Read in తెలుగు / ಕನ್ನಡ / தமிழ் / देवनागरी / English (IAST)
[ ಸೌಭಾಗ್ಯಾಷ್ಟೋತ್ತರಶತನಾಮಾವಳಿಃ >> ]
ನಿಶಮ್ಯೈತಜ್ಜಾಮದಗ್ನ್ಯೋ ಮಾಹಾತ್ಮ್ಯಂ ಸರ್ವತೋಽಧಿಕಮ್ |
ಸ್ತೋತ್ರಸ್ಯ ಭೂಯಃ ಪಪ್ರಚ್ಛ ದತ್ತಾತ್ರೇಯಂ ಗುರೂತ್ತಮಮ್ || ೧ ||
ಭಗವನ್ ತ್ವನ್ಮುಖಾಂಭೋಜನಿರ್ಗಮದ್ವಾಕ್ಸುಧಾರಸಮ್ |
ಪಿಬತಃ ಶ್ರೋತ್ರಮುಖತೋ ವರ್ಧತೇಽನುಕ್ಷಣಂ ತೃಷಾ || ೨ ||
ಅಷ್ಟೋತ್ತರಶತಂ ನಾಮ್ನಾಂ ಶ್ರೀದೇವ್ಯಾ ಯತ್ಪ್ರಸಾದತಃ |
ಕಾಮಃ ಸಂಪ್ರಾಪ್ತವಾನ್ ಲೋಕೇ ಸೌಭಾಗ್ಯಂ ಸರ್ವಮೋಹನಮ್ || ೩ ||
ಸೌಭಾಗ್ಯವಿದ್ಯಾವರ್ಣಾನಾಮುದ್ಧಾರೋ ಯತ್ರ ಸಂಸ್ಥಿತಃ |
ತತ್ಸಮಾಚಕ್ಷ್ವ ಭಗವನ್ ಕೃಪಯಾ ಮಯಿ ಸೇವಕೇ || ೪ ||
ನಿಶಮ್ಯೈವಂ ಭಾರ್ಗವೋಕ್ತಿಂ ದತ್ತಾತ್ರೇಯೋ ದಯಾನಿಧಿಃ |
ಪ್ರೋವಾಚ ಭಾರ್ಗವಂ ರಾಮಂ ಮಧುರಾಽಕ್ಷರಪೂರ್ವಕಮ್ || ೫ ||
ಶೃಣು ಭಾರ್ಗವ ಯತ್ಪೃಷ್ಟಂ ನಾಮ್ನಾಮಷ್ಟೋತ್ತರಂ ಶತಮ್ |
ಶ್ರೀವಿದ್ಯಾವರ್ಣರತ್ನಾನಾಂ ನಿಧಾನಮಿವ ಸಂಸ್ಥಿತಮ್ || ೬ ||
ಶ್ರೀದೇವ್ಯಾ ಬಹುಧಾ ಸಂತಿ ನಾಮಾನಿ ಶೃಣು ಭಾರ್ಗವ |
ಸಹಸ್ರಶತಸಂಖ್ಯಾನಿ ಪುರಾಣೇಷ್ವಾಗಮೇಷು ಚ || ೭ ||
ತೇಷು ಸಾರತಮಂ ಹ್ಯೇತತ್ಸೌಭಾಗ್ಯಾಷ್ಟೋತ್ತರಾತ್ಮಕಮ್ |
ಯದುವಾಚ ಶಿವಃ ಪೂರ್ವಂ ಭವಾನ್ಯೈ ಬಹುಧಾರ್ಥಿತಃ || ೮ ||
ಸೌಭಾಗ್ಯಾಷ್ಟೋತ್ತರಶತನಾಮಸ್ತೋತ್ರಸ್ಯ ಭಾರ್ಗವ |
ಋಷಿರುಕ್ತಃ ಶಿವಶ್ಛಂದೋಽನುಷ್ಟುಪ್ ಶ್ರೀಲಲಿತಾಂಬಿಕಾ || ೯ ||
ದೇವತಾ ವಿನ್ಯಸೇತ್ಕೂಟತ್ರಯೇಣಾವರ್ತ್ಯ ಸರ್ವತಃ |
ಧ್ಯಾತ್ವಾ ಸಂಪೂಜ್ಯ ಮನಸಾ ಸ್ತೋತ್ರಮೇತದುದೀರಯೇತ್ || ೧೦ ||
ಅಥ ಸ್ತೋತ್ರಮ್ ||
ಕಾಮೇಶ್ವರೀ ಕಾಮಶಕ್ತಿಃ ಕಾಮಸೌಭಾಗ್ಯದಾಯಿನೀ |
ಕಾಮರೂಪಾ ಕಾಮಕಲಾ ಕಾಮಿನೀ ಕಮಲಾಸನಾ || ೧೧ ||
ಕಮಲಾ ಕಲ್ಪನಾಹೀನಾ ಕಮನೀಯಕಳಾವತೀ |
ಕಮಲಾಭಾರತೀಸೇವ್ಯಾ ಕಲ್ಪಿತಾಽಶೇಷಸಂಸೃತಿಃ || ೧೨ ||
ಅನುತ್ತರಾಽನಘಾಽನಂತಾಽದ್ಭುತರೂಪಾಽನಲೋದ್ಭವಾ |
ಅತಿಲೋಕಚರಿತ್ರಾಽತಿಸುಂದರ್ಯತಿಶುಭಪ್ರದಾ || ೧೩ ||
ಅಘಹಂತ್ರ್ಯತಿವಿಸ್ತಾರಾಽರ್ಚನತುಷ್ಟಾಽಮಿತಪ್ರಭಾ |
ಏಕರೂಪೈಕವೀರೈಕನಾಥೈಕಾಂತಾಽರ್ಚನಪ್ರಿಯಾ || ೧೪ ||
ಏಕೈಕಭಾವತುಷ್ಟೈಕರಸೈಕಾಂತಜನಪ್ರಿಯಾ |
ಏಧಮಾನಪ್ರಭಾವೈಧದ್ಭಕ್ತಪಾತಕನಾಶಿನೀ || ೧೫ ||
ಏಲಾಮೋದಮುಖೈನೋಽದ್ರಿಶಕ್ರಾಯುಧಸಮಸ್ಥಿತಿಃ |
ಈಹಾಶೂನ್ಯೇಪ್ಸಿತೇಶಾದಿಸೇವ್ಯೇಶಾನವರಾಂಗನಾ || ೧೬ ||
ಈಶ್ವರಾಽಽಜ್ಞಾಪಿಕೇಕಾರಭಾವ್ಯೇಪ್ಸಿತಫಲಪ್ರದಾ |
ಈಶಾನೇತಿಹರೇಕ್ಷೇಷದರುಣಾಕ್ಷೀಶ್ವರೇಶ್ವರೀ || ೧೭ ||
ಲಲಿತಾ ಲಲನಾರೂಪಾ ಲಯಹೀನಾ ಲಸತ್ತನುಃ |
ಲಯಸರ್ವಾ ಲಯಕ್ಷೋಣಿರ್ಲಯಕರ್ಣೀ ಲಯಾತ್ಮಿಕಾ || ೧೮ ||
ಲಘಿಮಾ ಲಘುಮಧ್ಯಾಽಽಢ್ಯಾ ಲಲಮಾನಾ ಲಘುದ್ರುತಾ |
ಹಯಾಽಽರೂಢಾ ಹತಾಽಮಿತ್ರಾ ಹರಕಾಂತಾ ಹರಿಸ್ತುತಾ || ೧೯ ||
ಹಯಗ್ರೀವೇಷ್ಟದಾ ಹಾಲಾಪ್ರಿಯಾ ಹರ್ಷಸಮುದ್ಧತಾ |
ಹರ್ಷಣಾ ಹಲ್ಲಕಾಭಾಂಗೀ ಹಸ್ತ್ಯಂತೈಶ್ವರ್ಯದಾಯಿನೀ || ೨೦ ||
ಹಲಹಸ್ತಾರ್ಚಿತಪದಾ ಹವಿರ್ದಾನಪ್ರಸಾದಿನೀ |
ರಾಮ ರಾಮಾಽರ್ಚಿತಾ ರಾಜ್ಞೀ ರಮ್ಯಾ ರವಮಯೀ ರತಿಃ || ೨೧ ||
ರಕ್ಷಿಣೀ ರಮಣೀ ರಾಕಾ ರಮಣೀಮಂಡಲಪ್ರಿಯಾ |
ರಕ್ಷಿತಾಽಖಿಲಲೋಕೇಶಾ ರಕ್ಷೋಗಣನಿಷೂದಿನೀ || ೨೨ ||
ಅಂಬಾಂತಕಾರಿಣ್ಯಂಭೋಜಪ್ರಿಯಾಽಂತಕಭಯಂಕರೀ |
ಅಂಬುರೂಪಾಂಬುಜಕರಾಂಬುಜಜಾತವರಪ್ರದಾ || ೨೩ ||
ಅಂತಃಪೂಜಾಪ್ರಿಯಾಂತಃಸ್ವರೂಪಿಣ್ಯಂತರ್ವಚೋಮಯೀ |
ಅಂತಕಾರಾತಿವಾಮಾಂಕಸ್ಥಿತಾಂತಃಸುಖರೂಪಿಣೀ || ೨೪ ||
ಸರ್ವಜ್ಞಾ ಸರ್ವಗಾ ಸಾರಾ ಸಮಾ ಸಮಸುಖಾ ಸತೀ |
ಸಂತತಿಃ ಸಂತತಾ ಸೋಮಾ ಸರ್ವಾ ಸಾಂಖ್ಯಾ ಸನಾತನೀ || ೨೫ ||
ಅಥ ಫಲಶ್ರುತಿಃ ||
ಏತತ್ತೇ ಕಥಿತಂ ರಾಮ ನಾಮ್ನಾಮಷ್ಟೋತ್ತರಂ ಶತಮ್ |
ಅತಿಗೋಪ್ಯಮಿದಂ ನಾಮ್ನಃ ಸರ್ವತಃ ಸಾರಮುದ್ಧೃತಮ್ || ೨೬ ||
ಏತಸ್ಯ ಸದೃಶಂ ಸ್ತೋತ್ರಂ ತ್ರಿಷು ಲೋಕೇಷು ದುರ್ಲಭಮ್ |
ಅಪ್ರಕಾಶ್ಯಮಭಕ್ತಾನಾಂ ಪುರತೋ ದೇವತಾದ್ವಿಷಾಮ್ || ೨೭ ||
ಏತತ್ ಸದಾಶಿವೋ ನಿತ್ಯಂ ಪಠಂತ್ಯನ್ಯೇ ಹರಾದಯಃ |
ಏತತ್ಪ್ರಭಾವಾತ್ಕಂದರ್ಪಸ್ತ್ರೈಲೋಕ್ಯಂ ಜಯತಿ ಕ್ಷಣಾತ್ || ೨೮ ||
ಸೌಭಾಗ್ಯಾಷ್ಟೋತ್ತರಶತನಾಮಸ್ತೋತ್ರಂ ಮನೋಹರಮ್ |
ಯಸ್ತ್ರಿಸಂಧ್ಯಂ ಪಠೇನ್ನಿತ್ಯಂ ನ ತಸ್ಯ ಭುವಿ ದುರ್ಲಭಮ್ || ೨೯ ||
ಶ್ರೀವಿದ್ಯೋಪಾಸನವತಾಮೇತದಾವಶ್ಯಕಂ ಮತಮ್ |
ಸಕೃದೇತತ್ಪ್ರಪಠತಾಂ ನಾನ್ಯತ್ಕರ್ಮ ವಿಲುಪ್ಯತೇ || ೩೦ ||
ಅಪಠಿತ್ವಾ ಸ್ತೋತ್ರಮಿದಂ ನಿತ್ಯಂ ನೈಮಿತ್ತಿಕಂ ಕೃತಮ್ |
ವ್ಯರ್ಥೀಭವತಿ ನಗ್ನೇನ ಕೃತಂ ಕರ್ಮ ಯಥಾ ತಥಾ || ೩೧ ||
ಸಹಸ್ರನಾಮಪಾಠಾದಾವಶಕ್ತಸ್ತ್ವೇತದೀರಯೇತ್ |
ಸಹಸ್ರನಾಮಪಾಠಸ್ಯ ಫಲಂ ಶತಗುಣಂ ಭವೇತ್ || ೩೨ ||
ಸಹಸ್ರಧಾ ಪಠಿತ್ವಾ ತು ವೀಕ್ಷಣಾನ್ನಾಶಯೇದ್ರಿಪೂನ್ |
ಕರವೀರರಕ್ತಪುಷ್ಪೈರ್ಹುತ್ವಾ ಲೋಕಾನ್ ವಶಂ ನಯೇತ್ || ೩೩ ||
ಸ್ತಂಭೇಯತ್ ಶ್ವೇತಕುಸುಮೈರ್ನೀಲೈರುಚ್ಚಾಟಯೇದ್ರಿಪೂನ್ |
ಮರಿಚೈರ್ವಿದ್ವೇಷಣಾಯ ಲವಂಗೈರ್ವ್ಯಾಧಿನಾಶನೇ || ೩೪ ||
ಸುವಾಸಿನೀರ್ಬ್ರಾಹ್ಮಣಾನ್ ವಾ ಭೋಜಯೇದ್ಯಸ್ತು ನಾಮಭಿಃ |
ಯಶ್ಚ ಪುಷ್ಪೈಃ ಫಲೈರ್ವಾಪಿ ಪೂಜಯೇತ್ ಪ್ರತಿನಾಮಭಿಃ || ೩೫ ||
ಚಕ್ರರಾಜೇಽಥವಾನ್ಯತ್ರ ಸ ವಸೇಚ್ಛ್ರೀಪುರೇ ಚಿರಮ್ |
ಯಃ ಸದಾ ವರ್ತಯನ್ನಾಸ್ತೇ ನಾಮಾಷ್ಟಶತಮುತ್ತಮಮ್ |
ತಸ್ಯ ಶ್ರೀಲಲಿತಾ ರಾಜ್ಞೀ ಪ್ರಸನ್ನಾ ವಾಂಛಿತಪ್ರದಾ || ೩೬ ||
ಇತಿ ಶ್ರೀತ್ರಿಪುರಾರಹಸ್ಯೇ ಮಾಹಾತ್ಮ್ಯಖಂಡೇ ಷಡ್ವಿಂಶೋಽಧ್ಯಾಯೇ ದತ್ತಾತ್ರೇಯ ಪ್ರೋಕ್ತ ಸೌಭಾಗ್ಯಾಷ್ಟೋತ್ತರಶತನಾಮ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಲಲಿತಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
