Read in తెలుగు / ಕನ್ನಡ / தமிழ் / देवनागरी / English (IAST)
ಪೂರ್ವಾಂಗಂ ಪಶ್ಯತು ||
ಹರಿದ್ರಾ ಗಣಪತಿ ಪೂಜ ಪಶ್ಯತು ||
ಪುನಃ ಸಂಕಲ್ಪಂ –
ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ವೈದಿಕಮಾರ್ಗ ಪ್ರತಿಷ್ಠಾಪಕಾನಾಂ ಜಗದ್ಗುರೂಣಾಂ ಶ್ರೀಶಂಕರಭಗವತ್ಪಾದಪೂಜಾಂ ಕರಿಷ್ಯೇ |
ಧ್ಯಾನಮ್ –
ಶ್ರುತಿಸ್ಮೃತಿಪುರಾಣಾನಾಮಾಲಯಂ ಕರುಣಾಲಯಮ್ |
ನಮಾಮಿ ಭಗವತ್ಪಾದಶಂಕರಂ ಲೋಕಶಂಕರಮ್ ||
ಅಸ್ಮಿನ್ ಬಿಂಬೇ ಶ್ರೀಶಂಕರಭಗವತ್ಪಾದಂ ಧ್ಯಾಯಾಮಿ |
ಆವಾಹನಮ್ –
ಯಮಾಶ್ರಿತಾ ಗಿರಾಂ ದೇವೀ ನಂದಯತ್ಯಾತ್ಮಸಂಶ್ರಿತಾನ್ |
ತಮಾಶ್ರಯೇ ಶ್ರಿಯಾ ಜುಷ್ಟಂ ಶಂಕರಂ ಕರುಣಾನಿಧಿಮ್ ||
ಶ್ರೀಶಂಕರಭಗವತ್ಪಾದಮಾವಾಹಯಾಮಿ |
ಆಸನಮ್ –
ಶ್ರೀಗುರುಂ ಭಗವತ್ಪಾದಂ ಶರಣ್ಯಂ ಭಕ್ತವತ್ಸಲಮ್ |
ಶಿವಂ ಶಿವಕರಂ ಶುದ್ಧಮಪ್ರಮೇಯಂ ನಮಾಮ್ಯಹಮ್ ||
ಶ್ರೀಶಂಕರಭಗವತ್ಪಾದಾಯ ನಮಃ ಆಸನಂ ಸಮರ್ಪಯಾಮಿ |
ಪೂರ್ಣಕುಂಭಪ್ರದಾನಮ್ –
ನಿತ್ಯಂ ಶುದ್ಧಂ ನಿರಾಕಾರಂ ನಿರಾಭಾಸಂ ನಿರಂಜನಮ್ |
ನಿತ್ಯಬೋಧಂ ಚಿದಾನಂದಂ ಗುರುಂ ಬ್ರಹ್ಮ ನಮಾಮ್ಯಹಮ್ ||
ಶ್ರೀಶಂಕರಭಗವತ್ಪಾದಾಯ ನಮಃ ಪೂರ್ಣಕುಂಭಂ ಸಮರ್ಪಯಾಮಿ |
ಪಾದ್ಯಮ್ –
ಸರ್ವತಂತ್ರಸ್ವತಂತ್ರಾಯ ಸದಾತ್ಮಾದ್ವೈತರೂಪಿಣೇ |
ಶ್ರೀಮತೇ ಶಂಕರಾರ್ಯಾಯ ವೇದಾಂತಗುರವೇ ನಮಃ ||
ಶ್ರೀಶಂಕರಭಗವತ್ಪಾದಾಯ ನಮಃ ಪಾದಯೋಃ ಪಾದ್ಯಂ ಸಮರ್ಪಯಾಮಿ |
ಅರ್ಘ್ಯಮ್ –
ವೇದಾಂತಾರ್ಥಾಭಿಧಾನೇನ ಸರ್ವಾನುಗ್ರಹಕಾರಿಣಮ್ |
ಯತಿರೂಪಧರಂ ವಂದೇ ಶಂಕರಂ ಲೋಕಶಂಕರಮ್ ||
ಶ್ರೀಶಂಕರಭಗವತ್ಪಾದಾಯ ನಮಃ ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ |
ಆಚಮನೀಯಮ್ –
ಸಂಸಾರಾಬ್ಧಿನಿಷಣ್ಣಾಜ್ಞನಿಕರಪ್ರೋದ್ದಿಧೀರ್ಷಯಾ |
ಕೃತಸಂಹನನಂ ವಂದೇ ಭಗವತ್ಪಾದಶಂಕರಮ್ ||
ಶ್ರೀಶಂಕರಭಗವತ್ಪಾದಾಯ ನಮಃ ಆಚಮನೀಯಂ ಸಮರ್ಪಯಾಮಿ |
ಸ್ನಾನಮ್ –
ಯತ್ಪಾದಪಂಕಜಧ್ಯಾನಾತ್ ತೋಟಕಾದ್ಯಾ ಯತೀಶ್ವರಾಃ |
ಬಭೂವುಸ್ತಾದೃಶಂ ವಂದೇ ಶಂಕರಂ ಷಣ್ಮತೇಶ್ವರಮ್ ||
ಶ್ರೀಶಂಕರಭಗವತ್ಪಾದಾಯ ನಮಃ ಸ್ನಾಪಯಾಮಿ |
ಸ್ನಾನಾನಂತರಂ ಆಚಮನೀಯಂ ಸಮರ್ಪಯಾಮಿ |
ವಸ್ತ್ರಮ್ –
ನಮಃ ಶ್ರೀಶಂಕರಾಚಾರ್ಯಗುರವೇ ಶಂಕರಾತ್ಮನೇ |
ಶರೀರಿಣಾಂ ಶಂಕರಾಯ ಶಂಕರಜ್ಞಾನಹೇತವೇ ||
ಶ್ರೀಶಂಕರಭಗವತ್ಪಾದಾಯ ನಮಃ ವಸ್ತ್ರಂ ಸಮರ್ಪಯಾಮಿ |
ಉಪವೀತಮ್ –
ಹರಲೀಲಾವತಾರಾಯ ಶಂಕರಾಯ ವರೌಜಸೇ |
ಕೈವಲ್ಯಕಲನಾಕಲ್ಪತರವೇ ಗುರವೇ ನಮಃ ||
ಶ್ರೀಶಂಕರಭಗವತ್ಪಾದಾಯ ನಮಃ ಉಪವೀತಂ ಸಮರ್ಪಯಾಮಿ |
ರುದ್ರಾಕ್ಷಮಾಲಾ (ಆಭರಣಮ್) –
ವಿಚಾರ್ಯಂ ಸರ್ವವೇದಾಂತೈಃ ಸಂಚಾರ್ಯಂ ಹೃದಯಾಂಬುಜೇ |
ಪ್ರಚಾರ್ಯಂ ಸರ್ವಲೋಕೇಷು ಆಚಾರ್ಯಂ ಶಂಕರಂ ಭಜೇ ||
ಶ್ರೀಶಂಕರಭಗವತ್ಪಾದಾಯ ನಮಃ ರುದ್ರಾಕ್ಷಮಾಲಾಂ ಸಮರ್ಪಯಾಮಿ |
ಗಂಧಮ್ –
ಯಾಽನುಭೂತಿಃ ಸ್ವಯಂಜ್ಯೋತಿರಾದಿತ್ಯೇಶಾನವಿಗ್ರಹಾ |
ಶಂಕರಾಖ್ಯಾ ಚ ತನ್ನೌಮಿ ಸುರೇಶ್ವರಗುರುಂ ಪರಮ್ ||
ಶ್ರೀಶಂಕರಭಗವತ್ಪಾದಾಯ ನಮಃ ಗಂಧ ಭಸ್ಮಾದಿಕಂ ಸಮರ್ಪಯಾಮಿ |
ದಂಡಮ್ –
ಆನಂದಘನಮದ್ವಂದಂ ನಿರ್ವಿಕಾರಂ ನಿರಂಜನಮ್ |
ಭಜೇಽಹಂ ಭಗವತ್ಪಾದಂ ಭಜತಾಮಭಯಪ್ರದಮ್ ||
ಶ್ರೀಶಂಕರಭಗವತ್ಪಾದಾಯ ನಮಃ ದಂಡಂ ಸಮರ್ಪಯಾಮಿ |
ಅಕ್ಷತಾನ್ –
ತಂ ವಂದೇ ಶಂಕರಾಚಾರ್ಯಂ ಲೋಕತ್ರಿತಯಶಂಕರಮ್ |
ಸತ್ತರ್ಕನಖರೋದ್ಗೀರ್ಣ ವಾವದೂಕಮತಂಗಜಮ್ |
ಶ್ರೀಶಂಕರಭಗವತ್ಪಾದಾಯ ನಮಃ ಅಕ್ಷತಾನ್ ಸಮರ್ಪಯಾಮಿ |
ಪುಷ್ಪಮಾಲಾ –
ನಮಾಮಿ ಶಂಕರಾಚಾರ್ಯಗುರುಪಾದಸರೋರುಹಮ್ |
ಯಸ್ಯ ಪ್ರಸಾದಾನ್ಮೂಢೋಽಪಿ ಸರ್ವಜ್ಞೋ ಭವತಿ ಸ್ವಯಮ್ ||
ಶ್ರೀಶಂಕರಭಗವತ್ಪಾದಾಯ ನಮಃ ಪುಷ್ಪಮಾಲಾಂ ಸಮರ್ಪಯಾಮಿ |
ಅಷ್ಟೋತ್ತರಶತನಾಮ ಪೂಜಾ –
ಶ್ರೀ ಶಂಕರಭಗವತ್ಪಾದ ಅಷ್ಟೋತ್ತರಶತನಾಮಾವಳೀ ಪಶ್ಯತು ||
ಧೂಪಮ್ –
ಸಂಸಾರಸಾಗರಂ ಘೋರಂ ಅನಂತಕ್ಲೇಶಭಾಜನಮ್ |
ತ್ವಾಮೇವ ಶರಣಂ ಪ್ರಾಪ್ಯ ನಿಸ್ತರಂತಿ ಮನೀಷಿಣಃ ||
ಶ್ರೀಶಂಕರಭಗವತ್ಪಾದಾಯ ನಮಃ ಧೂಪಮಾಘ್ರಾಪಯಾಮಿ |
ದೀಪಮ್ –
ನಮಸ್ತಸ್ಮೈ ಭಗವತೇ ಶಂಕರಾಚಾರ್ಯರೂಪಿಣೇ |
ಯೇನ ವೇದಾಂತವಿದ್ಯೇಯಂ ಉದ್ಧೃತಾ ವೇದಸಾಗರಾತ್ ||
ಶ್ರೀಶಂಕರಭಗವತ್ಪಾದಾಯ ನಮಃ ದೀಪಂ ದರ್ಶಯಾಮಿ |
ನೈವೇದ್ಯಮ್ –
ಭಗವತ್ಪಾದಪಾದಾಬ್ಜಪಾಂಸವಃ ಸಂತು ಸಂತತಮ್ |
ಅಪಾರಾಸಾರ ಸಂಸಾರಸಾಗರೋತ್ತಾರ ಸೇತವಃ ||
ಶ್ರೀಶಂಕರಭಗವತ್ಪಾದಾಯ ನಮಃ ಮಹಾನೈವೇದ್ಯಂ ನಿವೇದಯಾಮಿ |
ನಿವೇದನಾನಂತರಂ ಆಚಮನೀಯಂ ಸಮರ್ಪಯಾಮಿ |
ಹಸ್ತಪ್ರಕ್ಷಾಳನ ಪಾದಪ್ರಕ್ಷಾಳನಾದಿಕಂ ಸಮರ್ಪಯಾಮಿ |
ತಾಂಬೂಲಂ ಸಮರ್ಪಯಾಮಿ |
ನೀರಾಜನಮ್ –
ಅಜ್ಞಾನತಿಮಿರಾಂಧಸ್ಯ ಜ್ಞಾನಾಂಜನಶಲಾಕಯಾ |
ಚಕ್ಷುರುನ್ಮೀಲಿತಂ ಯೇನ ತಸ್ಮೈ ಶ್ರೀಗುರವೇ ನಮಃ ||
ಶ್ರೀಶಂಕರಭಗವತ್ಪಾದಾಯ ನಮಃ ಕರ್ಪೂರನೀರಾಜನಂ ದರ್ಶಯಾಮಿ |
ನೀರಾಜನಾನಂತರಂ ಆಚಮನೀಯಂ ಸಮರ್ಪಯಾಮಿ |
ಪ್ರದಕ್ಷಿಣ –
ಆಚಾರ್ಯಾನ್ ಭಗವತ್ಪಾದಾನ್ ಷಣ್ಮತಸ್ಥಾಪಕಾನ್ ಹಿತಾನ್ |
ಪರಹಂಸಾನ್ನುಮೋಽದ್ವೈತಸ್ಥಾಪಕಾನ್ ಜಗತೋ ಗುರೂನ್ ||
ಶ್ರೀಶಂಕರಭಗವತ್ಪಾದಾಯ ನಮಃ ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ |
ಪ್ರಾರ್ಥನಾ –
ಗುರುರ್ಬ್ರಹ್ಮಾ ಗುರುರ್ವಿಷ್ಣುರ್ಗುರುರ್ದೇವೋ ಮಹೇಶ್ವರಃ |
ಗುರುರೇವ ಪರಂ ಬ್ರಹ್ಮ ತಸ್ಮೈ ಶ್ರೀಗುರವೇ ನಮಃ ||
ಅಖಂಡಮಂಡಲಾಕಾರಂ ವ್ಯಾಪ್ತಂ ಯೇನ ಚರಾಚರಮ್ |
ತತ್ಪದಂ ದರ್ಶಿತಂ ಯೇನ ತಸ್ಮೈ ಶ್ರೀಗುರವೇ ನಮಃ ||
ಅನೇಕಜನ್ಮ ಸಂಪ್ರಾಪ್ತ ಕರ್ಮಬಂಧ ವಿದಾಹಿನೇ |
ಆತ್ಮಜ್ಞಾನ ಪ್ರದಾನೇನ ತಸ್ಮೈ ಶ್ರೀಗುರವೇ ನಮಃ ||
ವಿಶುದ್ಧ ವಿಜ್ಞಾನಘನಂ ಶುಚಿಹಾರ್ದಂ ತಮೋನುದಮ್ |
ದಯಾಸಿಂಧುಂ ಲೋಕಬಂಧುಂ ಶಂಕರಂ ನೌಮಿ ಸದ್ಗುರುಮ್ ||
ದೇಹಬುದ್ಧ್ಯಾ ತು ದಾಸೋಽಸ್ಮಿ ಜೀವಬುದ್ಧ್ಯಾ ತ್ವದಂಶಕಃ |
ಆತ್ಮಬುದ್ಧ್ಯಾ ತ್ವಮೇವಾಹಮಿತಿ ಮೇ ನಿಶ್ಚಿತಾ ಮತಿಃ ||
ಏಕಃ ಶಾಖೀ ಶಂಕರಾಖ್ಯಶ್ಚತುರ್ಧಾ
ಸ್ಥಾನಂ ಭೇಜೇ ತಾಪಶಾಂತ್ಯೈ ಜನಾನಾಮ್ |
ಶಿಷ್ಯಸ್ಕಂಧೈಃ ಶಿಷ್ಯ ಶಾಖೈರ್ಮಹದ್ಭಿಃ
ಜ್ಞಾನಂ ಪುಷ್ಪಂ ಯತ್ರ ಮೋಕ್ಷಃ ಪ್ರಸೂತಿಃ ||
ಗಾಮಾಕ್ರಮ್ಯ ಪದೇಽಧಿಕಾಂಚಿ ನಿಬಿಡಂ ಸ್ಕಂಧೈಶ್ಚತುರ್ಭಿಸ್ತಥಾ
ವ್ಯಾವೃಣ್ವನ್ ಭುವನಾಂತರಂ ಪರಿಹರಂಸ್ತಾಪಂ ಸಮೋಹಜ್ವರಮ್ |
ಯಃ ಶಾಖೀ ದ್ವಿಜಸಂಸ್ತುತಃ ಫಲತಿ ತತ್ ಸ್ವಾದ್ಯಂ ರಸಾಖ್ಯಂ ಫಲಂ
ತಸ್ಮೈ ಶಂಕರಪಾದಾಯ ಮಹತೇ ತನ್ಮಃ ತ್ರಿಸಂಧ್ಯಂ ನಮಃ ||
ಗುರುಪಾದೋದಕಪ್ರಾಶನಮ್ –
ಅವಿದ್ಯಾಮೂಲನಾಶಾಯ ಜನ್ಮಕರ್ಮನಿವೃತ್ತಯೇ |
ಜ್ಞಾನವೈರಾಗ್ಯಸಿದ್ಧ್ಯರ್ಥಂ ಗುರುಪಾದೋದಕಂ ಶುಭಮ್ ||
ಗುರುಪಾದೋದಕಂ ಪ್ರಾಶಯಾಮಿ |
ಸಮರ್ಪಣಮ್ –
ಕಾಯೇನ ವಾಚಾ ಮನಸೇಂದ್ರಿಯೈರ್ವಾ
ಬುದ್ಧ್ಯಾತ್ಮನಾ ವಾ ಪ್ರಕೃತೇಃ ಸ್ವಭಾವಾತ್ |
ಕರೋಮಿ ಯದ್ಯತ್ ಸಕಲಂ ಪರಸ್ಮೈ
ನಾರಾಯಣಾಯೇತಿ ಸಮರ್ಪಯಾಮಿ ||
ಅನಯಾ ಪೂಜಯಾ ಸರ್ವದೇವಾತ್ಮಕಃ ಭಗವಾನ್ ಶ್ರೀಜಗದ್ಗುರುಃ ಪ್ರೀಯತಾಮ್ ||
ಓಂ ತತ್ ಸತ್ ||
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
