Sri Rahu Stotram 1 – శ్రీ రాహు స్తోత్రం – 1


[గమనిక: ఈ స్తోత్రము “నవగ్రహ స్తోత్రనిధి” పారాయణ గ్రంథములో కూడా ఉన్నది. Click here to buy.]

నమస్తే దైత్యరూపాయ దేవారిం ప్రణమామ్యహమ్ |
నమస్తే సర్వభక్ష్యాయ ఘోరరూపాయ వై నమః || ౧ ||

త్వం బ్రహ్మా వరుణో దేవస్త్వం విష్ణుస్త్వం హరిః శివః |
మర్త్యలోకే భవాన్ప్రీతః సంసారజనతారకః || ౨ ||

కూటపర్వతదుర్గాణి నగరాణి పురాణి చ |
యస్య క్రోధవశాద్భస్మీభవంతి క్షణమాత్రకమ్ || ౩ ||

ధూమ్రవర్ణో భవాన్ రాహూ రక్తాక్షః పింగలోపమః |
క్రూరగ్రహస్తథా భీమో యమరూపో మహాబలః || ౪ ||

యస్య స్థానే పంచమేఽపి షష్ఠే చైవ తృతీయకే |
దశమైకాదశే చైవ తస్య శ్రేయః కరోత్యలమ్ || ౫ ||

అన్నం ఖడ్గం చ యద్దత్తం రాహవే సుఫలప్రదమ్ |
పృథివ్యాం బ్రహ్మపీడాం చ గోపీడాం తన్నివారయేత్ || ౬ ||

కృమికీటపతంగేషు చరంతం సచరాచరమ్ |
గోదానం భూమిదానం చ హ్యన్నం వస్త్రం చ దాపయేత్ || ౭ ||

సౌవర్ణరౌప్యదానం చ కన్యాదానం చ తత్క్షణాత్ |
ఏతద్దానం చ సంపూర్ణం రాహుమోక్షకరం నృణామ్ |
అస్య స్తోత్రస్య మాహాత్మ్యాద్రాహుపీడా వినశ్యతి || ౮ ||

రక్తాక్షో ధూమ్రవర్ణాభో విజితారిర్మహాబలః |
అబాహుశ్చాంతరిక్షస్థః స రాహుః ప్రీయతాం మమ || ౯ ||

ఇతి రాహు స్తోత్రమ్ |


గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.

నవగ్రహ స్తోత్రనిధి

(నిత్య పారాయణ గ్రంథము)

Click here to buy


మరిన్ని నవగ్రహ స్తోత్రాలు చూడండి.


గమనిక: రాబోయే ఆషాఢ నవరాత్రుల సందర్భంగా "శ్రీ వారాహీ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

error: Not allowed