Read in తెలుగు / ಕನ್ನಡ / தமிழ் / देवनागरी / English (IAST)
ಭಕ್ತಾಭಿಲಾಷಾಚರಿತಾನುಸಾರೀ
ದುಗ್ಧಾದಿಚೌರ್ಯೇಣ ಯಶೋವಿಸಾರೀ |
ಕುಮಾರತಾನಂದಿತಘೋಷನಾರೀ
ಮಮ ಪ್ರಭುಃ ಶ್ರೀಗಿರಿರಾಜಧಾರೀ || ೧ ||
ವ್ರಜಾಂಗನಾಬೃಂದಸದಾವಿಹಾರೀ
ಅಂಗೈರ್ಗುಹಾಂಗಾರತಮೋಽಪಹಾರೀ |
ಕ್ರೀಡಾರಸಾವೇಷತಮೋಽಭಿಸಾರೀ
ಮಮ ಪ್ರಭುಃ ಶ್ರೀಗಿರಿರಾಜಧಾರೀ || ೨ ||
ವೇಣುಸ್ವನಾನಂದಿತಪನ್ನಗಾರೀ
ರಸಾತಲಾನೃತ್ಯಪದಪ್ರಚಾರೀ |
ಕ್ರೀಡನ್ವಯಸ್ಯಾಕೃತಿದೈತ್ಯಮಾರೀ
ಮಮ ಪ್ರಭುಃ ಶ್ರೀಗಿರಿರಾಜಧಾರೀ || ೩ ||
ಪುಳಿಂದದಾರಾಹಿತಶಂಬರಾರೀ
ರಮಾಸಮೋದಾರದಯಾಪ್ರಕಾರೀ |
ಗೋವರ್ಧನೇ ಕಂದಫಲೋಪಹಾರೀ
ಮಮ ಪ್ರಭುಃ ಶ್ರೀಗಿರಿರಾಜಧಾರೀ || ೪ ||
ಕಳಿಂದಜಾಕೂಲದುಕೂಲಹಾರೀ
ಕುಮಾರಿಕಾಕಾಮಕಲಾವತಾರೀ |
ಬೃಂದಾವನೇ ಗೋಧನಬೃಂದಚಾರೀ
ಮಮ ಪ್ರಭುಃ ಶ್ರೀಗಿರಿರಾಜಧಾರೀ || ೫ ||
ವ್ರಜೇಂದ್ರಸರ್ವಾಧಿಕಶರ್ಮಕಾರೀ
ಮಹೇಂದ್ರಗರ್ವಾಧಿಕಗರ್ವಹಾರೀ |
ಬೃಂದಾವನೇ ಕಂದಫಲೋಪಹಾರೀ
ಮಮ ಪ್ರಭುಃ ಶ್ರೀಗಿರಿರಾಜಧಾರೀ || ೬ ||
ಮನಃಕಲಾನಾಥ ತಮೋವಿದಾರೀ
ವಂಶೀರವಾಕಾರಿತತತ್ಕುಮಾರೀ |
ರಾಸೋತ್ಸವೋದ್ವೇಲರಸಾಬ್ಧಿಸಾರೀ
ಮಮ ಪ್ರಭುಃ ಶ್ರೀಗಿರಿರಾಜಧಾರೀ || ೭ ||
ಮತ್ತದ್ವಿಪೋದ್ದಾಮಗತಾನುಕಾರೀ
ಲುಂಠತ್ಪ್ರಸೂನಾಪ್ರಪದೀನಹಾರೀ |
ರಾಮಾರಸಸ್ಪರ್ಶಕರಪ್ರಸಾರೀ
ಮಮ ಪ್ರಭುಃ ಶ್ರೀಗಿರಿರಾಜಧಾರೀ || ೮ ||
ಇತಿ ಶ್ರೀಮದ್ವಲ್ಲಭಾಚಾರ್ಯವಿರಚಿತಂ ಶ್ರೀಗಿರಿರಾಜಧಾರ್ಯಷ್ಟಕಂ ಸಂಪೂರ್ಣಮ್ |
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక: "శ్రీ కాళికా స్తోత్రనిధి" విడుదల చేశాము. కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
