Triveni Stotram – త్రివేణీ స్తోత్రం


ముక్తామయాలంకృతముద్రవేణీ
భక్తాభయత్రాణసుబద్ధవేణీ |
మత్తాలిగుంజన్మకరందవేణీ
శ్రీమత్ప్రయాగే జయతి త్రివేణీ || ౧ ||

లోకత్రయైశ్వర్యనిదానవేణీ
తాపత్రయోచ్చాటనబద్ధవేణీ |
ధర్మార్థకామాకలనైకవేణీ
శ్రీమత్ప్రయాగే జయతి త్రివేణీ || ౨ ||

ముక్తాంగనామోహనసిద్ధవేణీ
భక్తాంతరానందసుబోధవేణీ |
వృత్త్యంతరోద్వేగవివేకవేణీ
శ్రీమత్ప్రయాగే జయతి త్రివేణీ || ౩ ||

దుగ్ధోదధిస్ఫూర్జసుభద్రవేణీ
నీలాభ్రశోభాలలితా చ వేణీ |
స్వర్ణప్రభాభాసురమధ్యవేణీ
శ్రీమత్ప్రయాగే జయతి త్రివేణీ || ౪ ||

విశ్వేశ్వరోత్తుంగకపర్దివేణీ
విరించివిష్ణుప్రణతైకవేణీ |
త్రయీపురాణా సురసార్ధవేణీ
శ్రీమత్ప్రయాగే జయతి త్రివేణీ || ౫ ||

మాంగళ్యసంపత్తిసమృద్ధవేణీ
మాత్రాంతరన్యస్తనిదానవేణీ |
పరంపరాపాతకహారివేణీ
శ్రీమత్ప్రయాగే జయతి త్రివేణీ || ౬ ||

నిమజ్జదున్మజ్జమనుష్యవేణీ
త్రయోదయోభాగ్యవివేకవేణీ |
విముక్తజన్మావిభవైకవేణీ
శ్రీమత్ప్రయాగే జయతి త్రివేణీ || ౭ ||

సౌందర్యవేణీ సురసార్ధవేణీ
మాధుర్యవేణీ మహనీయవేణీ |
రత్నైకవేణీ రమణీయవేణీ
శ్రీమత్ప్రయాగే జయతి త్రివేణీ || ౮ ||

సారస్వతాకారవిఘాతవేణీ
కాలిందకన్యామయలక్ష్యవేణీ |
భాగీరథీరూపమహేశవేణీ
శ్రీమత్ప్రయాగే జయతి త్రివేణీ || ౯ ||

శ్రీమద్భవానీభవనైకవేణీ
లక్ష్మీసరస్వత్యభిమానవేణీ |
మాతా త్రివేణీ త్రయీరత్నవేణీ
శ్రీమత్ప్రయాగే జయతి త్రివేణీ || ౧౦ ||

త్రివేణీదశకం స్తోత్రం ప్రాతర్నిత్యం పఠేన్నరః |
తస్య వేణీ ప్రసన్నా స్యాద్విష్ణులోకం స గచ్ఛతి || ౧౧ ||

ఇతి శ్రీమచ్ఛంకరాచార్యవిరచితం త్రివేణీస్తోత్రమ్ ||


మరిన్ని వివిధ స్తోత్రాలు చూడండి.


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed