Sri Rahu Kavacham – ஶ்ரீ ராஹு கவசம்


அஸ்ய ஶ்ரீராஹு கவசஸ்தோத்ரஸ்ய சந்த்³ரமா ருஷி꞉, அநுஷ்டுப் ச²ந்த³꞉, ராஹுர்தே³வதா, ராம் பீ³ஜம், நம꞉ ஶக்தி꞉, ஸ்வாஹா கீலகம், ராஹு ப்ரீத்யர்தே² ஜபே விநியோக³꞉ ।

த்⁴யாநம் –
ராஹும் சதுர்பு⁴ஜம் சர்மஶூலக²ட்³க³வராங்கி³நம்
க்ருஷ்ணாம்ப³ரத⁴ரம் நீலம் க்ருஷ்ணக³ந்தா⁴நுலேபநம் ।
கோ³மேதி⁴கவிபூ⁴ஷம் ச விசித்ரமகுடம் ப²ணிம்
க்ருஷ்ணஸிம்ஹரதா²ரூட⁴ம் மேரும் சைவாப்ரத³க்ஷிணம் ॥

ப்ரணமாமி ஸதா³ ராஹும் ஶூர்பாகாரம் கிரீடிநம் ।
ஸைம்ஹிகேயம் கராளாஸ்யம் ப⁴க்தாநாமப⁴யப்ரத³ம் ॥ 1 ॥

அத² கவசம் –
நீலாம்ப³ர꞉ ஶிர꞉ பாது லலாடம் லோகவந்தி³த꞉ ।
சக்ஷுஷீ பாது மே ராஹு꞉ ஶ்ரோத்ரே த்வர்த⁴ஶரீரவாந் ॥ 2 ॥

நாஸிகாம் மே தூ⁴ம்ரவர்ண꞉ ஶூலபாணிர்முக²ம் மம । [கராளாஸ்ய꞉]
ஜிஹ்வாம் மே ஸிம்ஹிகாஸூநு꞉ கண்ட²ம் மே கடி²நாங்க்⁴ரிக꞉ ॥ 3 ॥ [கஷ்டநாஶந꞉]

பு⁴ஜங்கே³ஶோ பு⁴ஜௌ பாது நீலமால்யாம்ப³ர꞉ கரௌ ।
பாது வக்ஷ꞉ஸ்த²லம் மந்த்ரீ பாது குக்ஷிம் விது⁴ந்துத³꞉ ॥ 4 ॥

கடிம் மே விகட꞉ பாது ஊரூ மே ஸுரபூஜித꞉ ।
ஸ்வர்பா⁴நுர்ஜாநுநீ பாது ஜங்கே⁴ மே பாது ஜாட்³யஹா ॥ 5 ॥

கு³ள்பௌ² க்³ரஹபதி꞉ பாது பாதௌ³ மே பீ⁴ஷணாக்ருதி꞉ ।
ஸர்வாணங்கா³நி மே பாது நீலசந்த³நபூ⁴ஷண꞉ ॥ 6 ॥

ராஹோரித³ம் கவசம்ருத்³தி⁴த³வஸ்துத³ம் யோ
ப⁴க்த்யா பட²த்யநுதி³நம் நியத꞉ ஶுசி꞉ ஸந் ।
ப்ராப்நோதி கீர்திமதுலாம் ஶ்ரியம்ருத்³தி⁴மாயு-
-ராரோக்³யமாத்மவிஜயம் ச ஹி தத்ப்ரஸாதா³த் ॥ 7 ॥

இதி ஶ்ரீமந்மஹாபா⁴ரதே த்³ரோணபர்வணி த்⁴ருதராஷ்ட்ரஸஞ்ஜயஸம்வாதே³ ஶ்ரீ ராஹு கவசம் ।


மேலும் நவக்ரஹ ஸ்தோத்திரங்கள் காண்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed
%d bloggers like this: