Sri Ketu Stotram – ஶ்ரீ கேது ஸ்தோத்ரம்

அஸ்ய ஶ்ரீ கேதுஸ்தோத்ரமந்த்ரஸ்ய வாமதே³வ ருஷி꞉ அனுஷ்டுப்ச²ந்த³꞉  கேதுர்தே³வதா  ஶ்ரீ கேது க்³ரஹ ப்ரஸாத³ஸித்³த்⁴யர்தே² ஜபே வினியோக³꞉ |

கௌ³தம உவாச |
முனீந்த்³ர ஸூத தத்த்வஜ்ஞ ஸர்வஶாஸ்த்ரவிஶாரத³ |
ஸர்வரோக³ஹரம் ப்³ரூஹி கேதோ꞉ ஸ்தோத்ரமனுத்தமம் || 1 ||

ஸூத உவாச |
ஶ்ருணு கௌ³தம வக்ஷ்யாமி ஸ்தோத்ரமேதத³னுத்தமம் |
கு³ஹ்யாத்³கு³ஹ்யதமம் கேதோ꞉ ப்³ரஹ்மணா கீர்திதம் புரா || 2 ||

ஆத்³ய꞉ கராளவத³னோ த்³விதீயோ ரக்தலோசன꞉ |
த்ருதீய꞉ பிங்க³ளாக்ஷஶ்ச சதுர்தோ² ஜ்ஞானதா³யக꞉ || 3 ||

பஞ்சம꞉ கபிலாக்ஷஶ்ச ஷஷ்ட²꞉ காலாக்³னிஸன்னிப⁴꞉ |
ஸப்தமோ ஹிமக³ர்ப⁴ஶ்ச தூ⁴ம்ரவர்ணோஷ்டமஸ்ததா² || 4 ||

நவம꞉ க்ருத்தகண்ட²ஶ்ச த³ஶம꞉ நரபீட²க³꞉ |
ஏகாத³ஶஸ்து ஶ்ரீகண்ட²꞉ த்³வாத³ஶஸ்து க³தா³யுத⁴꞉ || 5 ||

த்³வாத³ஶைதே மஹாக்ரூரா꞉ ஸர்வோபத்³ரவகாரகா꞉ |
பர்வகாலே பீட³யந்தி தி³வாகரனிஶாகரௌ || 6 ||

நாமத்³வாத³ஶகம் ஸ்தோத்ரம் கேதோரேதன்மஹாத்மன꞉ |
பட²ந்தி யே(அ)ன்வஹம் ப⁴க்த்யா தேப்⁴ய꞉ கேது꞉ ப்ரஸீத³தி || 7 ||

குளுக்த²தா⁴ன்யே விலிகே²த் ஷட்கோணம் மண்ட³லம் ஶுப⁴ம் |
பத்³மமஷ்டத³ளம் தத்ர விலிகே²ச்ச விதா⁴னத꞉ || 8 ||

நீலம் க⁴டம் ச ஸம்ஸ்தா²ப்ய தி³வாகரனிஶாகரௌ |
கேதும் ச தத்ர நிக்ஷிப்ய பூஜயித்வா விதா⁴னத꞉ || 9 ||

ஸ்தோத்ரமேதத்படி²த்வா ச த்⁴யாயன் கேதும் வரப்ரத³ம் |
ப்³ராஹ்மணம் ஶ்ரோத்ரியம் ஶாந்தம் பூஜயித்வா குடும்பி³னம் || 10 ||

கேதோ꞉ கராளவக்த்ரஸ்ய ப்ரதிமாம் வஸ்த்ரஸம்யுதாம் |
கும்பா⁴தி³பி⁴ஶ்ச ஸம்யுக்தாம் சித்ராதாரே ப்ரதா³பயேத் || 11 ||

தா³னேனானேன ஸுப்ரீத꞉ கேது꞉ ஸ்யாத்தஸ்ய ஸௌக்²யத³꞉ |
வத்ஸரம் ப்ரயதா பூ⁴த்வா பூஜயித்வா விதா⁴னத꞉ || 12 ||

மூலமஷ்டோத்தரஶதம் யே ஜபந்தி நரோத்தமா꞉ |
தேஷாம் கேதுப்ரஸாதே³ன ந கதா³சித்³ப⁴யம் ப⁴வேத் || 13 ||

இதி கேதுஸ்தோத்ரம் ஸம்பூர்ணம் |

Facebook Comments

You may also like...

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: