Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀಶುಕ್ರಕವಚಸ್ತೋತ್ರಮಹಾಮಂತ್ರಸ್ಯ ಭರದ್ವಾಜ ಋಷಿಃ ಅನುಷ್ಟುಪ್ ಛಂದಃ ಶುಕ್ರೋ ದೇವತಾ ಅಂ ಬೀಜಂ ಗಂ ಶಕ್ತಿಃ ವಂ ಕೀಲಕಂ ಮಮ ಶುಕ್ರಗ್ರಹಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಕರನ್ಯಾಸಃ –
ಭಾಂ ಅಂಗುಷ್ಠಾಭ್ಯಾಂ ನಮಃ |
ಭೀಂ ತರ್ಜನೀಭ್ಯಾಂ ನಮಃ |
ಭೂಂ ಮಧ್ಯಮಾಭ್ಯಾಂ ನಮಃ |
ಭೈಂ ಅನಾಮಿಕಾಭ್ಯಾಂ ನಮಃ |
ಭೌಂ ಕನಿಷ್ಠಿಕಾಭ್ಯಾಂ ನಮಃ |
ಭಃ ಕರತಲಕರಪೃಷ್ಠಾಭ್ಯಾಂ ನಮಃ ||
ಅಂಗನ್ಯಾಸಃ –
ಭಾಂ ಹೃದಯಾಯ ನಮಃ |
ಭೀಂ ಶಿರಸೇ ಸ್ವಾಹಾ |
ಭೂಂ ಶಿಖಾಯೈ ವಷಟ್ |
ಭೈಂ ಕವಚಾಯ ಹುಮ್ |
ಭೌಂ ನೇತ್ರತ್ರಯಾಯ ವೌಷಟ್ |
ಭಃ ಅಸ್ತ್ರಾಯ ಫಟ್ |
ಭೂರ್ಭುವಃ ಸುವರೋಮಿತಿ ದಿಗ್ಬಂಧಃ ||
ಧ್ಯಾನಮ್ –
ಮೃಣಾಲಕುಂದೇಂದುಪಯೋಜಸುಪ್ರಭಂ
ಪೀತಾಂಬರಂ ಪ್ರಸೃತಮಕ್ಷಮಾಲಿನಮ್ |
ಸಮಸ್ತಶಾಸ್ತ್ರಾರ್ಥನಿಧಿಂ ಮಹಾಂತಂ
ಧ್ಯಾಯೇತ್ಕವಿಂ ವಾಂಛಿತಮರ್ಥಸಿದ್ಧಯೇ || ೧ ||
ಕವಚಮ್ –
ಶಿರೋ ಮೇ ಭಾರ್ಗವಃ ಪಾತು ಫಾಲಂ ಪಾತು ಗ್ರಹಾಧಿಪಃ |
ನೇತ್ರೇ ದೈತ್ಯಗುರುಃ ಪಾತು ಶ್ರೋತ್ರೇ ಮೇ ಚಂದನದ್ಯುತಿಃ || ೨ ||
ಪಾತು ಮೇ ನಾಸಿಕಾಂ ಕಾವ್ಯೋ ವದನಂ ದೈತ್ಯವಂದಿತಃ |
ಜಿಹ್ವಾ ಮೇ ಚೋಶನಾಃ ಪಾತು ಕಂಠಂ ಶ್ರೀಕಂಠಭಕ್ತಿಮಾನ್ || ೩ ||
ಭುಜೌ ತೇಜೋನಿಧಿಃ ಪಾತು ಕುಕ್ಷಿಂ ಪಾತು ಮನೋವ್ರಜಃ |
ನಾಭಿಂ ಭೃಗುಸುತಃ ಪಾತು ಮಧ್ಯಂ ಪಾತು ಮಹೀಪ್ರಿಯಃ || ೪ ||
ಕಟಿಂ ಮೇ ಪಾತು ವಿಶ್ವಾತ್ಮಾ ಊರೂ ಮೇ ಸುರಪೂಜಿತಃ |
ಜಾನುಂ ಜಾಡ್ಯಹರಃ ಪಾತು ಜಂಘೇ ಜ್ಞಾನವತಾಂ ವರಃ || ೫ ||
ಗುಲ್ಫೌ ಗುಣನಿಧಿಃ ಪಾತು ಪಾತು ಪಾದೌ ವರಾಂಬರಃ |
ಸರ್ವಾಣ್ಯಂಗಾನಿ ಮೇ ಪಾತು ಸ್ವರ್ಣಮಾಲಾಪರಿಷ್ಕೃತಃ || ೬ ||
ಯ ಇದಂ ಕವಚಂ ದಿವ್ಯಂ ಪಠತಿ ಶ್ರದ್ಧಯಾನ್ವಿತಃ |
ನ ತಸ್ಯ ಜಾಯತೇ ಪೀಡಾ ಭಾರ್ಗವಸ್ಯ ಪ್ರಸಾದತಃ || ೭ ||
ಇತಿ ಶ್ರೀಬ್ರಹ್ಮಾಂಡಪುರಾಣೇ ಶ್ರೀ ಶುಕ್ರ ಕವಚಮ್ |
ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
