Read in తెలుగు / ಕನ್ನಡ / தமிழ் / देवनागरी / English (IAST)
ಸ್ವಾಮಿನೀಚಿಂತಯಾ ಚಿತ್ತಖೇದಖಿನ್ನ ಮುಖಾಂಬುಜಃ |
ನಿಮೀಲನ್ನೇತ್ರಯುಗಳಃ ಶ್ರೀಕೃಷ್ಣಶ್ಶರಣಂ ಮಮ || ೧ ||
ಮನೋಜಭಾವಭರಿತೋ ಭಾವಯನ್ಮನಸಾ ರತಿಮ್ |
ಮೀಲನವ್ಯಾಕುಲಮನಾಃ ಶ್ರೀಕೃಷ್ಣಶ್ಶರಣಂ ಮಮ || ೨ ||
ನಿಶ್ಶ್ವಾಸಶುಷ್ಯದ್ವದನೋ ಮಧುರಾಧರಪಲ್ಲವಃ |
ಮುರಳೀನಾದನಿರತಃ ಶ್ರೀಕೃಷ್ಣಶ್ಶರಣಂ ಮಮ || ೩ ||
ನಿಕುಂಜಮಂದಿರಾಂತಸ್ಥ-ಸ್ಸುಮಪಲ್ಲವತಲ್ಪಕೃತ್ |
ಪ್ರತೀಕ್ಷಮಾಣಸ್ಸ್ವಪ್ರಾಪ್ತಿಂ ಶ್ರೀಕೃಷ್ಣಶ್ಶರಣಂ ಮಮ || ೪ ||
ವಿಯೋಗಭಾವವಿಹಸ-ದ್ವದನಾಂಬುಜಸುಂದರಃ |
ಆಕರ್ಣಯನ್ನಳಿರುತಂ ಶ್ರೀಕೃಷ್ಣಶ್ಶರಣಂ ಮಮ || ೫ ||
ಮುಂಚನ್ನಶ್ರೂಣಿ ವಿಲುಠನ್ ಗಾಯನ್ಮತ್ತ ಇವ ಕ್ವಚಿತ್ |
ನೃತ್ಯನ್ ರಸಾಸಕ್ತಮನಾಃ ಶ್ರೀಕೃಷ್ಣಶ್ಶರಣಂ ಮಮ || ೬ ||
ಶಯಾನ ಏಕತಸ್ತಲ್ಪೇ ಸ್ವಪ್ನಸಂಬಂಧಸಿದ್ಧಯೇ |
ಪ್ರಬೋಧಪಶ್ಚಾತ್ತಪ್ತೋ ಯಃ ಶ್ರೀಕೃಷ್ಣಶ್ಶರಣಂ ಮಮ || ೭ ||
ರಸಾತ್ಮರಸರೀತಿಜ್ಞೋ ರಸಲೀಲಾಪರಾಯಣಃ |
ರಸಾತ್ಮಗೋಪೀರಸಿಕಃ ಶ್ರೀಕೃಷ್ಣಶ್ಶರಣಂ ಮಮ || ೮ ||
ಇತಿ ಶ್ರೀಹತಿರಾಯಾಚಾರ್ಯವಿರಚಿತಂ ಶ್ರೀಕೃಷ್ಣಶರಣಾಷ್ಟಕಮ್ |
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
