Read in తెలుగు / ಕನ್ನಡ / தமிழ் / देवनागरी / English (IAST)
muktāmayālaṅkr̥tamudravēṇī
bhaktābhayatrāṇasubaddhavēṇī |
mattāliguñjanmakarandavēṇī
śrīmatprayāgē jayati trivēṇī || 1 ||
lōkatrayaiśvaryanidānavēṇī
tāpatrayōccāṭanabaddhavēṇī |
dharmārthakāmākalanaikavēṇī
śrīmatprayāgē jayati trivēṇī || 2 ||
muktāṅganāmōhanasiddhavēṇī
bhaktāntarānandasubōdhavēṇī |
vr̥ttyantarōdvēgavivēkavēṇī
śrīmatprayāgē jayati trivēṇī || 3 ||
dugdhōdadhisphūrjasubhadravēṇī
nīlābhraśōbhālalitā ca vēṇī |
svarṇaprabhābhāsuramadhyavēṇī
śrīmatprayāgē jayati trivēṇī || 4 ||
viśvēśvarōttuṅgakapardivēṇī
viriñciviṣṇupraṇataikavēṇī |
trayīpurāṇā surasārdhavēṇī
śrīmatprayāgē jayati trivēṇī || 5 ||
māṅgalyasampattisamr̥ddhavēṇī
mātrāntaranyastanidānavēṇī |
paramparāpātakahārivēṇī
śrīmatprayāgē jayati trivēṇī || 6 ||
nimajjadunmajjamanuṣyavēṇī
trayōdayōbhāgyavivēkavēṇī |
vimuktajanmāvibhavaikavēṇī
śrīmatprayāgē jayati trivēṇī || 7 ||
saundaryavēṇī surasārdhavēṇī
mādhuryavēṇī mahanīyavēṇī |
ratnaikavēṇī ramaṇīyavēṇī
śrīmatprayāgē jayati trivēṇī || 8 ||
sārasvatākāravighātavēṇī
kālindakanyāmayalakṣyavēṇī |
bhāgīrathīrūpamahēśavēṇī
śrīmatprayāgē jayati trivēṇī || 9 ||
śrīmadbhavānībhavanaikavēṇī
lakṣmīsarasvatyabhimānavēṇī |
mātā trivēṇī trayīratnavēṇī
śrīmatprayāgē jayati trivēṇī || 10 ||
trivēṇīdaśakaṁ stōtram prātarnityaṁ paṭhēnnaraḥ |
tasya vēṇī prasannā syādviṣṇulōkaṁ sa gacchati || 11 ||
iti śrīmacchaṅkarācāryaviracitaṁ trivēṇīstōtram |
See more vividha stōtrāṇi for chanting.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
