Sri Shukra Kavacham – śrī śukra kavacam

ōṁ asya śrīśukrakavacastōtramahāmantrasya bharadvāja r̥ṣiḥ | anuṣṭupchandaḥ | bhagavān śukrō dēvatā | aṁ bījaṁ | gaṁ śaktiḥ | vaṁ kīlakaṁ | mama śukragrahaprasāda siddhyarthē japē viniyōgaḥ |

karanyāsaḥ |
bhāṁ aṅguṣṭhābhyāṁ namaḥ |
bhīṁ tarjanībhyāṁ namaḥ |
bhūṁ madhyamābhyāṁ namaḥ |
bhaiṁ anāmikābhyāṁ namaḥ |
bhauṁ kaniṣṭhikābhyāṁ namaḥ |
bhaḥ karatalakarapr̥ṣṭhābhyāṁ namaḥ ||

aṁganyāsaḥ |
bhāṁ hr̥dayāya namaḥ |
bhīṁ śirasē svāhā |
bhūṁ śikhāyai vaṣaṭ |
bhaiṁ kavacāya hum |
bhauṁ nētratrayāya vauṣaṭ |
bhaḥ astrāya phaṭ |
bhūrbhuvassuvarōmiti digbandhaḥ ||

dhyānam –
śukraṁ caturbhujaṁ dēvaṁ akṣamālākamaṇḍalum
daṇḍahastaṁ ca varadaṁ bhānujvālāṅgaśōbhitam |
śuklāmbaraṁ śuklamālyaṁ śuklagandhānulēpanam
vajramāṇikyabhūṣāḍhyaṁ kirīṭamakuṭōjjvalam |
śvētāśvarathamārūḍhaṁ mēruṁ caiva pradakṣiṇam ||

mr̥ṇālakundēndupayōhimaprabhaṁ sitāṁbaraṁ snigdhavalakṣamālinam |
samastaśāstraśrutitattvadarśinaṁ dhyāyētkaviṁ vāñchitavastusampadē || 1 ||

kavacam –
śirō mē bhārgavaḥ pātu phālaṁ pātu grahādhipaḥ |
nētrē daityaguruḥ pātu śrōtrē śrīcandanadyutiḥ || 2 ||

pātu mē nāsikāṁ kāvyō vadanaṁ daityavanditaḥ |
rasanāmuśanāḥ pātu kaṇṭhaṁ śrīkaṇṭhabhaktimān || 3 ||

bhujau tējōnidhiḥ pātu vakṣō yōgavidāṁ varaḥ |
akṣamālādharō rakṣēt kukṣiṁ mē cakṣuṣāṅkaraḥ || 4 ||

kaṭiṁ mē pātu viśvātmā sakthinī sarvapūjitaḥ |
jānunī tu bhr̥guḥ pātu jaṅghē mē mahatāṁ varaḥ || 5 ||

gulphau guṇanidhiḥ pātu pādau mē pāṇḍurāṁbaraḥ |
sarvāṇyaṅgāni mē pātu śukraḥ kaviraharniśam || 6 ||

ya idaṁ kavacaṁ divyaṁ paṭhēcca śraddhayānvitaḥ |
na tasya jāyatē pīḍā bhārgavasya prasādataḥ || 7 ||

iti śrīskāndē mahāpurāṇē śaṁkarasaṁhitāyāṁ śukrakavacaḥ |


See more navagraha stōtrāṇi for chanting.


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

Leave a Reply

Your email address will not be published.

error: Not allowed
%d bloggers like this: