Read in తెలుగు / ಕನ್ನಡ / தமிழ் / देवनागरी / English (IAST)
ಶೃಣು ನಾಮಾನಿ ಜಪ್ಯಾನಿ ಕೇತೋ ರಥ ಮಹಾಮತೇ |
ಕೇತುಃ ಸ್ಥೂಲಶಿರಾಶ್ಚೈವ ಶಿರೋಮಾತ್ರೋ ಧ್ವಜಾಕೃತಿಃ || ೧ ||
ನವಗ್ರಹಯುತಃ ಸಿಂಹಿಕಾಸುರೀಗರ್ಭಸಂಭವಃ |
ಮಹಾಭೀತಿಕರಶ್ಚಿತ್ರವರ್ಣೋ ವೈ ಪಿಂಗಳಾಕ್ಷಕಃ || ೨ ||
ಸ ಫಲೋಧೂಮ್ರಸಂಕಾಶಃ ತೀಕ್ಷ್ಣದಂಷ್ಟ್ರೋ ಮಹೋರಗಃ |
ರಕ್ತನೇತ್ರಶ್ಚಿತ್ರಕಾರೀ ತೀವ್ರಕೋಪೋ ಮಹಾಸುರಃ || ೩ ||
ಕ್ರೂರಕಂಠಃ ಕ್ರೋಧನಿಧಿಶ್ಛಾಯಾಗ್ರಹವಿಶೇಷಕಃ |
ಅಂತ್ಯಗ್ರಹೋ ಮಹಾಶೀರ್ಷೋ ಸೂರ್ಯಾರಿಃ ಪುಷ್ಪವದ್ಗ್ರಹೀ || ೪ ||
ವರಹಸ್ತೋ ಗದಾಪಾಣಿಶ್ಚಿತ್ರವಸ್ತ್ರಧರಸ್ತಥಾ |
ಚಿತ್ರಧ್ವಜಪತಾಕಶ್ಚ ಘೋರಶ್ಚಿತ್ರರಥಃ ಶಿಖೀ || ೫ ||
ಕುಳುತ್ಥಭಕ್ಷಕಶ್ಚೈವ ವೈಡೂರ್ಯಾಭರಣಸ್ತಥಾ |
ಉತ್ಪಾತಜನಕಃ ಶುಕ್ರಮಿತ್ರಂ ಮಂದಸಖಸ್ತಥಾ || ೬ ||
ಗದಾಧರಃ ನಾಕಪತಿಃ ಅಂತರ್ವೇದೀಶ್ವರಸ್ತಥಾ |
ಜೈಮಿನೀಗೋತ್ರಜಶ್ಚಿತ್ರಗುಪ್ತಾತ್ಮಾ ದಕ್ಷಿಣಾಮುಖಃ || ೭ ||
ಮುಕುಂದವರಪಾತ್ರಂ ಚ ಮಹಾಸುರಕುಲೋದ್ಭವಃ |
ಘನವರ್ಣೋ ಲಂಬದೇಹೋ ಮೃತ್ಯುಪುತ್ರಸ್ತಥೈವ ಚ || ೮ ||
ಉತ್ಪಾತರೂಪಧಾರೀ ಚಾಽದೃಶ್ಯಃ ಕಾಲಾಗ್ನಿಸನ್ನಿಭಃ |
ನೃಪೀಡೋ ಗ್ರಹಕಾರೀ ಚ ಸರ್ವೋಪದ್ರವಕಾರಕಃ || ೯ ||
ಚಿತ್ರಪ್ರಸೂತೋ ಹ್ಯನಲಃ ಸರ್ವವ್ಯಾಧಿವಿನಾಶಕಃ |
ಅಪಸವ್ಯಪ್ರಚಾರೀ ಚ ನವಮೇ ಪಾಪದಾಯಕಃ || ೧೦ ||
ಪಂಚಮೇ ಶೋಕದಶ್ಚೋಪರಾಗಖೇಚರ ಏವ ಚ |
ಅತಿಪುರುಷಕರ್ಮಾ ಚ ತುರೀಯೇ (ತು) ಸುಖಪ್ರದಃ || ೧೧ ||
ತೃತೀಯೇ ವೈರದಃ ಪಾಪಗ್ರಹಶ್ಚ ಸ್ಫೋಟಕಾರಕಃ |
ಪ್ರಾಣನಾಥಃ ಪಂಚಮೇ ತು ಶ್ರಮಕಾರಕ ಏವ ಚ || ೧೨ ||
ದ್ವಿತೀಯೇಽಸ್ಫುಟವಾಗ್ದಾತಾ ವಿಷಾಕುಲಿತವಕ್ತ್ರಕಃ |
ಕಾಮರೂಪೀ ಸಿಂಹದಂತಃ ಸತ್ಯೇಪ್ಯನೃತವಾನಪಿ || ೧೩ ||
ಚತುರ್ಥೇ ಮಾತೃನಾಶಶ್ಚ ನವಮೇ ಪಿತೃನಾಶಕಃ |
ಅಂತ್ಯೇ ವೈರಪ್ರದಶ್ಚೈವ ಸುತಾನಂದನಬಂಧಕಃ || ೧೪ ||
ಸರ್ಪಾಕ್ಷಿಜಾತೋಽನಂಗಶ್ಚ ಕರ್ಮರಾಶ್ಯುದ್ಭವಸ್ತಥಾ |
ಉಪಾಂತೇ ಕೀರ್ತಿದಶ್ಚೈವ ಸಪ್ತಮೇ ಕಲಹಪ್ರದಃ || ೧೫ ||
ಅಷ್ಟಮೇ ವ್ಯಾಧಿಕರ್ತಾ ಚ ಧನೇ ಬಹುಸುಖಪ್ರದಃ |
ಜನನೇ ರೋಗದಶ್ಚೋರ್ಧ್ವಮೂರ್ಧಜೋ ಗ್ರಹನಾಯಕಃ || ೧೬ ||
ಪಾಪದೃಷ್ಟಿಃ ಖೇಚರಶ್ಚ ಶಾಂಭವೋಽಶೇಷಪೂಜಿತಃ |
ಶಾಶ್ವತಶ್ಚ ನಟಶ್ಚೈವ ಶುಭಾಽಶುಭಫಲಪ್ರದಃ || ೧೭ ||
ಧೂಮ್ರಶ್ಚೈವ ಸುಧಾಪಾಯೀ ಹ್ಯಜಿತೋ ಭಕ್ತವತ್ಸಲಃ |
ಸಿಂಹಾಸನಃ ಕೇತುಮೂರ್ತೀ ರವೀಂದುದ್ಯುತಿನಾಶಕಃ || ೧೮ ||
ಅಮರಃ ಪೀಡಕೋಽಮರ್ತ್ಯೋ ವಿಷ್ಣುದೃಷ್ಟೋಽಸುರೇಶ್ವರಃ |
ಭಕ್ತರಕ್ಷೋಽಥ ವೈಚಿತ್ರ್ಯಕಪಟಸ್ಯಂದನಸ್ತಥಾ || ೧೯ ||
ವಿಚಿತ್ರಫಲದಾಯೀ ಚ ಭಕ್ತಾಭೀಷ್ಟಫಲಪ್ರದಃ |
ಏತತ್ಕೇತುಗ್ರಹಸ್ಯೋಕ್ತಂ ನಾಮ್ನಾಮಷ್ಟೋತ್ತರಂ ಶತಮ್ || ೨೦ ||
ಯೋ ಭಕ್ತ್ಯೇದಂ ಜಪೇತ್ಕೇತುರ್ನಾಮ್ನಾಮಷ್ಟೋತ್ತರಂ ಶತಮ್ |
ಸ ತು ಕೇತೋಃ ಪ್ರಸಾದೇನ ಸರ್ವಾಭೀಷ್ಟಂ ಸಮಾಪ್ನುಯಾತ್ || ೨೧ ||
ಇತಿ ಶ್ರೀ ಕೇತು ಅಷ್ಟೋತ್ತರಶತನಾಮ ಸ್ತೋತ್ರಮ್ |
ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
ಗಮನಿಸಿ :"ಪ್ರಭಾತ ಸ್ತೋತ್ರನಿಧಿ" ಪುಸ್ತಕ ಬಿಡುಗಡೆಯಾಗಿದೆ ಮತ್ತು ಈಗ ಖರೀದಿಗೆ ಲಭ್ಯವಿದೆ. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
