Read in తెలుగు / ಕನ್ನಡ / தமிழ் / देवनागरी / English (IAST)
భక్తాభిలాషాచరితానుసారీ దుగ్ధాదిచౌర్యేణ యశోవిసారీ |
కుమారతానందితఘోషనారీ మమ ప్రభుః శ్రీగిరిరాజధారీ || ౧ ||
వ్రజాంగనాబృందసదావిహారీ అంగైర్గుహాంగారతమోఽపహారీ |
క్రీడారసావేషతమోఽభిసారీ మమ ప్రభుః శ్రీగిరిరాజధారీ || ౨ ||
వేణుస్వనానందితపన్నగారీ రసాతలానృత్యపదప్రచారీ |
క్రీడన్వయస్యాకృతిదైత్యమారీ మమ ప్రభుః శ్రీగిరిరాజధారీ || ౩ ||
పుళిందదారాహితశంబరారీ రమాసమోదారదయాప్రకారీ |
గోవర్ధనే కందఫలోపహారీ మమ ప్రభుః శ్రీగిరిరాజధారీ || ౪ ||
కళిందజాకూలదుకూలహారీ కుమారికాకామకలావతారీ |
బృందావనే గోధనబృందచారీ మమ ప్రభుః శ్రీగిరిరాజధారీ || ౫ ||
వ్రజేంద్రసర్వాధికశర్మకారీ మహేంద్రగర్వాధికగర్వహారీ |
బృందావనే కందఫలోపహారీ మమ ప్రభుః శ్రీగిరిరాజధారీ || ౬ ||
మనఃకలానాథ తమోవిదారీ వంశీరవాకారితతత్కుమారీ |
రాసోత్సవోద్వేలరసాబ్ధిసారీ మమ ప్రభుః శ్రీగిరిరాజధారీ || ౭ ||
మత్తద్విపోద్దామగతానుకారీ లుంఠత్ప్రసూనాప్రపదీనహారీ |
రామారసస్పర్శకరప్రసారీ మమ ప్రభుః శ్రీగిరిరాజధారీ || ౮ ||
ఇతి శ్రీమద్వల్లభాచార్యవిరచితం శ్రీగిరిరాజధార్యష్టకం సంపూర్ణమ్ |
మరిన్ని శ్రీ కృష్ణ స్తోత్రాలు చూడండి.
గమనిక: "శ్రీ కాళికా స్తోత్రనిధి" విడుదల చేశాము. కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
