Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀಸರ್ವಮಂಗಳವಿದ್ಯಾಯಾ ನಾಮ ಶ್ರೀದಕ್ಷಿಣಕಾಳಿಕಾ ತ್ರಿಶತೀಸ್ತೋತ್ರ ಮಹಾಮಂತ್ರಸ್ಯ ಶ್ರೀಕಾಲಭೈರವ ಋಷಿಃ ಅನುಷ್ಟುಪ್ ಛಂದಃ ಶ್ರೀದಕ್ಷಿಣಕಾಳಿಕಾ ದೇವತಾ ಹ್ರೀಂ ಬೀಜಂ ಹೂಂ ಶಕ್ತಿಃ ಕ್ರೀಂ ಕೀಲಕಂ ಶ್ರೀದಕ್ಷಿಣಕಾಳಿಕಾ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಋಷ್ಯಾದಿನ್ಯಾಸಃ –
ಶ್ರೀಕಾಲಭೈರವರ್ಷಯೇ ನಮಃ ಶಿರಸಿ |
ಅನುಷ್ಟುಪ್ ಛಂದಸೇ ನಮೋ ಮುಖೇ |
ಶ್ರೀದಕ್ಷಿಣಕಾಳಿಕಾಯೈ ದೇವತಾಯೈ ನಮೋ ಹೃದಿ |
ಹ್ರೀಂ ಬೀಜಾಯ ನಮೋ ಗುಹ್ಯೇ |
ಹೂಂ ಶಕ್ತಯೇ ನಮಃ ಪಾದಯೋಃ |
ಕ್ರೀಂ ಕೀಲಕಾಯ ನಮೋ ನಾಭೌ |
ವಿನಿಯೋಗಾಯ ನಮಃ ಸರ್ವಾಂಗೇ |
ಕರನ್ಯಾಸಃ –
ಕ್ರಾಂ ಅಂಗುಷ್ಠಾಭ್ಯಾಂ ನಮಃ |
ಕ್ರೀಂ ತರ್ಜನೀಭ್ಯಾಂ ನಮಃ |
ಕ್ರೂಂ ಮಧ್ಯಮಾಭ್ಯಾಂ ನಮಃ |
ಕ್ರೈಂ ಅನಾಮಿಕಾಭ್ಯಾಂ ನಮಃ |
ಕ್ರೌಂ ಕನಿಷ್ಠಿಕಾಭ್ಯಾಂ ನಮಃ |
ಕ್ರಃ ಕರತಲ ಕರಪೃಷ್ಠಾಭ್ಯಾಂ ನಮಃ |
ಹೃದಯಾದಿನ್ಯಾಸಃ –
ಕ್ರಾಂ ಹೃದಯಾಯ ನಮಃ |
ಕ್ರೀಂ ಶಿರಸೇ ಸ್ವಾಹಾ |
ಕ್ರೂಂ ಶಿಖಾಯೈ ವಷಟ್ |
ಕ್ರೈಂ ಕವಚಾಯ ಹುಮ್ |
ಕ್ರೌಂ ನೇತ್ರತ್ರಯಾಯ ವೌಷಟ್ |
ಕ್ರಃ ಅಸ್ತ್ರಾಯ ಫಟ್ |
ಧ್ಯಾನಮ್ –
ಶವಾರೂಢಾಂ ಮಹಾಭೀಮಾಂ ಘೋರದಂಷ್ಟ್ರಾಂ ಹಸನ್ಮುಖೀಂ
ಚತುರ್ಭುಜಾಂ ಖಡ್ಗಮುಂಡವರಾಭಯಕರಾಂ ಶಿವಾಮ್ |
ಮುಂಡಮಾಲಾಧರಾಂ ದೇವೀಂ ಲಲಜ್ಜಿಹ್ವಾಂ ದಿಗಂಬರಾಂ
ಏವಂ ಸಂಚಿಂತಯೇತ್ಕಾಳೀಂ ಶ್ಮಶಾನಾಲಯವಾಸಿನೀಮ್ || ೧ ||
ಶ್ಯಾಮಾಂಗೀಂ ದಿಗ್ವಸನಾಂ ಶವಶಿವಹೃದಯಸ್ಥಾಂ ಸದಾ ಲೋಲಜಿಹ್ವಾಂ
ದೋರ್ದಂಡೈಃ ಕ್ಲುಪ್ತಕಾಂಚೀಂ ವಿಕಸಿತವದನಾಂ ಭೀಮದಂಷ್ಟ್ರಾಂ ತ್ರಿನೇತ್ರಾಮ್ |
ಮುಂಡಸ್ರಗ್ಭೂಷಣಾಂ ಹಸ್ತವಿಧೃತವರದಾಭೀತಿನಿಸ್ತ್ರಿಂಶಮುಂಡಾಂ
ಧ್ಯಾಯೇತ್ಪ್ರೇಮ್ಣಾ ಮಹಾಕಾಲರತಿಪರಸುಖೀಂ ದಕ್ಷಿಣಾಂ ಕಾಳಿಕಾಂ ತಾಮ್ || ೨ ||
ಪಂಚೋಪಚಾರ ಪೂಜಾ –
ಲಂ ಪೃಥಿವ್ಯಾತ್ಮನೇ ಗಂಧಂ ಕಲ್ಪಯಾಮಿ ನಮಃ |
ಹಂ ಆಕಾಶಾತ್ಮನೇ ಪುಷ್ಪಾಣಿ ಕಲ್ಪಯಾಮಿ ನಮಃ |
ಯಂ ವಾಯ್ವಾತ್ಮನೇ ಧೂಪಂ ಕಲ್ಪಯಾಮಿ ನಮಃ |
ರಂ ಅಗ್ನ್ಯಾತ್ಮನೇ ದೀಪಂ ಕಲ್ಪಯಾಮಿ ನಮಃ |
ವಂ ಅಮೃತಾತ್ಮನೇ ಅಮೃತಂ ಮಹಾನೈವೇದ್ಯಂ ಕಲ್ಪಯಾಮಿ ನಮಃ |
ಸಂ ಸರ್ವಾತ್ಮನೇ ಸರ್ವೋಪಚಾರಾನ್ ಕಲ್ಪಯಾಮಿ ನಮಃ |
ಅಥ ಸ್ತೋತ್ರಮ್ |
ಕ್ರೀಂಕಾರೀ ಕ್ರೀಂಪದಾಕಾರಾ ಕ್ರೀಂಕಾರಮಂತ್ರಪೂರಣಾ |
ಕ್ರೀಂಮತೀ ಕ್ರೀಂಪದಾವಾಸಾ ಕ್ರೀಂಬೀಜಜಪತೋಷಿಣೀ || ೧ ||
ಕ್ರೀಂಕಾರಸತ್ತ್ವಾ ಕ್ರೀಮಾತ್ಮಾ ಕ್ರೀಂಭೂಷಾ ಕ್ರೀಂಮನುಸ್ವರಾಟ್ |
ಕ್ರೀಂಕಾರಗರ್ಭಾ ಕ್ರೀಂಸಂಜ್ಞಾ ಕ್ರೀಂಕಾರಧ್ಯೇಯರೂಪಿಣೀ || ೨ ||
ಕ್ರೀಂಕಾರಾತ್ತಮನುಪ್ರೌಢಾ ಕ್ರೀಂಕಾರಚಕ್ರಪೂಜಿತಾ |
ಕ್ರೀಂಕಾರಲಲನಾನಂದಾ ಕ್ರೀಂಕಾರಾಲಾಪತೋಷಿಣೀ || ೩ ||
ಕ್ರೀಂಕಲಾನಾದಬಿಂದುಸ್ಥಾ ಕ್ರೀಂಕಾರಚಕ್ರವಾಸಿನೀ |
ಕ್ರೀಂಕಾರಲಕ್ಷ್ಮೀಃ ಕ್ರೀಂಶಕ್ತಿಃ ಕ್ರೀಂಕಾರಮನುಮಂಡಿತಾ || ೪ ||
ಕ್ರೀಂಕಾರಾನಂದಸರ್ವಸ್ವಾ ಕ್ರೀಂಜ್ಞೇಯಲಕ್ಷ್ಯಮಾತ್ರಗಾ |
ಕ್ರೀಂಕಾರಬಿಂದುಪೀಠಸ್ಥಾ ಕ್ರೀಂಕಾರನಾದಮೋದಿನೀ || ೫ ||
ಕ್ರೀಂತತ್ತ್ವಜ್ಞಾನವಿಜ್ಞೇಯಾ ಕ್ರೀಂಕಾರಯಜ್ಞಪಾಲಿನೀ |
ಕ್ರೀಂಕಾರಲಕ್ಷಣಾನಂದಾ ಕ್ರೀಂಕಾರಲಯಲಾಲಸಾ || ೬ ||
ಕ್ರೀಂಮೇರುಮಧ್ಯಗಾಸ್ಥಾನಾ ಕ್ರೀಂಕಾರಾದ್ಯವರಾರ್ಣಭೂಃ |
ಕ್ರೀಂಕಾರವರಿವಸ್ಯಾಢ್ಯಾ ಕ್ರೀಂಕಾರಗಾನಲೋಲುಪಾ || ೭ ||
ಕ್ರೀಂಕಾರನಾದಸಂಪನ್ನಾ ಕ್ರೀಂಕಾರೈಕಾಕ್ಷರಾತ್ಮಿಕಾ |
ಕ್ರೀಮಾದಿಗುಣವರ್ಗಾತ್ತತ್ರಿತಯಾದ್ಯಾಹುತಿಪ್ರಿಯಾ || ೮ ||
ಕ್ರೀಂಕ್ಲಿನ್ನರಮಣಾನಂದಮಹಾಕಾಲವರಾಂಗನಾ |
ಕ್ರೀಂಲಾಸ್ಯತಾಂಡವಾನಂದಾ ಕ್ರೀಂಕಾರಭೋಗಮೋಕ್ಷದಾ || ೯ ||
ಕ್ರೀಂಕಾರಯೋಗಿನೀಸಾಧ್ಯೋಪಾಸ್ತಿಸರ್ವಸ್ವಗೋಚರಾ |
ಕ್ರೀಂಕಾರಮಾತೃಕಾಸಿದ್ಧವಿದ್ಯಾರಾಜ್ಞೀಕಲೇವರಾ || ೧೦ ||
ಹೂಂಕಾರಮಂತ್ರಾ ಹೂಂಗರ್ಭಾ ಹೂಂಕಾರನಾದಗೋಚರಾ |
ಹೂಂಕಾರರೂಪಾ ಹೂಂಕಾರಜ್ಞೇಯಾ ಹೂಂಕಾರಮಾತೃಕಾ || ೧೧ ||
ಹೂಂಫಟ್ಕಾರಮಹಾನಾದಮಯೀ ಹೂಂಕಾರಶಾಲಿನೀ |
ಹೂಂಕಾರಜಪಸಮ್ಮೋದಾ ಹೂಂಕಾರಜಾಪವಾಕ್ಪ್ರದಾ || ೧೨ ||
ಹೂಂಕಾರಹೋಮಸಂಪ್ರೀತಾ ಹೂಂಕಾರತಂತ್ರವಾಹಿನೀ |
ಹೂಂಕಾರತತ್ತ್ವವಿಜ್ಞಾನಜ್ಞಾತೃಜ್ಞೇಯಸ್ವರೂಪಿಣೀ || ೧೩ ||
ಹೂಂಕಾರಜಾಪಜಾಡ್ಯಘ್ನೀ ಹೂಂಕಾರಜೀವನಾಡಿಕಾ |
ಹೂಂಕಾರಮೂಲಮಂತ್ರಾತ್ಮಾ ಹೂಂಕಾರಪಾರಮಾರ್ಥಿಕಾ || ೧೪ ||
ಹೂಂಕಾರಘೋಷಣಾಹ್ಲಾದಾ ಹೂಂಕಾರೈಕಪರಾಯಣಾ |
ಹೂಂಕಾರಬೀಜಸಂಕ್ಲುಪ್ತಾ ಹೂಂಕಾರವರದಾಯಿನೀ || ೧೫ ||
ಹೂಂಕಾರದ್ಯೋತನಜ್ಯೋತಿರ್ಹೂಂಕಾರನೀಲಭಾರತೀ |
ಹೂಂಕಾರಾಲಂಬನಾಧಾರಾ ಹೂಂಕಾರಯೋಗಸೌಖ್ಯದಾ || ೧೬ ||
ಹೂಂಕಾರಝಂಕೃತಾಕಾರಾ ಹೂಂಕಾರಾಂಚಿತವಾಗ್ಝರೀ |
ಹೂಂಕಾರಚಂಡೀಪಾರೀಣಾನಂದಝಿಲ್ಲೀಸ್ವರೂಪಿಣೀ || ೧೭ ||
ಹ್ರೀಂಕಾರಮಂತ್ರಗಾಯತ್ರೀ ಹ್ರೀಂಕಾರಸಾರ್ವಕಾಮಿಕೀ |
ಹ್ರೀಂಕಾರಸಾಮಸರ್ವಸ್ವಾ ಹ್ರೀಂಕಾರರಾಜಯೋಗಿನೀ || ೧೮ ||
ಹ್ರೀಂಕಾರಜ್ಯೋತಿರುದ್ದಾಮಾ ಹ್ರೀಂಕಾರಮೂಲಕಾರಣಾ |
ಹ್ರೀಂಕಾರೋತ್ತಸಪರ್ಯಾಢ್ಯಾ ಹ್ರೀಂಕಾರತಂತ್ರಮಾತೃಕಾ || ೧೯ ||
ಹ್ರೀಂಜಹಲ್ಲಕ್ಷಣಾಭೃಂಗೀ ಹ್ರೀಂಕಾರಹಂಸನಾದಿನೀ |
ಹ್ರೀಂಕಾರತಾರಿಣೀವಿದ್ಯಾ ಹ್ರೀಂಕಾರಭುವನೇಶ್ವರೀ || ೨೦ ||
ಹ್ರೀಂಕಾರಕಾಲಿಕಾಮೂರ್ತಿರ್ಹ್ರೀಂಕಾರನಾದಸುಂದರೀ |
ಹ್ರೀಂಕಾರಜ್ಞಾನವಿಜ್ಞಾನಾ ಹ್ರೀಂಕಾರಕಾಲಮೋಹಿನೀ || ೨೧ ||
ಹ್ರೀಂಕಾರಕಾಮಪೀಠಸ್ಥಾ ಹ್ರೀಂಕಾರಸಂಸ್ಕೃತಾಖಿಲಾ |
ಹ್ರೀಂಕಾರವಿಶ್ವಸಂಭಾರಾ ಹ್ರೀಂಕಾರಾಮೃತಸಾಗರಾ || ೨೨ ||
ಹ್ರೀಂಕಾರಮಂತ್ರಸನ್ನದ್ಧಾ ಹ್ರೀಂಕಾರರಸಪೂರ್ಣಗಾ |
ಹ್ರೀಂಕಾರಮಾಯಾವಿರ್ಭಾವಾ ಹ್ರೀಂಕಾರಸರಸೀರುಹಾ || ೨೩ ||
ಹ್ರೀಂಕಾರಕಲನಾಧಾರಾ ಹ್ರೀಂಕಾರವೇದಮಾತೃಕಾ |
ಹ್ರೀಂಕಾರಜ್ಞಾನಮಂದಾರಾ ಹ್ರೀಂಕಾರರಾಜಹಂಸಿನೀ || ೨೪ ||
ದಂತುರಾ ದಕ್ಷಯಜ್ಞಘ್ನೀ ದಯಾ ದಕ್ಷಿಣಕಾಳಿಕಾ |
ದಕ್ಷಿಣಾಚಾರಸುಪ್ರೀತಾ ದಂಶಭೀರುಬಲಿಪ್ರಿಯಾ || ೨೫ ||
ದಕ್ಷಿಣಾಭಿಮುಖೀ ದಕ್ಷಾ ದತ್ರೋತ್ಸೇಕಪ್ರದಾಯಿಕಾ |
ದರ್ಪಘ್ನೀ ದರ್ಶಕುಹ್ವಷ್ಟಮೀಯಾಮ್ಯಾರಾಧನಪ್ರಿಯಾ || ೨೬ ||
ದರ್ಶನಪ್ರತಿಭೂರ್ದಂಭಹಂತ್ರೀ ದಕ್ಷಿಣತಲ್ಲಜಾ |
ಕ್ಷಿತ್ಯಾದಿತತ್ತ್ವಸಂಭಾವ್ಯಾ ಕ್ಷಿತ್ಯುತ್ತಮಗತಿಪ್ರದಾ || ೨೭ ||
ಕ್ಷಿಪ್ರಪ್ರಸಾದಿತಾ ಕ್ಷಿಪ್ರಾ ಕ್ಷಿತಿವರ್ಧನಸಂಸ್ಥಿತಾ |
ಕ್ಷಿಪ್ರಾಗಂಗಾದಿನದ್ಯಂಭಃಪ್ರವಾಹವಾಸತೋಷಿಣೀ || ೨೮ ||
ಕ್ಷಿತಿಜಾಹರ್ನಿಶೋಪಾಸಾಜಪಪಾರಾಯಣಪ್ರಿಯಾ |
ಕ್ಷಿದ್ರಾದಿಗ್ರಹನಕ್ಷತ್ರಜ್ಯೋತೀರೂಪಪ್ರಕಾಶಿಕಾ || ೨೯ ||
ಕ್ಷಿತೀಶಾದಿಜನಾರಾಧ್ಯಾ ಕ್ಷಿಪ್ರತಾಂಡವಕಾರಿಣೀ |
ಕ್ಷಿಪಾಪ್ರಣಯನುನ್ನಾತ್ಮಪ್ರೇರಿತಾಖಿಲಯೋಗಿನೀ || ೩೦ ||
ಕ್ಷಿತಿಪ್ರತಿಷ್ಠಿತಾರಾಧ್ಯಾ ಕ್ಷಿತಿದೇವಾದಿಪೂಜಿತಾ |
ಕ್ಷಿತಿವೃತ್ತಿಸುಸಂಪನ್ನೋಪಾಸಕಪ್ರಿಯದೇವತಾ || ೩೧ ||
ಣೇಕಾರರೂಪಿಣೀ ನೇತ್ರೀ ನೇತ್ರಾಂತಾನುಗ್ರಹಪ್ರದಾ |
ನೇತ್ರಸಾರಸ್ವತೋನ್ಮೇಷಾ ನೇಜಿತಾಖಿಲಸೇವಕಾ || ೩೨ ||
ಣೇಕಾರಜ್ಯೋತಿರಾಭಾಸಾ ನೇತ್ರತ್ರಯವಿರಾಜಿತಾ |
ನೇತ್ರಾಂಜನಸವರ್ಣಾಂಗೀ ನೇತ್ರಬಿಂದೂಜ್ಜ್ವಲತ್ಪ್ರಭಾ || ೩೩ ||
ಣೇಕಾರಪರ್ವತೇಂದ್ರಾಗ್ರಸಮುದ್ಯದಮೃತದ್ಯುತಿಃ |
ನೇತ್ರಾತೀತಪ್ರಕಾಶಾರ್ಚಿರಶೇಷಜನಮೋಹಿನೀ || ೩೪ ||
ಣೇಕಾರಮೂಲಮಂತ್ರಾರ್ಥರಹಸ್ಯಜ್ಞಾನದಾಯಿನೀ |
ಣೇಕಾರಜಪಸುಪ್ರೀತಾ ನೇತ್ರಾನಂದಸ್ವರೂಪಿಣೀ || ೩೫ ||
ಕಾಲೀ ಕಾಲಶವಾರೂಢಾ ಕಾರುಣ್ಯಾಮೃತಸಾಗರಾ |
ಕಾಂತಾರಪೀಠಸಂಸ್ಥಾನಾ ಕಾಲಭೈರವಪೂಜಿತಾ || ೩೬ ||
ಕಾಶೀಕಾಶ್ಮೀರಕಾಂಪಿಲ್ಯಕಾಂಚೀಕೈಲಾಸವಾಸಿನೀ |
ಕಾಮಾಕ್ಷೀ ಕಾಲಿಕಾ ಕಾಂತಾ ಕಾಷ್ಠಾಂಬರಸುಶೋಭನಾ || ೩೭ ||
ಕಾಲಹೃನ್ನಟನಾನಂದಾ ಕಾಮಾಖ್ಯಾದಿಸ್ವರೂಪಿಣೀ |
ಕಾವ್ಯಾಮೃತರಸಾನಂದಾ ಕಾಮಕೋಟಿವಿಲಾಸಿನೀ || ೩೮ ||
ಲಿಂಗಮೂರ್ತಿಸುಸಂಪೃಕ್ತಾ ಲಿಷ್ಟಾಂಗಚಂದ್ರಶೇಖರಾ |
ಲಿಂಪಾಕನಾದಸಂತುಷ್ಟಾ ಲಿಂಗಿತಾಷ್ಟಕಲೇವರಾ || ೩೯ ||
ಲಿಕಾರಮಂತ್ರಸಂಸಿದ್ಧಾ ಲಿಗುಲಾಲನಶಾಲಿನೀ |
ಲಿಕ್ಷಾಮಾತ್ರಾಣುಸೂಕ್ಷ್ಮಾಭಾ ಲಿಂಗಿಲಿಂಗಪ್ರದೀಪಿನೀ || ೪೦ ||
ಲಿಖಿತಾಕ್ಷರವಿನ್ಯಾಸಾ ಲಿಪ್ತಕಾಲಾಂಗಶೋಭನಾ |
ಲಿಂಗೋಪಹಿತಸೂಕ್ಷ್ಮಾರ್ಥದ್ಯೋತನಜ್ಞಾನದಾಯಿನೀ || ೪೧ ||
ಲಿಪಿಲೇಖ್ಯಪ್ರಮಾಣಾದಿಲಕ್ಷಿತಾತ್ಮಸ್ವರೂಪಿಣೀ |
ಲಿಕಾರಾಂಚಿತಮಂತ್ರಪ್ರಜಾಪಜೀವನವರ್ಧನೀ || ೪೨ ||
ಲಿಂಗಕೇಷ್ಟಾಶಷಡ್ವಕ್ತ್ರಪ್ರಿಯಸೂನುಮತಲ್ಲಿಕಾ |
ಕೇಲಿಹಾಸಪ್ರಿಯಸ್ವಾಂತಾ ಕೇವಲಾನಂದರೂಪಿಣೀ || ೪೩ ||
ಕೇದಾರಾದಿಸ್ಥಲಾವಾಸಾ ಕೇಕಿನರ್ತನಲೋಲುಪಾ |
ಕೇನಾದ್ಯುಪನಿಷತ್ಸಾರಾ ಕೇತುಮಾಲಾದಿವರ್ಷಪಾ || ೪೪ ||
ಕೇರಲೀಯಮತಾಂತಸ್ಥಾ ಕೇಂದ್ರಬಿಂದುತ್ವಗೋಚರಾ |
ಕೇನಾತ್ಯಾದ್ಯುಜ್ಜ್ವಲಕ್ರೀಡಾರಸಭಾವಜ್ಞಲಾಲಸಾ || ೪೫ ||
ಕೇಯೂರನೂಪುರಸ್ಥಾನಮಣಿಬಂಧಾಹಿಭೂಷಿತಾ |
ಕೇನಾರಮಾಲಿಕಾಭೂಷಾ ಕೇಶವಾದಿಸಮರ್ಚಿತಾ || ೪೬ ||
ಕೇಶಕಾಲಾಭ್ರಸೌಂದರ್ಯಾ ಕೇವಲಾತ್ಮವಿಲಾಸಿನೀ |
ಕ್ರೀಂಕಾರಭವನೋದ್ಯುಕ್ತಾ ಕ್ರೀಂಕಾರೈಕಪರಾಯಣಾ || ೪೭ ||
ಕ್ರೀಂಮುಕ್ತಿದಾನಮಂದಾರಾ ಕ್ರೀಂಯೋಗಿನೀವಿಲಾಸಿನೀ |
ಕ್ರೀಂಕಾರಸಮಯಾಚಾರತತ್ಪರಪ್ರಾಣಧಾರಿಣೀ || ೪೮ ||
ಕ್ರೀಂಜಪಾಸಕ್ತಹೃದ್ದೇಶವಾಸಿನೀ ಕ್ರೀಂಮನೋಹರಾ |
ಕ್ರೀಂಕಾರಮಂತ್ರಾಲಂಕಾರಾ ಕ್ರೀಂಚತುರ್ವರ್ಗದಾಯಿಕಾ || ೪೯ ||
ಕ್ರೀಂಕೌಲಮಾರ್ಗಸಂಪನ್ನಪುರಶ್ಚರಣದೋಹದಾ |
ಕ್ರೀಂಕಾರಮಂತ್ರಕೂಪಾರೋತ್ಪನ್ನಪೀಯೂಷಶೇವಧಿಃ || ೫೦ ||
ಕ್ರೀಂಕಾರಾದ್ಯಂತಹೂಂಹ್ರೀಂಫಟ್ಸ್ವಾಹಾದಿಪರಿವರ್ತನೀ |
ಕ್ರೀಂಕಾರಾಮೃತಮಾಧುರ್ಯರಸಜ್ಞಾರಸನಾಗ್ರಗಾ || ೫೧ ||
ಕ್ರೀಂಜಾಪದಿವ್ಯರಾಜೀವಭ್ರಮರೀ ಕ್ರೀಂಹುತಾಶನೀ |
ಕ್ರೀಂಕಾರಹೋಮಕುಂಡಾಗ್ನಿಜಿಹ್ವಾಪ್ರತ್ಯಕ್ಷರೂಪಿಣೀ || ೫೨ ||
ಕ್ರೀಂಸಂಪುಟಾರ್ಚನಾಧಾರಣಾನಂದಸ್ವಾಂತಲಾಸಿನೀ |
ಕ್ರೀಂಕಾರಸುಮನೋಗ್ರಂಥಮಾಲಿಕಾಪ್ರಿಯಧಾರಿಣೀ || ೫೩ ||
ಕ್ರೀಂಕಾರೈಕಾಕ್ಷರೀಮಂತ್ರಸ್ವಾಧೀನಪ್ರಾಣವಲ್ಲಭಾ |
ಕ್ರೀಂಕಾರಬೀಜಸಂಧಾನಜಪಧ್ಯಾನವಶಂವದಾ || ೫೪ ||
ಕ್ರೀಂಕಾರೋಜ್ಜೃಂಭನಾದಾಂತಮಂತ್ರಮಾತ್ರಸ್ವತಂತ್ರಗಾ |
ಕ್ರೀಂಕಾರೋನ್ನತವಿದ್ಯಾಂಗಶಾಕ್ತಾಚಾರಾಭಿನಂದಿನೀ || ೫೫ ||
ಕ್ರೀಂರಂಧ್ರಗುಹ್ಯಭಾವಜ್ಞಯೋಗಿನೀಪರತಂತ್ರಗಾ |
ಕ್ರೀಂಕಾಲೀತಾರಿಣೀಸುಂದರ್ಯಾದಿವಿದ್ಯಾಸ್ವರೂಪಿಣೀ || ೫೬ ||
ಕ್ರೀಂಕಾರಪಂಚಭೂತಾತ್ಮಪ್ರಾಪಂಚಿಕಕುಟುಂಬಿನೀ |
ಕ್ರೀಂಕಾರೋರ್ವ್ಯಾದಿನಿಶ್ಶೇಷತತ್ತ್ವಕೂಟವಿಜೃಂಭಿಣೀ || ೫೭ ||
ಕ್ರೀಂಕಾರಮಂತ್ರಶಕ್ತಿಪ್ರವಿನ್ಯಸ್ತಕೃತ್ಯಪಂಚಕಾ |
ಕ್ರೀಂನಿರ್ವರ್ತಿತವಿಶ್ವಾಂಡಕಲ್ಪಪ್ರಳಯಸಾಕ್ಷಿಣೀ || ೫೮ ||
ಕ್ರೀಂಕಾರವಿದ್ಯುಚ್ಛಕ್ತಿಪ್ರಣುನ್ನಸರ್ವಜಗತ್ಕ್ರಿಯಾ |
ಕ್ರೀಂಕಾರಮಾತ್ರಸತ್ಯಾದಿಸರ್ವಲೋಕಪ್ರಚಾಲಿನೀ || ೫೯ ||
ಕ್ರೀಂಕಾರಯೋಗಸಂಲೀನದಹರಾಕಾಶಭಾಸಿನೀ |
ಕ್ರೀಂಸಂಲಗ್ನಪರಃಕೋಟಿಸಂಖ್ಯಾಮಂತ್ರಜಪಪ್ರಿಯಾ || ೬೦ ||
ಕ್ರೀಂಕಾರಬಿಂದುಷಟ್ಕೋಣನವಕೋಣಪ್ರತಿಷ್ಠಿತಾ |
ಕ್ರೀಂಕಾರವೃತ್ತಪದ್ಮಾಷ್ಟದಲಭೂಪುರನಿಷ್ಠಿತಾ || ೬೧ ||
ಕ್ರೀಂಕಾರಜಾಪಭಕ್ತೌಘನಿತ್ಯನಿಸ್ಸೀಮಹರ್ಷದಾ |
ಕ್ರೀಂತ್ರಿಪಂಚಾರಚಕ್ರಸ್ಥಾ ಕ್ರೀಂಕಾಲ್ಯುಗ್ರಾದಿಸೇವಿತಾ || ೬೨ ||
ಕ್ರೀಂಕಾರಜಾಪಹೃದ್ವ್ಯೋಮಚಂದ್ರಿಕಾ ಕ್ರೀಂಕರಾಳಿಕಾ |
ಕ್ರೀಂಕಾರಬ್ರಹ್ಮರಂಧ್ರಸ್ಥಬ್ರಹ್ಮಜ್ಞೇಯಸ್ವರೂಪಿಣೀ || ೬೩ ||
ಕ್ರೀಂಬ್ರಾಹ್ಮೀನಾರಸಿಂಹ್ಯಾದಿಯೋಗಿನ್ಯಾವೃತಸುಂದರೀ |
ಕ್ರೀಂಕಾರಸಾಧಕೌನ್ನತ್ಯಸಾಮೋದಸಿದ್ಧಿದಾಯಿನೀ || ೬೪ ||
ಹೂಂಕಾರತಾರಾ ಹೂಂಬೀಜಜಪತತ್ಪರಮೋಕ್ಷದಾ |
ಹೂಂತ್ರೈವಿದ್ಯಧರಾಮ್ನಾಯಾನ್ವೀಕ್ಷಿಕ್ಯಾದಿಪ್ರದಾಯಿಕಾ || ೬೫ ||
ಹೂಂವಿದ್ಯಾಸಾಧನಾಮಾತ್ರಚತುರ್ವರ್ಗಫಲಪ್ರದಾ |
ಹೂಂಜಾಪಕತ್ರಯಸ್ತ್ರಿಂಶತ್ಕೋಟಿದೇವಪ್ರಪೂಜಿತಾ || ೬೬ ||
ಹೂಂಕಾರಬೀಜಸಂಪನ್ನಾ ಹೂಂಕಾರೋತ್ತಾರಣಾಂಬಿಕಾ |
ಹೂಂಫಟ್ಕಾರಸುಧಾಮೂರ್ತಿರ್ಹೂಂಫಟ್ಸ್ವಾಹಾಸ್ವರೂಪಿಣೀ || ೬೭ ||
ಹೂಂಕಾರಬೀಜಗೂಢಾತ್ಮವಿಜ್ಞಾನವೈಭವಾಂಬಿಕಾ |
ಹೂಂಕಾರಶ್ರುತಿಶೀರ್ಷೋಕ್ತವೇದಾಂತತತ್ತ್ವರೂಪಿಣೀ || ೬೮ ||
ಹೂಂಕಾರಬಿಂದುನಾದಾಂತಚಂದ್ರಾರ್ಧವ್ಯಾಪಿಕೋನ್ಮನೀ |
ಹೂಂಕಾರಾಜ್ಞಾಸಹಸ್ರಾರಜಾಗ್ರತ್ಸ್ವಪ್ನಸುಷುಪ್ತಿಗಾ || ೬೯ ||
ಹೂಂಪ್ರಾಗ್ದಕ್ಷಿಣಪಾಶ್ಚಾತ್ಯೋತ್ತರಾನ್ವಯಚತುಷ್ಕಗಾ |
ಹೂಂವಹ್ನಿಸೂರ್ಯಸೋಮಾಖ್ಯಕುಂಡಲಿನ್ಯಾತ್ತಶಕ್ತಿಕಾ || ೭೦ ||
ಹೂಂಕಾರೇಚ್ಛಾಕ್ರಿಯಾಜ್ಞಾನಶಕ್ತಿತ್ರಿತಯರೂಪಿಣೀ |
ಹೂಂರಸಾಸ್ಥಿವಸಾಮಾಂಸಾಸೃಙ್ಮಜ್ಜಾಶುಕ್ರನಿಷ್ಠಿತಾ || ೭೧ ||
ಹೂಂಕಾರವನನೀಲಾಂಶುಮೇಘನಾದಾನುಲಾಸಿನೀ |
ಹೂಂಕಾರಜಪಸಾನಂದಪುರಶ್ಚರಣಕಾಮದಾ || ೭೨ ||
ಹೂಂಕಾರಕಲನಾಕಾಲನೈರ್ಗುಣ್ಯನಿಷ್ಕ್ರಿಯಾತ್ಮಿಕಾ |
ಹೂಂಕಾರಬ್ರಹ್ಮವಿದ್ಯಾದಿಗುರೂತ್ತಮಸ್ವರೂಪಿಣೀ || ೭೩ ||
ಹೂಂಕಾರಸ್ಫೋಟನಾನಂದಶಬ್ದಬ್ರಹ್ಮಸ್ವರೂಪಿಣೀ |
ಹೂಂಕಾರಶಾಕ್ತತಂತ್ರಾದಿಪರಮೇಷ್ಠಿಗುರೂತ್ತಮಾ || ೭೪ ||
ಹೂಂಕಾರವೇದಮಂತ್ರೋಕ್ತಮಹಾವಿದ್ಯಾಪ್ರಬೋಧಿನೀ |
ಹೂಂಕಾರಸ್ಥೂಲಸೂಕ್ಷ್ಮಾತ್ಪರಬ್ರಹ್ಮಸ್ವರೂಪಿಣೀ || ೭೫ ||
ಹೂಂಕಾರನಿರ್ಗುಣಬ್ರಹ್ಮಚಿತ್ಸ್ವರೂಪಪ್ರಕಾಶಿಕಾ |
ಹೂಂನಿರ್ವಿಕಾರಕಾಲಾತ್ಮಾ ಹೂಂಶುದ್ಧಸತ್ತ್ವಭೂಮಿಕಾ || ೭೬ ||
ಹ್ರೀಮಷ್ಟಭೈರವಾರಾಧ್ಯಾ ಹ್ರೀಂಬೀಜಾದಿಮನುಪ್ರಿಯಾ |
ಹ್ರೀಂಜಯಾದ್ಯಂಕಪೀಠಾಖ್ಯಶಕ್ತ್ಯಾರಾಧ್ಯಪದಾಂಬುಜಾ || ೭೭ ||
ಹ್ರೀಂಮಹತ್ಸಿಂಹಧೂಮ್ರಾದಿಭೈರವ್ಯರ್ಚಿತಪಾದುಕಾ |
ಹ್ರೀಂಜಪಾಕರವೀರಾರ್ಕಪುಷ್ಪಹೋಮಾರ್ಚನಪ್ರಿಯಾ || ೭೮ ||
ಹ್ರೀಂಕಾರನೈಗಮಾಕಾರಾ ಹ್ರೀಂಸರ್ವದೇವರೂಪಿಣೀ |
ಹ್ರೀಂಕೂರ್ಚಕಾಲಿಕಾಕೂಟವಾಕ್ಪ್ರಸಿದ್ಧಿಪ್ರದಾಯಿಕಾ || ೭೯ ||
ಹ್ರೀಂಕಾರಬೀಜಸಂಪನ್ನವಿದ್ಯಾರಾಜ್ಞೀಸಮಾಧಿಗಾ |
ಹ್ರೀಂಕಾರಸಚ್ಚಿದಾನಂದಪರಬ್ರಹ್ಮಸ್ವರೂಪಿಣೀ || ೮೦ ||
ಹ್ರೀಂಹೃಲ್ಲೇಖಾಖ್ಯಮಂತ್ರಾತ್ಮಾ ಹ್ರೀಂಕೃಷ್ಣರಕ್ತಮಾನಿನೀ |
ಹ್ರೀಂಪಿಂಡಕರ್ತರೀಬೀಜಮಾಲಾದಿಮಂತ್ರರೂಪಿಣೀ || ೮೧ ||
ಹ್ರೀಂನಿರ್ವಾಣಮಯೀ ಹ್ರೀಂಕಾರಮಹಾಕಾಲಮೋಹಿನೀ |
ಹ್ರೀಂಮತೀ ಹ್ರೀಂಪರಾಹ್ಲಾದಾ ಹ್ರೀಂ ಹ್ರೀಂಕಾರಗುಣಾವೃತಾ || ೮೨ ||
ಹ್ರೀಮಾದಿಸರ್ವಮಂತ್ರಸ್ಥಾ ಹ್ರೀಂಕಾರಜ್ವಲಿತಪ್ರಭಾ |
ಹ್ರೀಂಕಾರೋರ್ಜಿತಪೂಜೇಷ್ಟಾ ಹ್ರೀಂಕಾರಮಾತೃಕಾಂಬಿಕಾ || ೮೩ ||
ಹ್ರೀಂಕಾರಧ್ಯಾನಯೋಗೇಷ್ಟಾ ಹ್ರೀಂಕಾರಮಂತ್ರವೇಗಿನೀ |
ಹ್ರೀಮಾದ್ಯಂತವಿಹೀನಸ್ವರೂಪಿಣೀ ಹ್ರೀಂಪರಾತ್ಪರಾ || ೮೪ ||
ಹ್ರೀಂಭದ್ರಾತ್ಮಜರೋಚಿಷ್ಣುಹಸ್ತಾಬ್ಜವರವರ್ಣಿನೀ |
ಸ್ವಾಹಾಕಾರಾತ್ತಹೋಮೇಷ್ಟಾ ಸ್ವಾಹಾ ಸ್ವಾಧೀನವಲ್ಲಭಾ || ೮೫ ||
ಸ್ವಾಂತಪ್ರಸಾದನೈರ್ಮಲ್ಯವರದಾನಾಭಿವರ್ಷಿಣೀ |
ಸ್ವಾಧಿಷ್ಠಾನಾದಿಪದ್ಮಸ್ಥಾ ಸ್ವಾರಾಜ್ಯಸಿದ್ಧಿದಾಯಿಕಾ || ೮೬ ||
ಸ್ವಾಧ್ಯಾಯತತ್ಪರಪ್ರೀತಾ ಸ್ವಾಮಿನೀ ಸ್ವಾದಲೋಲುಪಾ |
ಸ್ವಾಚ್ಛಂದ್ಯರಮಣಕ್ಲಿನ್ನಾ ಸ್ವಾದ್ವೀಫಲರಸಪ್ರಿಯಾ || ೮೭ ||
ಸ್ವಾಸ್ಥ್ಯಲೀನಜಪಪ್ರೀತಾ ಸ್ವಾತಂತ್ರ್ಯಚರಿತಾರ್ಥಕಾ |
ಸ್ವಾದಿಷ್ಠಚಷಕಾಸ್ವಾದಪ್ರೇಮೋಲ್ಲಾಸಿತಮಾನಸಾ || ೮೮ ||
ಹಾಯನಾದ್ಯನಿಬದ್ಧಾತ್ಮಾ ಹಾಟಕಾದ್ರಿಪ್ರದಾಯಿನೀ |
ಹಾರೀಕೃತನೃಮುಂಡಾಲಿರ್ಹಾನಿವೃದ್ಧ್ಯಾದಿಕಾರಣಾ || ೮೯ ||
ಹಾನದಾನಾದಿಗಾಂಭೀರ್ಯದಾಯಿನೀ ಹಾರಿರೂಪಿಣೀ |
ಹಾರಹಾರಾದಿಮಾಧುರ್ಯಮದಿರಾಪಾನಲೋಲುಪಾ || ೯೦ ||
ಹಾಟಕೇಶಾದಿತೀರ್ಥಸ್ಥಕಾಲಕಾಲಪ್ರಿಯಂಕರೀ |
ಹಾಹಾಹೂಹ್ವಾದಿಗಂಧರ್ವಗಾನಶ್ರವಣಲಾಲಸಾ || ೯೧ ||
ಹಾರಿಕಂಠಸ್ವರಸ್ಥಾಯ್ಯಾಲಾಪನಾದಿರಸಾತ್ಮಿಕಾ |
ಹಾರ್ದಸ್ಯಂದಿಕಟಾಕ್ಷಪ್ರಪಾಲಿತೋಪಾಸಕಾವಲೀ || ೯೨ ||
ಹಾಲಾಹಲಾಶನಪ್ರೇಮಫಲಿನೀ ಹಾವಶಾಲಿನೀ |
ಹಾಸಪ್ರಕಾಶವದನಾಂಭೋರುಹಾನಂದಿತಾಖಿಲಾ || ೯೩ ||
ಅಥ ಫಲಶ್ರುತಿಃ –
ವಿದ್ಯಾರಾಜ್ಞೀವರ್ಣಮಾಲಾಕ್ರಮಕಲ್ಪಿತನಾಮಕಮ್ |
ಕಾಳೀಸಾನ್ನಿದ್ಧ್ಯಸಂಪನ್ನಂ ವಿದ್ಯಾಗೂಢಾರ್ಥಸಂಪುಟಮ್ || ೧ ||
ಏತದ್ಯಃ ಪರಯಾ ಭಕ್ತ್ಯಾ ತ್ರಿಶತೀಸ್ತೋತ್ರಮುತ್ತಮಮ್ |
ಸರ್ವಮಂಗಳವಿದ್ಯಾಖ್ಯಂ ತ್ರಿಶತೀಸಂಖ್ಯಯಾ ಜಪೇತ್ || ೨ ||
ವಿಶ್ವಂ ಕಾಲೀಮಯಂ ಪಶ್ಯನ್ ಕಾಲೋಭಾವಸಮಾಹಿತಃ |
ಪೂಜಾಹೋಮಜಪಧ್ಯಾನಕ್ರಮಸಂಭೃತಸಾಧನಃ || ೩ ||
ಗುರುವಿದ್ಯಾಕಾಳಿಕಾತ್ಮತನ್ಮಯತ್ವಪರಿಷ್ಕೃತಃ |
ಶುಚಿಸ್ಸೌಶೀಲ್ಯವಾನ್ ಯೋಗೀ ಸಮಾಧ್ಯಾನಂದತತ್ಪರಃ || ೪ ||
ವಿದ್ಯಾತಾದಾತ್ಮ್ಯಸಂಸಿದ್ಧಗುಪ್ತತತ್ತ್ವಜ್ಞಮಂತ್ರಿಣಃ |
ತಸ್ಯಾಽಸಾಧ್ಯಂ ಕ್ವಚಿನ್ನಾಸ್ತಿ ಸರ್ವಮಂಗಳಮಾಪ್ನುಯಾತ್ || ೫ ||
ವರ್ಣಗೂಢಾರ್ಥಭಾವಂ ಯೋ ಧ್ಯಾಯನ್ ಮಂತ್ರಂ ಜಪೇತ್ ಸದಾ |
ಕ್ರೀಂ ಸ್ವಾಹಾ ದಕ್ಷಿಣೇ ಚೈವ ಕಾಳಿಕೇ ಕಾಳಿಕಾದಳಮ್ || ೬ ||
ಕಾಲಭಾಗಸ್ತು ಹೂಂಕಾರೋ ಹ್ರೀಂಕಾಲಕಾಲಿಕಾಂಶಕಃ |
ಷಟ್ಕೋಣಂ ನವಕೋಣಂ ಚ ಕಾಳಿಕಾಚಕ್ರಮೀರಿತಮ್ || ೭ ||
ಶೇಷಂ ತು ಕಾಲಚಕ್ರಂ ಹಿ ಕಾಳೀಕಾಲಮಯಂ ಸಮಮ್ |
ಗೂಢಂ ವಿಜಾನತಃ ಕಾಳೀ ವಿಹರೇದ್ಧೃದಿ ಸರ್ವದಾ || ೮ ||
ಸೌಭಾಗ್ಯದಾಯಿನೀ ಮಾತಾ ಪ್ರೇಮಭಕ್ತಿವಶಂವದಾ |
ಯೋಗಿನೀಮಾನಸೋಲ್ಲಾಸಾ ಶ್ರೀಮಹಾಕಾಲರಂಜನೀ || ೯ ||
ಶೃಂಗಾರಲೋಲಾಸಮ್ಮುಗ್ಧಾ ಲಾಲಿತ್ಯಮತ್ತಕಾಶಿನೀ |
ಅಸಮಾನದಯಾಶೀಲಾ ಭಕ್ತಲಾಲನಲೋಲುಪಾ || ೧೦ ||
ನೈವ ಯಚ್ಛೇದಭಕ್ತಾಯ ಗೋಪನೀಯಮಿಮಂ ಸ್ತವಮ್ |
ಯಸ್ತು ಮೋಹವಶಾದ್ಯಚ್ಛೇತ್ ಪಾಪಿಷ್ಠಸ್ಸ ಭವೇದ್ಧೃವಮ್ || ೧೧ ||
ಪಾರಾಯಣಾತ್ ಪ್ರೇಮಭಕ್ತ್ಯಾ ಲಭತೇ ಕ್ಷೇಮಮುತ್ತಮಮ್ |
ಕಾಳೀಮಯಃ ಪುಣ್ಯಮೂರ್ತಿಶ್ಚಿರಂಜೀವೀ ಚ ಮೋಕ್ಷಭಾಕ್ || ೧೨ ||
ಇತಿ ಶ್ರೀಕಾಳೀತಂತ್ರೇ ಶ್ರೀಸರ್ವಮಂಗಳವಿದ್ಯಾ ನಾಮ ಶ್ರೀ ದಕ್ಷಿಣಕಾಳಿಕಾ ತ್ರಿಶತೀ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಕಾಳಿಕಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
