Panchakshara Mantra Garbha Stotram – శ్రీ పంచాక్షరమంత్రగర్భ స్తోత్రం


దుష్టతమోఽపి దయారహితోఽపి విధర్మవిశేషకృతిప్రథితోఽపి |
దుర్జనసంగరతోఽప్యవరోఽపి కృష్ణ తవాఽస్మి న చాస్మి పరస్య || ౧ ||

లోభరతోఽప్యభిమానయుతోఽపి పరహితకారణకృత్యకరోఽపి |
క్రోధపరోఽప్యవివేకహతోఽపి కృష్ణ తవాఽస్మి న చాఽస్మి పరస్య || ౨ ||

కామమయోఽపి గతాశ్రయణోఽపి పరాశ్రయణాశయచంచలితోఽపి |
వైషయికాదరసంవలితోఽపి కృష్ణ తవాఽస్మి న చాఽస్మి పరస్య || ౩ ||

ఉత్తమధైర్యవిభిన్నతరోఽపి నిజోదరపోషణహేతుపరోఽపి |
స్వీకృతమత్సరమోహమదోఽపి కృష్ణ తవాఽస్మి న చాఽస్మి పరస్య || ౪ ||

భక్తిపథాదరమాత్రకృతోఽపి వ్యర్థవిరుద్ధకృతిప్రసృతోఽపి |
త్వత్పదసన్ముఖతాఽపతితోఽపి కృష్ణ తవాఽస్మి న చాఽస్మి పరస్య || ౫ ||

సంసృతిగేహకళత్రరతోఽపి వ్యర్థధనార్జనఖేదసహోఽపి |
ఉన్మదమానససంశ్రయణోఽపి కృష్ణ తవాఽస్మి న చాఽస్మి పరస్య || ౬ ||

కృష్ణపథేతరధర్మరతోఽపి స్వస్థితివిస్మృతిసద్ధృదయోఽపి |
దుర్జనదుర్వచనాదరణోఽపి కృష్ణ తవాఽస్మి న చాఽస్మి పరస్య || ౭ ||

వల్లభవంశజనుస్సబలోఽపి స్వప్రభుపాదసరోజఫలోఽపి |
లౌకికవైదికధర్మఖలోఽపి కృష్ణ తవాఽస్మి న చాఽస్మి పరస్య || ౮ ||

పంచాక్షర మహామంత్రగర్భిత స్తోత్ర పాఠతః |
శ్రీమదాచార్యదాసానాం తదీయత్వం భవేద్ధ్రువమ్ || ౯ ||

ఇతి శ్రీహరిదాసోక్తం పంచాక్షరగర్భస్తోత్రం |


మరిన్ని శ్రీ కృష్ణ స్తోత్రాలు చూడండి.


గమనిక : "శ్రీ గాయత్రీ స్తోత్రనిధి" పారాయణ గ్రంథము ముద్రణ చేయుటకు ఆలోచన చేయుచున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

మీ ఈమెయిలు చిరునామా ప్రచురించబడదు.

error: Not allowed