Read in తెలుగు / ಕನ್ನಡ / தமிழ் / देवनागरी / English (IAST)
anucitamanulapitaṁ mē tvayi śaṁbhō śiva tadāgasaśśāntyai |
arcāṁ kathamapi vihitāmaṅgīkuru sarvamaṅgalōpēta || 1 ||
dhyāyāmi kathamiva tvāṁ dhīvartmavidūra divyamahimānam |
āvāhanaṁ vibhōstē dēvāgrya bhavētprabhō kutaḥ sthānāt || 2 ||
kiyadāsanaṁ prakalpyaṁ kr̥tāsanasyēha sarvatō:’pi saha |
pādyaṁ kutō:’rghyamapi vā pādyaṁ sarvatrapāṇipādasya || 3 ||
ācamanaṁ tē syādadhibhagavan tē sarvatōmukhasya katham |
madhuparkō vā kathamiha madhuvairiṇi darśitaprasādasya || 4 ||
snānēna kiṁ vidhēyaṁ salilakr̥tēnēha nityaśuddhasya |
vastrēṇāpi na kāryaṁ dēvādhipatē digaṁbarasyēha || 5 ||
sphurati hi sarpābharaṇaṁ sarvāṅgē sarvamaṅgalākāra |
ativarṇāśramiṇastē:’styupavītēnēha kaścidutkarṣaḥ || 6 ||
gandhavatī hi tanustē gandhāḥ kiṁ nēśa paunaruktāya |
puṣkalaphaladātāraṁ puṣkarakusumēna pūjayāmi tvām || 7 ||
śamadhanamūladhanaṁ tvāṁ sakalēśvara bhavasi dhūpitaḥ kēna |
dīpaḥ kathaṁ śikhāvān dīpyēta puraḥ svayaṁprakāśasya || 8 ||
amr̥tātmakamapi bhagavannaśanaṁ kinnāma nityatr̥ptasya |
tvayyāmrēḍitamētattāṁbūlaṁ yadiha sumukharāgāya || 9 ||
upahārībhūyādidamumēśa yanmē vicēṣṭitamaśēṣam |
nīrājayāmi tamimaṁ nānātmānaṁ sahākhilaiḥ karaṇaiḥ || 10 ||
sumanaśśēkhara bhava tē sumanō:’ñjalirēṣa kō bhavēcchaṁbhō |
chatraṁ dyuman dyumārdhan cāmaramapi kiṁ jitaśramasya tava || 11 ||
nr̥tyaṁ prathatāṁ kathamiva nātha tavāgrē mahānaṭasyēha |
gītaṁ kiṁ puravairin gītāgamamūladēśikasya puraḥ || 12 ||
vādyaṁ ḍamaru bhr̥tastē vādayituṁ tē purō:’sti kā śaktiḥ |
aparicchinnasya bhavēdakhilēśvara kaḥ pradakṣiṇavidhistē || 13 ||
syustē namāṁsi kathamiva śaṅkara paritō:’pi vidyamānasya |
vācāmagōcarē tvayi vākprasarō mē kathaṁ susaṁbhavatu || 14 ||
nityānandāya namō nirmalavijñānavigrahāya namaḥ |
niravadhikaruṇāya namō niravadhivibhavāya tējasē:’stu namaḥ || 15 ||
sarasijavipakṣacūḍaḥ sagaratanūjanmasukr̥tamūrdhā:’sau |
dr̥kkūlaṅkaṣakaruṇō dr̥ṣṭipathē mē:’stu dhavalimā kō:’pi || 16 ||
jagadādhāraśarāsaṁ jagadutpādapravīṇayantāram |
jagadavanakarmaṭhaśaraṁ jagaduddhāraṁ śrayāmi citsāram || 17 ||
kuvalayasahayudhvagalaiḥ kulagirikūṭasthakavacitārdhāṅgaiḥ |
kaluṣavidūraiścētaḥ kabalitamētatkr̥pārasaiḥ kiñcit || 18 ||
vasanavatēkatkr̥ttyā vāsavatē rajataśailaśikharēṇa |
valayavatē bhōgabhr̥tā vanitārdhāṅgāya vastunē:’stu namaḥ || 19 ||
sarasijakuvalaya-jāgarasaṁvēśana jāgarūkalōcanataḥ |
sakr̥dapi nāhaṁ jānē sutarāntaṁ bhāṣyakāramañjīrāt || 20 ||
āpāṭalajūṭānā-mānīlacchāyakandharā-sīmnām |
āpāṇḍuvigrahāṇāmādruhiṇaṁ kiṅkarā vayaṁ mahasām || 21 ||
muṣitasmarāvalēpē munitanayāyurvadānyapadapadmē |
mahasi manō ramatāṁ mē manasi dayāpūramēdurāpāṅgē || 22 ||
śarmaṇi jagatāṁ girijānarmaṇi saprēmahr̥dayaparipākē |
brahmaṇi vinamadrakṣaṇakarmaṇi tasminnudētu bhaktirmē || 23 ||
kasminnapi samayē mama kaṇṭhacchāyāvidhūtakālābhram |
astu purō vastu kimapyardhāṅgēdaramunmiṣanniṭalam || 24 ||
jaṭilāya maulibhāgē jaladhara nīlāya kandharābhōgē |
dhavalāya vapuṣi nikhilē dhāmnēssyānmānasē namōvākaḥ || 25 ||
akaravirājatsumr̥gai-ravr̥ṣaturaṅgai-ramaulidhr̥tagaṅgaiḥ |
akr̥tamanōbhavabhaṅgairalamanyairjagati daivataṁ manyaiḥ || 26 ||
kasmai vacmi daśāṁ mē kasyēdr̥gghr̥dayamasti śaktirvā |
kasya balaṁ cōddhartuṁ klēśāttvāmantarā dayāsindhō || 27 ||
yācē hyanabhinavaṁ tē candrakalōttaṁsa kiñcidapi vastu |
mahyaṁ pradēhi bhagavan madīyamēva svarūpamānandam || 28 ||
bhagavanbālatayā vā:’bhaktyā vā:’pyāpadākulatayā vā |
mōhāviṣṭatayā vā mā:’stu ca tē manasi yadduruktaṁ mē || 29 ||
yadi viśvādhikatā tē yadi nigamāgamapurāṇayāthārthyam |
yadi vā bhaktēṣu dayā tadiha mahēśāśu pūrṇakāmassyām || 30 ||
iti śivānandāvadhūtaracita śivamānasikapūjāstōtram |
See more śrī śiva stotras for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
