Read in తెలుగు / ಕನ್ನಡ / தமிழ் / देवनागरी / English (IAST)
bhaktābhilāṣācaritānusārī dugdhādicauryēṇa yaśōvisārī |
kumāratānanditaghōṣanārī mama prabhuḥ śrīgirirājadhārī || 1 ||
vrajāṅganābr̥ndasadāvihārī aṅgairguhāṅgāratamō:’pahārī |
krīḍārasāvēṣatamō:’bhisārī mama prabhuḥ śrīgirirājadhārī || 2 ||
vēṇusvanānanditapannagārī rasātalānr̥tyapadapracārī |
krīḍanvayasyākr̥tidaityamārī mama prabhuḥ śrīgirirājadhārī || 3 ||
pulindadārāhitaśambarārī ramāsamōdāradayāprakārī |
gōvardhanē kandaphalōpahārī mama prabhuḥ śrīgirirājadhārī || 4 ||
kalindajākūladukūlahārī kumārikākāmakalāvatārī |
br̥ndāvanē gōdhanabr̥ndacārī mama prabhuḥ śrīgirirājadhārī || 5 ||
vrajēndrasarvādhikaśarmakārī mahēndragarvādhikagarvahārī |
br̥ndāvanē kandaphalōpahārī mama prabhuḥ śrīgirirājadhārī || 6 ||
manaḥkalānātha tamōvidārī vaṁśīravākāritatatkumārī |
rāsōtsavōdvēlarasābdhisārī mama prabhuḥ śrīgirirājadhārī || 7 ||
mattadvipōddāmagatānukārī luṇṭhatprasūnāprapadīnahārī |
rāmārasasparśakaraprasārī mama prabhuḥ śrīgirirājadhārī || 8 ||
iti śrīmadvallabhācāryaviracitaṁ śrīgirirājadhāryaṣṭakam |
See more śrī kr̥ṣṇa stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
