Read in తెలుగు / ಕನ್ನಡ / தமிழ் / देवनागरी / English (IAST)
ಆನಂದಯಿತ್ರಿ ಪರಮೇಶ್ವರಿ ವೇದಗರ್ಭೇ
ಮಾತಃ ಪುರಂದರಪುರಾಂತರಲಬ್ಧನೇತ್ರೇ |
ಲಕ್ಷ್ಮೀಮಶೇಷಜಗತಾಂ ಪರಿಭಾವಯಂತಃ
ಸಂತೋ ಭಜಂತಿ ಭವತೀಂ ಧನದೇಶಲಬ್ಧ್ಯೈ || ೧ ||
ಲಜ್ಜಾನುಗಾಂ ವಿಮಲವಿದ್ರುಮಕಾಂತಿಕಾಂತಾಂ
ಕಾಂತಾನುರಾಗರಸಿಕಾಃ ಪರಮೇಶ್ವರಿ ತ್ವಾಮ್ |
ಯೇ ಭಾವಯಂತಿ ಮನಸಾ ಮನುಜಾಸ್ತ ಏತೇ
ಸೀಮಂತಿನೀಭಿರನಿಶಂ ಪರಿಭಾವ್ಯಮಾನಾಃ || ೨ ||
ಮಾಯಾಮಯೀಂ ನಿಖಿಲಪಾತಕಕೋಟಿಕೂಟ-
-ವಿದ್ರಾವಿಣೀಂ ಭೃಶಮಸಂಶಯಿನೋ ಭಜಂತಿ |
ತ್ವಾಂ ಪದ್ಮಸುಂದರತನುಂ ತರುಣಾರುಣಾಸ್ಯಾಂ
ಪಾಶಾಂಕುಶಾಭಯವರಾದ್ಯಕರಾಂ ವರಾಸ್ತ್ರೈಃ || ೩ ||
ತೇ ತರ್ಕಕರ್ಕಶಧಿಯಃ ಶ್ರುತಿಶಾಸ್ತ್ರಶಿಲ್ಪೈ-
-ಶ್ಛಂದೋಽಭಿಶೋಭಿತಮುಖಾಃ ಸಕಲಾಗಮಜ್ಞಾಃ |
ಸರ್ವಜ್ಞಲಬ್ಧವಿಭವಾಃ ಕುಮುದೇಂದುವರ್ಣಾಂ
ಯೇ ವಾಗ್ಭವೇ ಚ ಭವತೀಂ ಪರಿಭಾವಯಂತಿ || ೪ ||
ವಜ್ರಪಣುನ್ನಹೃದಯಾ ಸಮಯದ್ರುಹಸ್ತೇ
ವೈರೋಚನೇ ಮದನಮಂದಿರಗಾಸ್ಯಮಾತಃ |
ಮಾಯಾದ್ವಯಾನುಗತವಿಗ್ರಹಭೂಷಿತಾಽಸಿ
ದಿವ್ಯಾಸ್ತ್ರವಹ್ನಿವನಿತಾನುಗತಾಽಸಿ ಧನ್ಯೇ || ೫ ||
ವೃತ್ತತ್ರಯಾಷ್ಟದಲವಹ್ನಿಪುರಃಸರಸ್ಯ
ಮಾರ್ತಂಡಮಂಡಲಗತಾಂ ಪರಿಭಾವಯಂತಿ |
ಯೇ ವಹ್ನಿಕೂಟಸದೃಶೀಂ ಮಣಿಪೂರಕಾಂತ-
-ಸ್ತೇ ಕಾಲಕಂಟಕವಿಡಂಬನಚಂಚವಃ ಸ್ಯುಃ || ೬ ||
ಕಾಲಾಗರುಭ್ರಮರಚಂದನಕುಂಡಗೋಲ-
-ಖಂಡೈರನಂಗಮದನೋದ್ಭವಮಾದನೀಭಿಃ |
ಸಿಂದೂರಕುಂಕುಮಪಟೀರಹಿಮೈರ್ವಿಧಾಯ
ಸನ್ಮಂಡಲಂ ತದುಪರೀಹ ಯಜೇನ್ಮೃಡಾನೀಮ್ || ೭ ||
ಚಂಚತ್ತಡಿನ್ಮಿಹಿರಕೋಟಿಕರಾಂ ವಿಚೇಲಾ-
-ಮುದ್ಯತ್ಕಬಂಧರುಧಿರಾಂ ದ್ವಿಭುಜಾಂ ತ್ರಿನೇತ್ರಾಮ್ |
ವಾಮೇ ವಿಕೀರ್ಣಕಚಶೀರ್ಷಕರೇ ಪರೇ ತಾ-
-ಮೀಡೇ ಪರಂ ಪರಮಕರ್ತ್ರಿಕಯಾ ಸಮೇತಾಮ್ || ೮ ||
ಕಾಮೇಶ್ವರಾಂಗನಿಲಯಾಂ ಕಲಯಾ ಸುಧಾಂಶೋ-
-ರ್ವಿಭ್ರಾಜಮಾನಹೃದಯಾಮಪರೇ ಸ್ಮರಂತಿ |
ಸುಪ್ತಾಹಿರಾಜಸದೃಶೀಂ ಪರಮೇಶ್ವರಸ್ಥಾಂ
ತ್ವಾಮದ್ರಿರಾಜತನಯೇ ಚ ಸಮಾನಮಾನಾಃ || ೯ ||
ಲಿಂಗತ್ರಯೋಪರಿಗತಾಮಪಿ ವಹ್ನಿಚಕ್ರ-
-ಪೀಠಾನುಗಾಂ ಸರಸಿಜಾಸನಸನ್ನಿವಿಷ್ಟಾಮ್ |
ಸುಪ್ತಾಂ ಪ್ರಬೋಧ್ಯ ಭವತೀಂ ಮನುಜಾ ಗುರೂಕ್ತ-
-ಹುಂಕಾರವಾಯುವಶಿಭಿರ್ಮನಸಾ ಭಜಂತಿ || ೧೦ ||
ಶುಭ್ರಾಸಿ ಶಾಂತಿಕಕಥಾಸು ತಥೈವ ಪೀತಾ
ಸ್ತಂಭೇ ರಿಪೋರಥ ಚ ಶುಭ್ರತರಾಸಿ ಮಾತಃ |
ಉಚ್ಚಾಟನೇಽಪ್ಯಸಿತಕರ್ಮಸುಕರ್ಮಣಿ ತ್ವಂ
ಸಂಸೇವ್ಯಸೇ ಸ್ಫಟಿಕಕಾಂತಿರನಂತಚಾರೇ || ೧೧ ||
ತ್ವಾಮುತ್ಪಲೈರ್ಮಧುಯುತೈರ್ಮಧುನೋಪನೀತೈ-
-ರ್ಗವ್ಯೈಃ ಪಯೋವಿಲುಲಿತೈಃ ಶತಮೇವ ಕುಂಡೇ |
ಸಾಜ್ಯೈಶ್ಚ ತೋಷಯತಿ ಯಃ ಪುರುಷಸ್ತ್ರಿಸಂಧ್ಯಂ
ಷಣ್ಮಾಸತೋ ಭವತಿ ಶಕ್ರಸಮೋ ಹಿ ಭೂಮೌ || ೧೨ ||
ಜಾಗ್ರತ್ಸ್ವಪನ್ನಪಿ ಶಿವೇ ತವ ಮಂತ್ರರಾಜ-
-ಮೇವಂ ವಿಚಿಂತಯತಿ ಯೋ ಮನಸಾ ವಿಧಿಜ್ಞಃ |
ಸಂಸಾರಸಾಗರಸಮೃದ್ಧರಣೇ ವಹಿತ್ರಂ
ಚಿತ್ರಂ ನ ಭೂತಜನನೇಽಪಿ ಜಗತ್ಸು ಪುಂಸಃ || ೧೩ ||
ಇಯಂ ವಿದ್ಯಾ ವಂದ್ಯಾ ಹರಿಹರವಿರಿಂಚಿಪ್ರಭೃತಿಭಿಃ
ಪುರಾರಾತೇರಂತಃ ಪುರಮಿದಮಗಮ್ಯಂ ಪಶುಜನೈಃ |
ಸುಧಾಮಂದಾನಂದೈಃ ಪಶುಪತಿಸಮಾನವ್ಯಸನಿಭಿಃ
ಸುಧಾಸೇವ್ಯೈಃ ಸದ್ಭಿರ್ಗುರುಚರಣಸಂಸಾರಚತುರೈಃ || ೧೪ ||
ಕುಂಡೇ ವಾ ಮಂಡಲೇ ವಾ ಶುಚಿರಥ ಮನುನಾ ಭಾವಯತ್ಯೇವ ಮಂತ್ರೀ
ಸಂಸ್ಥಾಪ್ಯೋಚ್ಚೈರ್ಜುಹೋತಿ ಪ್ರಸವಸುಫಲದೈಃ ಪದ್ಮಪಾಲಾಶಕಾನಾಮ್ |
ಹೈಮಂ ಕ್ಷೀರೈಸ್ತಿಲೈರ್ವಾಂ ಸಮಧುಕಕುಸುಮೈರ್ಮಾಲತೀಬಂಧುಜಾತೀ-
-ಶ್ವೇತೈರಬ್ಧಂ ಸಕಾನಾಮಪಿ ವರಸಮಿಧಾ ಸಂಪದೇ ಸರ್ವಸಿದ್ಧ್ಯೈ || ೧೫ ||
ಅಂಧಃ ಸಾಜ್ಯಂ ಸಮಾಂಸಂ ದಧಿಯುತಮಥವಾ ಯೋಽನ್ವಹಂ ಯಾಮಿನೀನಾಂ
ಮಧ್ಯೇ ದೇವ್ಯೈ ದದಾತಿ ಪ್ರಭವತಿ ಗೃಹಗಾ ಶ್ರೀರಮುಷ್ಯಾವಖಂಡಾ |
ಆಜ್ಯಂ ಮಾಂಸಂ ಸರಕ್ತಂ ತಿಲಯುತಮಥವಾ ತಂಡುಲಂ ಪಾಯಸಂ ವಾ
ಹುತ್ವಾ ಮಾಂಸಂ ತ್ರಿಸಂಧ್ಯಂ ಸ ಭವತಿ ಮನುಜೋ ಭೂತಿಭಿರ್ಭೂತನಾಥಃ || ೧೬ ||
ಇದಂ ದೇವ್ಯಾಃ ಸ್ತೋತ್ರಂ ಪಠತಿ ಮನುಜೋ ಯಸ್ತ್ರಿಸಮಯಂ
ಶುಚಿರ್ಭೂತ್ವಾ ವಿಶ್ವೇ ಭವತಿ ಧನದೋ ವಾಸವಸಮಃ |
ವಶಾ ಭೂಪಾಃ ಕಾಂತಾ ನಿಖಿಲರಿಪುಹಂತುಃ ಸುರಗಣಾ
ಭವಂತ್ಯುಚ್ಚೈರ್ವಾಚೋ ಯದಿಹ ನನು ಮಾಸೈಸ್ತ್ರಿಭಿರಪಿ || ೧೭ ||
ಇತಿ ಶ್ರೀಶಂಕರಾಚಾರ್ಯವಿರಚಿತಃ ಪ್ರಚಂಡಚಂಡಿಕಾಸ್ತವರಾಜಃ ಸಮಾಪ್ತಃ ||
ಇನ್ನಷ್ಟು ದಶಮಹಾವಿದ್ಯಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
