Read in తెలుగు / ಕನ್ನಡ / தமிழ் / देवनागरी / English (IAST)
asya śrīrāhu kavacastōtrasya candramā r̥ṣiḥ, anuṣṭup chandaḥ, rāhurdēvatā, rāṁ bījaṁ, namaḥ śaktiḥ, svāhā kīlakaṁ, rāhu prītyarthē japē viniyōgaḥ |
dhyānam –
rāhuṁ caturbhujaṁ carmaśūlakhaḍgavarāṅginaṁ
kr̥ṣṇāmbaradharaṁ nīlaṁ kr̥ṣṇagandhānulēpanam |
gōmēdhikavibhūṣaṁ ca vicitramakuṭaṁ phaṇiṁ
kr̥ṣṇasiṁharathārūḍhaṁ mēruṁ caivāpradakṣiṇam ||
praṇamāmi sadā rāhuṁ śūrpākāraṁ kirīṭinam |
saiṁhikēyaṁ karālāsyaṁ bhaktānāmabhayapradam || 1 ||
atha kavacam –
nīlāmbaraḥ śiraḥ pātu lalāṭaṁ lōkavanditaḥ |
cakṣuṣī pātu mē rāhuḥ śrōtrē tvardhaśarīravān || 2 ||
nāsikāṁ mē dhūmravarṇaḥ śūlapāṇirmukhaṁ mama | [karālāsyaḥ]
jihvāṁ mē siṁhikāsūnuḥ kaṇṭhaṁ mē kaṭhināṅghrikaḥ || 3 || [kaṣṭanāśanaḥ]
bhujaṅgēśō bhujau pātu nīlamālyāmbaraḥ karau |
pātu vakṣaḥsthalaṁ mantrī pātu kukṣiṁ vidhuntudaḥ || 4 ||
kaṭiṁ mē vikaṭaḥ pātu ūrū mē surapūjitaḥ |
svarbhānurjānunī pātu jaṅghē mē pātu jāḍyahā || 5 ||
gulphau grahapatiḥ pātu pādau mē bhīṣaṇākr̥tiḥ |
sarvāṇaṅgāni mē pātu nīlacandanabhūṣaṇaḥ || 6 ||
rāhōridaṁ kavacamr̥ddhidavastudaṁ yō
bhaktyā paṭhatyanudinaṁ niyataḥ śuciḥ san |
prāpnōti kīrtimatulāṁ śriyamr̥ddhimāyu-
-rārōgyamātmavijayaṁ ca hi tatprasādāt || 7 ||
iti śrīmanmahābhāratē drōṇaparvaṇi dhr̥tarāṣṭrasañjayasaṁvādē śrī rāhu kavacam |
See more navagraha stōtrāṇi for chanting.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
