Read in తెలుగు / ಕನ್ನಡ / தமிழ் / देवनागरी / English (IAST)
ದೇವ್ಯುವಾಚ |
ದೇವೇಶ ಭುವನೇಶ್ವರ್ಯಾ ಯಾ ಯಾ ವಿದ್ಯಾಃ ಪ್ರಕಾಶಿತಾಃ |
ಶ್ರುತಾಶ್ಚಾಧಿಗತಾಃ ಸರ್ವಾಃ ಶ್ರೋತುಮಿಚ್ಛಾಮಿ ಸಾಂಪ್ರತಮ್ || ೧ ||
ತ್ರೈಲೋಕ್ಯಮಂಗಳಂ ನಾಮ ಕವಚಂ ಯತ್ಪುರೋದಿತಮ್ |
ಕಥಯಸ್ವ ಮಹಾದೇವ ಮಮ ಪ್ರೀತಿಕರಂ ಪರಮ್ || ೨ ||
ಈಶ್ವರ ಉವಾಚ |
ಶೃಣು ಪಾರ್ವತಿ ವಕ್ಷ್ಯಾಮಿ ಸಾವಧಾನಾವಧಾರಯ |
ತ್ರೈಲೋಕ್ಯಮಂಗಳಂ ನಾಮ ಕವಚಂ ಮಂತ್ರವಿಗ್ರಹಮ್ || ೩ ||
ಸಿದ್ಧವಿದ್ಯಾಮಯಂ ದೇವಿ ಸರ್ವೈಶ್ವರ್ಯಪ್ರದಾಯಕಮ್ |
ಪಠನಾದ್ಧಾರಣಾನ್ಮರ್ತ್ಯಸ್ತ್ರೈಲೋಕ್ಯೈಶ್ವರ್ಯಭಾಗ್ಭವೇತ್ || ೪ ||
[ ತ್ರೈಲೋಕ್ಯಮಂಗಳಸ್ಯಾಸ್ಯ ಕವಚಸ್ಯ ಋಷಿಶ್ಶಿವಃ |
ಛಂದೋ ವಿರಾಟ್ ಜಗದ್ಧಾತ್ರೀ ದೇವತಾ ಭುವನೇಶ್ವರೀ |
ಧರ್ಮಾರ್ಥಕಾಮಮೋಕ್ಷೇಷು ವಿನಿಯೋಗಃ ಪ್ರಕೀರ್ತಿತಃ || ]
ಹ್ರೀಂ ಬೀಜಂ ಮೇ ಶಿರಃ ಪಾತು ಭುವನೇಶೀ ಲಲಾಟಕಮ್ |
ಐಂ ಪಾತು ದಕ್ಷನೇತ್ರಂ ಮೇ ಹ್ರೀಂ ಪಾತು ವಾಮಲೋಚನಮ್ || ೧ ||
ಶ್ರೀಂ ಪಾತು ದಕ್ಷಕರ್ಣಂ ಮೇ ತ್ರಿವರ್ಣಾಖ್ಯಾ ಮಹೇಶ್ವರೀ | [ತ್ರಿವರ್ಣಾತ್ಮಾ]
ವಾಮಕರ್ಣಂ ಸದಾ ಪಾತು ಐಂ ಘ್ರಾಣಂ ಪಾತು ಮೇ ಸದಾ || ೨ ||
ಹ್ರೀಂ ಪಾತು ವದನಂ ದೇವಿ ಐಂ ಪಾತು ರಸನಾಂ ಮಮ |
ವಾಕ್ಪುಟಂ ಚ ತ್ರಿವರ್ಣಾತ್ಮಾ ಕಂಠಂ ಪಾತು ಪರಾಂಬಿಕಾ || ೩ ||
ಶ್ರೀಂ ಸ್ಕಂಧೌ ಪಾತು ನಿಯತಂ ಹ್ರೀಂ ಭುಜೌ ಪಾತು ಸರ್ವದಾ |
ಕ್ಲೀಂ ಕರೌ ತ್ರಿಪುಟಾ ಪಾತು ತ್ರಿಪುರೈಶ್ವರ್ಯದಾಯಿನೀ || ೪ || [ತ್ರಿಪುಟೇಶಾನಿ]
ಓಂ ಪಾತು ಹೃದಯಂ ಹ್ರೀಂ ಮೇ ಮಧ್ಯದೇಶಂ ಸದಾಽವತು |
ಕ್ರೌಂ ಪಾತು ನಾಭಿದೇಶಂ ಮೇ ತ್ರ್ಯಕ್ಷರೀ ಭುವನೇಶ್ವರೀ || ೫ ||
ಸರ್ವಬೀಜಪ್ರದಾ ಪೃಷ್ಠಂ ಪಾತು ಸರ್ವವಶಂಕರೀ |
ಹ್ರೀಂ ಪಾತು ಗುಹ್ಯದೇಶಂ ಮೇ ನಮೋ ಭಗವತೀ ಕಟಿಮ್ || ೬ ||
ಮಾಹೇಶ್ವರೀ ಸದಾ ಪಾತು ಸಕ್ಥಿನೀ ಜಾನುಯುಗ್ಮಕಮ್ |
ಅನ್ನಪೂರ್ಣಾ ಸದಾ ಪಾತು ಸ್ವಾಹಾ ಪಾತು ಪದದ್ವಯಮ್ || ೭ ||
ಸಪ್ತದಶಾಕ್ಷರೀ ಪಾಯಾದನ್ನಪೂರ್ಣಾತ್ಮಿಕಾ ಪರಾ |
ತಾರಂ ಮಾಯಾ ರಮಾಕಾಮಃ ಷೋಡಶಾರ್ಣಾ ತತಃ ಪರಮ್ || ೮ ||
ಶಿರಃಸ್ಥಾ ಸರ್ವದಾ ಪಾತು ವಿಂಶತ್ಯರ್ಣಾತ್ಮಿಕಾ ಪರಾ |
ತಾರಂ ದುರ್ಗೇಯುಗಂ ರಕ್ಷೇತ್ ಸ್ವಾಹೇತಿ ಚ ದಶಾಕ್ಷರೀ || ೯ ||
ಜಯದುರ್ಗಾ ಘನಶ್ಯಾಮಾ ಪಾತು ಮಾಂ ಸರ್ವತೋ ಮುದಾ |
ಮಾಯಾಬೀಜಾದಿಕಾ ಚೈಷಾ ದಶಾರ್ಣಾ ಚ ಪರಾ ತಥಾ || ೧೦ ||
ಉತ್ತಪ್ತಕಾಂಚನಾಭಾಸಾ ಜಯದುರ್ಗಾಽಽನನೇಽವತು |
ತಾರಂ ಹ್ರೀಂ ದುಂ ಚ ದುರ್ಗಾಯೈ ನಮೋಽಷ್ಟಾರ್ಣಾತ್ಮಿಕಾ ಪರಾ || ೧೧ ||
ಶಂಖಚಕ್ರಧನುರ್ಬಾಣಧರಾ ಮಾಂ ದಕ್ಷಿಣೇಽವತು |
ಮಹಿಷಾಮರ್ದಿನೀ ಸ್ವಾಹಾ ವಸುವರ್ಣಾತ್ಮಿಕಾ ಪರಾ || ೧೨ ||
ನೈರೃತ್ಯಾಂ ಸರ್ವದಾ ಪಾತು ಮಹಿಷಾಸುರನಾಶಿನೀ |
ಮಾಯಾ ಪದ್ಮಾವತೀ ಸ್ವಾಹಾ ಸಪ್ತಾರ್ಣಾ ಪರಿಕೀರ್ತಿತಾ || ೧೩ ||
ಪದ್ಮಾವತೀ ಪದ್ಮಸಂಸ್ಥಾ ಪಶ್ಚಿಮೇ ಮಾಂ ಸದಾಽವತು |
ಪಾಶಾಂಕುಶಪುಟೇ ಮಾಯೇ ಹ್ರೀಂ ಪರಮೇಶ್ವರಿ ಸ್ವಾಹಾ || ೧೪ ||
ತ್ರಯೋದಶಾರ್ಣಾ ತಾರಾದ್ಯಾ ಅಶ್ವಾರುಢಾಽನಲೇಽವತು |
ಸರಸ್ವತೀ ಪಂಚಶರೇ ನಿತ್ಯಕ್ಲಿನ್ನೇ ಮದದ್ರವೇ || ೧೫ ||
ಸ್ವಾಹಾರವ್ಯಕ್ಷರೀ ವಿದ್ಯಾ ಮಾಮುತ್ತರೇ ಸದಾಽವತು |
ತಾರಂ ಮಾಯಾ ತು ಕವಚಂ ಖೇ ರಕ್ಷೇತ್ಸತತಂ ವಧೂಃ || ೧೬ ||
ಹ್ರೂಂ ಕ್ಷಂ ಹ್ರೀಂ ಫಟ್ ಮಹಾವಿದ್ಯಾ ದ್ವಾದಶಾರ್ಣಾಖಿಲಪ್ರದಾ |
ತ್ವರಿತಾಷ್ಟಾಹಿಭಿಃ ಪಾಯಾಚ್ಛಿವಕೋಣೇ ಸದಾ ಚ ಮಾಮ್ || ೧೭ ||
ಐಂ ಕ್ಲೀಂ ಸೌಃ ಸತತಂ ಬಾಲಾ ಮೂರ್ಧದೇಶೇ ತತೋಽವತು |
ಬಿಂದ್ವಂತಾ ಭೈರವೀ ಬಾಲಾ ಭೂಮೌ ಚ ಮಾಂ ಸದಾಽವತು || ೧೮ ||
ಇತಿ ತೇ ಕಥಿತಂ ಪುಣ್ಯಂ ತ್ರೈಲೋಕ್ಯಮಂಗಳಂ ಪರಮ್ |
ಸಾರಂ ಸಾರತರಂ ಪುಣ್ಯಂ ಮಹಾವಿದ್ಯೌಘವಿಗ್ರಹಮ್ || ೧೯ ||
ಅಸ್ಯಾಪಿ ಪಠನಾತ್ಸದ್ಯಃ ಕುಬೇರೋಽಪಿ ಧನೇಶ್ವರಃ |
ಇಂದ್ರಾದ್ಯಾಃ ಸಕಲಾ ದೇವಾಃ ಪಠನಾದ್ಧಾರಣಾದ್ಯತಃ || ೨೦ ||
ಸರ್ವಸಿದ್ಧೀಶ್ವರಾಃ ಸಂತಃ ಸರ್ವೈಶ್ವರ್ಯಮವಾಪ್ನುಯುಃ |
ಪುಷ್ಪಾಂಜಲ್ಯಷ್ಟಕಂ ದತ್ವಾ ಮೂಲೇನೈವ ಪಠೇತ್ಸಕೃತ್ || ೨೧ ||
ಸಂವತ್ಸರಕೃತಾಯಾಸ್ತು ಪೂಜಾಯಾಃ ಫಲಮಾಪ್ನುಯಾತ್ |
ಪ್ರೀತಿಮನ್ಯೋಽನ್ಯತಃ ಕೃತ್ವಾ ಕಮಲಾ ನಿಶ್ಚಲಾ ಗೃಹೇ || ೨೨ ||
ವಾಣೀ ಚ ನಿವಸೇದ್ವಕ್ತ್ರೇ ಸತ್ಯಂ ಸತ್ಯಂ ನ ಸಂಶಯಃ |
ಯೋ ಧಾರಯತಿ ಪುಣ್ಯಾತ್ಮಾ ತ್ರೈಲೋಕ್ಯಮಂಗಳಾಭಿಧಮ್ || ೨೩ ||
ಕವಚಂ ಪರಮಂ ಪುಣ್ಯಂ ಸೋಽಪಿ ಪುಣ್ಯವತಾಂ ವರಃ |
ಸರ್ವೈಶ್ವರ್ಯಯುತೋ ಭೂತ್ವಾ ತ್ರೈಲೋಕ್ಯವಿಜಯೀ ಭವೇತ್ || ೨೪ ||
ಪುರುಷೋ ದಕ್ಷಿಣೇ ಬಾಹೌ ನಾರೀ ವಾಮಭುಜೇ ತಥಾ |
ಬಹುಪುತ್ರವತೀ ಭೂತ್ವಾ ವಂಧ್ಯಾಪಿ ಲಭತೇ ಸುತಮ್ || ೨೫ ||
ಬ್ರಹ್ಮಾಸ್ತ್ರಾದೀನಿ ಶಸ್ತ್ರಾಣಿ ನೈವ ಕೃಂತಂತಿ ತಂ ಜನಮ್ |
ಏತತ್ಕವಚಮಜ್ಞಾತ್ವಾ ಯೋ ಜಪೇದ್ಭುವನೇಶ್ವರೀಮ್ |
ದಾರಿದ್ರ್ಯಂ ಪರಮಂ ಪ್ರಾಪ್ಯ ಸೋಽಚಿರಾನ್ಮೃತ್ಯುಮಾಪ್ನುಯಾತ್ || ೨೬ ||
ಇತಿ ಶ್ರೀರುದ್ರಯಾಮಲೇ ತಂತ್ರೇ ದೇವೀಶ್ವರ ಸಂವಾದೇ ತ್ರೈಲೋಕ್ಯಮಂಗಳಂ ನಾಮ ಭುವನೇಶ್ವರೀಕವಚಂ ಸಮಾಪ್ತಮ್ |
ಇನ್ನಷ್ಟು ದಶಮಹಾವಿದ್ಯಾ ಸ್ತೋತ್ರಗಳು ನೋಡಿ.
Hyd Book Exhibition: స్తోత్రనిధి బుక్ స్టాల్ 37th Hyderabad Book Fair లో ఉంటుంది. 19-Dec-2024 నుండి 29-Dec-2024 వరకు Kaloji Kalakshetram (NTR Stadium), Hyderabad వద్ద నిర్వహించబడుతుంది. దయచేసి గమనించగలరు.
గమనిక: "శ్రీ కృష్ణ స్తోత్రనిధి" విడుదల చేశాము. Click here to buy. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము. మా తదుపరి ప్రచురణ: "శ్రీ ఆంజనేయ స్తోత్రనిధి" .
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
