Read in తెలుగు / ಕನ್ನಡ / தமிழ் / देवनागरी / English (IAST)
ಕಾಳೀ ಕಾಳಿ ಮಹಾಕಾಳಿ ಕಾಳಿಕೇ ಪಾಪಹಾರಿಣಿ |
ಧರ್ಮಮೋಕ್ಷಪ್ರದೇ ದೇವಿ ಗುಹ್ಯಕಾಳಿ ನಮೋಽಸ್ತು ತೇ || ೧ ||
ಸಂಗ್ರಾಮೇ ವಿಜಯಂ ದೇಹಿ ಧನಂ ದೇಹಿ ಸದಾ ಗೃಹೇ |
ಧರ್ಮಕಾಮಾರ್ಥಸಂಪತ್ತಿಂ ದೇಹಿ ಕಾಳಿ ನಮೋಽಸ್ತು ತೇ || ೨ ||
ಉಲ್ಕಾಮುಖಿ ಲಲಜ್ಜಿಹ್ವೇ ಘೋರರಾವೇ ಭಗಪ್ರಿಯೇ |
ಶ್ಮಶಾನವಾಸಿನಿ ಪ್ರೇತೇ ಶವಮಾಂಸಪ್ರಿಯೇಽನಘೇ || ೩ ||
ಅರಣ್ಯ ಚಾರಿಣಿ ಶಿವೇ ಕುಲದ್ರವ್ಯಮಯೀಶ್ವರಿ |
ಪ್ರಸನ್ನಾಭವ ದೇವೇಶಿ ಭಕ್ತಸ್ಯ ಮಮ ಕಾಳಿಕೇ || ೪ ||
ಶುಭಾನಿ ಸಂತು ಕೌಲಾನಾಂ ನಶ್ಯಂತು ದ್ವೇಷಕಾರಕಾಃ |
ನಿಂದಾಕರಾ ಕ್ಷಯಂ ಪಾಂತು ಯೇ ಚ ಹಾಸ್ಯ ಪ್ರಕುರ್ವತೇ || ೫ ||
ಯೇ ದ್ವಿಷಂತಿ ಜುಗುಪ್ಸಂತೇ ಯೇ ನಿಂದಂತಿ ಹಸಂತಿ ಯೇ |
ಯೇಽಸೂಯಂತೇ ಚ ಶಂಕಂತೇ ಮಿಥ್ಯೇತಿ ಪ್ರವದಂತಿ ಯೇ || ೬ ||
ತೇ ಡಾಕಿನೀಮುಖೇ ಯಾಂತು ಸದಾರಸುತಬಾಂಧವಾಃ |
ಪಿಬತ್ವಂ ಶೋಣಿತಂ ತಸ್ಯ ಚಾಮುಂಡಾ ಮಾಂಸಮತ್ತು ಚ || ೭ ||
ಆಸ್ಥೀನಿಚರ್ವಯಂತ್ವಸ್ಯ ಯೋಗಿನೀ ಭೈರವೀಗಣಾಃ |
ಯಾನಿಂದಾಗಮತಂತ್ರಾದೌ ಯಾ ಶಕ್ತಿಷು ಕುಲೇಷು ಯಾ || ೮ ||
ಕುಲಮಾರ್ಗೇಷು ಯಾ ನಿಂದಾ ಸಾ ನಿಂದಾ ತವ ಕಾಳಿಕೇ |
ತ್ವನ್ನಿಂದಾಕಾರಿಣಾಂ ಶಾಸ್ತ್ರೀ ತ್ವಮೇವ ಪರಮೇಶ್ವರಿ || ೯ ||
ನ ವೇದಂ ನ ತಪೋ ದಾನಂ ನೋಪವಾಸಾದಿಕಂ ವ್ರತಮ್ |
ಚಾಂದ್ರಾಯಣಾದಿ ಕೃಚ್ಛಂ ಚ ನ ಕಿಂಚಿನ್ಮಾನಯಾಮ್ಯಹಮ್ || ೧೦ ||
ಕಿಂತು ತ್ವಚ್ಚರಣಾಂಭೋಜ ಸೇವಾಂ ಜಾನೇ ಶಿವಾಜ್ಞಯಾ |
ತ್ವದರ್ಚಾ ಕುರ್ವತೋ ದೇವಿ ನಿಂದಾಪಿ ಸಫಲಾ ಮಮ || ೧೧ ||
ರಾಜ್ಯಂ ತಸ್ಯ ಪ್ರತಿಷ್ಠಾ ಚ ಲಕ್ಷ್ಮೀಸ್ತಸ್ಯ ಸದಾ ಸ್ಥಿರಾ |
ತಸ್ಯ ಪ್ರಭುತ್ವಂ ಸಾಮರ್ಥ್ಯಂ ಯಸ್ಯ ತ್ವಂ ಮಸ್ತಕೋಪರಿ || ೧೨ ||
ಧನ್ಯೋಽಹಂ ಕೃತಕೃತ್ಯೋಽಹಂ ಸಫಲಂ ಜೀವತಂ ಮಮ |
ಯಸ್ಯ ತ್ವಚ್ಚರಣದ್ವಂದೇ ಮನೋ ನಿವಿಶತೇ ಸದಾ || ೧೩ ||
ದೈತ್ಯಾಃ ವಿನಾಶಮಾಯಾಂತು ಕ್ಷಯಂ ಯಾಂತು ಚ ದಾನವಾಃ |
ನಶ್ಯಂತು ಪ್ರೇತಕೂಷ್ಮಾಂಡಾ ರಾಕ್ಷಸಾ ಅಸುರಾಸ್ತಥಾ || ೧೪ ||
ಪಿಶಾಚ ಭೂತ ವೇತಾಳಾಂ ಕ್ಷೇತ್ರಪಾಲಾ ವಿನಾಯಕಾಃ |
ಗುಹ್ಯಕಾಃ ಘೋಣಕಾಶ್ಚೈವ ವಿಲೀಯಂತಾ ಸಹಸ್ರಧಾ || ೧೫ ||
ಭಾರುಂಡಾ ಜಂಭಕಾಃ ಸ್ಕಾಂದಾಃ ಪ್ರಮಥಾಃ ಪಿತರಸ್ತಥಾ |
ಯೋಗಿನ್ಯೋ ಮಾತರಶ್ಚಾಪಿ ಡಾಕಿನ್ಯಃ ಪೂತನಾಸ್ತಥಾ || ೧೬ ||
ಭಸ್ಮೀಭವಂತು ಸಪದಿ ತ್ವತ್ ಪ್ರಸಾದಾತ್ ಸುರೇಶ್ವರಿ |
ದಿವಾಚರಾ ರಾತ್ರಿಚರಾ ಯೇ ಚ ಸಂಧ್ಯಾಚರಾ ಅಪಿ || ೧೭ ||
ಶಾಖಾಚರಾ ವನಚರಾಃ ಕಂದರಾಶೈಲಚಾರಿಣಃ |
ದ್ವೇಷ್ಟಾರೋ ಯೇ ಜಲಚರಾ ಗುಹಾಬಿಲಚರಾ ಅಪಿ || ೧೮ ||
ಸ್ಮರಣಾದೇವ ತೇ ಸರ್ವೇ ಖಂಡಖಂಡಾ ಭವಂತು ತೇ |
ಸರ್ಪಾ ನಾಗಾ ಯಾತುಧಾನಾ ದಸ್ಯುಮಾಯಾವಿನಸ್ತಥಾ || ೧೯ ||
ಹಿಂಸಕಾ ವಿದ್ವಿಷೋ ನಿಂದಾಕರಾ ಯೇ ಕುಲದೂಷಕಾಃ |
ಮಾರಣೋಚ್ಚಾಟನೋನ್ಮೂಲ ದ್ವೇಷ ಮೋಹನಕಾರಕಾಃ || ೨೦ ||
ಕೃತ್ಯಾಭಿಚಾರಕರ್ತಾರಃ ಕೌಲವಿಶ್ವಾಸಘಾತಕಾಃ |
ತ್ವತ್ಪ್ರಸಾದಾಜ್ಜಗದ್ಧಾತ್ರಿ ನಿಧನಂ ಯಾಂತು ತೇಽಖಿಲಾಃ || ೨೧ ||
ನವಗ್ರಹಾಃ ಸತಿಥಯೋ ನಕ್ಷತ್ರಾಣಿ ಚ ರಾಶಯಃ |
ಸಂಕ್ರಾಂತಯೋಽಬ್ದಾ ಮಾಸಾಶ್ಚ ಋತವೋ ದ್ವೇ ತಥಾಯನೇ || ೨೨ ||
ಕಲಾಕಾಷ್ಠಾಮುಹುರ್ತಾಶ್ಚ ಪಕ್ಷಾಹೋರಾತ್ರಯಸ್ತಥಾ |
ಮನ್ವಂತರಾಣಿ ಕಲ್ಪಾಶ್ಚ ಯುಗಾನಿ ಯುಗಸಂಧಯಃ || ೨೩ ||
ದೇವಲೋಕಾಃ ಲೋಕಪಾಲಾಃ ಪಿತರೋ ವಹ್ನಯಸ್ತಥಾ |
ಅಧ್ವರಾ ನಿಧಯೋ ವೇದಾಃ ಪುರಾಣಾಗಮಸಂಹಿತಾ || ೨೪ ||
ಏತೇ ಮಯಾ ಕೀರ್ತಿತಾ ಯೇ ಯೇ ಚಾನ್ಯೇ ನಾನುಕೀರ್ತಿತಾಃ |
ಆಜ್ಞಯಾ ಗುಹ್ಯಕಾಳ್ಯಾಸ್ತೇ ಮಮ ಕುರ್ವಂತು ಮಂಗಳಮ್ || ೨೫ ||
ಭವಂತು ಸರ್ವದಾ ಸೌಮ್ಯಾಃ ಸರ್ವಕಾಲಂ ಸುಖಾವಹಾಃ |
ಆರೋಗ್ಯಂ ಸರ್ವದಾ ಮೇಽಸ್ತು ಯುದ್ಧೇ ಚೈವಾಪರಾಜಯಃ || ೨೬ ||
ದುಃಖಹಾನಿಃ ಸದೈವಾಸ್ತಾಂ ವಿಘ್ನನಾಶಃ ಪದೇ ಪದೇ |
ಅಕಾಲಮೃತ್ಯು ದಾರಿದ್ರ್ಯಂ ಬಂಧನಂ ನೃಪತೇರ್ಭಯಮ್ || ೨೭ ||
ಗುಹ್ಯಕಾಳ್ಯಾಃ ಪ್ರಸಾದೇನ ನ ಕದಾಪಿ ಭವೇನ್ಮಮ |
ಸಂತ್ವಿಂದ್ರಿಯಾಣಿ ಸುಸ್ಥಾನಿ ಶಾಂತಿಃ ಕುಶಲಮಸ್ತು ಮೇ || ೨೮ ||
ವಾಂಛಾಪ್ತಿರ್ಮನಸಃ ಸೌಖ್ಯಂ ಕಲ್ಯಾಣಂ ಸುಪ್ರಜಾಸ್ತಥಾ |
ಬಲಂ ವಿತ್ತಂ ಯಶಃ ಕಾಂತಿರ್ವೃದ್ಧಿರ್ವಿದ್ಯಾ ಮಹೋದಯಃ || ೨೯ ||
ದೀರ್ಘಾಯುರಪ್ರಧೃಷ್ಯತ್ವಂ ವೀರ್ಯಂ ಸಾಮರ್ಥ್ಯಮೇವ ಚ |
ವಿನಾಶೋ ದ್ವೇಷಕರ್ತೄಣಾಂ ಕೌಲಿಕಾನಾಂ ಮಹೋನ್ನತಿಃ |
ಜಾಯತಾಂ ಶಾಂತಿಪಾಠೇನ ಕುಲವರ್ತ್ಮ ಧೃತಾತ್ಮನಾಮ್ || ೩೦ ||
ಇತಿ ಶ್ರೀ ಕಾಳೀ ಶಾಂತಿ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಕಾಳಿಕಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
