Read in తెలుగు / ಕನ್ನಡ / தமிழ் / देवनागरी / English (IAST)
ಬ್ರಾಹ್ಮೀರೂಪಧರೇ ದೇವಿ ಬ್ರಹ್ಮಾತ್ಮಾ ಬ್ರಹ್ಮಪಾಲಿಕಾ |
ವಿದ್ಯಾಮಂತ್ರಾದಿಕಂ ಸರ್ವಂ ಸಿದ್ಧಿಂ ದೇಹಿ ಪರೇಶ್ವರಿ || ೧ ||
ಮಹೇಶ್ವರೀ ಮಹಾಮಾಯಾ ಮಾನಂದಾ ಮೋಹಹಾರಿಣೀ |
ಮಂತ್ರಸಿದ್ಧಿಫಲಂ ದೇಹಿ ಮಹಾಮಂತ್ರಾರ್ಣವೇಶ್ವರಿ || ೨ ||
ಗುಹ್ಯೇಶ್ವರೀ ಗುಣಾತೀತಾ ಗುಹ್ಯತತ್ತ್ವಾರ್ಥದಾಯಿನೀ |
ಗುಣತ್ರಯಾತ್ಮಿಕಾ ದೇವೀ ಮಂತ್ರಸಿದ್ಧಿಂ ದದಸ್ವ ಮಾಮ್ || ೩ ||
ನಾರಾಯಣೀ ಚ ನಾಕೇಶೀ ನೃಮುಂಡಮಾಲಿನೀ ಪರಾ |
ನಾನಾನನಾ ನಾಕುಲೇಶೀ ಮಂತ್ರಸಿದ್ಧಿಂ ಪ್ರದೇಹಿ ಮೇ || ೪ ||
ಘೃಷ್ಟಿಚಕ್ರಾ ಮಹಾರೌದ್ರೀ ಘನೋಪಮವಿವರ್ಣಕಾ |
ಘೋರಘೋರತರಾ ಘೋರಾ ಮಂತ್ರಸಿದ್ಧಿಪ್ರದಾ ಭವ || ೫ ||
ಶಕ್ರಾಣೀ ಸರ್ವದೈತ್ಯಘ್ನೀ ಸಹಸ್ರಲೋಚನೀ ಶುಭಾ |
ಸರ್ವಾರಿಷ್ಟವಿನಿರ್ಮುಕ್ತಾ ಸಾ ದೇವೀ ಮಂತ್ರಸಿದ್ಧಿದಾ || ೬ ||
ಚಾಮುಂಡಾರೂಪದೇವೇಶೀ ಚಲಜ್ಜಿಹ್ವಾ ಭಯಾನಕಾ |
ಚತುಷ್ಪೀಠೇಶ್ವರೀ ದೇಹಿ ಮಂತ್ರಸಿದ್ಧಿಂ ಸದಾ ಮಮ || ೭ ||
ಲಕ್ಷ್ಮೀಲಾವಣ್ಯವರ್ಣಾ ಚ ರಕ್ತಾ ರಕ್ತಮಹಾಪ್ರಿಯಾ |
ಲಂಬಕೇಶಾ ರತ್ನಭೂಷಾ ಮಂತ್ರಸಿದ್ಧಿಂ ಸದಾ ದದ || ೮ ||
ಬಾಲಾ ವೀರಾರ್ಚಿತಾ ವಿದ್ಯಾ ವಿಶಾಲನಯನಾನನಾ |
ವಿಭೂತಿದಾ ವಿಷ್ಣುಮಾತಾ ಮಂತ್ರಸಿದ್ಧಿಂ ಪ್ರಯಚ್ಛ ಮೇ || ೯ ||
ಮಂತ್ರಸಿದ್ಧಿಸ್ತವಂ ಪುಣ್ಯಂ ಮಹಾಮೋಕ್ಷಫಲಪ್ರದಮ್ |
ಮಹಾಮೋಹಹರಂ ಸಾಕ್ಷಾತ್ ಸತ್ಯಂ ಮಂತ್ರಸ್ಯ ಸಿದ್ಧಿದಮ್ || ೧೦ ||
ಇತಿ ಮಹಾಕಾಲಸಂಹಿತಾಯಾಂ ಶ್ರೀ ಬಾಲಾ ಮಂತ್ರಸಿದ್ಧಿ ಸ್ತವಃ |
ಇನ್ನಷ್ಟು ಶ್ರೀ ಬಾಲಾ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
