Read in తెలుగు / ಕನ್ನಡ / தமிழ் / देवनागरी / English (IAST)
ಸರ್ವಶೃಂಗಾರಶೋಭಾಢ್ಯಾಂ ತುಂಗಪೀನಪಯೋಧರಾಮ್ |
ಗಂಗಾಧರಪ್ರಿಯಾಂ ದೇವೀಂ ಮಾತಂಗೀಂ ನೌಮಿ ಸಂತತಮ್ || ೧ ||
ಶ್ರೀಮದ್ವೈಕುಂಠನಿಲಯಂ ಶ್ರೀಪತಿಂ ಸಿದ್ಧಸೇವಿತಮ್ |
ಕದಾಚಿತ್ಸ್ವಪ್ರಿಯಂ ಲಕ್ಷ್ಮೀರ್ನಾರಾಯಣಮಪೃಚ್ಛತ || ೨ ||
ಲಕ್ಷ್ಮೀರುವಾಚ |
ಕಿಂ ಜಪ್ಯಂ ಪರಮಂ ನೄಣಾಂ ಭೋಗಮೋಕ್ಷಫಲಪ್ರದಮ್ |
ಸರ್ವವಶ್ಯಕರಂ ಚೈವ ಸರ್ವೈಶ್ವರ್ಯಪ್ರದಾಯಕಮ್ || ೩ ||
ಸರ್ವರಕ್ಷಾಕರಂ ಚೈವ ಸರ್ವತ್ರ ವಿಜಯಪ್ರದಮ್ |
ಬ್ರಹ್ಮಜ್ಞಾನಪ್ರದಂ ಪುಂಸಾಂ ತನ್ಮೇ ಬ್ರೂಹಿ ಜನಾರ್ದನ || ೪ ||
ಭಗವಾನುವಾಚ |
ನಾಮಸಾರಸ್ತವಂ ಪುಣ್ಯಂ ಪಠೇನ್ನಿತ್ಯಂ ಪ್ರಯತ್ನತಃ |
ತೇನ ಪ್ರೀತಾ ಶ್ಯಾಮಲಾಂಬಾ ತ್ವದ್ವಶಂ ಕುರುತೇ ಜಗತ್ || ೫ ||
ತಂತ್ರೇಷು ಲಲಿತಾದೀನಾಂ ಶಕ್ತೀನಾಂ ನಾಮಕೋಶತಃ |
ಸಾರಮುದ್ಧೃತ್ಯ ರಚಿತೋ ನಾಮಸಾರಸ್ತವೋ ಹ್ಯಯಮ್ || ೬ ||
ನಾಮಸಾರಸ್ತವಂ ಮಹ್ಯಂ ದತ್ತವಾನ್ ಪರಮೇಶ್ವರಃ |
ತವ ನಾಮಸಹಸ್ರಂ ತತ್ ಶ್ಯಾಮಲಾಯಾ ವದಾಮ್ಯಹಮ್ || ೭ ||
ಅಸ್ಯ ಶ್ರೀಶ್ಯಾಮಲಾಪರಮೇಶ್ವರೀನಾಮಸಾಹಸ್ರಸ್ತೋತ್ರಮಾಲಾ ಮಂತ್ರಸ್ಯ, ಸದಾಶಿವ ಋಷಿಃ, ಅನುಷ್ಟುಪ್ಛಂದಃ, ಶ್ರೀರಾಜರಾಜೇಶ್ವರೀ ಶ್ಯಾಮಲಾ ಪರಮೇಶ್ವರೀ ದೇವತಾ, ಚತುರ್ವಿಧಪುರುಷಾರ್ಥಸಿದ್ಧ್ಯರ್ಥೇ ನಾಮಪಾರಾಯಣೇ ವಿನಿಯೋಗಃ |
ಧ್ಯಾನಮ್ |
ಧ್ಯಾಯೇಽಹಂ ರತ್ನಪೀಠೇ ಶುಕಕಲಪಠಿತಂ ಶೃಣ್ವತೀಂ ಶ್ಯಾಮಗಾತ್ರೀಂ
ನ್ಯಸ್ತೈಕಾಂಘ್ರಿಂ ಸರೋಜೇ ಶಶಿಶಕಲಧರಾಂ ವಲ್ಲಕೀಂ ವಾದಯಂತೀಮ್ |
ಕಲ್ಹಾರಾಬದ್ಧಮೌಲಿಂ ನಿಯಮಿತಲಸಚ್ಚೂಲಿಕಾಂ ರಕ್ತವಸ್ತ್ರಾಂ
ಮಾತಂಗೀಂ ಭೂಷಿತಾಂಗೀಂ ಮಧುಮದಮುದಿತಾಂ ಚಿತ್ರಕೋದ್ಭಾಸಿಫಾಲಾಮ್ ||
ಲಮಿತ್ಯಾದಿ ಪಂಚಪೂಜಾಂ ಕುರ್ಯಾತ್ |
ಅಥ ಸ್ತೋತ್ರಮ್ |
ಓಂ ಸೌಭಾಗ್ಯಲಕ್ಷ್ಮೀಃ ಸೌಂದರ್ಯನಿಧಿಃ ಸಮರಸಪ್ರಿಯಾ |
ಸರ್ವಕಲ್ಯಾಣನಿಲಯಾ ಸರ್ವೇಶೀ ಸರ್ವಮಂಗಳಾ || ೧ ||
ಸರ್ವವಶ್ಯಕರೀ ಸರ್ವಾ ಸರ್ವಮಂಗಳದಾಯಿನೀ |
ಸರ್ವವಿದ್ಯಾದಾನದಕ್ಷಾ ಸಂಗೀತೋಪನಿಷತ್ಪ್ರಿಯಾ || ೨ ||
ಸರ್ವಭೂತಹೃದಾವಾಸಾ ಸರ್ವಗೀರ್ವಾಣಪೂಜಿತಾ |
ಸಮೃದ್ಧಾ ಸಂಗಮುದಿತಾ ಸರ್ವಲೋಕೈಕಸಂಶ್ರಯಾ || ೩ ||
ಸಪ್ತಕೋಟಿಮಹಾಮಂತ್ರಸ್ವರೂಪಾ ಸರ್ವಸಾಕ್ಷಿಣೀ |
ಸರ್ವಾಂಗಸುಂದರೀ ಸರ್ವಗತಾ ಸತ್ಯಸ್ವರೂಪಿಣೀ || ೪ ||
ಸಮಾ ಸಮಯಸಂವೇದ್ಯಾ ಸಮಯಜ್ಞಾ ಸದಾಶಿವಾ |
ಸಂಗೀತರಸಿಕಾ ಸರ್ವಕಲಾಮಯಶುಕಪ್ರಿಯಾ || ೫ ||
ಚಂದನಾಲೇಪದಿಗ್ಧಾಂಗೀ ಸಚ್ಚಿದಾನಂದರೂಪಿಣೀ |
ಕದಂಬವಾಟೀನಿಲಯಾ ಕಮಲಾಕಾಂತಸೇವಿತಾ || ೬ ||
ಕಟಾಕ್ಷೋತ್ಪನ್ನಕಂದರ್ಪಾ ಕಟಾಕ್ಷಿತಮಹೇಶ್ವರಾ |
ಕಲ್ಯಾಣೀ ಕಮಲಾಸೇವ್ಯಾ ಕಲ್ಯಾಣಾಚಲವಾಸಿನೀ || ೭ ||
ಕಾಂತಾ ಕಂದರ್ಪಜನನೀ ಕರುಣಾರಸಸಾಗರಾ |
ಕಲಿದೋಷಹರಾ ಕಾಮ್ಯಾ ಕಾಮದಾ ಕಾಮವರ್ಧಿನೀ || ೮ ||
ಕದಂಬಕಲಿಕೋತ್ತಂಸಾ ಕದಂಬಕುಸುಮಪ್ರಿಯಾ |
ಕದಂಬಮೂಲರಸಿಕಾ ಕಾಮಾಕ್ಷೀ ಕಮಲಾನನಾ || ೯ ||
ಕಂಬುಕಂಠೀ ಕಲಾಲಾಪಾ ಕಮಲಾಸನಪೂಜಿತಾ |
ಕಾತ್ಯಾಯನೀ ಕೇಲಿಪರಾ ಕಮಲಾಕ್ಷಸಹೋದರೀ || ೧೦ ||
ಕಮಲಾಕ್ಷೀ ಕಲಾರೂಪಾ ಕೋಕಾಕಾರಕುಚದ್ವಯಾ |
ಕೋಕಿಲಾ ಕೋಕಿಲಾರಾವಾ ಕುಮಾರಜನನೀ ಶಿವಾ || ೧೧ ||
ಸರ್ವಜ್ಞಾ ಸಂತತೋನ್ಮತ್ತಾ ಸರ್ವೈಶ್ವರ್ಯಪ್ರದಾಯಿನೀ |
ಸುಧಾಪ್ರಿಯಾ ಸುರಾರಾಧ್ಯಾ ಸುಕೇಶೀ ಸುರಸುಂದರೀ || ೧೨ ||
ಶೋಭನಾ ಶುಭದಾ ಶುದ್ಧಾ ಶುದ್ಧಚಿತ್ತೈಕವಾಸಿನೀ |
ವೇದವೇದ್ಯಾ ವೇದಮಯೀ ವಿದ್ಯಾಧರಗಣಾರ್ಚಿತಾ || ೧೩ ||
ವೇದಾಂತಸಾರಾ ವಿಶ್ವೇಶೀ ವಿಶ್ವರೂಪಾ ವಿರೂಪಿಣೀ |
ವಿರೂಪಾಕ್ಷಪ್ರಿಯಾ ವಿದ್ಯಾ ವಿಂಧ್ಯಾಚಲನಿವಾಸಿನೀ || ೧೪ ||
ವೀಣಾವಾದವಿನೋದಜ್ಞಾ ವೀಣಾಗಾನವಿಶಾರದಾ |
ವೀಣಾವತೀ ಬಿಂದುರೂಪಾ ಬ್ರಹ್ಮಾಣೀ ಬ್ರಹ್ಮರೂಪಿಣೀ || ೧೫ ||
ಪಾರ್ವತೀ ಪರಮಾಽಚಿಂತ್ಯಾ ಪರಾಶಕ್ತಿಃ ಪರಾತ್ಪರಾ |
ಪರಾನಂದಾ ಪರೇಶಾನೀ ಪರವಿದ್ಯಾ ಪರಾಪರಾ || ೧೬ ||
ಭಕ್ತಪ್ರಿಯಾ ಭಕ್ತಿಗಮ್ಯಾ ಭಕ್ತಾನಾಂ ಪರಮಾ ಗತಿಃ |
ಭವ್ಯಾ ಭವಪ್ರಿಯಾ ಭೀರುರ್ಭವಸಾಗರತಾರಿಣೀ || ೧೭ ||
ಭಯಘ್ನೀ ಭಾವುಕಾ ಭವ್ಯಾ ಭಾಮಿನೀ ಭಕ್ತಪಾಲಿನೀ |
ಭೇದಶೂನ್ಯಾ ಭೇದಹಂತ್ರೀ ಭಾವನಾ ಮುನಿಭಾವಿತಾ || ೧೮ ||
ಮಾಯಾ ಮಹೇಶ್ವರೀ ಮಾನ್ಯಾ ಮಾತಂಗೀ ಮಲಯಾಲಯಾ |
ಮಹನೀಯಾ ಮದೋನ್ಮತ್ತಾ ಮಂತ್ರಿಣೀ ಮಂತ್ರನಾಯಿಕಾ || ೧೯ ||
ಮಹಾನಂದಾ ಮನೋಗಮ್ಯಾ ಮತಂಗಕುಲಮಂಡನಾ |
ಮನೋಜ್ಞಾ ಮಾನಿನೀ ಮಾಧ್ವೀ ಸಿಂಧುಮಧ್ಯಕೃತಾಲಯಾ || ೨೦ ||
ಮಧುಪ್ರೀತಾ ನೀಲಕಚಾ ಮಾಧ್ವೀರಸಮದಾಲಸಾ |
ಪೂರ್ಣಚಂದ್ರಾಭವದನಾ ಪೂರ್ಣಾ ಪುಣ್ಯಫಲಪ್ರದಾ || ೨೧ ||
ಪುಲೋಮಜಾರ್ಚಿತಾ ಪೂಜ್ಯಾ ಪುರುಷಾರ್ಥಪ್ರದಾಯಿನೀ |
ನಾರಾಯಣೀ ನಾದರೂಪಾ ನಾದಬ್ರಹ್ಮಸ್ವರೂಪಿಣೀ || ೨೨ ||
ನಿತ್ಯಾ ನವನವಾಕಾರಾ ನಿತ್ಯಾನಂದಾ ನಿರಾಕುಲಾ |
ನಿಟಿಲಾಕ್ಷಪ್ರಿಯಾ ನೇತ್ರೀ ನೀಲೇಂದೀವರಲೋಚನಾ || ೨೩ ||
ತಮಾಲಕೋಮಲಾಕಾರಾ ತರುಣೀ ತನುಮಧ್ಯಮಾ |
ತಟಿತ್ಪಿಶಂಗವಸನಾ ತಟಿತ್ಕೋಟಿಸಮದ್ಯುತಿಃ || ೨೪ ||
ಮಧುರಾ ಮಂಗಳಾ ಮೇಧ್ಯಾ ಮಧುಪಾನಪ್ರಿಯಾ ಸಖೀ |
ಚಿತ್ಕಲಾ ಚಾರುವದನಾ ಸುಖರೂಪಾ ಸುಖಪ್ರದಾ || ೨೫ ||
ಕೂಟಸ್ಥಾ ಕೌಲಿನೀ ಕೂರ್ಮಪೀಠಸ್ಥಾ ಕುಟಿಲಾಲಕಾ |
ಶಾಂತಾ ಶಾಂತಿಮತೀ ಶಾಂತಿಃ ಶ್ಯಾಮಲಾ ಶ್ಯಾಮಲಾಕೃತಿಃ || ೨೬ ||
ಶಂಖಿನೀ ಶಂಕರೀ ಶೈವೀ ಶಂಖಕುಂಡಲಮಂಡಿತಾ |
ಕುಂದದಂತಾ ಕೋಮಲಾಂಗೀ ಕುಮಾರೀ ಕುಲಯೋಗಿನೀ || ೨೭ ||
ನಿಗರ್ಭಯೋಗಿನೀಸೇವ್ಯಾ ನಿರಂತರರತಿಪ್ರಿಯಾ |
ಶಿವದೂತೀ ಶಿವಕರೀ ಜಟಿಲಾ ಜಗದಾಶ್ರಯಾ || ೨೮ ||
ಶಾಂಭವೀ ಯೋಗಿನಿಲಯಾ ಪರಚೈತನ್ಯರೂಪಿಣೀ |
ದಹರಾಕಾಶನಿಲಯಾ ದಂಡಿನೀಪರಿಪೂಜಿತಾ || ೨೯ ||
ಸಂಪತ್ಕರೀಗಜಾರೂಢಾ ಸಾಂದ್ರಾನಂದಾ ಸುರೇಶ್ವರೀ |
ಚಂಪಕೋದ್ಭಾಸಿತಕಚಾ ಚಂದ್ರಶೇಖರವಲ್ಲಭಾ || ೩೦ ||
ಚಾರುರೂಪಾ ಚಾರುದತೀ ಚಂದ್ರಿಕಾ ಶಂಭುಮೋಹಿನೀ |
ವಿಮಲಾ ವಿದುಷೀ ವಾಣೀ ಕಮಲಾ ಕಮಲಾಸನಾ || ೩೧ ||
ಕರುಣಾಪೂರ್ಣಹೃದಯಾ ಕಾಮೇಶೀ ಕಂಬುಕಂಧರಾ |
ರಾಜರಾಜೇಶ್ವರೀ ರಾಜಮಾತಂಗೀ ರಾಜವಲ್ಲಭಾ || ೩೨ ||
ಸಚಿವಾ ಸಚಿವೇಶಾನೀ ಸಚಿವತ್ವಪ್ರದಾಯಿನೀ |
ಪಂಚಬಾಣಾರ್ಚಿತಾ ಬಾಲಾ ಪಂಚಮೀ ಪರದೇವತಾ || ೩೩ ||
ಉಮಾ ಮಹೇಶ್ವರೀ ಗೌರೀ ಸಂಗೀತಜ್ಞಾ ಸರಸ್ವತೀ |
ಕವಿಪ್ರಿಯಾ ಕಾವ್ಯಕಲಾ ಕಲೌ ಸಿದ್ಧಿಪ್ರದಾಯಿನೀ || ೩೪ ||
ಲಲಿತಾಮಂತ್ರಿಣೀ ರಮ್ಯಾ ಲಲಿತಾರಾಜ್ಯಪಾಲಿನೀ |
ಲಲಿತಾಸೇವನಪರಾ ಲಲಿತಾಜ್ಞಾವಶಂವದಾ || ೩೫ ||
ಲಲಿತಾಕಾರ್ಯಚತುರಾ ಲಲಿತಾಭಕ್ತಪಾಲಿನೀ |
ಲಲಿತಾರ್ಧಾಸನಾರೂಢಾ ಲಾವಣ್ಯರಸಶೇವಧಿಃ || ೩೬ ||
ರಂಜನೀ ಲಾಲಿತಶುಕಾ ಲಸಚ್ಚೂಲೀವರಾನ್ವಿತಾ |
ರಾಗಿಣೀ ರಮಣೀ ರಾಮಾ ರತೀ ರತಿಸುಖಪ್ರದಾ || ೩೭ ||
ಭೋಗದಾ ಭೋಗ್ಯದಾ ಭೂಮಿಪ್ರದಾ ಭೂಷಣಶಾಲಿನೀ |
ಪುಣ್ಯಲಭ್ಯಾ ಪುಣ್ಯಕೀರ್ತಿಃ ಪುರಂದರಪುರೇಶ್ವರೀ || ೩೮ ||
ಭೂಮಾನಂದಾ ಭೂತಿಕರೀ ಕ್ಲೀಂಕಾರೀ ಕ್ಲಿನ್ನರೂಪಿಣೀ |
ಭಾನುಮಂಡಲಮಧ್ಯಸ್ಥಾ ಭಾಮಿನೀ ಭಾರತೀ ಧೃತಿಃ || ೩೯ ||
ನಾರಾಯಣಾರ್ಚಿತಾ ನಾಥಾ ನಾದಿನೀ ನಾದರೂಪಿಣೀ |
ಪಂಚಕೋಣಸ್ಥಿತಾ ಲಕ್ಷ್ಮೀಃ ಪುರಾಣೀ ಪುರರೂಪಿಣೀ || ೪೦ ||
ಚಕ್ರಸ್ಥಿತಾ ಚಕ್ರರೂಪಾ ಚಕ್ರಿಣೀ ಚಕ್ರನಾಯಿಕಾ |
ಷಟ್ಚಕ್ರಮಂಡಲಾಂತಃಸ್ಥಾ ಬ್ರಹ್ಮಚಕ್ರನಿವಾಸಿನೀ || ೪೧ ||
ಅಂತರಭ್ಯರ್ಚನಪ್ರೀತಾ ಬಹಿರರ್ಚನಲೋಲುಪಾ |
ಪಂಚಾಶತ್ಪೀಠಮಧ್ಯಸ್ಥಾ ಮಾತೃಕಾವರ್ಣರೂಪಿಣೀ || ೪೨ ||
ಮಹಾದೇವೀ ಮಹಾಶಕ್ತಿಃ ಮಹಾಮಾಯಾ ಮಹಾಮತಿಃ |
ಮಹಾರೂಪಾ ಮಹಾದೀಪ್ತಿಃ ಮಹಾಲಾವಣ್ಯಶಾಲಿನೀ || ೪೩ ||
ಮಾಹೇಂದ್ರೀ ಮದಿರಾದೃಪ್ತಾ ಮದಿರಾಸಿಂಧುವಾಸಿನೀ |
ಮದಿರಾಮೋದವದನಾ ಮದಿರಾಪಾನಮಂಥರಾ || ೪೪ ||
ದುರಿತಘ್ನೀ ದುಃಖಹಂತ್ರೀ ದೂತೀ ದೂತರತಿಪ್ರಿಯಾ |
ವೀರಸೇವ್ಯಾ ವಿಘ್ನಹರಾ ಯೋಗಿನೀ ಗಣಸೇವಿತಾ || ೪೫ ||
ನಿಜವೀಣಾರವಾನಂದನಿಮೀಲಿತವಿಲೋಚನಾ |
ವಜ್ರೇಶ್ವರೀ ವಶ್ಯಕರೀ ಸರ್ವಚಿತ್ತವಿಮೋಹಿನೀ || ೪೬ ||
ಶಬರೀ ಶಂಬರಾರಾಧ್ಯಾ ಶಾಂಬರೀ ಸಾಮಸಂಸ್ತುತಾ |
ತ್ರಿಪುರಾಮಂತ್ರಜಪಿನೀ ತ್ರಿಪುರಾರ್ಚನತತ್ಪರಾ || ೪೭ ||
ತ್ರಿಲೋಕೇಶೀ ತ್ರಯೀಮಾತಾ ತ್ರಿಮೂರ್ತಿಸ್ತ್ರಿದಿವೇಶ್ವರೀ |
ಐಂಕಾರೀ ಸರ್ವಜನನೀ ಸೌಃಕಾರೀ ಸಂವಿದೀಶ್ವರೀ || ೪೮ ||
ಬೋಧಾ ಬೋಧಕರೀ ಬೋಧ್ಯಾ ಬುಧಾರಾಧ್ಯಾ ಪುರಾತನೀ |
ಭಂಡಸೋದರಸಂಹರ್ತ್ರೀ ಭಂಡಸೈನ್ಯವಿನಾಶಿನೀ || ೪೯ ||
ಗೇಯಚಕ್ರರಥಾರೂಢಾ ಗುರುಮೂರ್ತಿಃ ಕುಲಾಂಗನಾ |
ಗಾಂಧರ್ವಶಾಸ್ತ್ರಮರ್ಮಜ್ಞಾ ಗಂಧರ್ವಗಣಪೂಜಿತಾ || ೫೦ ||
ಜಗನ್ಮಾತಾ ಜಯಕರೀ ಜನನೀ ಜನದೇವತಾ |
ಶಿವಾರಾಧ್ಯಾ ಶಿವಾರ್ಧಾಂಗೀ ಶಿಂಜನ್ಮಂಜೀರಮಂಡಿತಾ || ೫೧ ||
ಸರ್ವಾತ್ಮಿಕಾ ಹೃಷೀಕೇಶೀ ಸರ್ವಪಾಪವಿನಾಶಿನೀ |
ಸರ್ವರೋಗಹರಾ ಸಾಧ್ಯಾ ಧರ್ಮಿಣೀ ಧರ್ಮರೂಪಿಣೀ || ೫೨ ||
ಆಚಾರಲಭ್ಯಾ ಸ್ವಾಚಾರಾ ಖೇಚರೀ ಯೋನಿರೂಪಿಣೀ |
ಪತಿವ್ರತಾ ಪಾಶಹಂತ್ರೀ ಪರಮಾರ್ಥಸ್ವರೂಪಿಣೀ || ೫೩ ||
ಪಂಡಿತಾ ಪರಿವಾರಾಢ್ಯಾ ಪಾಷಂಡಮತಭಂಜನೀ |
ಶ್ರೀಕರೀ ಶ್ರೀಮತೀ ದೇವೀ ಬಿಂದುನಾದಸ್ವರೂಪಿಣೀ || ೫೪ ||
ಅಪರ್ಣಾ ಹಿಮವತ್ಪುತ್ರೀ ದುರ್ಗಾ ದುರ್ಗತಿಹಾರಿಣೀ |
ವ್ಯಾಲೋಲಶಂಖತಾಟಂಕಾ ವಿಲಸದ್ಗಂಡಪಾಲಿಕಾ || ೫೫ ||
ಸುಧಾಮಧುರಸಾಲಾಪಾ ಸಿಂದೂರತಿಲಕೋಜ್ಜ್ವಲಾ |
ಅಲಕ್ತಕಾರಕ್ತಪಾದಾ ನಂದನೋದ್ಯಾನವಾಸಿನೀ || ೫೬ ||
ವಾಸಂತಕುಸುಮಾಪೀಡಾ ವಸಂತಸಮಯಪ್ರಿಯಾ |
ಧ್ಯಾನನಿಷ್ಠಾ ಧ್ಯಾನಗಮ್ಯಾ ಧ್ಯೇಯಾ ಧ್ಯಾನಸ್ವರೂಪಿಣೀ || ೫೭ ||
ದಾರಿದ್ರ್ಯಹಂತ್ರೀ ದೌರ್ಭಾಗ್ಯಶಮನೀ ದಾನವಾಂತಕಾ |
ತೀರ್ಥರೂಪಾ ತ್ರಿನಯನಾ ತುರೀಯಾ ದೋಷವರ್ಜಿತಾ || ೫೮ ||
ಮೇಧಾಪ್ರದಾಯಿನೀ ಮೇಧ್ಯಾ ಮೇದಿನೀ ಮದಶಾಲಿನೀ |
ಮಧುಕೈಟಭಸಂಹರ್ತ್ರೀ ಮಾಧವೀ ಮಾಧವಪ್ರಿಯಾ || ೫೯ ||
ಮಹಿಲಾ ಮಹಿಮಾಸಾರಾ ಶರ್ವಾಣೀ ಶರ್ಮದಾಯಿನೀ |
ರುದ್ರಾಣೀ ರುಚಿರಾ ರೌದ್ರೀ ರುಕ್ಮಭೂಷಣಭೂಷಿತಾ || ೬೦ ||
ಅಂಬಿಕಾ ಜಗತಾಂ ಧಾತ್ರೀ ಜಟಿನೀ ಧೂರ್ಜಟಿಪ್ರಿಯಾ |
ಸೂಕ್ಷ್ಮಸ್ವರೂಪಿಣೀ ಸೌಮ್ಯಾ ಸುರುಚಿಃ ಸುಲಭಾ ಶುಭಾ || ೬೧ ||
ವಿಪಂಚೀಕಲನಿಕ್ವಾಣವಿಮೋಹಿತಜಗತ್ತ್ರಯಾ |
ಭೈರವಪ್ರೇಮನಿಲಯಾ ಭೈರವೀ ಭಾಸುರಾಕೃತಿಃ || ೬೨ ||
ಪುಷ್ಪಿಣೀ ಪುಣ್ಯನಿಲಯಾ ಪುಣ್ಯಶ್ರವಣಕೀರ್ತನಾ |
ಕುರುಕುಲ್ಲಾ ಕುಂಡಲಿನೀ ವಾಗೀಶೀ ನಕುಲೇಶ್ವರೀ || ೬೩ ||
ವಾಮಕೇಶೀ ಗಿರಿಸುತಾ ವಾರ್ತಾಲೀಪರಿಪೂಜಿತಾ |
ವಾರುಣೀಮದರಕ್ತಾಕ್ಷೀ ವಂದಾರುವರದಾಯಿನೀ || ೬೪ ||
ಕಟಾಕ್ಷಸ್ಯಂದಿಕರುಣಾ ಕಂದರ್ಪಮದವರ್ಧಿನೀ |
ದೂರ್ವಾಶ್ಯಾಮಾ ದುಷ್ಟಹಂತ್ರೀ ದುಷ್ಟಗ್ರಹವಿಭೇದಿನೀ || ೬೫ ||
ಸರ್ವಶತ್ರುಕ್ಷಯಕರೀ ಸರ್ವಸಂಪತ್ಪ್ರವರ್ಧಿನೀ |
ಕಬರೀಶೋಭಿಕಲ್ಹಾರಾ ಕಲಶಿಂಜಿತಮೇಖಲಾ || ೬೬ ||
ಮೃಣಾಲೀತುಲ್ಯದೋರ್ವಲ್ಲೀ ಮೃಡಾನೀ ಮೃತ್ಯುವರ್ಜಿತಾ |
ಮೃದುಲಾ ಮೃತ್ಯುಸಂಹರ್ತ್ರೀ ಮಂಜುಲಾ ಮಂಜುಭಾಷಿಣೀ || ೬೭ ||
ಕರ್ಪೂರವೀಟೀಕಬಲಾ ಕಮನೀಯಕಪೋಲಭೂಃ |
ಕರ್ಪೂರಕ್ಷೋದದಿಗ್ಧಾಂಗೀ ಕರ್ತ್ರೀ ಕಾರಣವರ್ಜಿತಾ || ೬೮ ||
ಅನಾದಿನಿಧನಾ ಧಾತ್ರೀ ಧಾತ್ರೀಧರಕುಲೋದ್ಭವಾ |
ಸ್ತೋತ್ರಪ್ರಿಯಾ ಸ್ತುತಿಮಯೀ ಮೋಹಿನೀ ಮೋಹಹಾರಿಣೀ || ೬೯ ||
ಜೀವರೂಪಾ ಜೀವಕಾರೀ ಜೀವನ್ಮುಕ್ತಿಪ್ರದಾಯಿನೀ |
ಭದ್ರಪೀಠಸ್ಥಿತಾ ಭದ್ರಾ ಭದ್ರದಾ ಭರ್ಗಭಾಮಿನೀ || ೭೦ ||
ಭಗಾನಂದಾ ಭಗಮಯೀ ಭಗಲಿಂಗಾ ಭಗೇಶ್ವರೀ |
ಮತ್ತಮಾತಂಗಗಮನಾ ಮಾತಂಗಕುಲಮಂಜರೀ || ೭೧ ||
ರಾಜಹಂಸಗತೀ ರಾಜ್ಞೀ ರಾಜರಾಜ ಸಮರ್ಚಿತಾ |
ಭವಾನೀ ಪಾವನೀ ಕಾಲೀ ದಕ್ಷಿಣಾ ದಕ್ಷಕನ್ಯಕಾ || ೭೨ ||
ಹವ್ಯವಾಹಾ ಹವಿರ್ಭೋಕ್ತ್ರೀ ಹಾರಿಣೀ ದುಃಖಹಾರಿಣೀ |
ಸಂಸಾರತಾರಿಣೀ ಸೌಮ್ಯಾ ಸರ್ವೇಶೀ ಸಮರಪ್ರಿಯಾ || ೭೩ ||
ಸ್ವಪ್ನವತೀ ಜಾಗರಿಣೀ ಸುಷುಪ್ತಾ ವಿಶ್ವರೂಪಿಣೀ |
ತೈಜಸೀ ಪ್ರಾಜ್ಞಕಲನಾ ಚೇತನಾ ಚೇತನಾವತೀ || ೭೪ ||
ಚಿನ್ಮಾತ್ರಾ ಚಿದ್ಘನಾ ಚೇತ್ಯಾ ಚಿಚ್ಛಾಯಾ ಚಿತ್ಸ್ವರೂಪಿಣೀ |
ನಿವೃತ್ತಿರೂಪಿಣೀ ಶಾಂತಿಃ ಪ್ರತಿಷ್ಠಾ ನಿತ್ಯರೂಪಿಣೀ || ೭೫ ||
ವಿದ್ಯಾರೂಪಾ ಶಾಂತ್ಯತೀತಾ ಕಲಾಪಂಚಕರೂಪಿಣೀ |
ಹ್ರೀಂಕಾರೀ ಹ್ರೀಮತೀ ಹೃದ್ಯಾ ಹ್ರೀಚ್ಛಾಯಾ ಹರಿವಾಹನಾ || ೭೬ ||
ಮೂಲಪ್ರಕೃತಿರವ್ಯಕ್ತಾ ವ್ಯಕ್ತಾವ್ಯಕ್ತವಿನೋದಿನೀ |
ಯಜ್ಞರೂಪಾ ಯಜ್ಞಭೋಕ್ತ್ರೀ ಯಜ್ಞಾಂಗೀ ಯಜ್ಞರೂಪಿಣೀ || ೭೭ ||
ದೀಕ್ಷಿತಾ ಕ್ಷಮಣಾ ಕ್ಷಾಮಾ ಕ್ಷಿತಿಃ ಕ್ಷಾಂತಿಃ ಶ್ರುತಿಃ ಸ್ಮೃತಿಃ |
ಏಕಾಽನೇಕಾ ಕಾಮಕಲಾ ಕಲ್ಯಾ ಕಾಲಸ್ವರೂಪಿಣೀ || ೭೮ ||
ದಕ್ಷಾ ದಾಕ್ಷಾಯಣೀ ದೀಕ್ಷಾ ದಕ್ಷಯಜ್ಞವಿನಾಶಿನೀ |
ಗಾಯತ್ರೀ ಗಗನಾಕಾರಾ ಗೀರ್ದೇವೀ ಗರುಡಾಸನಾ || ೭೯ ||
ಸಾವಿತ್ರೀ ಸಕಲಾಧ್ಯಕ್ಷಾ ಬ್ರಹ್ಮಾಣೀ ಬ್ರಾಹ್ಮಣಪ್ರಿಯಾ |
ಜಗನ್ನಾಥಾ ಜಗನ್ಮೂರ್ತಿಃ ಜಗನ್ಮೃತ್ಯುನಿವಾರಿಣೀ || ೮೦ ||
ದೃಗ್ರೂಪಾ ದೃಶ್ಯನಿಲಯಾ ದ್ರಷ್ಟ್ರೀ ಮಂತ್ರೀ ಚಿರಂತನೀ |
ವಿಜ್ಞಾತ್ರೀ ವಿಪುಲಾ ವೇದ್ಯಾ ವೃದ್ಧಾ ವರ್ಷೀಯಸೀ ಮಹೀ || ೮೧ ||
ಆರ್ಯಾ ಕುಹರಿಣೀ ಗುಹ್ಯಾ ಗೌರೀ ಗೌತಮಪೂಜಿತಾ |
ನಂದಿನೀ ನಲಿನೀ ನಿತ್ಯಾ ನೀತಿರ್ನಯವಿಶಾರದಾ || ೮೨ ||
ಗತಾಗತಜ್ಞಾ ಗಂಧರ್ವೀ ಗಿರಿಜಾ ಗರ್ವನಾಶಿನೀ |
ಪ್ರಿಯವ್ರತಾ ಪ್ರಮಾ ಪ್ರಾಣಾ ಪ್ರಮಾಣಜ್ಞಾ ಪ್ರಿಯಂವದಾ || ೮೩ ||
ಅಶರೀರಾ ಶರೀರಸ್ಥಾ ನಾಮರೂಪವಿವರ್ಜಿತಾ |
ವರ್ಣಾಶ್ರಮವಿಭಾಗಜ್ಞಾ ವರ್ಣಾಶ್ರಮವಿವರ್ಜಿತಾ || ೮೪ ||
ನಿತ್ಯಮುಕ್ತಾ ನಿತ್ಯತೃಪ್ತಾ ನಿರ್ಲೇಪಾ ನಿರವಗ್ರಹಾ |
ಇಚ್ಛಾಜ್ಞಾನಕ್ರಿಯಾಶಕ್ತಿಃ ಇಂದಿರಾ ಬಂಧುರಾಕೃತಿಃ || ೮೫ ||
ಮನೋರಥಪ್ರದಾ ಮುಖ್ಯಾ ಮಾನಿನೀ ಮಾನವರ್ಜಿತಾ |
ನೀರಾಗಾ ನಿರಹಂಕಾರಾ ನಿರ್ನಾಶಾ ನಿರುಪಪ್ಲವಾ || ೮೬ ||
ವಿಚಿತ್ರಾ ಚಿತ್ರಚಾರಿತ್ರಾ ನಿಷ್ಕಲಾ ನಿಗಮಾಲಯಾ |
ಬ್ರಹ್ಮವಿದ್ಯಾ ಬ್ರಹ್ಮನಾಡೀ ಬಂಧಹಂತ್ರೀ ಬಲಿಪ್ರಿಯಾ || ೮೭ ||
ಸುಲಕ್ಷಣಾ ಲಕ್ಷಣಜ್ಞಾ ಸುಂದರಭ್ರೂಲತಾಂಚಿತಾ |
ಸುಮಿತ್ರಾ ಮಾಲಿನೀ ಸೀಮಾ ಮುದ್ರಿಣೀ ಮುದ್ರಿಕಾಂಚಿತಾ || ೮೮ ||
ರಜಸ್ವಲಾ ರಮ್ಯಮೂರ್ತಿರ್ಜಯಾ ಜನ್ಮವಿವರ್ಜಿತಾ |
ಪದ್ಮಾಲಯಾ ಪದ್ಮಪೀಠಾ ಪದ್ಮಿನೀ ಪದ್ಮವರ್ಣಿನೀ || ೮೯ ||
ವಿಶ್ವಂಭರಾ ವಿಶ್ವಗರ್ಭಾ ವಿಶ್ವೇಶೀ ವಿಶ್ವತೋಮುಖೀ |
ಅದ್ವಿತೀಯಾ ಸಹಸ್ರಾಕ್ಷೀ ವಿರಾಡ್ರೂಪಾ ವಿಮೋಚಿನೀ || ೯೦ ||
ಸೂತ್ರರೂಪಾ ಶಾಸ್ತ್ರಕರೀ ಶಾಸ್ತ್ರಜ್ಞಾ ಶಸ್ತ್ರಧಾರಿಣೀ |
ವೇದವಿದ್ವೇದಕೃದ್ವೇದ್ಯಾ ವಿತ್ತಜ್ಞಾ ವಿತ್ತಶಾಲಿನೀ || ೯೧ ||
ವಿಶದಾ ವೈಷ್ಣವೀ ಬ್ರಾಹ್ಮೀ ವೈರಿಂಚೀ ವಾಕ್ಪ್ರದಾಯಿನೀ |
ವ್ಯಾಖ್ಯಾತ್ರೀ ವಾಮನಾ ವೃದ್ಧಿಃ ವಿಶ್ವನಾಥಾ ವಿಶಾರದಾ || ೯೨ ||
ಮುದ್ರೇಶ್ವರೀ ಮುಂಡಮಾಲಾ ಕಾಲೀ ಕಂಕಾಲರೂಪಿಣೀ |
ಮಹೇಶ್ವರಪ್ರೀತಿಕರೀ ಮಹೇಶ್ವರ ಪತಿವ್ರತಾ || ೯೩ ||
ಬ್ರಹ್ಮಾಂಡಮಾಲಿನೀ ಬುಧ್ನ್ಯಾ ಮತಂಗಮುನಿಪೂಜಿತಾ |
ಈಶ್ವರೀ ಚಂಡಿಕಾ ಚಂಡೀ ನಿಯಂತ್ರೀ ನಿಯಮಸ್ಥಿತಾ || ೯೪ ||
ಸರ್ವಾಂತರ್ಯಾಮಿಣೀ ಸೇವ್ಯಾ ಸಂತತಿಃ ಸಂತತಿಪ್ರದಾ |
ತಮಾಲಪಲ್ಲವಶ್ಯಾಮಾ ತಾಮ್ರೋಷ್ಠೀ ತಾಂಡವಪ್ರಿಯಾ || ೯೫ ||
ನಾಟ್ಯಲಾಸ್ಯಕರೀ ರಂಭಾ ನಟರಾಜಪ್ರಿಯಾಂಗನಾ |
ಅನಂಗರೂಪಾಽನಂಗಶ್ರೀರನಂಗೇಶೀ ವಸುಂಧರಾ || ೯೯ ||
ಸಾಮ್ರಾಜ್ಯದಾಯಿನೀ ಸಿದ್ಧಾ ಸಿದ್ಧೇಶೀ ಸಿದ್ಧಿದಾಯಿನೀ |
ಸಿದ್ಧಮಾತಾ ಸಿದ್ಧಪೂಜ್ಯಾ ಸಿದ್ಧಾರ್ಥಾ ವಸುದಾಯಿನೀ || ೯೭ ||
ಭಕ್ತಿಮತ್ಕಲ್ಪಲತಿಕಾ ಭಕ್ತಿದಾ ಭಕ್ತವತ್ಸಲಾ |
ಪಂಚಶಕ್ತ್ಯರ್ಚಿತಪದಾ ಪರಮಾತ್ಮಸ್ವರೂಪಿಣೀ || ೯೮ ||
ಅಜ್ಞಾನತಿಮಿರಜ್ಯೋತ್ಸ್ನಾ ನಿತ್ಯಾಹ್ಲಾದಾ ನಿರಂಜನಾ |
ಮುಗ್ಧಾ ಮುಗ್ಧಸ್ಮಿತಾ ಮೈತ್ರೀ ಮುಗ್ಧಕೇಶೀ ಮಧುಪ್ರಿಯಾ || ೯೯ ||
ಕಲಾಪಿನೀ ಕಾಮಕಲಾ ಕಾಮಕೇಲಿಃ ಕಲಾವತೀ |
ಅಖಂಡಾ ನಿರಹಂಕಾರಾ ಪ್ರಧಾನಪುರುಷೇಶ್ವರೀ || ೧೦೦ ||
ರಹಃಪೂಜ್ಯಾ ರಹಃಕೇಲೀ ರಹಃಸ್ತುತ್ಯಾ ಹರಪ್ರಿಯಾ |
ಶರಣ್ಯಾ ಗಹನಾ ಗುಹ್ಯಾ ಗುಹಾಂತಃಸ್ಥಾ ಗುಹಪ್ರಸೂಃ || ೧೦೧ ||
ಸ್ವಸಂವೇದ್ಯಾ ಸ್ವಪ್ರಕಾಶಾ ಸ್ವಾತ್ಮಸ್ಥಾ ಸ್ವರ್ಗದಾಯಿನೀ |
ನಿಷ್ಪ್ರಪಂಚಾ ನಿರಾಧಾರಾ ನಿತ್ಯಾನಿತ್ಯಸ್ವರೂಪಿಣೀ || ೧೦೨ ||
ನಿರ್ಮದಾ ನರ್ತಕೀ ಕೀರ್ತಿಃ ನಿಷ್ಕಾಮಾ ನಿಷ್ಕಲಾ ಕಲಾ |
ಅಷ್ಟಮೂರ್ತಿರಮೋಘೋಮಾ ನಂದ್ಯಾದಿಗಣಪೂಜಿತಾ || ೧೦೩ ||
ಯಂತ್ರರೂಪಾ ತಂತ್ರರೂಪಾ ಮಂತ್ರರೂಪಾ ಮನೋನ್ಮನೀ |
ಶಿವಕಾಮೇಶ್ವರೀ ದೇವೀ ಚಿದ್ರೂಪಾ ಚಿತ್ತರಂಗಿಣೀ || ೧೦೪ ||
ಚಿತ್ಸ್ವರೂಪಾ ಚಿತ್ಪ್ರಕಾಶಾ ಚಿನ್ಮೂರ್ತಿಶ್ಚಿನ್ಮಯೀ ಚಿತಿಃ |
ಮೂರ್ಖದೂರಾ ಮೋಹಹಂತ್ರೀ ಮುಖ್ಯಾ ಕ್ರೋಡಮುಖೀಸಖೀ || ೧೦೫ ||
ಜ್ಞಾನಜ್ಞಾತೃಜ್ಞೇಯರೂಪಾ ವ್ಯೋಮಾಕಾರಾ ವಿಲಾಸಿನೀ |
ವಿಮರ್ಶರೂಪಿಣೀ ವಶ್ಯಾ ವಿಧಾನಜ್ಞಾ ವಿಜೃಂಭಿತಾ || ೧೦೬ ||
ಕೇತಕೀಕುಸುಮಾಪೀಡಾ ಕಸ್ತೂರೀತಿಲಕೋಜ್ಜ್ವಲಾ |
ಮೃಗ್ಯಾ ಮೃಗಾಕ್ಷೀ ರಸಿಕಾ ಮೃಗನಾಭಿಸುಗಂಧಿನೀ || ೧೦೭ ||
ಯಕ್ಷಕರ್ದಮಲಿಪ್ತಾಂಗೀ ಯಕ್ಷಿಣೀ ಯಕ್ಷಪೂಜಿತಾ |
ಲಸನ್ಮಾಣಿಕ್ಯಕಟಕಾ ಕೇಯೂರೋಜ್ಜ್ವಲದೋರ್ಲತಾ || ೧೦೮ ||
ಸಿಂದೂರರಾಜತ್ಸೀಮಂತಾ ಸುಭ್ರೂವಲ್ಲೀ ಸುನಾಸಿಕಾ |
ಕೈವಲ್ಯದಾ ಕಾಂತಿಮತೀ ಕಠೋರಕುಚಮಂಡಲಾ || ೧೦೯ ||
ತಲೋದರೀ ತಮೋಹಂತ್ರೀ ತ್ರಯಸ್ತ್ರಿಂಶತ್ಸುರಾತ್ಮಿಕಾ |
ಸ್ವಯಂಭೂಃ ಕುಸುಮಾಮೋದಾ ಸ್ವಯಂಭುಕುಸುಮಪ್ರಿಯಾ || ೧೧೦ ||
ಸ್ವಾಧ್ಯಾಯಿನೀ ಸುಖಾರಾಧ್ಯಾ ವೀರಶ್ರೀರ್ವೀರಪೂಜಿತಾ |
ದ್ರಾವಿಣೀ ವಿದ್ರುಮಾಭೋಷ್ಠೀ ವೇಗಿನೀ ವಿಷ್ಣುವಲ್ಲಭಾ || ೧೧೧ ||
ಹಾಲಾಮದಾಲಸದ್ವಾಣೀ ಲೋಲಾ ಲೀಲಾವತೀ ರತಿಃ |
ಲೋಪಾಮುದ್ರಾರ್ಚಿತಾ ಲಕ್ಷ್ಮೀರಹಲ್ಯಾಪರಿಪೂಜಿತಾ || ೧೧೨ ||
ಆಬ್ರಹ್ಮಕೀಟಜನನೀ ಕೈಲಾಸಗಿರಿವಾಸಿನೀ |
ನಿಧೀಶ್ವರೀ ನಿರಾತಂಕಾ ನಿಷ್ಕಲಂಕಾ ಜಗನ್ಮಯೀ || ೧೧೩ ||
ಆದಿಲಕ್ಷ್ಮೀರನಂತಶ್ರೀರಚ್ಯುತಾ ತತ್ತ್ವರೂಪಿಣೀ |
ನಾಮಜಾತ್ಯಾದಿರಹಿತಾ ನರನಾರಾಯಣಾರ್ಚಿತಾ || ೧೧೪ ||
ಗುಹ್ಯೋಪನಿಷದುದ್ಗೀತಾ ಲಕ್ಷ್ಮೀವಾಣೀನಿಷೇವಿತಾ |
ಮತಂಗವರದಾ ಸಿದ್ಧಾ ಮಹಾಯೋಗೀಶ್ವರೀ ಗುರುಃ || ೧೧೫ ||
ಗುರುಪ್ರಿಯಾ ಕುಲಾರಾಧ್ಯಾ ಕುಲಸಂಕೇತಪಾಲಿನೀ |
ಚಿಚ್ಚಂದ್ರಮಂಡಲಾಂತಃಸ್ಥಾ ಚಿದಾಕಾಶಸ್ವರೂಪಿಣೀ || ೧೧೬ ||
ಅನಂಗಶಾಸ್ತ್ರತತ್ತ್ವಜ್ಞಾ ನಾನಾವಿಧರಸಪ್ರಿಯಾ |
ನಿರ್ಮಲಾ ನಿರವದ್ಯಾಂಗೀ ನೀತಿಜ್ಞಾ ನೀತಿರೂಪಿಣೀ || ೧೧೭ ||
ವ್ಯಾಪಿನೀ ವಿಬುಧಶ್ರೇಷ್ಠಾ ಕುಲಶೈಲಕುಮಾರಿಕಾ |
ವಿಷ್ಣುಪ್ರಸೂರ್ವೀರಮಾತಾ ನಾಸಾಮಣಿವಿರಾಜಿತಾ || ೧೧೮ ||
ನಾಯಿಕಾ ನಗರೀಸಂಸ್ಥಾ ನಿತ್ಯತುಷ್ಟಾ ನಿತಂಬಿನೀ |
ಪಂಚಬ್ರಹ್ಮಮಯೀ ಪ್ರಾಂಚೀ ಬ್ರಹ್ಮಾತ್ಮೈಕ್ಯಸ್ವರೂಪಿಣೀ || ೧೧೯ ||
ಸರ್ವೋಪನಿಷದುದ್ಗೀತಾ ಸರ್ವಾನುಗ್ರಹಕಾರಿಣೀ |
ಪವಿತ್ರಾ ಪಾವನಾ ಪೂತಾ ಪರಮಾತ್ಮಸ್ವರೂಪಿಣೀ || ೧೨೦ ||
ಸೂರ್ಯೇಂದುವಹ್ನಿನಯನಾ ಸೂರ್ಯಮಂಡಲಮಧ್ಯಗಾ |
ಗಾಯತ್ರೀ ಗಾತ್ರರಹಿತಾ ಸುಗುಣಾ ಗುಣವರ್ಜಿತಾ || ೧೨೧ ||
ರಕ್ಷಾಕರೀ ರಮ್ಯರುಪಾ ಸಾತ್ತ್ವಿಕಾ ಸತ್ತ್ವದಾಯಿನೀ |
ವಿಶ್ವಾತೀತಾ ವ್ಯೋಮರೂಪಾ ಸದಾರ್ಚನಜಪಪ್ರಿಯಾ || ೧೨೨ ||
ಆತ್ಮಭೂರಜಿತಾ ಜಿಷ್ಣುರಜಾ ಸ್ವಾಹಾ ಸ್ವಧಾ ಸುಧಾ |
ನಂದಿತಾಶೇಷಭುವನಾ ನಾಮಸಂಕೀರ್ತನಪ್ರಿಯಾ || ೧೨೩ ||
ಗುರುಮೂರ್ತಿರ್ಗುರುಮಯೀ ಗುರುಪಾದಾರ್ಚನಪ್ರಿಯಾ |
ಗೋಬ್ರಾಹ್ಮಣಾತ್ಮಿಕಾ ಗುರ್ವೀ ನೀಲಕಂಠೀ ನಿರಾಮಯಾ || ೧೨೪ ||
ಮಾನವೀ ಮಂತ್ರಜನನೀ ಮಹಾಭೈರವಪೂಜಿತಾ |
ನಿತ್ಯೋತ್ಸವಾ ನಿತ್ಯಪುಷ್ಟಾ ಶ್ಯಾಮಾ ಯೌವನಶಾಲಿನೀ || ೧೨೫ ||
ಮಹನೀಯಾ ಮಹಾಮೂರ್ತಿರ್ಮಹತೀ ಸೌಖ್ಯಸಂತತಿಃ |
ಪೂರ್ಣೋದರೀ ಹವಿರ್ಧಾತ್ರೀ ಗಣಾರಾಧ್ಯಾ ಗಣೇಶ್ವರೀ || ೧೨೬ ||
ಗಾಯನಾ ಗರ್ವರಹಿತಾ ಸ್ವೇದಬಿಂದೂಲ್ಲಸನ್ಮುಖೀ |
ತುಂಗಸ್ತನೀ ತುಲಾಶೂನ್ಯಾ ಕನ್ಯಾ ಕಮಲವಾಸಿನೀ || ೧೨೭ ||
ಶೃಂಗಾರಿಣೀ ಶ್ರೀಃ ಶ್ರೀವಿದ್ಯಾ ಶ್ರೀಪ್ರದಾ ಶ್ರೀನಿವಾಸಿನೀ |
ತ್ರೈಲೋಕ್ಯಸುಂದರೀ ಬಾಲಾ ತ್ರೈಲೋಕ್ಯಜನನೀ ಸುಧೀಃ || ೧೨೮ ||
ಪಂಚಕ್ಲೇಶಹರಾ ಪಾಶಧಾರಿಣೀ ಪಶುಮೋಚನೀ |
ಪಾಷಂಡಹಂತ್ರೀ ಪಾಪಘ್ನೀ ಪಾರ್ಥಿವಶ್ರೀಕರೀ ಧೃತಿಃ || ೧೨೯ ||
ನಿರಪಾಯಾ ದುರಾಪಾ ಯಾ ಸುಲಭಾ ಶೋಭನಾಕೃತಿಃ |
ಮಹಾಬಲಾ ಭಗವತೀ ಭವರೋಗನಿವಾರಿಣೀ || ೧೩೦ ||
ಭೈರವಾಷ್ಟಕಸಂಸೇವ್ಯಾ ಬ್ರಾಹ್ಮ್ಯಾದಿಪರಿವಾರಿತಾ |
ವಾಮಾದಿಶಕ್ತಿಸಹಿತಾ ವಾರುಣೀಮದವಿಹ್ವಲಾ || ೧೩೧ ||
ವರಿಷ್ಠಾ ವಶ್ಯದಾ ವಶ್ಯಾ ಭಕ್ತಾರ್ತಿದಮನಾ ಶಿವಾ |
ವೈರಾಗ್ಯಜನನೀ ಜ್ಞಾನದಾಯಿನೀ ಜ್ಞಾನವಿಗ್ರಹಾ || ೧೩೨ ||
ಸರ್ವದೋಷವಿನಿರ್ಮುಕ್ತಾ ಶಂಕರಾರ್ಧಶರೀರಿಣೀ |
ಸರ್ವೇಶ್ವರಪ್ರಿಯತಮಾ ಸ್ವಯಂಜ್ಯೋತಿಃ ಸ್ವರೂಪಿಣೀ || ೧೩೩ ||
ಕ್ಷೀರಸಾಗರಮಧ್ಯಸ್ಥಾ ಮಹಾಭುಜಗಶಾಯಿನೀ |
ಕಾಮಧೇನುರ್ಬೃಹದ್ಗರ್ಭಾ ಯೋಗನಿದ್ರಾ ಯುಗಂಧರಾ || ೧೩೪ ||
ಮಹೇಂದ್ರೋಪೇಂದ್ರಜನನೀ ಮಾತಂಗಕುಲಸಂಭವಾ |
ಮತಂಗಜಾತಿಸಂಪೂಜ್ಯಾ ಮತಂಗಕುಲದೇವತಾ || ೧೩೫ ||
ಗುಹ್ಯವಿದ್ಯಾ ವಶ್ಯವಿದ್ಯಾ ಸಿದ್ಧವಿದ್ಯಾ ಶಿವಾಂಗನಾ |
ಸುಮಂಗಳಾ ರತ್ನಗರ್ಭಾ ಸೂರ್ಯಮಾತಾ ಸುಧಾಶನಾ || ೧೩೬ ||
ಖಡ್ಗಮಂಡಲಸಂಪೂಜ್ಯಾ ಸಾಲಗ್ರಾಮನಿವಾಸಿನೀ |
ದುರ್ಜಯಾ ದುಷ್ಟದಮನಾ ದುರ್ನಿರೀಕ್ಷ್ಯಾ ದುರತ್ಯಯಾ || ೧೩೭ ||
ಶಂಖಚಕ್ರಗದಾಹಸ್ತಾ ವಿಷ್ಣುಶಕ್ತಿರ್ವಿಮೋಹಿನೀ |
ಯೋಗಮಾತಾ ಯೋಗಗಮ್ಯಾ ಯೋಗನಿಷ್ಠಾ ಸುಧಾಸ್ರವಾ || ೧೩೮ ||
ಸಮಾಧಿನಿಷ್ಠೈಃ ಸಂವೇದ್ಯಾ ಸರ್ವಭೇದವಿವರ್ಜಿತಾ |
ಸಾಧಾರಣಾ ಸರೋಜಾಕ್ಷೀ ಸರ್ವಜ್ಞಾ ಸರ್ವಸಾಕ್ಷಿಣೀ || ೧೩೯ ||
ಮಹಾಶಕ್ತಿರ್ಮಹೋದಾರಾ ಮಹಾಮಂಗಳದೇವತಾ |
ಕಲೌ ಕೃತಾವತರಣಾ ಕಲಿಕಲ್ಮಷನಾಶಿನೀ || ೧೪೦ ||
ಸರ್ವದಾ ಸರ್ವಜನನೀ ನಿರೀಶಾ ಸರ್ವತೋಮುಖೀ |
ಸುಗೂಢಾ ಸರ್ವತೋ ಭದ್ರಾ ಸುಸ್ಥಿತಾ ಸ್ಥಾಣುವಲ್ಲಭಾ || ೧೪೧ ||
ಚರಾಚರಜಗದ್ರೂಪಾ ಚೇತನಾಚೇತನಾಕೃತಿಃ |
ಮಹೇಶ್ವರಪ್ರಾಣನಾಡೀ ಮಹಾಭೈರವಮೋಹಿನೀ || ೧೪೨ ||
ಮಂಜುಲಾ ಯೌವನೋನ್ಮತ್ತಾ ಮಹಾಪಾತಕನಾಶಿನೀ |
ಮಹಾನುಭಾವಾ ಮಾಹೇಂದ್ರೀ ಮಹಾಮರಕತಪ್ರಭಾ || ೧೪೩ ||
ಸರ್ವಶಕ್ತ್ಯಾಸನಾ ಶಕ್ತಿರ್ನಿರಾಭಾಸಾ ನಿರಿಂದ್ರಿಯಾ |
ಸಮಸ್ತದೇವತಾಮೂರ್ತಿಃ ಸಮಸ್ತಸಮಯಾರ್ಚಿತಾ || ೧೪೪ ||
ಸುವರ್ಚಲಾ ವಿಯನ್ಮೂರ್ತಿಃ ಪುಷ್ಕಲಾ ನಿತ್ಯಪುಷ್ಪಿಣೀ |
ನೀಲೋತ್ಪಲದಳಶ್ಯಾಮಾ ಮಹಾಪ್ರಳಯಸಾಕ್ಷಿಣೀ || ೧೪೫ ||
ಸಂಕಲ್ಪಸಿದ್ಧಾ ಸಂಗೀತರಸಿಕಾ ರಸದಾಯಿನೀ |
ಅಭಿನ್ನಾ ಬ್ರಹ್ಮಜನನೀ ಕಾಲಕ್ರಮವಿವರ್ಜಿತಾ || ೧೪೬ ||
ಅಜಪಾ ಜಾಡ್ಯರಹಿತಾ ಪ್ರಸನ್ನಾ ಭಗವತ್ಪ್ರಿಯಾ |
ಇಂದಿರಾ ಜಗತೀಕಂದಾ ಸಚ್ಚಿದಾನಂದಕಂದಲೀ |
ಶ್ರೀಚಕ್ರನಿಲಯಾ ದೇವೀ ಶ್ರೀವಿದ್ಯಾ ಶ್ರೀಪ್ರದಾಯಿನೀ || ೧೪೭ ||
ಫಲಶ್ರುತಿಃ |
ಇತಿ ತೇ ಕಥಿತೋ ಲಕ್ಷ್ಮಿ ನಾಮಸಾರಸ್ತವೋ ಮಯಾ |
ಶ್ಯಾಮಲಾಯಾ ಮಹಾದೇವ್ಯಾಃ ಸರ್ವವಶ್ಯಪ್ರದಾಯಕಃ || ೧೪೮ ||
ಯ ಇಮಂ ಪಠತೇ ನಿತ್ಯಂ ನಾಮಸಾರಸ್ತವಂ ಪರಮ್ |
ತಸ್ಯ ನಶ್ಯಂತಿ ಪಾಪಾನಿ ಮಹಾಂತ್ಯಪಿ ನ ಸಂಶಯಃ || ೧೪೯ ||
ತ್ರಿಸಂಧ್ಯಂ ಯಃ ಪಠೇನ್ನಿತ್ಯಂ ವರ್ಷಮೇಕಮತಂದ್ರಿತಃ |
ಸಾರ್ವಭೌಮೋ ಮಹೀಪಾಲಸ್ತಸ್ಯ ವಶ್ಯೋ ಭವೇದ್ಧ್ರುವಮ್ || ೧೫೦ ||
ಮೂಲಮಂತ್ರಜಪಾಂತೇ ಯಃ ಪಠೇನ್ನಾಮಸಹಸ್ರಕಮ್ |
ಮಂತ್ರಸಿದ್ಧಿರ್ಭವೇತ್ತಸ್ಯ ಶೀಘ್ರಮೇವ ವರಾನನೇ || ೧೫೧ ||
ಜಗತ್ತ್ರಯಂ ವಶೀಕೃತ್ಯ ಸಾಕ್ಷಾತ್ಕಾಮಸಮೋ ಭವೇತ್ |
ದಿನೇ ದಿನೇ ದಶಾವೃತ್ತ್ಯಾ ಮಂಡಲಂ ಯೋ ಜಪೇನ್ನರಃ || ೧೫೨ ||
ಸಚಿವಃ ಸ ಭವೇದ್ದೇವಿ ಸಾರ್ವಭೌಮಸ್ಯ ಭೂಪತೇಃ |
ಷಣ್ಮಾಸಂ ಯೋ ಜಪೇನ್ನಿತ್ಯಂ ಏಕವಾರಂ ದೃಢವ್ರತಃ || ೧೫೩ ||
ಭವಂತಿ ತಸ್ಯ ಧಾನ್ಯಾನಾಂ ಧನಾನಾಂ ಚ ಸಮೃದ್ಧಯಃ |
ಚಂದನಂ ಕುಂಕುಮಂ ವಾಪಿ ಭಸ್ಮ ವಾ ಮೃಗನಾಭಿಕಮ್ || ೧೫೪ ||
ಅನೇನೈವ ತ್ರಿರಾವತ್ತ್ಯಾ ನಾಮಸಾರೇಣ ಮಂತ್ರಿತಮ್ |
ಯೋ ಲಲಾಟೇ ಧಾರಯತೇ ತಸ್ಯ ವಕ್ತ್ರಾವಲೋಕನಾತ್ || ೧೫೫ ||
ಹಂತುಮುದ್ಯತಖಡ್ಗೋಽಪಿ ಶತ್ರುರ್ವಶ್ಯೋ ಭವೇದ್ಧ್ರುವಮ್ |
ಅನೇನ ನಾಮಸಾರೇಣ ಮಂತ್ರಿತಂ ಪ್ರಾಶಯೇಜ್ಜಲಮ್ || ೧೫೬ ||
ಮಾಸಮಾತ್ರಂ ವರಾರೋಹೇ ಗಾಂಧರ್ವನಿಪುಣೋ ಭವೇತ್ |
ಸಂಗೀತೇ ಕವಿತಾಯಾಂ ಚ ನಾಸ್ತಿ ತತ್ಸದೃಶೋ ಭುವಿ || ೧೫೭ ||
ಬ್ರಹ್ಮಜ್ಞಾನಮವಾಪ್ನೋತಿ ಮೋಕ್ಷಂ ಚಾಪ್ಯಧಿಗಚ್ಛತಿ |
ಪ್ರೀಯತೇ ಶ್ಯಾಮಲಾ ನಿತ್ಯಂ ಪ್ರೀತಾಽಭೀಷ್ಟಂ ಪ್ರಯಚ್ಛತಿ || ೧೫೮ ||
ಇತಿ ಸೌಭಾಗ್ಯಲಕ್ಷ್ಮೀಕಲ್ಪತಾಂತರ್ಗತೇ ಲಕ್ಷ್ಮೀನಾರಾಯಣಸಂವಾದೇ ಅಷ್ಟಸಪ್ತಿತಮೇ ಖಂಡೇ ಶ್ರೀ ಶ್ಯಾಮಲಾ ಸಹಸ್ರನಾಮ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಶ್ಯಾಮಲಾ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.