Read in తెలుగు / ಕನ್ನಡ / தமிழ் / देवनागरी / English (IAST)
ಅನುಚಿತಮನುಲಪಿತಂ ಮೇ ತ್ವಯಿ ಶಂಭೋ ಶಿವ ತದಾಗಸಶ್ಶಾನ್ತ್ಯೈ |
ಅರ್ಚಾಂ ಕಥಮಪಿ ವಿಹಿತಾಮಙ್ಗೀಕುರು ಸರ್ವಮಙ್ಗಲೋಪೇತ || ೧ ||
ಧ್ಯಾಯಾಮಿ ಕಥಮಿವ ತ್ವಾಂ ಧೀವರ್ತ್ಮವಿದೂರ ದಿವ್ಯಮಹಿಮಾನಮ್ |
ಆವಾಹನಂ ವಿಭೋಸ್ತೇ ದೇವಾಗ್ರ್ಯ ಭವೇತ್ಪ್ರಭೋ ಕುತಃ ಸ್ಥಾನಾತ್ || ೨ ||
ಕಿಯದಾಸನಂ ಪ್ರಕಲ್ಪ್ಯಂ ಕೃತಾಸನಸ್ಯೇಹ ಸರ್ವತೋಽಪಿ ಸಹ |
ಪಾದ್ಯಂ ಕುತೋಽರ್ಘ್ಯಮಪಿ ವಾ ಪಾದ್ಯಂ ಸರ್ವತ್ರಪಾಣಿಪಾದಸ್ಯ || ೩ ||
ಆಚಮನಂ ತೇ ಸ್ಯಾದಧಿಭಗವನ್ ತೇ ಸರ್ವತೋಮುಖಸ್ಯ ಕಥಮ್ |
ಮಧುಪರ್ಕೋ ವಾ ಕಥಮಿಹ ಮಧುವೈರಿಣಿ ದರ್ಶಿತಪ್ರಸಾದಸ್ಯ || ೪ ||
ಸ್ನಾನೇನ ಕಿಂ ವಿಧೇಯಂ ಸಲಿಲಕೃತೇನೇಹ ನಿತ್ಯಶುದ್ಧಸ್ಯ |
ವಸ್ತ್ರೇಣಾಪಿ ನ ಕಾರ್ಯಂ ದೇವಾಧಿಪತೇ ದಿಗಂಬರಸ್ಯೇಹ || ೫ ||
ಸ್ಫುರತಿ ಹಿ ಸರ್ಪಾಭರಣಂ ಸರ್ವಾಙ್ಗೇ ಸರ್ವಮಙ್ಗಲಾಕಾರ |
ಅತಿವರ್ಣಾಶ್ರಮಿಣಸ್ತೇಽಸ್ತ್ಯುಪವೀತೇನೇಹ ಕಶ್ಚಿದುತ್ಕರ್ಷಃ || ೬ ||
ಗನ್ಧವತೀ ಹಿ ತನುಸ್ತೇ ಗನ್ಧಾಃ ಕಿಂ ನೇಶ ಪೌನರುಕ್ತಾಯ |
ಪುಷ್ಕಲಫಲದಾತಾರಂ ಪುಷ್ಕರಕುಸುಮೇನ ಪೂಜಯಾಮಿ ತ್ವಾಮ್ || ೭ ||
ಶಮಧನಮೂಲಧನಂ ತ್ವಾಂ ಸಕಲೇಶ್ವರ ಭವಸಿ ಧೂಪಿತಃ ಕೇನ |
ದೀಪಃ ಕಥಂ ಶಿಖಾವಾನ್ ದೀಪ್ಯೇತ ಪುರಃ ಸ್ವಯಂಪ್ರಕಾಶಸ್ಯ || ೮ ||
ಅಮೃತಾತ್ಮಕಮಪಿ ಭಗವನ್ನಶನಂ ಕಿನ್ನಾಮ ನಿತ್ಯತೃಪ್ತಸ್ಯ |
ತ್ವಯ್ಯಾಮ್ರೇಡಿತಮೇತತ್ತಾಂಬೂಲಂ ಯದಿಹ ಸುಮುಖರಾಗಾಯ || ೯ ||
ಉಪಹಾರೀಭೂಯಾದಿದಮುಮೇಶ ಯನ್ಮೇ ವಿಚೇಷ್ಟಿತಮಶೇಷಮ್ |
ನೀರಾಜಯಾಮಿ ತಮಿಮಂ ನಾನಾತ್ಮಾನಂ ಸಹಾಖಿಲೈಃ ಕರಣೈಃ || ೧೦ ||
ಸುಮನಶ್ಶೇಖರ ಭವ ತೇ ಸುಮನೋಽಞ್ಜಲಿರೇಷ ಕೋ ಭವೇಚ್ಛಂಭೋ |
ಛತ್ರಂ ದ್ಯುಮನ್ ದ್ಯುಮಾರ್ಧನ್ ಚಾಮರಮಪಿ ಕಿಂ ಜಿತಶ್ರಮಸ್ಯ ತವ || ೧೧ ||
ನೃತ್ಯಂ ಪ್ರಥತಾಂ ಕಥಮಿವ ನಾಥ ತವಾಗ್ರೇ ಮಹಾನಟಸ್ಯೇಹ |
ಗೀತಂ ಕಿಂ ಪುರವೈರಿನ್ ಗೀತಾಗಮಮೂಲದೇಶಿಕಸ್ಯ ಪುರಃ || ೧೨ ||
ವಾದ್ಯಂ ಡಮರು ಭೃತಸ್ತೇ ವಾದಯಿತುಂ ತೇ ಪುರೋಽಸ್ತಿ ಕಾ ಶಕ್ತಿಃ |
ಅಪರಿಚ್ಛಿನ್ನಸ್ಯ ಭವೇದಖಿಲೇಶ್ವರ ಕಃ ಪ್ರದಕ್ಷಿಣವಿಧಿಸ್ತೇ || ೧೩ ||
ಸ್ಯುಸ್ತೇ ನಮಾಂಸಿ ಕಥಮಿವ ಶಙ್ಕರ ಪರಿತೋಽಪಿ ವಿದ್ಯಮಾನಸ್ಯ |
ವಾಚಾಮಗೋಚರೇ ತ್ವಯಿ ವಾಕ್ಪ್ರಸರೋ ಮೇ ಕಥಂ ಸುಸಂಭವತು || ೧೪ ||
ನಿತ್ಯಾನನ್ದಾಯ ನಮೋ ನಿರ್ಮಲವಿಜ್ಞಾನವಿಗ್ರಹಾಯ ನಮಃ |
ನಿರವಧಿಕರುಣಾಯ ನಮೋ ನಿರವಧಿವಿಭವಾಯ ತೇಜಸೇಽಸ್ತು ನಮಃ || ೧೫ ||
ಸರಸಿಜವಿಪಕ್ಷಚೂಡಃ ಸಗರತನೂಜನ್ಮಸುಕೃತಮೂರ್ಧಾಽಸೌ |
ದೃಕ್ಕೂಲಙ್ಕಷಕರುಣೋ ದೃಷ್ಟಿಪಥೇ ಮೇಽಸ್ತು ಧವಲಿಮಾ ಕೋಽಪಿ || ೧೬ ||
ಜಗದಾಧಾರಶರಾಸಂ ಜಗದುತ್ಪಾದಪ್ರವೀಣಯನ್ತಾರಮ್ |
ಜಗದವನಕರ್ಮಠಶರಂ ಜಗದುದ್ಧಾರಂ ಶ್ರಯಾಮಿ ಚಿತ್ಸಾರಮ್ || ೧೭ ||
ಕುವಲಯಸಹಯುಧ್ವಗಲೈಃ ಕುಲಗಿರಿಕೂಟಸ್ಥಕವಚಿತಾರ್ಧಾಙ್ಗೈಃ |
ಕಲುಷವಿದೂರೈಶ್ಚೇತಃ ಕಬಲಿತಮೇತತ್ಕೃಪಾರಸೈಃ ಕಿಞ್ಚಿತ್ || ೧೮ ||
ವಸನವತೇಕತ್ಕೃತ್ತ್ಯಾ ವಾಸವತೇ ರಜತಶೈಲಶಿಖರೇಣ |
ವಲಯವತೇ ಭೋಗಭೃತಾ ವನಿತಾರ್ಧಾಙ್ಗಾಯ ವಸ್ತುನೇಽಸ್ತು ನಮಃ || ೧೯ ||
ಸರಸಿಜಕುವಲಯ-ಜಾಗರಸಂವೇಶನ ಜಾಗರೂಕಲೋಚನತಃ |
ಸಕೃದಪಿ ನಾಹಂ ಜಾನೇ ಸುತರಾನ್ತಂ ಭಾಷ್ಯಕಾರಮಞ್ಜೀರಾತ್ || ೨೦ ||
ಆಪಾಟಲಜೂಟಾನಾ-ಮಾನೀಲಚ್ಛಾಯಕನ್ಧರಾ-ಸೀಮ್ನಾಮ್ |
ಆಪಾಣ್ಡುವಿಗ್ರಹಾಣಾಮಾದ್ರುಹಿಣಂ ಕಿಙ್ಕರಾ ವಯಂ ಮಹಸಾಮ್ || ೨೧ ||
ಮುಷಿತಸ್ಮರಾವಲೇಪೇ ಮುನಿತನಯಾಯುರ್ವದಾನ್ಯಪದಪದ್ಮೇ |
ಮಹಸಿ ಮನೋ ರಮತಾಂ ಮೇ ಮನಸಿ ದಯಾಪೂರಮೇದುರಾಪಾಙ್ಗೇ || ೨೨ ||
ಶರ್ಮಣಿ ಜಗತಾಂ ಗಿರಿಜಾನರ್ಮಣಿ ಸಪ್ರೇಮಹೃದಯಪರಿಪಾಕೇ |
ಬ್ರಹ್ಮಣಿ ವಿನಮದ್ರಕ್ಷಣಕರ್ಮಣಿ ತಸ್ಮಿನ್ನುದೇತು ಭಕ್ತಿರ್ಮೇ || ೨೩ ||
ಕಸ್ಮಿನ್ನಪಿ ಸಮಯೇ ಮಮ ಕಣ್ಠಚ್ಛಾಯಾವಿಧೂತಕಾಲಾಭ್ರಮ್ |
ಅಸ್ತು ಪುರೋ ವಸ್ತು ಕಿಮಪ್ಯರ್ಧಾಙ್ಗೇದರಮುನ್ಮಿಷನ್ನಿಟಲಮ್ || ೨೪ ||
ಜಟಿಲಾಯ ಮೌಲಿಭಾಗೇ ಜಲಧರ ನೀಲಾಯ ಕನ್ಧರಾಭೋಗೇ |
ಧವಲಾಯ ವಪುಷಿ ನಿಖಿಲೇ ಧಾಮ್ನೇಸ್ಸ್ಯಾನ್ಮಾನಸೇ ನಮೋವಾಕಃ || ೨೫ ||
ಅಕರವಿರಾಜತ್ಸುಮೃಗೈ-ರವೃಷತುರಙ್ಗೈ-ರಮೌಲಿಧೃತಗಙ್ಗೈಃ |
ಅಕೃತಮನೋಭವಭಙ್ಗೈರಲಮನ್ಯೈರ್ಜಗತಿ ದೈವತಂ ಮನ್ಯೈಃ || ೨೬ ||
ಕಸ್ಮೈ ವಚ್ಮಿ ದಶಾಂ ಮೇ ಕಸ್ಯೇದೃಗ್ಘೃದಯಮಸ್ತಿ ಶಕ್ತಿರ್ವಾ |
ಕಸ್ಯ ಬಲಂ ಚೋದ್ಧರ್ತುಂ ಕ್ಲೇಶಾತ್ತ್ವಾಮನ್ತರಾ ದಯಾಸಿನ್ಧೋ || ೨೭ ||
ಯಾಚೇ ಹ್ಯನಭಿನವಂ ತೇ ಚನ್ದ್ರಕಲೋತ್ತಂಸ ಕಿಞ್ಚಿದಪಿ ವಸ್ತು |
ಮಹ್ಯಂ ಪ್ರದೇಹಿ ಭಗವನ್ ಮದೀಯಮೇವ ಸ್ವರೂಪಮಾನನ್ದಮ್ || ೨೮ ||
ಭಗವನ್ಬಾಲತಯಾ ವಾಽಭಕ್ತ್ಯಾ ವಾಽಪ್ಯಾಪದಾಕುಲತಯಾ ವಾ |
ಮೋಹಾವಿಷ್ಟತಯಾ ವಾ ಮಾಽಸ್ತು ಚ ತೇ ಮನಸಿ ಯದ್ದುರುಕ್ತಂ ಮೇ || ೨೯ ||
ಯದಿ ವಿಶ್ವಾಧಿಕತಾ ತೇ ಯದಿ ನಿಗಮಾಗಮಪುರಾಣಯಾಥಾರ್ಥ್ಯಮ್ |
ಯದಿ ವಾ ಭಕ್ತೇಷು ದಯಾ ತದಿಹ ಮಹೇಶಾಶು ಪೂರ್ಣಕಾಮಸ್ಸ್ಯಾಮ್ || ೩೦ ||
ಇತಿ ಶಿವಾನನ್ದಾವಧೂತರಚಿತ ಶಿವಮಾನಸಿಕಪೂಜಾಸ್ತೋತ್ರಮ್ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
