Read in తెలుగు / ಕನ್ನಡ / தமிழ் / देवनागरी / English (IAST)
நிஶம்யைதஜ்ஜாமத³க்³ந்யோ மாஹாத்ம்யம் ஸர்வதோ(அ)தி⁴கம் ।
ஸ்தோத்ரஸ்ய பூ⁴ய꞉ பப்ரச்ச² த³த்தாத்ரேயம் கு³ரூத்தமம் ॥ 1 ॥
ப⁴க³வன் த்வந்முகா²ம்போ⁴ஜநிர்க³மத்³வாக்ஸுதா⁴ரஸம் ।
பிப³த꞉ ஶ்ரோத்ரமுக²தோ வர்த⁴தே(அ)நுக்ஷணம் த்ருஷா ॥ 2 ॥
அஷ்டோத்தரஶதம் நாம்நாம் ஶ்ரீதே³வ்யா யத்ப்ரஸாத³த꞉ ।
காம꞉ ஸம்ப்ராப்தவான் லோகே ஸௌபா⁴க்³யம் ஸர்வமோஹநம் ॥ 3 ॥
ஸௌபா⁴க்³யவித்³யாவர்ணாநாமுத்³தா⁴ரோ யத்ர ஸம்ஸ்தி²த꞉ ।
தத்ஸமாசக்ஷ்வ ப⁴க³வன் க்ருபயா மயி ஸேவகே ॥ 4 ॥
நிஶம்யைவம் பா⁴ர்க³வோக்திம் த³த்தாத்ரேயோ த³யாநிதி⁴꞉ ।
ப்ரோவாச பா⁴ர்க³வம் ராமம் மது⁴ரா(அ)க்ஷரபூர்வகம் ॥ 5 ॥
ஶ்ருணு பா⁴ர்க³வ யத்ப்ருஷ்டம் நாம்நாமஷ்டோத்தரம் ஶதம் ।
ஶ்ரீவித்³யாவர்ணரத்நாநாம் நிதா⁴நமிவ ஸம்ஸ்தி²தம் ॥ 6 ॥
ஶ்ரீதே³வ்யா ப³ஹுதா⁴ ஸந்தி நாமாநி ஶ்ருணு பா⁴ர்க³வ ।
ஸஹஸ்ரஶதஸங்க்²யாநி புராணேஷ்வாக³மேஷு ச ॥ 7 ॥
தேஷு ஸாரதமம் ஹ்யேதத்ஸௌபா⁴க்³யாஷ்டோத்தராத்மகம் ।
யது³வாச ஶிவ꞉ பூர்வம் ப⁴வாந்யை ப³ஹுதா⁴ர்தி²த꞉ ॥ 8 ॥
ஸௌபா⁴க்³யாஷ்டோத்தரஶதநாமஸ்தோத்ரஸ்ய பா⁴ர்க³வ ।
ருஷிருக்த꞉ ஶிவஶ்ச²ந்தோ³(அ)நுஷ்டுப் ஶ்ரீலலிதாம்பி³கா ॥ 9 ॥
தே³வதா விந்யஸேத்கூடத்ரயேணாவர்த்ய ஸர்வத꞉ ।
த்⁴யாத்வா ஸம்பூஜ்ய மநஸா ஸ்தோத்ரமேதது³தீ³ரயேத் ॥ 10 ॥
அத² ஸ்தோத்ரம் ॥
காமேஶ்வரீ காமஶக்தி꞉ காமஸௌபா⁴க்³யதா³யிநீ ।
காமரூபா காமகலா காமிநீ கமலாஸநா ॥ 11 ॥
கமலா கல்பநாஹீநா கமநீயகலாவதீ ।
கமலாபா⁴ரதீஸேவ்யா கல்பிதா(அ)ஶேஷஸம்ஸ்ருதி꞉ ॥ 12 ॥
அநுத்தரா(அ)நகா⁴(அ)நந்தா(அ)த்³பு⁴தரூபா(அ)நலோத்³ப⁴வா ।
அதிலோகசரித்ரா(அ)திஸுந்த³ர்யதிஶுப⁴ப்ரதா³ ॥ 13 ॥
அக⁴ஹந்த்ர்யதிவிஸ்தாரா(அ)ர்சநதுஷ்டா(அ)மிதப்ரபா⁴ ।
ஏகரூபைகவீரைகநாதை²காந்தா(அ)ர்சநப்ரியா ॥ 14 ॥
ஏகைகபா⁴வதுஷ்டைகரஸைகாந்தஜநப்ரியா ।
ஏத⁴மாநப்ரபா⁴வைத⁴த்³ப⁴க்தபாதகநாஶிநீ ॥ 15 ॥
ஏலாமோத³முகை²நோ(அ)த்³ரிஶக்ராயுத⁴ஸமஸ்தி²தி꞉ ।
ஈஹாஶூந்யேப்ஸிதேஶாதி³ஸேவ்யேஶாநவராங்க³நா ॥ 16 ॥
ஈஶ்வரா(ஆ)ஜ்ஞாபிகேகாரபா⁴வ்யேப்ஸிதப²லப்ரதா³ ।
ஈஶாநேதிஹரேக்ஷேஷத³ருணாக்ஷீஶ்வரேஶ்வரீ ॥ 17 ॥
லலிதா லலநாரூபா லயஹீநா லஸத்தநு꞉ ।
லயஸர்வா லயக்ஷோணிர்லயகர்ணீ லயாத்மிகா ॥ 18 ॥
லகி⁴மா லகு⁴மத்⁴யா(ஆ)ட்⁴யா லலமாநா லகு⁴த்³ருதா ।
ஹயா(ஆ)ரூடா⁴ ஹதா(அ)மித்ரா ஹரகாந்தா ஹரிஸ்துதா ॥ 19 ॥
ஹயக்³ரீவேஷ்டதா³ ஹாலாப்ரியா ஹர்ஷஸமுத்³த⁴தா ।
ஹர்ஷணா ஹல்லகாபா⁴ங்கீ³ ஹஸ்த்யந்தைஶ்வர்யதா³யிநீ ॥ 20 ॥
ஹலஹஸ்தார்சிதபதா³ ஹவிர்தா³நப்ரஸாதி³நீ ।
ராம ராமா(அ)ர்சிதா ராஜ்ஞீ ரம்யா ரவமயீ ரதி꞉ ॥ 21 ॥
ரக்ஷிணீ ரமணீ ராகா ரமணீமண்ட³லப்ரியா ।
ரக்ஷிதா(அ)கி²லலோகேஶா ரக்ஷோக³ணநிஷூதி³நீ ॥ 22 ॥
அம்பா³ந்தகாரிண்யம்போ⁴ஜப்ரியா(அ)ந்தகப⁴யங்கரீ ।
அம்பு³ரூபாம்பு³ஜகராம்பு³ஜஜாதவரப்ரதா³ ॥ 23 ॥
அந்த꞉பூஜாப்ரியாந்த꞉ஸ்வரூபிண்யந்தர்வசோமயீ ।
அந்தகாராதிவாமாங்கஸ்தி²தாந்த꞉ஸுக²ரூபிணீ ॥ 24 ॥
ஸர்வஜ்ஞா ஸர்வகா³ ஸாரா ஸமா ஸமஸுகா² ஸதீ ।
ஸந்ததி꞉ ஸந்ததா ஸோமா ஸர்வா ஸாங்க்²யா ஸநாதநீ ॥ 25 ॥
அத² ப²லஶ்ருதி꞉ ॥
ஏதத்தே கதி²தம் ராம நாம்நாமஷ்டோத்தரம் ஶதம் ।
அதிகோ³ப்யமித³ம் நாம்ந꞉ ஸர்வத꞉ ஸாரமுத்³த்⁴ருதம் ॥ 26 ॥
ஏதஸ்ய ஸத்³ருஶம் ஸ்தோத்ரம் த்ரிஷு லோகேஷு து³ர்லப⁴ம் ।
அப்ரகாஶ்யமப⁴க்தாநாம் புரதோ தே³வதாத்³விஷாம் ॥ 27 ॥
ஏதத் ஸதா³ஶிவோ நித்யம் பட²ந்த்யந்யே ஹராத³ய꞉ ।
ஏதத்ப்ரபா⁴வாத்கந்த³ர்பஸ்த்ரைலோக்யம் ஜயதி க்ஷணாத் ॥ 28 ॥
ஸௌபா⁴க்³யாஷ்டோத்தரஶதநாமஸ்தோத்ரம் மநோஹரம் ।
யஸ்த்ரிஸந்த்⁴யம் படே²ந்நித்யம் ந தஸ்ய பு⁴வி து³ர்லப⁴ம் ॥ 29 ॥
ஶ்ரீவித்³யோபாஸநவதாமேததா³வஶ்யகம் மதம் ।
ஸக்ருதே³தத்ப்ரபட²தாம் நாந்யத்கர்ம விளுப்யதே ॥ 30 ॥
அபடி²த்வா ஸ்தோத்ரமித³ம் நித்யம் நைமித்திகம் க்ருதம் ।
வ்யர்தீ²ப⁴வதி நக்³நேந க்ருதம் கர்ம யதா² ததா² ॥ 31 ॥
ஸஹஸ்ரநாமபாடா²தா³வஶக்தஸ்த்வேததீ³ரயேத் ।
ஸஹஸ்ரநாமபாட²ஸ்ய ப²லம் ஶதகு³ணம் ப⁴வேத் ॥ 32 ॥
ஸஹஸ்ரதா⁴ படி²த்வா து வீக்ஷணாந்நாஶயேத்³ரிபூன் ।
கரவீரரக்தபுஷ்பைர்ஹுத்வா லோகான் வஶம் நயேத் ॥ 33 ॥
ஸ்தம்பே⁴யத் ஶ்வேதகுஸுமைர்நீலைருச்சாடயேத்³ரிபூன் ।
மரிசைர்வித்³வேஷணாய லவங்கை³ர்வ்யாதி⁴நாஶநே ॥ 34 ॥
ஸுவாஸிநீர்ப்³ராஹ்மணான் வா போ⁴ஜயேத்³யஸ்து நாமபி⁴꞉ ।
யஶ்ச புஷ்பை꞉ ப²லைர்வாபி பூஜயேத் ப்ரதிநாமபி⁴꞉ ॥ 35 ॥
சக்ரராஜே(அ)த²வாந்யத்ர ஸ வஸேச்ச்²ரீபுரே சிரம் ।
ய꞉ ஸதா³ வர்தயந்நாஸ்தே நாமாஷ்டஶதமுத்தமம் ।
தஸ்ய ஶ்ரீலலிதா ராஜ்ஞீ ப்ரஸந்நா வாஞ்சி²தப்ரதா³ ॥ 36 ॥
இதி ஶ்ரீத்ரிபுராரஹஸ்யே மாஹாத்ம்யக²ண்டே³ ஷட்³விம்ஶோ(அ)த்⁴யாயே த³த்தாத்ரேய ப்ரோக்த ஸௌபா⁴க்³யாஷ்டோத்தரஶதநாம ஸ்தோத்ரம் ।
மேலும் ஶ்ரீ லலிதா ஸ்தோத்திரங்கள் பார்க்க.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
