Read in తెలుగు / ಕನ್ನಡ / தமிழ் / देवनागरी / English (IAST)
[ సౌభాగ్యాష్టోత్తరశతనామావళిః >> ]
నిశమ్యైతజ్జామదగ్న్యో మాహాత్మ్యం సర్వతోఽధికమ్ |
స్తోత్రస్య భూయః పప్రచ్ఛ దత్తాత్రేయం గురూత్తమమ్ || ౧ ||
భగవన్ త్వన్ముఖాంభోజనిర్గమద్వాక్సుధారసమ్ |
పిబతః శ్రోత్రముఖతో వర్ధతేఽనుక్షణం తృషా || ౨ ||
అష్టోత్తరశతం నామ్నాం శ్రీదేవ్యా యత్ప్రసాదతః |
కామః సంప్రాప్తవాన్ లోకే సౌభాగ్యం సర్వమోహనమ్ || ౩ ||
సౌభాగ్యవిద్యావర్ణానాముద్ధారో యత్ర సంస్థితః |
తత్సమాచక్ష్వ భగవన్ కృపయా మయి సేవకే || ౪ ||
నిశమ్యైవం భార్గవోక్తిం దత్తాత్రేయో దయానిధిః |
ప్రోవాచ భార్గవం రామం మధురాఽక్షరపూర్వకమ్ || ౫ ||
శృణు భార్గవ యత్పృష్టం నామ్నామష్టోత్తరం శతమ్ |
శ్రీవిద్యావర్ణరత్నానాం నిధానమివ సంస్థితమ్ || ౬ ||
శ్రీదేవ్యా బహుధా సంతి నామాని శృణు భార్గవ |
సహస్రశతసంఖ్యాని పురాణేష్వాగమేషు చ || ౭ ||
తేషు సారతమం హ్యేతత్సౌభాగ్యాష్టోత్తరాత్మకమ్ |
యదువాచ శివః పూర్వం భవాన్యై బహుధార్థితః || ౮ ||
సౌభాగ్యాష్టోత్తరశతనామస్తోత్రస్య భార్గవ |
ఋషిరుక్తః శివశ్ఛందోఽనుష్టుప్ శ్రీలలితాంబికా || ౯ ||
దేవతా విన్యసేత్కూటత్రయేణావర్త్య సర్వతః |
ధ్యాత్వా సంపూజ్య మనసా స్తోత్రమేతదుదీరయేత్ || ౧౦ ||
అథ స్తోత్రమ్ ||
కామేశ్వరీ కామశక్తిః కామసౌభాగ్యదాయినీ |
కామరూపా కామకలా కామినీ కమలాసనా || ౧౧ ||
కమలా కల్పనాహీనా కమనీయకళావతీ |
కమలాభారతీసేవ్యా కల్పితాఽశేషసంసృతిః || ౧౨ ||
అనుత్తరాఽనఘాఽనంతాఽద్భుతరూపాఽనలోద్భవా |
అతిలోకచరిత్రాఽతిసుందర్యతిశుభప్రదా || ౧౩ ||
అఘహంత్ర్యతివిస్తారాఽర్చనతుష్టాఽమితప్రభా |
ఏకరూపైకవీరైకనాథైకాంతాఽర్చనప్రియా || ౧౪ ||
ఏకైకభావతుష్టైకరసైకాంతజనప్రియా |
ఏధమానప్రభావైధద్భక్తపాతకనాశినీ || ౧౫ ||
ఏలామోదముఖైనోఽద్రిశక్రాయుధసమస్థితిః |
ఈహాశూన్యేప్సితేశాదిసేవ్యేశానవరాంగనా || ౧౬ ||
ఈశ్వరాఽఽజ్ఞాపికేకారభావ్యేప్సితఫలప్రదా |
ఈశానేతిహరేక్షేషదరుణాక్షీశ్వరేశ్వరీ || ౧౭ ||
లలితా లలనారూపా లయహీనా లసత్తనుః |
లయసర్వా లయక్షోణిర్లయకర్ణీ లయాత్మికా || ౧౮ ||
లఘిమా లఘుమధ్యాఽఽఢ్యా లలమానా లఘుద్రుతా |
హయాఽఽరూఢా హతాఽమిత్రా హరకాంతా హరిస్తుతా || ౧౯ ||
హయగ్రీవేష్టదా హాలాప్రియా హర్షసముద్ధతా |
హర్షణా హల్లకాభాంగీ హస్త్యంతైశ్వర్యదాయినీ || ౨౦ ||
హలహస్తార్చితపదా హవిర్దానప్రసాదినీ |
రామ రామాఽర్చితా రాజ్ఞీ రమ్యా రవమయీ రతిః || ౨౧ ||
రక్షిణీ రమణీ రాకా రమణీమండలప్రియా |
రక్షితాఽఖిలలోకేశా రక్షోగణనిషూదినీ || ౨౨ ||
అంబాంతకారిణ్యంభోజప్రియాఽంతకభయంకరీ |
అంబురూపాంబుజకరాంబుజజాతవరప్రదా || ౨౩ ||
అంతఃపూజాప్రియాంతఃస్వరూపిణ్యంతర్వచోమయీ |
అంతకారాతివామాంకస్థితాంతఃసుఖరూపిణీ || ౨౪ ||
సర్వజ్ఞా సర్వగా సారా సమా సమసుఖా సతీ |
సంతతిః సంతతా సోమా సర్వా సాంఖ్యా సనాతనీ || ౨౫ ||
అథ ఫలశ్రుతిః ||
ఏతత్తే కథితం రామ నామ్నామష్టోత్తరం శతమ్ |
అతిగోప్యమిదం నామ్నః సర్వతః సారముద్ధృతమ్ || ౨౬ ||
ఏతస్య సదృశం స్తోత్రం త్రిషు లోకేషు దుర్లభమ్ |
అప్రకాశ్యమభక్తానాం పురతో దేవతాద్విషామ్ || ౨౭ ||
ఏతత్ సదాశివో నిత్యం పఠంత్యన్యే హరాదయః |
ఏతత్ప్రభావాత్కందర్పస్త్రైలోక్యం జయతి క్షణాత్ || ౨౮ ||
సౌభాగ్యాష్టోత్తరశతనామస్తోత్రం మనోహరమ్ |
యస్త్రిసంధ్యం పఠేన్నిత్యం న తస్య భువి దుర్లభమ్ || ౨౯ ||
శ్రీవిద్యోపాసనవతామేతదావశ్యకం మతమ్ |
సకృదేతత్ప్రపఠతాం నాన్యత్కర్మ విలుప్యతే || ౩౦ ||
అపఠిత్వా స్తోత్రమిదం నిత్యం నైమిత్తికం కృతమ్ |
వ్యర్థీభవతి నగ్నేన కృతం కర్మ యథా తథా || ౩౧ ||
సహస్రనామపాఠాదావశక్తస్త్వేతదీరయేత్ |
సహస్రనామపాఠస్య ఫలం శతగుణం భవేత్ || ౩౨ ||
సహస్రధా పఠిత్వా తు వీక్షణాన్నాశయేద్రిపూన్ |
కరవీరరక్తపుష్పైర్హుత్వా లోకాన్ వశం నయేత్ || ౩౩ ||
స్తంభేయత్ శ్వేతకుసుమైర్నీలైరుచ్చాటయేద్రిపూన్ |
మరిచైర్విద్వేషణాయ లవంగైర్వ్యాధినాశనే || ౩౪ ||
సువాసినీర్బ్రాహ్మణాన్ వా భోజయేద్యస్తు నామభిః |
యశ్చ పుష్పైః ఫలైర్వాపి పూజయేత్ ప్రతినామభిః || ౩౫ ||
చక్రరాజేఽథవాన్యత్ర స వసేచ్ఛ్రీపురే చిరమ్ |
యః సదా వర్తయన్నాస్తే నామాష్టశతముత్తమమ్ |
తస్య శ్రీలలితా రాజ్ఞీ ప్రసన్నా వాంఛితప్రదా || ౩౬ ||
ఇతి శ్రీత్రిపురారహస్యే మాహాత్మ్యఖండే షడ్వింశోఽధ్యాయే దత్తాత్రేయ ప్రోక్త సౌభాగ్యాష్టోత్తరశతనామ స్తోత్రమ్ |
మరిన్ని శ్రీ లలితా స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
