Panchakshara Mantra Garbha Stotram – ಪಂಚಾಕ್ಷರಮಂತ್ರಗರ್ಭ ಸ್ತೋತ್ರಂ


ದುಷ್ಟತಮೋಽಪಿ ದಯಾರಹಿತೋಽಪಿ
ವಿಧರ್ಮವಿಶೇಷಕೃತಿಪ್ರಥಿತೋಽಪಿ |
ದುರ್ಜನಸಂಗರತೋಽಪ್ಯವರೋಽಪಿ
ಕೃಷ್ಣ ತವಾಽಸ್ಮಿ ನ ಚಾಸ್ಮಿ ಪರಸ್ಯ || ೧ ||

ಲೋಭರತೋಽಪ್ಯಭಿಮಾನಯುತೋಽಪಿ
ಪರಹಿತಕಾರಣಕೃತ್ಯಕರೋಽಪಿ |
ಕ್ರೋಧಪರೋಽಪ್ಯವಿವೇಕಹತೋಽಪಿ
ಕೃಷ್ಣ ತವಾಽಸ್ಮಿ ನ ಚಾಽಸ್ಮಿ ಪರಸ್ಯ || ೨ ||

ಕಾಮಮಯೋಽಪಿ ಗತಾಶ್ರಯಣೋಽಪಿ
ಪರಾಶ್ರಯಣಾಶಯಚಂಚಲಿತೋಽಪಿ |
ವೈಷಯಿಕಾದರಸಂವಲಿತೋಽಪಿ
ಕೃಷ್ಣ ತವಾಽಸ್ಮಿ ನ ಚಾಽಸ್ಮಿ ಪರಸ್ಯ || ೩ ||

ಉತ್ತಮಧೈರ್ಯವಿಭಿನ್ನತರೋಽಪಿ
ನಿಜೋದರಪೋಷಣಹೇತುಪರೋಽಪಿ |
ಸ್ವೀಕೃತಮತ್ಸರಮೋಹಮದೋಽಪಿ
ಕೃಷ್ಣ ತವಾಽಸ್ಮಿ ನ ಚಾಽಸ್ಮಿ ಪರಸ್ಯ || ೪ ||

ಭಕ್ತಿಪಥಾದರಮಾತ್ರಕೃತೋಽಪಿ
ವ್ಯರ್ಥವಿರುದ್ಧಕೃತಿಪ್ರಸೃತೋಽಪಿ |
ತ್ವತ್ಪದಸನ್ಮುಖತಾಽಪತಿತೋಽಪಿ
ಕೃಷ್ಣ ತವಾಽಸ್ಮಿ ನ ಚಾಽಸ್ಮಿ ಪರಸ್ಯ || ೫ ||

ಸಂಸೃತಿಗೇಹಕಳತ್ರರತೋಽಪಿ
ವ್ಯರ್ಥಧನಾರ್ಜನಖೇದಸಹೋಽಪಿ |
ಉನ್ಮದಮಾನಸಸಂಶ್ರಯಣೋಽಪಿ
ಕೃಷ್ಣ ತವಾಽಸ್ಮಿ ನ ಚಾಽಸ್ಮಿ ಪರಸ್ಯ || ೬ ||

ಕೃಷ್ಣಪಥೇತರಧರ್ಮರತೋಽಪಿ
ಸ್ವಸ್ಥಿತಿವಿಸ್ಮೃತಿಸದ್ಧೃದಯೋಽಪಿ |
ದುರ್ಜನದುರ್ವಚನಾದರಣೋಽಪಿ
ಕೃಷ್ಣ ತವಾಽಸ್ಮಿ ನ ಚಾಽಸ್ಮಿ ಪರಸ್ಯ || ೭ ||

ವಲ್ಲಭವಂಶಜನುಸ್ಸಬಲೋಽಪಿ
ಸ್ವಪ್ರಭುಪಾದಸರೋಜಫಲೋಽಪಿ |
ಲೌಕಿಕವೈದಿಕಧರ್ಮಖಲೋಽಪಿ
ಕೃಷ್ಣ ತವಾಽಸ್ಮಿ ನ ಚಾಽಸ್ಮಿ ಪರಸ್ಯ || ೮ ||

ಪಂಚಾಕ್ಷರ ಮಹಾಮಂತ್ರಗರ್ಭಿತ ಸ್ತೋತ್ರ ಪಾಠತಃ |
ಶ್ರೀಮದಾಚಾರ್ಯದಾಸಾನಾಂ ತದೀಯತ್ವಂ ಭವೇದ್ಧ್ರುವಮ್ || ೯ ||

ಇತಿ ಶ್ರೀಹರಿದಾಸೋಕ್ತಂ ಪಂಚಾಕ್ಷರಗರ್ಭಸ್ತೋತ್ರಂ |


ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

ನಿಮ್ಮದೊಂದು ಉತ್ತರ

error: Not allowed