Read in తెలుగు / ಕನ್ನಡ / தமிழ் / देवनागरी / English (IAST)
(ಧನ್ಯವಾದಃ – ಶ್ರೀ ಅಕಳಂಕಂ ಸುದರ್ಶನಾಚಾರ್ಯುಲು ಮಹೋದಯಃ)
ಸಹಸ್ರಭಾಸ್ಕರಸ್ಫುರತ್ಪ್ರಭಾಕ್ಷದುರ್ನಿರೀಕ್ಷಣಂ
ಪ್ರಭಗ್ನಕ್ರೂರಕೃದ್ಧಿರಣ್ಯಕಶ್ಯಪೋರುರಃಸ್ಥಲಮ್ |
ಅಜಸೃಜಾಂಡಕರ್ಪರಪ್ರಭಿನ್ನರೌದ್ರಗರ್ಜನಂ
ಉದಗ್ರನಿಗ್ರಹಾಗ್ರಹೋಗ್ರವಿಗ್ರಹಾಕೃತಿಂ ಭಜೇ || ೧ ||
ಸ್ವಯಂಭುಶಂಭುಜಂಭಜಿತ್ಪ್ರಮುಖ್ಯದಿವ್ಯಸಂಭ್ರಮ-
-ದ್ವಿಜೃಂಭದುದ್ಯದುತ್ಕಟೋಗ್ರದೈತ್ಯದಂಭಕುಂಭಿಭಿತ್ |
ಅನರ್ಗಳಾಟ್ಟಹಾಸನಿಸ್ಪೃಹಾಷ್ಟದಿಗ್ಗಜಾರ್ಭಟಿಂ
ಯುಗಾಂತಿಮಾಂತಕಕೃತಾಂತಧಿಕ್ಕೃತಾಂತಕಂ ಭಜೇ || ೨ ||
ಜಗಜ್ಜ್ವಲದ್ದಹದ್ಗ್ರಸದ್ಬೃಹತ್ಸ್ಫುರನ್ಮುಖಾರ್ಭಟಿಂ
ಮಹದ್ಭಯದ್ಭವದ್ಧಗದ್ಧಗಲ್ಲಸತ್ಕೃತಾಕೃತಿಮ್ |
ಹಿರಣ್ಯಕಶ್ಯಪೋಃ ಸಹಸ್ರಸಂಹರತ್ಸಮರ್ಥಕೃ-
-ನ್ಮುಹುರ್ಮುಹುರ್ಗಳದ್ಗಳದ್ಧ್ವನನ್ನೃಸಿಂಹ ರಕ್ಷ ಮಾಮ್ || ೩ ||
ಜಯತ್ವವಕ್ರವಿಕ್ರಮಕ್ರಮಾಕ್ರಮಕ್ರಿಯಾಹರತ್
ಸ್ಫುರತ್ಸಹಸ್ರವಿಸ್ಫುಲಿಂಗಭಾಸ್ಕರಪ್ರಭಾಗ್ರಸತ್ |
ಧಗದ್ಧಗದ್ಧಗಲ್ಲಸನ್ಮಹದ್ಭ್ರಮತ್ಸುದರ್ಶನೋ-
-ನ್ಮದೇಭಭಿತ್ಸ್ವರೂಪಭೃದ್ಧವತ್ಕೃಪಾಮೃತಾಂಬುಧಿಃ || ೪ ||
ವಿಪಕ್ಷಪಕ್ಷರಾಕ್ಷಸಾಕ್ಷಮಾಕ್ಷರೂಕ್ಷವೀಕ್ಷಣಂ
ಸದಾಕ್ಷಯತ್ಕೃಪಾಕಟಾಕ್ಷಲಕ್ಷ್ಮಿಲಕ್ಷ್ಮವಕ್ಷಸಮ್ |
ವಿಚಕ್ಷಣಂ ವಿಲಕ್ಷಣಂ ಸುತೀಕ್ಷಣಂ ಪ್ರತಿಕ್ಷಣಂ
ಪರೀಕ್ಷ ದೀಕ್ಷ ರಕ್ಷ ಶಿಕ್ಷ ಸಾಕ್ಷಿಣ ಕ್ಷಮಂ ಭಜೇ || ೫ ||
ಅಪೂರ್ವ ಶೌರ್ಯ ಧೈರ್ಯ ವೀರ್ಯ ದುರ್ನಿವಾರ್ಯ ದುರ್ಗಮಂ
ಅಗರ್ವ ಸರ್ವನಿರ್ವಹತ್ಸುಪರ್ವವರ್ಯ ಪರ್ವಿಣಮ್ |
ಅಕಾರ್ಯಕಾರ್ಯಕೃದ್ಧನಾರ್ಯಪರ್ವತಪ್ರಹಾರಿಣಂ
ಸದಾರ್ಯಕಾರ್ಯಭಾರ ಸತ್ಪ್ರಚಾರ ಗುರ್ವಿಣಂ ಭಜೇ || ೬ ||
ಕರಾಳವಕ್ತ್ರ ಕರ್ಕಶೋಗ್ರವಜ್ರದಂಷ್ಟ್ರಮುಜ್ಜ್ವಲಂ
ಕುಠಾರಖಡ್ಗಕುಂತತೋಮರಾಂಕುಶೋನ್ನಖಾಯುಧಮ್ |
ಮಹಾಭ್ರಯೂಧಭಗ್ನಸಂಚಲತ್ಸಟಾಜಟಾಲಕಂ
ಜಗತ್ಪ್ರಮೂರ್ಛಿತಾಟ್ಟಹಾಸಚಕ್ರವರ್ತಿ ಸಂಭಜೇ || ೭ ||
ಪ್ರಪತ್ತಿ ಪ್ರಾರ್ಥನಾರ್ಚನಾಭಿವಂದನ ಪ್ರದಕ್ಷಿಣಾ
ನತಾನನಾಂಗ ವಾಙ್ಮನಃ ಸ್ಮರಜ್ಜಪಸ್ತುವತ್ಸಗತ್ |
ಕದಾಶ್ರುಪೂರಣಾರ್ದ್ರದಿವ್ಯಭಕ್ತಿಪಾರವಶ್ಯತಾ
ಸಕೃದ್ಭವತ್ಕ್ರಿಯಾಚರನ್ನೃಸಿಂಹ ಮಾಂ ಪ್ರಸೀದ ತಾಮ್ || ೮ ||
ದರಿದ್ರದೇವಿದುಷ್ಟದೃಷ್ಟಿದುಃಖದುರ್ಭರಂ ಹರಂ
ನವಗ್ರಹೋಗ್ರವಕ್ರದೋಷಣಾಧಿವ್ಯಾಧಿನಿಗ್ರಹಮ್ |
ಪರೌಷಧಾಧಿ ಮಂತ್ರಯಂತ್ರತಂತ್ರ ಕೃತ್ರಿಮಂ ಹನಂ
ಅಕಾಲಮೃತ್ಯುಮೃತ್ಯು ಮೃತ್ಯುಮುಗ್ರಮೂರ್ತಿನಂ ಭಜೇ || ೯ ||
ಇದಂ ನೃಸಿಂಹ ಸ್ತಂಭಸಂಭವಾವತಾರ ಸಂಸ್ತವಂ
ವರಾಽಕಳಂಕವಂಶ್ಯ ವೇಂಕಟಾಭಿಧಾನ ವೈಷ್ಣವಃ |
ಸಮರ್ಪಿತೋಽಸ್ಮಿ ಸರ್ವದಾ ನೃಸಿಂಹದಾಸ್ಯತೇಚ್ಛಯಾ
ರಮಾಂಕ ಯಾದಶೈಲ ನಾರಸಿಂಹ ತೇಂಘ್ರಿ ಸನ್ನಿಧೌ || ೧೦ ||
ಇತಿ ಶ್ರೀ ಅಕಳಂಕಂ ತಿರುಮಲ ವೇಂಕಟರಮಣಾಚಾರ್ಯ ಕೃತಂ ಶ್ರೀ ನೃಸಿಂಹ ಸ್ತಂಭಾವಿರ್ಭಾವ ಸ್ತೋತ್ರಮ್ |
—————-
ಅಧಿಕಶ್ಲೋಕಂ –
ನವಗ್ರಹಾಽಪಮೃತ್ಯುಗಂಡ ವಾಸ್ತುರೋಗ ವೃಶ್ಚಿಕ
ಅಗ್ನಿ ಬಾಡಬಾಗ್ನಿ ಕಾನನಾಗ್ನಿ ಶತೃಮಂಡಲ |
ಪ್ರವಾಹ ಕ್ಷುತ್ಪಿಪಾಸ ದುಃಖ ತಸ್ಕರ ಪ್ರಯೋಗ ದು-
-ಷ್ಪ್ರಮಾದಸಂಕಟಾತ್ ಸದಾ ನೃಸಿಂಹ ರಕ್ಷ ಮಾಂ ಪ್ರಭೋ || ೧೦ ||
ಇನ್ನಷ್ಟು ಶ್ರೀ ನೃಸಿಂಹ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
