Read in తెలుగు / ಕನ್ನಡ / தமிழ் / देवनागरी / English (IAST)
ನೌಮಿ ಹ್ರೀಂಜಪಮಾತ್ರತುಷ್ಟಹೃದಯಾಂ ಶ್ರೀಚಕ್ರರಾಜಾಲಯಾಂ
ಭಾಗ್ಯಾಯತ್ತನಿಜಾಂಘ್ರಿಪಂಕಜನತಿಸ್ತೋತ್ರಾದಿಸಂಸೇವನಾಮ್ |
ಸ್ಕಂದೇಭಾಸ್ಯವಿಭಾಸಿಪಾರ್ಶ್ವಯುಗಲಾಂ ಲಾವಣ್ಯಪಾಥೋನಿಧಿಂ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೧ ||
ನೌಮಿ ಹ್ರೀಮತ ಆದಧಾತಿ ಸುಗಿರಾ ವಾಗೀಶ್ವರಾದೀನ್ಸುರಾಂ-
-ಲ್ಲಕ್ಷ್ಮೀಂದ್ರಪ್ರಮುಖಾಂಶ್ಚ ಸತ್ವರಮಹೋ ಯತ್ಪಾದನಮ್ರೋ ಜನಃ |
ಕಾಮಾದೀಂಶ್ಚ ವಶೀಕರೋತಿ ತರಸಾಯಾಸಂ ವಿನಾ ತಾಂ ಮುದಾ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೨ ||
ನೌಮಿ ಶ್ರೀಸುತಜೀವನಪ್ರದಕಟಾಕ್ಷಾಂಶಾಂ ಶಶಾಂಕಂ ರವಿಂ
ಕುರ್ವಾಣಾಂ ನಿಜಕರ್ಣಭೂಷಣಪದಾದಾನೇನ ತೇಜಸ್ವಿನೌ |
ಚಾಂಪೇಯಂ ನಿಜನಾಸಿಕಾಸದೃಶತಾದಾನಾತ್ಕೃತಾರ್ಥಂ ತಥಾ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೩ ||
ನೌಮಿ ಶ್ರೀವಿಧಿಭಾಮಿನೀಕರಲಸತ್ಸಚ್ಚಾಮರಾಭ್ಯಾಂ ಮುದಾ
ಸವ್ಯೇ ದಕ್ಷಿಣಕೇ ಚ ವೀಜನವತೀಮೈಂದ್ರ್ಯಾತ್ತಸತ್ಪಾದುಕಾಮ್ |
ವೇದೈರಾತ್ತವಪುರ್ಭಿರಾದರಭರಾತ್ಸಂಸ್ತೂಯಮಾನಾಂ ಸದಾ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೪ ||
ನೌಮಿ ಶ್ರೀಮತಿಧೈರ್ಯವೀರ್ಯಜನನೀಂ ಪಾದಾಂಬುಜೇ ಜಾತುಚಿ-
-ನ್ನಮ್ರಾಣಾಮಪಿ ಶಾಂತಿದಾಂತಿಸುಗುಣಾನ್ವಿಶ್ರಾಣಯಂತೀಂ ಜವಾತ್ |
ಶ್ರೀಕಾಮೇಶಮನೋಂಬುಜಸ್ಯ ದಿವಸೇಶಾನಾರ್ಭಕಾಣಾಂ ತತಿಂ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೫ ||
ನೌಮಿ ಶ್ರೀಪತಿಪದ್ಮಯೋನಿಗಿರಿಜಾನಾಥೈಃ ಸಮಾರಾಧಿತಾಂ
ರಂಭಾಸ್ತಂಭಸಮಾನಸಕ್ಥಿಯುಗಲಾಂ ಕುಂಭಾಭಿರಾಮಸ್ತನೀಮ್ |
ಭಾಮಿನ್ಯಾದಿವಿಷೋಪಮೇಯವಿಷಯೇಷ್ವತ್ಯಂತವೈರಾಗ್ಯದಾಂ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೬ ||
ನೌಮಿ ವ್ಯಾಹೃತಿನಿರ್ಜಿತಾಮರಧುನೀಗರ್ವಾ ಭವಂತ್ಯಂಜಸಾ
ಮೂಕಾ ಅಪ್ಯವಶಾದ್ಯದಂಘ್ರಿಯುಗಲೀಸಂದರ್ಶನಾಜ್ಜಾತುಚಿತ್ |
ಹಾರ್ದಧ್ವಾಂತನಿವಾರಣಂ ವಿದಧತೀಂ ಕಾಂತ್ಯಾ ನಖಾನಾಂ ಹಿ ತಾಂ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೭ ||
ನೌಮಿ ಬ್ರಹ್ಮವಿಬೋಧಿನೀಂ ನಮುಚಿಜಿನ್ಮುಖ್ಯಾಮರಾಣಾಂ ತತೇ-
-ರ್ಭಂಡಾದ್ಯಾಶರಖಂಡನೈಕನಿಪುಣಾಂ ಕಲ್ಯಾಣಶೈಲಾಲಯಾಮ್ |
ಫುಲ್ಲೇಂದೀವರಗರ್ವಹಾರಿನಯನಾಂ ಮಲ್ಲೀಸುಮಾಲಂಕೃತಾಂ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೮ ||
ನೌಮಿ ಪ್ರೀತಿಮತಾಂ ಯದಂಘ್ರಿಯುಗಲಾರ್ಚಾಯಾಂ ನ ಬಂಧೋ ಭವೇ-
-ತ್ಸ್ಯಾಚ್ಚೇದ್ವಿಂಧ್ಯನಗಃ ಪ್ಲವೇಚ್ಚಿರಮಹೋ ನಾಥೇ ನದೀನಾಮಿತಿ |
ಮೂಕಃ ಪ್ರಾಹ ಮಹಾಕವಿರ್ಹಿ ಕರುಣಾಪಾತ್ರಂ ಭವಾನ್ಯಾಃ ಸ್ತುತಿಂ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೯ ||
ನೌಮಿ ಪ್ರಾಪ್ತಿಕೃತೇ ಯದೀಯಪದಯೋರ್ವಿಪ್ರಾಃ ಸಮಸ್ತೇಷಣಾ-
-ಸ್ತ್ಯಕ್ತ್ವಾ ಸದ್ಗುರುಮಭ್ಯುಪೇತ್ಯ ನಿಗಮಾಂತಾರ್ಥಂ ತದಾಸ್ಯಾಂಬುಜಾತ್ |
ಶ್ರುತ್ವಾ ತಂ ಪ್ರವಿಚಿಂತ್ಯ ಯುಕ್ತಿಭಿರತೋ ಧ್ಯಾಯಂತಿ ತಾಂ ಸಾದರಂ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೧೦ ||
ನೌಮಿ ಪ್ರಾಣನಿರೋಧಸಜ್ಜನಸಮಾಸಂಗಾತ್ಮವಿದ್ಯಾಮುಖೈ-
-ರಾಚಾರ್ಯಾನನಪಂಕಜಪ್ರಗಲಿತೈಶ್ಚೇತೋ ವಿಜಿತ್ಯಾಶು ಯಾಮ್ |
ಆಧಾರಾದಿಸರೋರುಹೇಷು ಸುಖತೋ ಧ್ಯಾಯಂತಿ ತಾಂ ಸರ್ವದಾ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೧೧ ||
ನೌಮಿ ನ್ಯಾಯಮುಖೇಷು ಶಾಸ್ತ್ರನಿವಹೇಷ್ವತ್ಯಂತಪಾಂಡಿತ್ಯದಾಂ
ವೇದಾಂತೇಷ್ವಪಿ ನಿಶ್ಚಲಾಮಲಧಿಯಂ ಸಂಸಾರಬಂಧಾಪಹಾಮ್ |
ದಾಸ್ಯಂತೀಂ ದಯಯಾ ಪ್ರಣಮ್ರವಿತತೇಃ ಕಾಮಾರಿವಾಮಾಂಕಗಾಂ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೧೨ ||
ನೌಮಿ ತ್ವಾಂ ಶುಚಿಸೂರ್ಯಚಂದ್ರನಯನಾಂ ಬ್ರಹ್ಮಾಂಬುಜಾಕ್ಷಾಗಜೇ-
-ಡ್ರೂಪಾಣಿ ಪ್ರತಿಗೃಹ್ಯ ಸರ್ವಜಗತಾಂ ರಕ್ಷಾಂ ಮುದಾ ಸರ್ವದಾ |
ಕುರ್ವಂತೀಂ ಗಿರಿಸಾರ್ವಭೌಮತನಯಾಂ ಕ್ಷಿಪ್ರಂ ಪ್ರಣಮ್ರೇಷ್ಟದಾಂ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೧೩ ||
ನೌಮಿ ತ್ವಾಂ ಶರದಿಂದುಸೋದರಮುಖೀಂ ದೇಹಪ್ರಭಾನಿರ್ಜಿತ-
-ಪ್ರೋದ್ಯದ್ವಾಸರನಾಥಸಂತತಿಮಘಾಂಭೋರಾಶಿಕುಂಭೋದ್ಭವಮ್ |
ಪಂಚಪ್ರೇತಮಯೇ ಸದಾ ಸ್ಥಿತಿಮತೀಂ ದಿವ್ಯೇ ಮೃಗೇಂದ್ರಾಸನೇ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೧೪ ||
ನೌಮಿ ತ್ವಾಮನಪೇಕ್ಷಕಾರಣಕೃಪಾರೂಪೇತಿ ಕೀರ್ತಿಂ ಗತಾಂ
ನೌಕಾಂ ಸಂಸೃತಿನೀರಧೇಸ್ತು ಸುದೃಢಾಂ ಪ್ರಜ್ಞಾನಮಾತ್ರಾತ್ಮಿಕಾಮ್ |
ಕಾಲಾಂಭೋದಸಮಾನಕೇಶನಿಚಯಾಂ ಕಾಲಾಹಿತಪ್ರೇಯಸೀಂ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೧೫ ||
ನೌಮಿ ತ್ವಾಂ ಗಣಪಃ ಶಿವೋ ಹರಿರುಮೇತ್ಯಾದ್ಯೈರ್ವಚೋಭಿರ್ಜನಾ-
-ಸ್ತತ್ತನ್ಮೂರ್ತಿರತಾ ವದಂತಿ ಪರಮಪ್ರೇಮ್ಣಾ ಜಗತ್ಯಾಂ ತು ಯಾಮ್ |
ತಾಂ ಸರ್ವಾಶಯಸಂಸ್ಥಿತಾಂ ಸಕಲದಾಂ ಕಾರುಣ್ಯವಾರಾನ್ನಿಧಿಂ
ಭಕ್ತತ್ರಾಣಪರಾಯಣಾಂ ಭಗವತೀಂ ಶ್ರೀರಾಜರಾಜೇಶ್ವರೀಮ್ || ೧೬ ||
ಇತಿ ಶೃಂಗೇರಿ ಶ್ರೀಜಗದ್ಗುರು ಶ್ರೀಸಚ್ಚಿದಾನಂದಶಿವಾಭಿನವನೃಸಿಂಹ-
ಭಾರತೀಸ್ವಾಮಿಭಿಃ ವಿರಚಿತಾ ಶ್ರೀ ರಾಜರಾಜೇಶ್ವರೀ ಷೋಡಶೀ |
ಇನ್ನಷ್ಟು ಶ್ರೀ ಲಲಿತಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
