Read in తెలుగు / ಕನ್ನಡ / தமிழ் / देवनागरी / English (IAST)
అస్య శ్రీ కేతుస్తోత్రమంత్రస్య వామదేవ ఋషిః అనుష్టుప్ఛందః కేతుర్దేవతా శ్రీ కేతు గ్రహ ప్రసాదసిద్ధ్యర్థే జపే వినియోగః |
గౌతమ ఉవాచ |
మునీంద్ర సూత తత్త్వజ్ఞ సర్వశాస్త్రవిశారద |
సర్వరోగహరం బ్రూహి కేతోః స్తోత్రమనుత్తమమ్ || ౧ ||
సూత ఉవాచ |
శృణు గౌతమ వక్ష్యామి స్తోత్రమేతదనుత్తమమ్ |
గుహ్యాద్గుహ్యతమం కేతోః బ్రహ్మణా కీర్తితం పురా || ౨ ||
ఆద్యః కరాళవదనో ద్వితీయో రక్తలోచనః |
తృతీయః పింగళాక్షశ్చ చతుర్థో జ్ఞానదాయకః || ౩ ||
పంచమః కపిలాక్షశ్చ షష్ఠః కాలాగ్నిసన్నిభః |
సప్తమో హిమగర్భశ్చ ధూమ్రవర్ణోష్టమస్తథా || ౪ ||
నవమః కృత్తకంఠశ్చ దశమః నరపీఠగః |
ఏకాదశస్తు శ్రీకంఠః ద్వాదశస్తు గదాయుధః || ౫ ||
ద్వాదశైతే మహాక్రూరాః సర్వోపద్రవకారకాః |
పర్వకాలే పీడయంతి దివాకరనిశాకరౌ || ౬ ||
నామద్వాదశకం స్తోత్రం కేతోరేతన్మహాత్మనః |
పఠంతి యేఽన్వహం భక్త్యా తేభ్యః కేతుః ప్రసీదతి || ౭ ||
కుళుక్థధాన్యే విలిఖేత్ షట్కోణం మండలం శుభమ్ |
పద్మమష్టదళం తత్ర విలిఖేచ్చ విధానతః || ౮ ||
నీలం ఘటం చ సంస్థాప్య దివాకరనిశాకరౌ |
కేతుం చ తత్ర నిక్షిప్య పూజయిత్వా విధానతః || ౯ ||
స్తోత్రమేతత్పఠిత్వా చ ధ్యాయన్ కేతుం వరప్రదమ్ |
బ్రాహ్మణం శ్రోత్రియం శాంతం పూజయిత్వా కుటుంబినమ్ || ౧౦ ||
కేతోః కరాళవక్త్రస్య ప్రతిమాం వస్త్రసంయుతామ్ |
కుంభాదిభిశ్చ సంయుక్తాం చిత్రాతారే ప్రదాపయేత్ || ౧౧ ||
దానేనానేన సుప్రీతః కేతుః స్యాత్తస్య సౌఖ్యదః |
వత్సరం ప్రయతా భూత్వా పూజయిత్వా విధానతః || ౧౨ ||
మూలమష్టోత్తరశతం యే జపంతి నరోత్తమాః |
తేషాం కేతుప్రసాదేన న కదాచిద్భయం భవేత్ || ౧౩ ||
ఇతి కేతుస్తోత్రం సంపూర్ణమ్ |
మరిన్ని నవగ్రహ స్తోత్రాలు చూడండి.
ಗಮನಿಸಿ :"ಪ್ರಭಾತ ಸ್ತೋತ್ರನಿಧಿ" ಪುಸ್ತಕ ಬಿಡುಗಡೆಯಾಗಿದೆ ಮತ್ತು ಈಗ ಖರೀದಿಗೆ ಲಭ್ಯವಿದೆ. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
HOW TO LISTEN OR DOWN LOAD FOR LISTENING
Currently i dont have audio in the site. But you can find most of the audios in youtube.com website.
https://www.youtube.com/watch?v=JhzbRgWeaF8
can you please share Navagraha Aaradhana Text and audio
Rahu ketu beeja mantram is not available in pdf or any search results are showing while searching