Read in తెలుగు / ಕನ್ನಡ / தமிழ் / देवनागरी / English (IAST)
ಉದ್ಯದ್ಭಾನುಸಹಸ್ರಕಾಂತಿಮರುಣಕ್ಷೌಮಾಂಬರಾಲಂಕೃತಾಂ
ಗಂಧಾಲಿಪ್ತಪಯೋಧರಾಂ ಜಪವಟೀಂ ವಿದ್ಯಾಮಭೀತಿಂ ವರಮ್ |
ಹಸ್ತಾಬ್ಜೈರ್ದಧತೀಂ ತ್ರಿಣೇತ್ರವಿಲಸದ್ವಕ್ತ್ರಾರವಿಂದಶ್ರಿಯಂ
ದೇವೀಂ ಬದ್ಧಹಿಮಾಂಶುರತ್ನಮಕುಟಾಂ ವಂದೇಽರವಿಂದಸ್ಥಿತಾಮ್ || ೧ ||
ಏಣಧರಾಶ್ಮಕೃತೋನ್ನತಧಿಷ್ಣ್ಯಂ
ಹೇಮವಿನಿರ್ಮಿತಪಾದಮನೋಜ್ಞಮ್ |
ಶೋಣಶಿಲಾಫಲಕಂ ಚ ವಿಶಾಲಂ
ದೇವಿ ಸುಖಾಸನಮದ್ಯ ದದಾಮಿ || ೨ ||
ಈಶಮನೋಹರರೂಪವಿಲಾಸೇ
ಶೀತಲಚಂದನಕುಂಕುಮಮಿಶ್ರಮ್ |
ಹೃದ್ಯಸುವರ್ಣಘಟೇ ಪರಿಪೂರ್ಣಂ
ಪಾದ್ಯಮಿದಂ ತ್ರಿಪುರೇಶಿ ಗೃಹಾಣ || ೩ ||
ಲಬ್ಧಭವತ್ಕರುಣೋಽಹಮಿದಾನೀಂ
ರಕ್ತಸುಮಾಕ್ಷತಯುಕ್ತಮನರ್ಘಮ್ |
ರುಕ್ಮವಿನಿರ್ಮಿತಪಾತ್ರವಿಶೇಷೇ-
-ಷ್ವರ್ಘ್ಯಮಿದಂ ತ್ರಿಪುರೇಶಿ ಗೃಹಾಣ || ೪ ||
ಹ್ರೀಮಿತಿ ಮಂತ್ರಜಪೇನ ಸುಗಮ್ಯೇ
ಹೇಮಲತೋಜ್ಜ್ವಲದಿವ್ಯಶರೀರೇ |
ಯೋಗಿಮನಃ ಸಮಶೀತಜಲೇನ
ಹ್ಯಾಚಮನಂ ತ್ರಿಪುರೇಽದ್ಯ ವಿಧೇಹಿ || ೫ ||
ಹಸ್ತಲಸತ್ಕಟಕಾದಿ ಸುಭೂಷಾಃ
ಆದರತೋಽಂಬ ವರೋಪ್ಯ ನಿಧಾಯ |
ಚಂದನವಾಸಿತಮಂತ್ರಿತತೋಯೈಃ
ಸ್ನಾನಮಯಿ ತ್ರಿಪುರೇಶಿ ವಿಧೇಹಿ || ೬ ||
ಸಂಚಿತಮಂಬ ಮಯಾ ಹ್ಯತಿಮೂಲ್ಯಂ
ಕುಂಕುಮಶೋಣಮತೀವ ಮೃದು ತ್ವಮ್ |
ಶಂಕರತುಂಗತರಾಂಕನಿವಾಸೇ
ವಸ್ತ್ರಯುಗಂ ತ್ರಿಪುರೇ ಪರಿಧೇಹಿ || ೭ ||
ಕಂದಲದಂಶುಕಿರೀಟಮನರ್ಘಂ
ಕಂಕಣಕುಂಡಲನೂಪುರಹಾರಮ್ |
ಅಂಗದಮಂಗುಲಿಭೂಷಣಮಂಬ
ಸ್ವೀಕುರು ದೇವಿ ಪುರಾಧಿನಿವಾಸೇ || ೮ ||
ಹಸ್ತಲಸದ್ವರಭೀತಿಹಮುದ್ರೇ
ಶಸ್ತತರಂ ಮೃಗನಾಭಿಸಮೇತಮ್ |
ಸದ್ಘನಸಾರಸುಕುಂಕುಮಮಿಶ್ರಂ
ಚಂದನಪಂಕಮಿದಂ ಚ ಗೃಹಾಣ || ೯ ||
ಲಬ್ಧವಿಕಾಸಕದಂಬಕಜಾತೀ-
-ಚಂಪಕಪಂಕಜಕೇತಕಯುಕ್ತೈಃ |
ಪುಷ್ಯಚಯೈರ್ಮನಸಾಮುಚಿತೈಸ್ತ್ವಾಂ
ಅಂಬ ಪುರೇಶಿ ಭವಾನಿ ಭಜಾಮಿ || ೧೦ ||
ಹ್ರೀಂಪದಶೋಭಿಮಹಾಮನುರೂಪೇ
ಧೂರಸಿ ಮಂತ್ರವರೇಣ ಮನೋಜ್ಞಮ್ |
ಅಷ್ಟಸುಗಂಧರಜಃಕೃತಮಾದ್ಯೇ
ಧೂಪಮಿಮಂ ತ್ರಿಪುರೇಶಿ ದದಾಮಿ || ೧೧ ||
ಸಂತಮಸಾಪಹಮುಜ್ಜ್ವಲಪಾತ್ರೇ
ಗವ್ಯಘೃತೈಃ ಪರಿವರ್ಧಿತದೇಹಮ್ |
ಚಂಪಕಕುಡ್ಮಲವೃಂತಸಮಾನಂ
ದೀಪಗಣಂ ತ್ರಿಪುರೇಽದ್ಯ ಗೃಹಾಣ || ೧೨ ||
ಕಲ್ಪಿತಮದ್ಯ ಧಿಯಾಽಮೃತಕಲ್ಪಂ
ದುಗ್ಧಸಿತಾಯುತಮನ್ನವಿಶೇಷಮ್ |
ಮಾಷವಿನಿರ್ಮಿತಪೂಪಸಹಸ್ರಂ
ಸ್ವೀಕುರು ದೇವಿ ನಿವೇದನಮಾದ್ಯೇ || ೧೩ ||
ಲಂಘಿತಕೇತಕವರ್ಣವಿಶೇಷೈಃ
ಶೋಧಿತಕೋಮಲನಾಗದಲೈಶ್ಚ |
ಮೌಕ್ತಿಕಚೂರ್ಣಯುತೈಃ ಕ್ರಮುಕಾದ್ಯೈಃ
ಪೂರ್ಣತರಾಂಬ ಪುರಸ್ತವ ಪಾತ್ರೀ || ೧೪ ||
ಹ್ರೀಂತ್ರಯಪೂರಿತಮಂತ್ರವಿಶೇಷಂ
ಪಂಚದಶೀಮಪಿ ಷೋಡಶರೂಪಮ್ |
ಸಂಚಿತಪಾಪಹರಂ ಚ ಜಪಿತ್ವಾ
ಮಂತ್ರಸುಮಾಂಜಲಿಮಂಬ ದದಾಮಿ || ೧೫ ||
ಶ್ರೀಂಪದಪೂರ್ಣಮಹಾಮನುರೂಪೇ
ಶ್ರೀಶಿವಕಾಮಮಹೇಶ್ವರಹೃದ್ಯೇ |
ಶ್ರೀಗುಹವಂದಿತಪಾದಪಯೋಜೇ
ಬಾಲವಪುರ್ಧರದೇವಿ ನಮಸ್ತೇ || ೧೬ ||
ಇತಿ ಶ್ರೀ ಬಾಲಾ ಮಾನಸ ಪೂಜಾ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಬಾಲಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
