Sri Vishnu Stavanam – శ్రీ విష్ణు స్తవనం


మార్కండేయ ఉవాచ |
నరం నృసింహం నరనాథమచ్యుతం
ప్రలంబబాహుం కమలాయతేక్షణమ్ |
క్షితీశ్వరైరర్చితపాదపంకజం
నమామి విష్ణుం పురుషం పురాతనమ్ || ౧ ||

జగత్పతిం క్షీరసముద్రమందిరం
తం శార్ఙ్గపాణిం మునివృందవందితమ్ |
శ్రియః పతిం శ్రీధరమీశమీశ్వరం
నమామి గోవిందమనంతవర్చసమ్ || ౨ ||

అజం వరేణ్యం జనదుఃఖనాశనం
గురుం పురాణం పురుషోత్తమం ప్రభుమ్ |
సహస్రసూర్యద్యుతిమంతమచ్యుతం
నమామి భక్త్యా హరిమాద్యమాధవమ్ || ౩ ||

పురస్కృతం పుణ్యవతాం పరాం గతిం
క్షితీశ్వరం లోకపతిం ప్రజాపతిమ్ |
పరం పరాణామపి కారణం హరిం
నమామి లోకత్రయకర్మసాక్షిణమ్ || ౪ ||

భోగే త్వనంతస్య పయోదధౌ సురః
పురా హి శేతే భగవాననాదికృత్ |
క్షీరోదవీచీకణికాంబునోక్షితం
తం శ్రీనివాసం ప్రణతోఽస్మి కేశవమ్ || ౫ ||

యో నారసింహం వపురాస్థితో మహాన్
సురో మురారిర్మధుకైటభాంతకృత్ |
సమస్తలోకార్తిహరం హిరణ్యకం
నమామి విష్ణుం సతతం నమామి తమ్ || ౬ ||

అనంతమవ్యక్తమతీంద్రియం విభుం
స్వే స్వే హి రూపే స్వయమేవ సంస్థితమ్ |
యోగేశ్వరైరేవ సదా నమస్కృతం
నమామి భక్త్యా సతతం జనార్దనమ్ || ౭ ||

ఆనందమేకం విరజం విదాత్మకం
వృందాలయం యోగిభిరేవ పూజితమ్ |
అణోరణీయాంసమవృద్ధిమక్షయం
నమామి భక్తప్రియమీశ్వరం హరిమ్ || ౮ ||

ఇతి శ్రీనరసింహపురాణే మార్కండేయచరిత్రే దశమోఽధ్యాయే మార్కండేయప్రోక్త శ్రీవిష్ణు స్తవనమ్ |


మరిన్ని శ్రీ విష్ణు స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed