Read in తెలుగు / ಕನ್ನಡ / தமிழ் / देवनागरी / English (IAST)
ಬಂಧೂಕದ್ಯುತಿಮಿಂದುಬಿಂಬವದನಾಂ ಬೃಂದಾರಕೈರ್ವಂದಿತಾಂ
ಮಂದಾರಾದಿ ಸಮರ್ಚಿತಾಂ ಮಧುಮತೀಂ ಮಂದಸ್ಮಿತಾಂ ಸುಂದರೀಮ್ |
ಬಂಧಚ್ಛೇದನಕಾರಿಣೀಂ ತ್ರಿನಯನಾಂ ಭೋಗಾಪವರ್ಗಪ್ರದಾಂ
ವಂದೇಽಹಂ ಕಮಲಾಂಬಿಕಾಮನುದಿನಂ ವಾಂಛಾನುಕೂಲಾಂ ಶಿವಾಮ್ || ೧ ||
ಶ್ರೀಕಾಮೇಶ್ವರಪೀಠಮಧ್ಯನಿಲಯಾಂ ಶ್ರೀರಾಜರಾಜೇಶ್ವರೀಂ
ಶ್ರೀವಾಣೀಪರಿಸೇವಿತಾಂಘ್ರಿಯುಗಳಾಂ ಶ್ರೀಮತ್ಕೃಪಾಸಾಗರಾಮ್ |
ಶೋಕಾಪದ್ಭಯಮೋಚಿನೀಂ ಸುಕವಿತಾನಂದೈಕಸಂದಾಯಿನೀಂ
ವಂದೇಽಹಂ ಕಮಲಾಂಬಿಕಾಮನುದಿನಂ ವಾಂಛಾನುಕೂಲಾಂ ಶಿವಾಮ್ || ೨ ||
ಮಾಯಾ ಮೋಹವಿನಾಶಿನೀಂ ಮುನಿಗಣೈರಾರಾಧಿತಾಂ ತನ್ಮಯೀಂ
ಶ್ರೇಯಃಸಂಚಯದಾಯಿನೀಂ ಗುಣಮಯೀಂ ವಾಯ್ವಾದಿ ಭೂತಾಂ ಸತಾಮ್ |
ಪ್ರಾತಃಕಾಲಸಮಾನಶೋಭಮಕುಟಾಂ ಸಾಮಾದಿ ವೇದೈಸ್ತುತಾಂ
ವಂದೇಽಹಂ ಕಮಲಾಂಬಿಕಾಮನುದಿನಂ ವಾಂಛಾನುಕೂಲಾಂ ಶಿವಾಮ್ || ೩ ||
ಬಾಲಾಂ ಭಕ್ತಜನೌಘಚಿತ್ತನಿಲಯಾಂ ಬಾಲೇಂದುಚೂಡಾಂಬರಾಂ
ಸಾಲೋಕ್ಯಾದಿ ಚತುರ್ವಿಧಾರ್ಥಫಲದಾಂ ನೀಲೋತ್ಪಲಾಕ್ಷೀಮಜಾಮ್ |
ಕಾಲಾರಿಪ್ರಿಯನಾಯಿಕಾಂ ಕಲಿಮಲಪ್ರಧ್ವಂಸಿನೀಂ ಕೌಲಿನೀಂ
ವಂದೇಽಹಂ ಕಮಲಾಂಬಿಕಾಮನುದಿನಂ ವಾಂಛಾನುಕೂಲಾಂ ಶಿವಾಮ್ || ೪ ||
ಆನಂದಾಮೃತಸಿಂಧುಮಧ್ಯನಿಲಯಾಮಜ್ಞಾನಮೂಲಾಪಹಾಂ
ಜ್ಞಾನಾನಂದವಿವರ್ಧಿನೀಂ ವಿಜಯದಾಂ ಮೀನೇಕ್ಷಣಾಂ ಮೋಹಿನೀಮ್ |
ಜ್ಞಾನಾನಂದಪರಾಂ ಗಣೇಶಜನನೀಂ ಗಂಧರ್ವಸಂಪೂಜಿತಾಂ
ವಂದೇಽಹಂ ಕಮಲಾಂಬಿಕಾಮನುದಿನಂ ವಾಂಛಾನುಕೂಲಾಂ ಶಿವಾಮ್ || ೫ ||
ಷಟ್ಚಕ್ರೋಪರಿ ನಾದಬಿಂದುನಿಲಯಾಂ ಸರ್ವೇಶ್ವರೀಂ ಸರ್ವಗಾಂ
ಷಟ್ಶಾಸ್ತ್ರಾಗಮವೇದವೇದಿತಗುಣಾಂ ಷಟ್ಕೋಣಸಂವಾಸಿನೀಮ್ |
ಷಟ್ಕಾಲೇನ ಸಮರ್ಚಿತಾತ್ಮವಿಭವಾಂ ಷಡ್ವರ್ಗಸಂಛೇದಿನೀಂ
ವಂದೇಽಹಂ ಕಮಲಾಂಬಿಕಾಮನುದಿನಂ ವಾಂಛಾನುಕೂಲಾಂ ಶಿವಾಮ್ || ೬ ||
ಯೋಗಾನಂದಕರೀಂ ಜಗತ್ಸುಖಕರೀಂ ಯೋಗೀಂದ್ರಚಿತ್ತಾಲಯಾಂ
ಏಕಾಮೀಶಸುಖಪ್ರದಾಂ ದ್ವಿಜನುತಾಮೇಕಾಂತಸಂಚಾರಿಣೀಮ್ |
ವಾಗೀಶಾಂ ವಿಧಿವಿಷ್ಣುಶಂಭುವರದಾಂ ವಿಶ್ವೇಶ್ವರೀಂ ವೈಣಿಕೀಂ
ವಂದೇಽಹಂ ಕಮಲಾಂಬಿಕಾಮನುದಿನಂ ವಾಂಛಾನುಕೂಲಾಂ ಶಿವಾಮ್ || ೭ ||
ಬೋಧಾನಂದಮಯೀಂ ಬುಧೈರಭಿನುತಾಂ ಮೋದಪ್ರದಾಮಂಬಿಕಾಂ
ಶ್ರೀಮದ್ವೇದಪುರೀಶದಾಸವಿನುತಾಂ ಹ್ರೀಂಕಾರಸಂಧಾಲಯಾಮ್ |
ಭೇದಾಭೇದವಿವರ್ಜಿತಾಂ ಬಹುವಿಧಾಂ ವೇದಾಂತಚೂಡಾಮಣಿಂ
ವಂದೇಽಹಂ ಕಮಲಾಂಬಿಕಾಮನುದಿನಂ ವಾಂಛಾನುಕೂಲಾಂ ಶಿವಾಮ್ || ೮ ||
ಇತ್ಥಂ ಶ್ರೀಕಮಲಾಂಬಿಕಾಪ್ರಿಯಕರಂ ಸ್ತೋತ್ರಂ ಪಠೇದ್ಯಃ ಸದಾ
ಪುತ್ರಶ್ರೀಪ್ರದಮಷ್ಟಸಿದ್ಧಿಫಲದಂ ಚಿಂತಾವಿನಾಶಾಸ್ಪದಮ್ |
ಏತಿ ಬ್ರಹ್ಮಪದಂ ನಿಜಂ ನಿರುಪಮಂ ನಿಷ್ಕಲ್ಮಷಂ ನಿಷ್ಕಲಂ
ಯೋಗೀಂದ್ರೈರಪಿ ದುರ್ಲಭಂ ಪುನರಯಂ ಚಿಂತಾವಿನಾಶಂ ಪರಮ್ || ೯ ||
ಇತಿ ಶ್ರೀ ಕಮಲಾಂಬಿಕಾ ಸ್ತೋತ್ರಮ್ |
ಇನ್ನಷ್ಟು ದಶಮಹಾವಿದ್ಯಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
