Sri Lalitha Stotram (Brahmaadi Krutam) – ஶ்ரீ லலிதா ஸ்தோத்ரம் (ப்³ரஹ்மாதி³ க்ருதம்)

ஸ்தோத்ரநிதி → ஶ்ரீ லலிதா ஸ்தோத்திரங்கள் → ஶ்ரீ லலிதா ஸ்தோத்ரம் (ப்³ரஹ்மாதி³ க்ருதம்)

ப்³ரஹ்மாத்³யா ஊசு꞉ ।
நமோ நமஸ்தே ஜக³தே³கநாதே²
நமோ நம꞉ ஶ்ரீத்ரிபுராபி⁴தா⁴நே ।
நமோ நமோ ப⁴ண்ட³மஹாஸுரக்⁴நே
நமோ(அ)ஸ்து காமேஶ்வரி வாமகேஶி ॥ 1 ॥

சிந்தாமணே சிந்திததா³நத³க்ஷே-
-(அ)சிந்த்யே சிதா³காரதரங்க³மாலே ।
சித்ராம்ப³ரே சித்ரஜக³த்ப்ரஸூதே
சித்ராக்²ய நித்யாபி⁴க³தே நமஸ்தே ॥ 2 ॥

மோக்ஷப்ரதே³ முக்³த⁴ஶஶாங்கசூடே³
முக்³த⁴ஸ்மிதே மோஹவிபே⁴த³த³க்ஷே ।
முத்³ரேஶ்வரீசர்சிதராஜதந்த்ரே
முத்³ராப்ரியே தே³வி நமோ நமஸ்தே ॥ 3 ॥

க்ரூராந்த⁴கத்⁴வம்ஸிநி கோமளாங்கே³
கோபேஷு காளீ தநுமாத³தா⁴நே ।
க்ரோடா³நநாபாலித ஸைந்யசக்ரே
க்ரோடீ³க்ருதாஶேஷத³யே நமஸ்தே ॥ 4 ॥

ஷட³ங்க³தே³வீ பரிவாரகு³ப்தே
ஷட³ங்க³யுக்தஶ்ருதிவாக்யம்ருக்³யே ।
ஷட்சக்ரஸம்ஸ்தே² ச ஷடூ³ர்மிஹந்த்ரி
ஷட்³பா⁴வரூபே லலிதே நமஸ்தே ॥ 5 ॥

காமேஶ்வரீமுக்²யஸமஸ்தநித்யா
காந்தாஸநாந்தே கமலாயதாக்ஷி ।
காமப்ரதே³ காமிநி காமஶம்போ⁴꞉
காம்யே கலாநாமதி⁴பே நமஸ்தே ॥ 6 ॥

தி³வ்யௌக⁴ ஸித்³தௌ⁴க⁴ நரௌக⁴ரூபே
தி³வ்யே தி³நாதீ⁴ஶ ஸஹஸ்ரகாந்தே ।
தே³தீ³ப்யமாநே த³யயா ஸநாதே²
தே³வாதி³தே³வப்ரமதே³ நமஸ்தே ॥ 7 ॥

ஸதா³ணிமாத்³யஷ்டகஸேவநீயே
ஸதா³ஶிவாத்மோஜ்ஜ்வலமஞ்சவாஸே ।
ஸௌம்யே ஸதே³காயநபாத³பூஜ்யே
ஸவித்ரி லோகஸ்ய நமோ நமஸ்தே ॥ 8 ॥

ப்³ராஹ்மீமுகை²ர்மாத்ருக³ணைர்நிஷேவ்யே
ப்³ரஹ்மப்ரியே ப்³ராஹ்மணப³ந்த⁴ஹந்த்ரி ।
ப்³ரஹ்மாம்ருதஸ்ரோதஸி ராஜஹம்ஸி
ப்³ரஹ்மேஶ்வரி ஶ்ரீலலிதே நமஸ்தே ॥ 9 ॥

ஸங்க்ஷோபி⁴ணீ முக்²யஸமஸ்தமுத்³ரா-
-ஸம்ஸேவிதே ஸம்ஸரணப்ரஹந்த்ரி ।
ஸம்ஸாரளீலாகரி ஸாரஸாக்ஷி
ஸதா³ நமஸ்தே லலிதே(அ)தி⁴நாதே² ॥ 10 ॥

நித்யாகலாஷோட³ஶகேந காமா-
-கர்ஷிண்யதி⁴ஶ்ரீப்ரமதே²ந ஸேவ்யே ।
நித்யே நிராதங்கத³யாப்ரபஞ்சே
நீலாலகஶ்ரேணி நமோ நமஸ்தே ॥ 11 ॥

அநங்க³புஷ்பாதி³பி⁴ருந்நதா³பி⁴-
-ரநங்க³தே³வீபி⁴ரஜஸ்ரஸேவ்யே ।
அப⁴வ்யஹந்த்ர்யக்ஷரராஶிரூபே
ஹதாரிவர்கே³ லலிதே நமஸ்தே ॥ 12 ॥

ஸங்க்ஷோபி⁴ணீமுக்²யசதுர்த³ஶார்சி-
-ர்மாலாவ்ருதோதா³ர மஹாப்ரதீ³ப்தே ।
ஆத்மாநமாபி³ப்⁴ரதி விப்⁴ரமாட்⁴யே
ஶுப்⁴ராஶ்ரயே ஶுத்³த⁴பதே³ நமஸ்தே ॥ 13 ॥

ஸஸர்வஸித்³த்⁴யாதி³கஶக்திப்³ருந்த்³யே
ஸர்வஜ்ஞவிஜ்ஞாதபதா³ரவிந்தே³ ।
ஸர்வாதி⁴கே ஸர்வக³தே ஸமஸ்த-
-ஸித்³தி⁴ப்ரதே³ ஶ்ரீலலிதே நமஸ்தே ॥ 14 ॥

ஸர்வஜ்ஞதாயுக்ப்ரத²மாபி⁴ரந்ய-
-தே³வீபி⁴ரப்யாஶ்ரித சக்ரபூ⁴மே ।
ஸர்வாமராகாங்க்ஷிதபூரயித்ரி
ஸர்வஸ்ய லோகஸ்ய ஸவித்ரி பாஹி ॥ 15 ॥

வந்தே³ வஶிந்யாதி³கவாக்³விபூ⁴தே
வர்தி⁴ஷ்ணுசக்ரத்³யுதிவாஹவாஹே ।
ப³லாஹக ஶ்யாமகசே வசோப்³தே⁴
வரப்ரதே³ ஸுந்த³ரி பாஹி விஶ்வம் ॥ 16 ॥

பா³ணாதி³தி³வ்யாயுத⁴ஸார்வபௌ⁴மே
ப⁴ண்டா³ஸுராநீகவநாந்ததா³வே ।
அத்யுக்³ரதேஜோஜ்ஜ்வலிதாம்பு³ராஶே
ப்ராபல்யமாநே பரிதோ நமஸ்தே ॥ 17 ॥

காமேஶி வஜ்ரேஶி ப⁴கே³ஶிரூபே
கல்யே கலே காலவிளோபத³க்ஷே ।
கதா²வஶேஷீக்ருததை³த்யஸைந்யே
காமேஶகாந்தே கமலே நமஸ்தே ॥ 18 ॥

பி³ந்து³ஸ்தி²தே பி³ந்து³கலைகரூபே
ப்³ரஹ்மாத்மிகே ப்³ரும்ஹிதசித்ப்ரகாஶே ।
ப்³ருஹத்குசாம்போ⁴க³விளோலஹாரே
ப்³ருஹத்ப்ரபா⁴வே வரதே³ நமஸ்தே ॥ 19 ॥

காமேஶ்வரோத்ஸங்க³ஸதா³நிவாஸே
காலாத்மிகே கந்த³ளிதாநுகம்பே ।
கல்பாவஸாநோத்தி²த காளிரூபே
காமப்ரதே³ கல்பலதே நமஸ்தே ॥ 20 ॥

ஸர்வாருணே ஸாந்த்³ரஸுதா⁴ம்ஶுஸீதே
ஸாரங்க³ஶாபா³க்ஷி ஸரோஜவக்த்ரே ।
ஸாரஸ்யஸாரஸ்ய ஸதை³கபூ⁴மே
ஸமஸ்த வித்³யேஶ்வரி ஸந்நதிஸ்தே ॥ 21 ॥

இதி ப்³ரஹ்மாதி³க்ருத ஶ்ரீ லலிதா ஸ்தோத்ரம் ।

---

மேலும் ஶ்ரீ லலிதா ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.