆನಂದಮೇಕಂ ವಿರಜಂ ವಿದಾತ್ಮಕಂ
ವೃಂದಾಲಯಂ ಯೋಗಿಭಿರೇವ ಪೂಜಿತಮ್ |
ಅಣೋರಣೀಯಾಂಸಮವೃದ್ಧಿಮಕ್ಷಯಂ
ನಮಾಮಿ ಭಕ್ತಪ್ರಿಯಮೀಶ್ವರಂ ಹರಿಮ್ || ೮ ||
ಇತಿ ಶ್ರೀನರಸಿಂಹಪುರಾಣೇ ಮಾರ್ಕಂಡೇಯಚರಿತ್ರೇ ದಶಮೋಽಧ್ಯಾಯೇ ಮಾರ್ಕಂಡೇಯಪ್ರೋಕ್ತ ಶ್ರೀವಿಷ್ಣು ಸ್ತವನಮ್ ||
ಇನ್ನಷ್ಟು ಶ್ರೀ ವಿಷ್ಣು ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
