Sri Shukra Kavacham – ஶ்ரீ ஶுக்ர கவசம்


அஸ்ய ஶ்ரீஶுக்ரகவசஸ்தோத்ரமஹாமந்த்ரஸ்ய ப⁴ரத்³வாஜ ருஷி꞉ அநுஷ்டுப் ச²ந்த³꞉ ஶுக்ரோ தே³வதா அம் பீ³ஜம் க³ம் ஶக்தி꞉ வம் கீலகம் மம ஶுக்ரக்³ரஹப்ரஸாத³ ஸித்³த்⁴யர்தே² ஜபே விநியோக³꞉ ।

கரந்யாஸ꞉ –
பா⁴ம் அங்கு³ஷ்டா²ப்⁴யாம் நம꞉ ।
பீ⁴ம் தர்ஜநீப்⁴யாம் நம꞉ ।
பூ⁴ம் மத்⁴யமாப்⁴யாம் நம꞉ ।
பை⁴ம் அநாமிகாப்⁴யாம் நம꞉ ।
பௌ⁴ம் கநிஷ்டி²காப்⁴யாம் நம꞉ ।
ப⁴꞉ கரதலகரப்ருஷ்டா²ப்⁴யாம் நம꞉ ॥

அங்க³ந்யாஸ꞉ –
பா⁴ம் ஹ்ருத³யாய நம꞉ ।
பீ⁴ம் ஶிரஸே ஸ்வாஹா ।
பூ⁴ம் ஶிகா²யை வஷட் ।
பை⁴ம் கவசாய ஹும் ।
பௌ⁴ம் நேத்ரத்ரயாய வௌஷட் ।
ப⁴꞉ அஸ்த்ராய ப²ட் ।
பூ⁴ர்பு⁴வ꞉ ஸுவரோமிதி தி³க்³ப³ந்த⁴꞉ ॥

த்⁴யாநம் –
ம்ருணாலகுந்தே³ந்து³பயோஜஸுப்ரப⁴ம்
பீதாம்ப³ரம் ப்ரஸ்ருதமக்ஷமாலிநம் ।
ஸமஸ்தஶாஸ்த்ரார்த²நிதி⁴ம் மஹாந்தம்
த்⁴யாயேத்கவிம் வாஞ்சி²தமர்த²ஸித்³த⁴யே ॥ 1 ॥

கவசம் –
ஶிரோ மே பா⁴ர்க³வ꞉ பாது பா²லம் பாது க்³ரஹாதி⁴ப꞉ ।
நேத்ரே தை³த்யகு³ரு꞉ பாது ஶ்ரோத்ரே மே சந்த³நத்³யுதி꞉ ॥ 2 ॥

பாது மே நாஸிகாம் காவ்யோ வத³நம் தை³த்யவந்தி³த꞉ ।
ஜிஹ்வா மே சோஶநா꞉ பாது கண்ட²ம் ஶ்ரீகண்ட²ப⁴க்திமாந் ॥ 3 ॥

பு⁴ஜௌ தேஜோநிதி⁴꞉ பாது குக்ஷிம் பாது மநோவ்ரஜ꞉ ।
நாபி⁴ம் ப்⁴ருகு³ஸுத꞉ பாது மத்⁴யம் பாது மஹீப்ரிய꞉ ॥ 4 ॥

கடிம் மே பாது விஶ்வாத்மா ஊரூ மே ஸுரபூஜித꞉ ।
ஜாநும் ஜாட்³யஹர꞉ பாது ஜங்கே⁴ ஜ்ஞாநவதாம் வர꞉ ॥ 5 ॥

கு³ள்பௌ² கு³ணநிதி⁴꞉ பாது பாது பாதௌ³ வராம்ப³ர꞉ ।
ஸர்வாண்யங்கா³நி மே பாது ஸ்வர்ணமாலாபரிஷ்க்ருத꞉ ॥ 6 ॥

ய இத³ம் கவசம் தி³வ்யம் பட²தி ஶ்ரத்³த⁴யாந்வித꞉ ।
ந தஸ்ய ஜாயதே பீடா³ பா⁴ர்க³வஸ்ய ப்ரஸாத³த꞉ ॥ 7 ॥

இதி ஶ்ரீப்³ரஹ்மாண்ட³புராணே ஶ்ரீ ஶுக்ர கவசம் ।


மேலும் நவக்ரஹ ஸ்தோத்திரங்கள் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed