Read in తెలుగు / ಕನ್ನಡ / தமிழ் / देवनागरी / English (IAST)
ఓం అస్య శ్రీశుక్రకవచస్తోత్రమహామన్త్రస్య భరద్వాజ ఋషిః అనుష్టుప్ఛన్దః భగవాన్ శుక్రో దేవతా అం బీజం గం శక్తిః వం కీలకం మమ శుక్రగ్రహప్రసాద సిద్ధ్యర్థే జపే వినియోగః |
కరన్యాసః |
భాం అంగుష్ఠాభ్యాం నమః |
భీం తర్జనీభ్యాం నమః |
భూం మధ్యమాభ్యాం నమః |
భైం అనామికాభ్యాం నమః |
భౌం కనిష్ఠికాభ్యాం నమః |
భః కరతలకరపృష్ఠాభ్యాం నమః ||
అంగన్యాసః |
భాం హృదయాయ నమః |
భీం శిరసే స్వాహా |
భూం శిఖాయై వషట్ |
భైం కవచాయ హుం |
భౌం నేత్రత్రయాయ వౌషట్ |
భః అస్త్రాయ ఫట్ |
భూర్భువస్సువరోమితి దిగ్బంధః ||
ధ్యానమ్ –
శుక్రం చతుర్భుజం దేవం అక్షమాలాకమణ్డలుమ్
దణ్డహస్తం చ వరదం భానుజ్వాలాఙ్గశోభితమ్ |
శుక్లామ్బరం శుక్లమాల్యం శుక్లగన్ధానులేపనమ్
వజ్రమాణిక్యభూషాఢ్యం కిరీటమకుటోజ్జ్వలమ్ |
శ్వేతాశ్వరథమారూఢం మేరుం చైవ ప్రదక్షిణమ్ ||
మృణాలకున్దేన్దుపయోహిమప్రభం సితాంబరం స్నిగ్ధవలక్షమాలినమ్ |
సమస్తశాస్త్రశ్రుతితత్త్వదర్శినం ధ్యాయేత్కవిం వాఞ్ఛితవస్తుసమ్పదే || ౧ ||
కవచమ్ –
శిరో మే భార్గవః పాతు ఫాలం పాతు గ్రహాధిపః |
నేత్రే దైత్యగురుః పాతు శ్రోత్రే శ్రీచన్దనద్యుతిః || ౨ ||
పాతు మే నాసికాం కావ్యో వదనం దైత్యవన్దితః |
రసనాముశనాః పాతు కణ్ఠం శ్రీకణ్ఠభక్తిమాన్ || ౩ ||
భుజౌ తేజోనిధిః పాతు వక్షో యోగవిదాం వరః |
అక్షమాలాధరో రక్షేత్ కుక్షిం మే చక్షుషాఙ్కరః || ౪ ||
కటిం మే పాతు విశ్వాత్మా సక్థినీ సర్వపూజితః |
జానునీ తు భృగుః పాతు జఙ్ఘే మే మహతాం వరః || ౫ ||
గుల్ఫౌ గుణనిధిః పాతు పాదౌ మే పాణ్డురాంబరః |
సర్వాణ్యఙ్గాని మే పాతు శుక్రః కవిరహర్నిశమ్ || ౬ ||
య ఇదం కవచం దివ్యం పఠేచ్చ శ్రద్ధయాన్వితః |
న తస్య జాయతే పీడా భార్గవస్య ప్రసాదతః || ౭ ||
ఇతి శ్రీస్కాన్దే మహాపురాణే శంకరసంహితాయాం శుక్రకవచః |
మరిన్ని నవగ్రహ స్తోత్రాలు చూడండి.
ಗಮನಿಸಿ :"ಪ್ರಭಾತ ಸ್ತೋತ್ರನಿಧಿ" ಪುಸ್ತಕ ಬಿಡುಗಡೆಯಾಗಿದೆ ಮತ್ತು ಈಗ ಖರೀದಿಗೆ ಲಭ್ಯವಿದೆ. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
శుక్ర గ్రహ స్తోత్రాలు తెలియనివి చాలా తెలియచేసారు . మీకు మా ధన్యవాదములు