Prachanda Chandika Stavaraja – ப்ரசண்ட³ சண்டி³கா ஸ்தவராஜ꞉ (ஶ்ரீ சி²ந்நமஸ்தா ஸ்தோத்ரம்)

ஸ்தோத்ரநிதி →  த³ஶமஹாவித்³யா ஸ்தோத்திரங்கள் →  ப்ரசண்ட³ சண்டி³கா ஸ்தவராஜ꞉ (ஶ்ரீ சி²ந்நமஸ்தா ஸ்தோத்ரம்)

ஆநந்த³யித்ரி பரமேஶ்வரி வேத³க³ர்பே⁴
மாத꞉ புரந்த³ரபுராந்தரளப்³த⁴நேத்ரே ।
லக்ஷ்மீமஶேஷஜக³தாம் பரிபா⁴வயந்த꞉
ஸந்தோ ப⁴ஜந்தி ப⁴வதீம் த⁴நதே³ஶலப்³த்⁴யை ॥ 1 ॥

லஜ்ஜாநுகா³ம் விமலவித்³ருமகாந்திகாந்தாம்
காந்தாநுராக³ரஸிகா꞉ பரமேஶ்வரி த்வாம் ।
யே பா⁴வயந்தி மநஸா மநுஜாஸ்த ஏதே
ஸீமந்திநீபி⁴ரநிஶம் பரிபா⁴வ்யமாநா꞉ ॥ 2 ॥

மாயாமயீம் நிகி²லபாதககோடிகூட-
-வித்³ராவிணீம் ப்⁴ருஶமஸம்ஶயிநோ ப⁴ஜந்தி ।
த்வாம் பத்³மஸுந்த³ரதநும் தருணாருணாஸ்யாம்
பாஶாங்குஶாப⁴யவராத்³யகராம் வராஸ்த்ரை꞉ ॥ 3 ॥

தே தர்ககர்கஶதி⁴ய꞉ ஶ்ருதிஶாஸ்த்ரஶில்பை-
-ஶ்ச²ந்தோ³(அ)பி⁴ஶோபி⁴தமுகா²꞉ ஸகலாக³மஜ்ஞா꞉ ।
ஸர்வஜ்ஞலப்³த⁴விப⁴வா꞉ குமுதே³ந்து³வர்ணாம்
யே வாக்³ப⁴வே ச ப⁴வதீம் பரிபா⁴வயந்தி ॥ 4 ॥

வஜ்ரபணுந்நஹ்ருத³யா ஸமயத்³ருஹஸ்தே
வைரோசநே மத³நமந்தி³ரகா³ஸ்யமாத꞉ ।
மாயாத்³வயாநுக³தவிக்³ரஹபூ⁴ஷிதா(அ)ஸி
தி³வ்யாஸ்த்ரவஹ்நிவநிதாநுக³தா(அ)ஸி த⁴ந்யே ॥ 5 ॥

வ்ருத்தத்ரயாஷ்டத³ளவஹ்நிபுர꞉ஸரஸ்ய
மார்தண்ட³மண்ட³லக³தாம் பரிபா⁴வயந்தி ।
யே வஹ்நிகூடஸத்³ருஶீம் மணிபூரகாந்த-
-ஸ்தே காலகண்டகவிட³ம்ப³நசஞ்சவ꞉ ஸ்யு꞉ ॥ 6 ॥

காலாக³ருப்⁴ரமரசந்த³நகுண்ட³கோ³ள-
-க²ண்டை³ரநங்க³மத³நோத்³ப⁴வமாத³நீபி⁴꞉ ।
ஸிந்தூ³ரகுங்குமபடீரஹிமைர்விதா⁴ய
ஸந்மண்ட³லம் தது³பரீஹ யஜேந்ம்ருடா³நீம் ॥ 7 ॥

சஞ்சத்தடி³ந்மிஹிரகோடிகராம் விசேலா-
-முத்³யத்கப³ந்த⁴ருதி⁴ராம் த்³விபு⁴ஜாம் த்ரிநேத்ராம் ।
வாமே விகீர்ணகசஶீர்ஷகரே பரே தா-
-மீடே³ பரம் பரமகர்த்ரிகயா ஸமேதாம் ॥ 8 ॥

காமேஶ்வராங்க³நிலயாம் கலயா ஸுதா⁴ம்ஶோ-
-ர்விப்⁴ராஜமாநஹ்ருத³யாமபரே ஸ்மரந்தி ।
ஸுப்தாஹிராஜஸத்³ருஶீம் பரமேஶ்வரஸ்தா²ம்
த்வாமத்³ரிராஜதநயே ச ஸமாநமாநா꞉ ॥ 9 ॥

லிங்க³த்ரயோபரிக³தாமபி வஹ்நிசக்ர-
-பீடா²நுகா³ம் ஸரஸிஜாஸநஸந்நிவிஷ்டாம் ।
ஸுப்தாம் ப்ரபோ³த்⁴ய ப⁴வதீம் மநுஜா கு³ரூக்த-
-ஹுங்காரவாயுவஶிபி⁴ர்மநஸா ப⁴ஜந்தி ॥ 10 ॥

ஶுப்⁴ராஸி ஶாந்திககதா²ஸு ததை²வ பீதா
ஸ்தம்பே⁴ ரிபோரத² ச ஶுப்⁴ரதராஸி மாத꞉ ।
உச்சாடநே(அ)ப்யஸிதகர்மஸுகர்மணி த்வம்
ஸம்ஸேவ்யஸே ஸ்ப²டிககாந்திரநந்தசாரே ॥ 11 ॥

த்வாமுத்பலைர்மது⁴யுதைர்மது⁴நோபநீதை-
-ர்க³வ்யை꞉ பயோவிளுலிதை꞉ ஶதமேவ குண்டே³ ।
ஸாஜ்யைஶ்ச தோஷயதி ய꞉ புருஷஸ்த்ரிஸந்த்⁴யம்
ஷண்மாஸதோ ப⁴வதி ஶக்ரஸமோ ஹி பூ⁴மௌ ॥ 12 ॥

ஜாக்³ரத்ஸ்வபந்நபி ஶிவே தவ மந்த்ரராஜ-
-மேவம் விசிந்தயதி யோ மநஸா விதி⁴ஜ்ஞ꞉ ।
ஸம்ஸாரஸாக³ரஸம்ருத்³த⁴ரணே வஹித்ரம்
சித்ரம் ந பூ⁴தஜநநே(அ)பி ஜக³த்ஸு பும்ஸ꞉ ॥ 13 ॥

இயம் வித்³யா வந்த்³யா ஹரிஹரவிரிஞ்சிப்ரப்⁴ருதிபி⁴꞉
புராராதேரந்த꞉ புரமித³மக³ம்யம் பஶுஜநை꞉ ।
ஸுதா⁴மந்தா³நந்தை³꞉ பஶுபதிஸமாநவ்யஸநிபி⁴꞉
ஸுதா⁴ஸேவ்யை꞉ ஸத்³பி⁴ர்கு³ருசரணஸம்ஸாரசதுரை꞉ ॥ 14 ॥

குண்டே³ வா மண்ட³லே வா ஶுசிரத² மநுநா பா⁴வயத்யேவ மந்த்ரீ
ஸம்ஸ்தா²ப்யோச்சைர்ஜுஹோதி ப்ரஸவஸுப²லதை³꞉ பத்³மபாலாஶகாநாம் ।
ஹைமம் க்ஷீரைஸ்திலைர்வாம் ஸமது⁴ககுஸுமைர்மாலதீப³ந்து⁴ஜாதீ-
-ஶ்வேதைரப்³த⁴ம் ஸகாநாமபி வரஸமிதா⁴ ஸம்பதே³ ஸர்வஸித்³த்⁴யை ॥ 15 ॥

அந்த⁴꞉ ஸாஜ்யம் ஸமாம்ஸம் த³தி⁴யுதமத²வா யோ(அ)ந்வஹம் யாமிநீநாம்
மத்⁴யே தே³வ்யை த³தா³தி ப்ரப⁴வதி க்³ருஹகா³ ஶ்ரீரமுஷ்யாவக²ண்டா³ ।
ஆஜ்யம் மாம்ஸம் ஸரக்தம் திலயுதமத²வா தண்டு³லம் பாயஸம் வா
ஹுத்வா மாம்ஸம் த்ரிஸந்த்⁴யம் ஸ ப⁴வதி மநுஜோ பூ⁴திபி⁴ர்பூ⁴தநாத²꞉ ॥ 16 ॥

இத³ம் தே³வ்யா꞉ ஸ்தோத்ரம் பட²தி மநுஜோ யஸ்த்ரிஸமயம்
ஶுசிர்பூ⁴த்வா விஶ்வே ப⁴வதி த⁴நதோ³ வாஸவஸம꞉ ।
வஶா பூ⁴பா꞉ காந்தா நிகி²லரிபுஹந்து꞉ ஸுரக³ணா
ப⁴வந்த்யுச்சைர்வாசோ யதி³ஹ நநு மாஸைஸ்த்ரிபி⁴ரபி ॥ 17 ॥

இதி ஶ்ரீஶங்கராசார்யவிரசித꞉ ப்ரசண்ட³சண்டி³காஸ்தவராஜ꞉ ஸமாப்த꞉ ॥

---

மேலும்  த³ஶமஹாவித்³யா ஸ்தோத்திரங்கள் பார்க்கவும்.

---