Read in తెలుగు / ಕನ್ನಡ / தமிழ் / देवनागरी / English (IAST)
naumi hrīñjapamātratuṣṭahr̥dayāṁ śrīcakrarājālayāṁ
bhāgyāyattanijāṅghripaṅkajanatistōtrādisaṁsēvanām |
skandēbhāsyavibhāsipārśvayugalāṁ lāvaṇyapāthōnidhiṁ
bhaktatrāṇaparāyaṇāṁ bhagavatīṁ śrīrājarājēśvarīm || 1 ||
naumi hrīmata ādadhāti sugirā vāgīśvarādīnsurām̐-
-llakṣmīndrapramukhāṁśca satvaramahō yatpādanamrō janaḥ |
kāmādīṁśca vaśīkarōti tarasāyāsaṁ vinā tāṁ mudā
bhaktatrāṇaparāyaṇāṁ bhagavatīṁ śrīrājarājēśvarīm || 2 ||
naumi śrīsutajīvanapradakaṭākṣāṁśāṁ śaśāṅkaṁ raviṁ
kurvāṇāṁ nijakarṇabhūṣaṇapadādānēna tējasvinau |
cāmpēyaṁ nijanāsikāsadr̥śatādānātkr̥tārthaṁ tathā
bhaktatrāṇaparāyaṇāṁ bhagavatīṁ śrīrājarājēśvarīm || 3 ||
naumi śrīvidhibhāminīkaralasatsaccāmarābhyāṁ mudā
savyē dakṣiṇakē ca vījanavatīmaindryāttasatpādukām |
vēdairāttavapurbhirādarabharātsaṁstūyamānāṁ sadā
bhaktatrāṇaparāyaṇāṁ bhagavatīṁ śrīrājarājēśvarīm || 4 ||
naumi śrīmatidhairyavīryajananīṁ pādāmbujē jātuci-
-nnamrāṇāmapi śāntidāntisuguṇānviśrāṇayantīṁ javāt |
śrīkāmēśamanōmbujasya divasēśānārbhakāṇāṁ tatiṁ
bhaktatrāṇaparāyaṇāṁ bhagavatīṁ śrīrājarājēśvarīm || 5 ||
naumi śrīpatipadmayōnigirijānāthaiḥ samārādhitāṁ
rambhāstambhasamānasakthiyugalāṁ kumbhābhirāmastanīm |
bhāminyādiviṣōpamēyaviṣayēṣvatyantavairāgyadāṁ
bhaktatrāṇaparāyaṇāṁ bhagavatīṁ śrīrājarājēśvarīm || 6 ||
naumi vyāhr̥tinirjitāmaradhunīgarvā bhavantyañjasā
mūkā apyavaśādyadaṅghriyugalīsandarśanājjātucit |
hārdadhvāntanivāraṇaṁ vidadhatīṁ kāntyā nakhānāṁ hi tāṁ
bhaktatrāṇaparāyaṇāṁ bhagavatīṁ śrīrājarājēśvarīm || 7 ||
naumi brahmavibōdhinīṁ namucijinmukhyāmarāṇāṁ tatē-
-rbhaṇḍādyāśarakhaṇḍanaikanipuṇāṁ kalyāṇaśailālayām |
phullēndīvaragarvahārinayanāṁ mallīsumālaṅkr̥tāṁ
bhaktatrāṇaparāyaṇāṁ bhagavatīṁ śrīrājarājēśvarīm || 8 ||
naumi prītimatāṁ yadaṅghriyugalārcāyāṁ na bandhō bhavē-
-tsyāccēdvindhyanagaḥ plavēcciramahō nāthē nadīnāmiti |
mūkaḥ prāha mahākavirhi karuṇāpātraṁ bhavānyāḥ stutiṁ
bhaktatrāṇaparāyaṇāṁ bhagavatīṁ śrīrājarājēśvarīm || 9 ||
naumi prāptikr̥tē yadīyapadayōrviprāḥ samastēṣaṇā-
-styaktvā sadgurumabhyupētya nigamāntārthaṁ tadāsyāmbujāt |
śrutvā taṁ pravicintya yuktibhiratō dhyāyanti tāṁ sādaraṁ
bhaktatrāṇaparāyaṇāṁ bhagavatīṁ śrīrājarājēśvarīm || 10 ||
naumi prāṇanirōdhasajjanasamāsaṅgātmavidyāmukhai-
-rācāryānanapaṅkajapragalitaiścētō vijityāśu yām |
ādhārādisarōruhēṣu sukhatō dhyāyanti tāṁ sarvadā
bhaktatrāṇaparāyaṇāṁ bhagavatīṁ śrīrājarājēśvarīm || 11 ||
naumi nyāyamukhēṣu śāstranivahēṣvatyantapāṇḍityadāṁ
vēdāntēṣvapi niścalāmaladhiyaṁ saṁsārabandhāpahām |
dāsyantīṁ dayayā praṇamravitatēḥ kāmārivāmāṅkagāṁ
bhaktatrāṇaparāyaṇāṁ bhagavatīṁ śrīrājarājēśvarīm || 12 ||
naumi tvāṁ śucisūryacandranayanāṁ brahmāmbujākṣāgajē-
-ḍrūpāṇi pratigr̥hya sarvajagatāṁ rakṣāṁ mudā sarvadā |
kurvantīṁ girisārvabhaumatanayāṁ kṣipraṁ praṇamrēṣṭadāṁ
bhaktatrāṇaparāyaṇāṁ bhagavatīṁ śrīrājarājēśvarīm || 13 ||
naumi tvāṁ śaradindusōdaramukhīṁ dēhaprabhānirjita-
-prōdyadvāsaranāthasantatimaghāmbhōrāśikumbhōdbhavam |
pañcaprētamayē sadā sthitimatīṁ divyē mr̥gēndrāsanē
bhaktatrāṇaparāyaṇāṁ bhagavatīṁ śrīrājarājēśvarīm || 14 ||
naumi tvāmanapēkṣakāraṇakr̥pārūpēti kīrtiṁ gatāṁ
naukāṁ saṁsr̥tinīradhēstu sudr̥ḍhāṁ prajñānamātrātmikām |
kālāmbhōdasamānakēśanicayāṁ kālāhitaprēyasīṁ
bhaktatrāṇaparāyaṇāṁ bhagavatīṁ śrīrājarājēśvarīm || 15 ||
naumi tvāṁ gaṇapaḥ śivō harirumētyādyairvacōbhirjanā-
-stattanmūrtiratā vadanti paramaprēmṇā jagatyāṁ tu yām |
tāṁ sarvāśayasaṁsthitāṁ sakaladāṁ kāruṇyavārānnidhiṁ
bhaktatrāṇaparāyaṇāṁ bhagavatīṁ śrīrājarājēśvarīm || 16 ||
iti śr̥ṅgēri śrījagadguru śrīsaccidānandaśivābhinavanr̥siṁha-
bhāratīsvāmibhiḥ viracitā śrī rājarājēśvarī ṣōḍaśī |
See more śrī lalitā stotras for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
