Read in తెలుగు / ಕನ್ನಡ / தமிழ் / देवनागरी / English (IAST)
ಧೂಮ್ರಾ ದ್ವಿಬಾಹವಃ ಸರ್ವೇ ಗೋದಾನೋ ವಿಕೃತಾನನಾಃ |
ಗೃಧ್ರಯಾನಾಸನಸ್ಥಾಶ್ಚ ಪಾಂತು ನಃ ಶಿಖಿನಂದನಾಃ || ೧ ||
ಶ್ರೀಭೈರವ್ಯುವಾಚ |
ಧನ್ಯಾ ಚಾನುಗೃಹೀತಾಸ್ಮಿ ಕೃತಾರ್ಥಾಸ್ಮಿ ಜಗತ್ಪ್ರಭೋ |
ಯಚ್ಛ್ರುತಂ ತ್ವನ್ಮುಖಾದ್ದೇವ ಕೇತುಸ್ತೋತ್ರಮಿದಂ ಶುಭಮ್ || ೨ ||
ಶ್ರೀಪರಮೇಶ್ವರ ಉವಾಚ |
ಶೃಣು ದೇವಿ ಪ್ರವಕ್ಷ್ಯಾಮಿ ಕೇತುಸ್ತವಮಿಮಂ ಪರಮ್ |
ಸರ್ವಪಾಪವಿಶುದ್ಧಾತ್ಮಾ ಸ ರೋಗೈರ್ಮುಚ್ಯತೇ ಧ್ರುವಮ್ || ೩ ||
ಶ್ವೇತಪೀತಾರುಣಃ ಕೃಷ್ಣಃ ಕ್ವಚಿಚ್ಚಾಮೀಕರಪ್ರಭಃ |
ಶಿವಾರ್ಚನರತಃ ಕೇತುರ್ಗ್ರಹಪೀಡಾಂ ವ್ಯಪೋಹತು || ೪ ||
ನಮೋ ಘೋರಾಯಾಘೋರಾಯ ಮಹಾಘೋರಸ್ವರೂಪಿಣೇ |
ಆನಂದೇಶಾಯ ದೇವಾಯ ಜಗದಾನಂದದಾಯಿನೇ || ೫ ||
ನಮೋ ಭಕ್ತಜನಾನಂದದಾಯಿನೇ ವಿಶ್ವಭಾವಿನೇ |
ವಿಶ್ವೇಶಾಯ ಮಹೇಶಾಯ ಕೇತುರೂಪಾಯ ವೈ ನಮಃ || ೬ ||
ನಮೋ ರುದ್ರಾಯ ಸರ್ವಾಯ ವರದಾಯ ಚಿದಾತ್ಮನೇ |
ತ್ರ್ಯಕ್ಷಾಯ ತ್ರಿನಿವಾಸಾಯ ನಮಃ ಸಂಕಟನಾಶಿನೇ || ೭ ||
ತ್ರಿಪುರೇಶಾಯ ದೇವಾಯ ಭೈರವಾಯ ಮಹಾತ್ಮನೇ |
ಅಚಿಂತ್ಯಾಯ ಚಿತಿಜ್ಞಾಯ ನಮಶ್ಚೈತನ್ಯರೂಪಿಣೇ || ೮ ||
ನಮಃ ಶರ್ವಾಯ ಚರ್ಚ್ಯಾಯ ದರ್ಶನೀಯಾಯ ತೇ ನಮಃ |
ಆಪದುದ್ಧರಣಾಯಾಪಿ ಭೈರವಾಯ ನಮೋ ನಮಃ || ೯ ||
ನಮೋ ನಮೋ ಮಹಾದೇವ ವ್ಯಾಪಿನೇ ಪರಮಾತ್ಮನೇ |
ನಮೋ ಲಘುಮತೇ ತುಭ್ಯಂ ಗ್ರಾಹಿಣೇ ಸೂರ್ಯಸೋಮಯೋಃ || ೧೦ ||
ನಮಶ್ಚಾಪದ್ವಿನಾಶಾಯ ಭೂಯೋ ಭೂಯೋ ನಮೋ ನಮಃ |
ನಮಸ್ತೇ ರುದ್ರರೂಪಾಯ ಚೋಗ್ರರೂಪಾಯ ಕೇತವೇ || ೧೧ ||
ನಮಸ್ತೇ ಸೌರರೂಪಾಯ ಶತ್ರುಕ್ಷಯಕರಾಯ ಚ |
ಮಹಾತೇಜಾಯ ವೈ ತುಭ್ಯಂ ಪೂಜಾಫಲವಿವರ್ಧಿನೇ || ೧೨ ||
ವಹ್ನಿಪುತ್ರಾಯ ತೇ ದಿವ್ಯರೂಪಿಣೇ ಪ್ರಿಯಕಾರಿಣೇ |
ಸರ್ವಭಕ್ಷ್ಯಾಯ ಸರ್ವಾಯ ಸರ್ವಗ್ರಹಾಂತಕಾಯ ತೇ || ೧೩ ||
ನಮಃ ಪುಚ್ಛಸ್ವರೂಪಾಯ ಮಹಾಮೃತ್ಯುಕರಾಯ ಚ |
ನಮಸ್ತೇ ಸರ್ವದಾ ಕ್ಷೋಭಕಾರಿಣೇ ವ್ಯೋಮಚಾರಿಣೇ || ೧೪ ||
ನಮಸ್ತೇ ಚಿತ್ರರೂಪಾಯ ಮೀನದಾನಪ್ರಿಯಾಯ ಚ |
ದೈತ್ಯದಾನವಗಂಧರ್ವವಂದ್ಯಾಯ ಮಹತೇ ನಮಃ || ೧೫ ||
ಯ ಇದಂ ಪಠತೇ ನಿತ್ಯಂ ಪ್ರಾತರುತ್ಥಾಯ ಮಾನವಃ |
ಗ್ರಹಶಾಂತಿರ್ಭವೇತ್ತಸ್ಯ ಕೇತುರಾಜಸ್ಯ ಕೀರ್ತನಾತ್ || ೧೬ ||
ಯಃ ಪಠೇದರ್ಧರಾತ್ರೇ ತು ವಶಂ ತಸ್ಯ ಜಗತ್ತ್ರಯಮ್ |
ಇದಂ ರಹಸ್ಯಮಖಿಲಂ ಕೇತುಸ್ತೋತ್ರಂ ತು ಕೀರ್ತಿತಮ್ || ೧೭ ||
ಸರ್ವಸಿದ್ಧಿಪ್ರದಂ ಗುಹ್ಯಮಾಯುರಾರೋಗ್ಯವರ್ಧನಮ್ |
ಗುಹ್ಯಂ ಮಂತ್ರಂ ರಹಸ್ಯಂ ತು ತವ ಭಕ್ತ್ಯಾ ಪ್ರಕಾಶಿತಮ್ || ೧೮ ||
ಅಭಕ್ತಾಯ ನ ದಾತವ್ಯಮಿತ್ಯಾಜ್ಞಾ ಪಾರಮೇಶ್ವರಿ || ೧೯ ||
ಶ್ರೀದೇವ್ಯುವಾಚ |
ಭಗವನ್ಭವತಾನೇನ ಕೇತುಸ್ತೋತ್ರಸ್ಯ ಮೇ ಪ್ರಭೋ |
ಕಥನೇನ ಮಹೇಶಾನ ಸತ್ಯಂ ಪ್ರೀತಾಸ್ಮ್ಯಹಂ ತ್ವಯಾ || ೨೦ ||
ಶ್ರೀಈಶ್ವರ ಉವಾಚ |
ಇದಂ ರಹಸ್ಯಂ ಪರಮಂ ನ ದೇಯಂ ಯಸ್ಯ ಕಸ್ಯಚಿತ್ |
ಗುಹ್ಯಂ ಗೋಪ್ಯತಮಂ ದೇಯಂ ಗೋಪನೀಯಂ ಸ್ವಯೋನಿವತ್ || ೨೧ ||
ಅಗ್ನಿಪುತ್ರೋ ಮಹಾತೇಜಾಃ ಕೇತುಃ ಸರ್ವಗ್ರಹಾಂತಕಃ |
ಕ್ಷೋಭಯನ್ಯಃ ಪ್ರಜಾಃ ಸರ್ವಾಃ ಸ ಕೇತುಃ ಪ್ರೀಯತಾಂ ಮಮ || ೨೨ ||
ಇತಿ ಕೇತು ಸ್ತೋತ್ರಮ್ |
ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
