Read in తెలుగు / ಕನ್ನಡ / தமிழ் / देवनागरी / English (IAST)
(ಗಮನಿಸಿ: ಈ ಸ್ತೋತ್ರವು “ಪ್ರಭಾತ ಸ್ತೋತ್ರನಿಧಿ” ಪಾರಾಯಣ ಗ್ರಂಥದಲ್ಲಿ ಇದೆ. Click here to buy.)
ಅಸ್ಯ ಶ್ರೀ ಕೇತುಸ್ತೋತ್ರಮಂತ್ರಸ್ಯ ವಾಮದೇವ ಋಷಿಃ | ಅನುಷ್ಟುಪ್ಛಂದಃ | ಕೇತುರ್ದೇವತಾ | ಶ್ರೀ ಕೇತು ಗ್ರಹ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಗೌತಮ ಉವಾಚ |
ಮುನೀಂದ್ರ ಸೂತ ತತ್ತ್ವಜ್ಞ ಸರ್ವಶಾಸ್ತ್ರವಿಶಾರದ |
ಸರ್ವರೋಗಹರಂ ಬ್ರೂಹಿ ಕೇತೋಃ ಸ್ತೋತ್ರಮನುತ್ತಮಮ್ || ೧ ||
ಸೂತ ಉವಾಚ |
ಶೃಣು ಗೌತಮ ವಕ್ಷ್ಯಾಮಿ ಸ್ತೋತ್ರಮೇತದನುತ್ತಮಮ್ |
ಗುಹ್ಯಾದ್ಗುಹ್ಯತಮಂ ಕೇತೋಃ ಬ್ರಹ್ಮಣಾ ಕೀರ್ತಿತಂ ಪುರಾ || ೨ ||
ಆದ್ಯಃ ಕರಾಳವದನೋ ದ್ವಿತೀಯೋ ರಕ್ತಲೋಚನಃ |
ತೃತೀಯಃ ಪಿಂಗಳಾಕ್ಷಶ್ಚ ಚತುರ್ಥೋ ಜ್ಞಾನದಾಯಕಃ || ೩ ||
ಪಂಚಮಃ ಕಪಿಲಾಕ್ಷಶ್ಚ ಷಷ್ಠಃ ಕಾಲಾಗ್ನಿಸನ್ನಿಭಃ |
ಸಪ್ತಮೋ ಹಿಮಗರ್ಭಶ್ಚ ಧೂಮ್ರವರ್ಣೋಷ್ಟಮಸ್ತಥಾ || ೪ ||
ನವಮಃ ಕೃತ್ತಕಂಠಶ್ಚ ದಶಮಃ ನರಪೀಠಗಃ |
ಏಕಾದಶಸ್ತು ಶ್ರೀಕಂಠಃ ದ್ವಾದಶಸ್ತು ಗದಾಯುಧಃ || ೫ ||
ದ್ವಾದಶೈತೇ ಮಹಾಕ್ರೂರಾಃ ಸರ್ವೋಪದ್ರವಕಾರಕಾಃ |
ಪರ್ವಕಾಲೇ ಪೀಡಯಂತಿ ದಿವಾಕರನಿಶಾಕರೌ || ೬ ||
ನಾಮದ್ವಾದಶಕಂ ಸ್ತೋತ್ರಂ ಕೇತೋರೇತನ್ಮಹಾತ್ಮನಃ |
ಪಠಂತಿ ಯೇಽನ್ವಹಂ ಭಕ್ತ್ಯಾ ತೇಭ್ಯಃ ಕೇತುಃ ಪ್ರಸೀದತಿ || ೭ ||
ಕುಳುಕ್ಥಧಾನ್ಯೇ ವಿಲಿಖೇತ್ ಷಟ್ಕೋಣಂ ಮಂಡಲಂ ಶುಭಮ್ |
ಪದ್ಮಮಷ್ಟದಳಂ ತತ್ರ ವಿಲಿಖೇಚ್ಚ ವಿಧಾನತಃ || ೮ ||
ನೀಲಂ ಘಟಂ ಚ ಸಂಸ್ಥಾಪ್ಯ ದಿವಾಕರನಿಶಾಕರೌ |
ಕೇತುಂ ಚ ತತ್ರ ನಿಕ್ಷಿಪ್ಯ ಪೂಜಯಿತ್ವಾ ವಿಧಾನತಃ || ೯ ||
ಸ್ತೋತ್ರಮೇತತ್ಪಠಿತ್ವಾ ಚ ಧ್ಯಾಯನ್ ಕೇತುಂ ವರಪ್ರದಮ್ |
ಬ್ರಾಹ್ಮಣಂ ಶ್ರೋತ್ರಿಯಂ ಶಾಂತಂ ಪೂಜಯಿತ್ವಾ ಕುಟುಂಬಿನಮ್ || ೧೦ ||
ಕೇತೋಃ ಕರಾಳವಕ್ತ್ರಸ್ಯ ಪ್ರತಿಮಾಂ ವಸ್ತ್ರಸಂಯುತಾಮ್ |
ಕುಂಭಾದಿಭಿಶ್ಚ ಸಂಯುಕ್ತಾಂ ಚಿತ್ರಾತಾರೇ ಪ್ರದಾಪಯೇತ್ || ೧೧ ||
ದಾನೇನಾನೇನ ಸುಪ್ರೀತಃ ಕೇತುಃ ಸ್ಯಾತ್ತಸ್ಯ ಸೌಖ್ಯದಃ |
ವತ್ಸರಂ ಪ್ರಯತಾ ಭೂತ್ವಾ ಪೂಜಯಿತ್ವಾ ವಿಧಾನತಃ || ೧೨ ||
ಮೂಲಮಷ್ಟೋತ್ತರಶತಂ ಯೇ ಜಪಂತಿ ನರೋತ್ತಮಾಃ |
ತೇಷಾಂ ಕೇತುಪ್ರಸಾದೇನ ನ ಕದಾಚಿದ್ಭಯಂ ಭವೇತ್ || ೧೩ ||
ಇತಿ ಕೇತುಸ್ತೋತ್ರಂ ಸಂಪೂರ್ಣಮ್ |
ಗಮನಿಸಿ: ಮೇಲೆ ಕೊಟ್ಟಿರುವ ಸ್ತೋತ್ರವು ಈ ಪುಸ್ತಕದಲ್ಲೂ ಇದೆ.
ಪ್ರಭಾತ ಸ್ತೋತ್ರನಿಧಿ
(ನಿತ್ಯ ಪಾರಾಯಣ ಗ್ರಂಥ)
ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
ಗಮನಿಸಿ :"ಪ್ರಭಾತ ಸ್ತೋತ್ರನಿಧಿ" ಪುಸ್ತಕ ಬಿಡುಗಡೆಯಾಗಿದೆ ಮತ್ತು ಈಗ ಖರೀದಿಗೆ ಲಭ್ಯವಿದೆ. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
